متجر أَسْمَىٰ

افتكرت اللوحة وصلتلها مكسورة😭 بس توقعت إنها بتعمل مقلب لما قالت سمسوم في الأول وبعدين لما قالت أسماء اتخضيت

هه دمك خفيف أوي ما تهزريش معايا تاني..

يَا مَالِكِي بِجَمِيلِه وَجمَالِهِ رُوحِي فِدَاك! أحمد شوقي. إعادة كتابة للوحة العزيزة على قلبي، أول لوحة أنفذها وأعرضها في متجر أسمى بحب اللوحة دي أوي، ساعتها كتبتها بخط الرقعة وأنا مكنتش دارسة أي حاجة فيه بس حسيت الجملة مش هتنفع غير بالرقعة، فضلت يومين ساعتها أتدرب على الحروف والاتصالات بتاع الرقعة بدون شرح مع نفسي كدا وفضلت يومين تانيين أتدرب على الجملة علشان تطلع بأجمل شكل وأكثر إتقان، وكنت مصممة أعملها بالرقعة مش الديواني رغم إني متقنة الديواني، بس لإن بحس خط الرقعة من أكتر الخطوط اللي بتنقل المعنى بشكل مباشر بدون أي إضافات لمشاعر تانية، معنى الجملة المكتوبة بشكل بسيط ومباشر، وأعتقد دي فرصة كويسة أقول إن بحب أحمد شوقي أوي وهو شاعري المفضل الرقيق الأمير شوقي بك.. حبوا معايا اللوحة دي بعد إذنكم وقولولي إنها حلوة وجميلة وأمورة وعسولة وانبهروا بيها جدا، محتاجة أسمع عنها كلام حب كتير ها؟ 🐣❤ كمان اللوحة متاحة للاقتناء 🥹❤

بعمل لوحات فنية عظيمة لكل الناس وبإتقان شديد.. الورقة الكرافت اللي كاتباها بأحقر خط ممكن ومعلقاها بدابل فيس قدام مكتبي:

❤❤

خيرُ ما تُزيّن به البيوت.. ذكر الله، ودعاءٌ يفيض بالحب والبركة للوالدين والضيوف 🤍 ​لوحتنا الجديدة صُممت بحب لتجمع بين جمال الخط العربي وعمق هذه الآية العظيمة: {رَّبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا}. لتكون أول ما تقع عليه أعين ضيوفكم، وتملأ المكان بالخير والدعوات الطيبة، لوحة جمعت بين برّ الوالدين، وحفاوة الاستقبال، وبركة المكان 🤍 ​متوفرة الآن في المتجر لتُضيف لبيتكِ (أو بيت من تحبين) روحاً جديدة ونفحات مباركة ✨"

ممكن أسألكم سؤال محرج؟ هو ليه مفيش رجالة بتدخل تقولنا: السلام عليكم مساء الخير أنا مراتي أو خطيبتي بتحب شغلك جدا ف أنا قررت أفرحها وأطلبلها عشر لوحات ومقلمتين من شغلك؟؟ هل الرومانسية ماتت في الحرب؟ ولا الرجالة معندهاش نظر؟ ولا مفيش مرات وخطيبة حد بتحب شغلي؟؟ أصل عامة العيب فيكم يا ف حبايبكم أما لوحاتي يروحي عليها كدا كدا... 🌷

يعني ايه فيه 70 ألف بني أدم وبني آدماية شافوا البوست دا 😶‍🌫 منتهى ال (حضرتك مين وعايز إيه بالظبط) جدا يعني

قولت قبل كدا كتير إني بعمل صحاب مش عملا وكل مرة بحس أد. ايه الموضوع دا بجد😭

خدت بالي بالصدفة النهاردة من ريتش البوست دا، دا كدا أكتر بوست عليه ريأكتس وفيوز من ساعة ما عملت البيدج أنا فاكرة البوك مارك دي كويس، كنت بسلم لوحة لصديقة من أصدقاء أسمى الأعزاء ف طب بنها العزيزة بردو (نوعا ما) ، ف أديت لصاحبة اللوحة بوك مارك زي دي تانية كان مكتوب عليها ومن يتق الله يجعل له مخرجا، وكان معاها صديقتها لما شافت البوك مارك اللي أديتها لصاحبتها أبدت إعجابها الشديد بيها وقالت يا ريتني كنت طلبت كمان وكدا، وأنا لحسن الحظ كان معايا أدواتي وبوك ماركس فاضية ف قولتلها والله لأعملك واحدة ف اختارت الجملة دي وقعدت أكتبهالها ف خلفية مليئة بكلمات الانبهار والإعجاب والكثير من (ياادي الكسوف بقا😂❤) وبعد ما أديتهالها كانت مبسوطة بيها خالص وفضلت تصورها كتير وهي اللي مصورة الصورة القمر دي 🥹 وبسكدا مش عارفة ايه المغزى من دا كله بس افتكرت الموقف وانبسطت خالص وحبيت أحكيه 🥹❤️

صورة مسربة للوحة الجديدة من أسمى وسط زنقة الجراحة 🥲

إنه يحب الخط والشِعر لا يمكن أن يكون شريرا ❤🌷

"اللهم اهدني فيمن هديت، وعافني فيمن عافيت، وتولني فيمن توليت، وبارك لي فيما أعطيت، وقني شرما قضيت، إنه لا يذل من واليت، تباركت ربنا وتعاليت"

وهبني من لدنك توكّل الطير، لأغدو وأروح بيقين الظافر وروّض قلبي على الرضا بما تملكه يداي! 🤍

فيه موضوع عايزة أكلمكم فيه من فترة وكل مرة بنشغل وبنسى، ألا وهو أهمية لوحات الخط العربي ف حياتنا، ومش قصدي من الموضوع تسويق والله يعني مش بتكلم عن لوحات أسمى دلوقتي ولكن لوحات الخط العربي بشكل عام والمكتوب فيها آيات قرآنية بشكل خاص.. الموضوع أكبر بكتير من مجرد ديكور أو سد فراغات حوائط البيت، الموضوع له أبعاد نفسية وثقافية وروحية، وباختصار دي أهم الأسباب من وجهة نظري اللي تخلي لوحات الخط العربي قطع أساسية في البيت مش مجرد ديكور عابر: ١- طاقة الحرف والسكينة الروحية، لإن الخط العربي، خصوصاً لو آيات قرآنية، أدعية، أو حتى حِكم وأبيات شعرية ملهمة، بيبث حالة من الطمأنينة والسكينة في المكان. العين لما تقع بشكل تلقائي وعفوي يومياً على كلمات فيها ذكر أو حكمة، ده بيعمل عملية "تذكير صامت" للقلب والعقل، وبيساعد على تقليل التوتر وشحن طاقة البيت بالإيجابية. ​٢- الفن البصري اللي بيحرك الخيال (visual poetry)، الخط العربي مش مجرد حروف بتتقري، هو "هندسة روحية ظهرت بآلة جسدية". الحرف العربي فيه مرونة وانسيابية غريبة، تخليه لوحة تجريدية قايمة بذاتها. حركة المدّ، والتشابك، والتناغم بين الحروف والسطور بتخلي العين تستمتع بالنظر ليها كفن بصري خالص، حتى قبل ما العقل يستوعب الكلمة المكتوبة. هو فن بيخاطب الوجدان مباشرة. ٣- تعزيز الهوية والارتباط بالجذور ​بيوتنا هي المراية اللي بتعكس احنا مين. وجود الخط العربي في البيت هو إعلان صريح عن الاعتزاز بالهوية، والثقافة، واللغة العربية الغنية. اللوحة دي بتبني جسر تواصل غير مرئي بينك وبين تاريخك وجذورك، وبتدّي للبيت خصوصية وأصالة بتميزه عن أي ستايل ديكور غربي أو مودرن مُعلّب ومكرر. ٤- إضفاء "شخصية" وعمق للمكان ​الديكورات الجاهزة والمطبوعة تجارياً ممكن تكون حلوة، بس غالباً مفيش فيها "روح". أما لوحات الخط العربي —خصوصاً لو مشغولة بإتقان أو فيها لمسة فنية يدوية— فكل نقطة حبر فيها، وكل انحناءة قلم، بتشيل وراها قصة، وشغف، ووقت طويل من التركيز. الحاجات دي بتتنقل لطاقة الغرفة وبتخلي للمكان "شخصية" وهيبة (Presence) واضحة لأي حد يدخل البيت. ٥- فتح باب للحوار والتأمل ​اللوحات دي بتجبر اللي يشوفها إنه يقف، يتأمل، ويحاول يقرأ التكوين (سواء كان ثلث، ديواني، كوفي، أو حر). ده بيخلق مساحة للتأمل الذاتي، ولو عندك ضيوف، اللوحة دي دايماً بتكون "مفتاح للكلام" وبداية لحوار راقي وممتع عن الفن، المعنى، والجمال. ​باختصار: البرواز اللي فيه خط عربي هو حارس للهوية، ومصدر للراحة النفسية، وتحفة فنية بتخاطب الروح قبل العين. هو استثمار في طاقة البيت مش مجرد تأثيث ليه.

اللوحة دي جيالي في الميموري كنت عاملاها من سنة حقيقي من أجمل وأرق اللوحات اللي عملتها ❤

كل التفاصيل فيك تسرق مني الحزن ") ❤

العيدية 🌚❤

"عيد أضحى مبارك! 🐑✨ كل عام وأنتم ومن تحبون بألف خير. نتمنى لكم أياماً مليئة بالبهجة والسلام والجمال."