Musalla App

በሙሰላ መተግበሪያ ያካተትናቸው አዳዲስ ፊቸሮችን ከላይ ይመልከቱ።

አላሁ አክበር! አላሁ አክበር! ላ ኢላሃ ኢለላህ አላሁ አክበር! አላሁ አክበር.... "ተቀበለላሁ ሚና ወሚንኩም ሷሊሐል አዕማል!" (አላህ ከእኛም ከእናንተም መልካም ሥራዎችን ይቀበል!) በድጋሚ እንኳን ለ1447ኛው የዒድ አል-አድሃ በዓል በሰላም፣ በጤና እና በፍቅር አደረሳችሁ። በዓሉን ከቤተሰብዎ እና ከወዳጅ ዘመድዎ ጋር በደስታ ያሳልፉ! ዒድ ሙባረክ! 🎁🐏

🎉 ዒድ ሙባረክ! | ተቀበለላሁ ሚና ወሚንኩም! 🌙🐑 الله أكــبر، الله أكــبر، الله أكــبر، لا إلــه إلا الـلــــه، والـلــه أكــبر، الـلــه أكــبر، ولـلــه الحمــد. እንኳን ለ1447ኛው የዒድ አል-አድሃ (የአረፋ) በዓል በሰላም አደረሳችሁ! አላህ (ሱ.ወ) የሑጃጆችን ሐጅ፣ ጾመኛውን፣ ኡድሂያ አራጁንና መልካም የሰራውን ሁሉ ስራውን ይቀበለው! ይህ የዒድ በዓል፡- ✨ የነብዩላህ ኢብራሂምን (ዐ.ሰ) ታዛዥነት የምንማርበት፤ ✨ በኡድሂያ (እርድ) ድሆችን የምናስደስትበት፣እና ✨ የቤተሰብ ዝምድናን የምናጠናክርበት በዓል ነው። ሙሰላ ቲም ለመላው ሙስሊም ማህበረሰብ የተባረከ፣ የደስታ እና የሰላም በዓል እንዲሆን ይመኛል! ዒድ ሙባረክ! 🎈

🌟የአመቱ ታላቁ ቀን ነገ ነው! አልሀምዱሊላህ! አላህ (ሱ.ወ) በሚሊዮን የሚቆጠሩ ሰዎችን ከእሳት ነጻ የሚያወጣበት ታላቁ የዐረፋ ቀን ነገ (ማክሰኞ) ነው! ለዚህ ድንቅ ቀን ከወዲሁ እንዘጋጅ፡- 1. የጾም ቱሩፋት (በረካ)፡ነገን ለመጾም ከወዲሁ ኒያ እናደርግ የዐረፋን ቀን የጾመ ሰው አላህ የሁለት ዓመት (ያለፈውን እና የሚመጣውን) ወንጀል ይምርለታል! ሱብሀነላህ! 2. በላጩ ዱዓ፡ ነብዩ (ሰ.ዐ.ወ) "ከዱዓዎች ሁሉ በላጩ የዐረፋ ቀን ዱዓ ነው፤እኔ እና ከኔ በፊት ያሉት ነብያቶች ካሉት ሁሉ በላጩ ደግሞ ፤ ላኢላሃ ኢልለሏሁ ወሕደሁ ላሸሪከ ለሁ ፤ ለሁልሙልኩ ወለሁል ሓምዱ ወሑው ዓላ ኩሊ ሸይኢን ቀዲር" የሚለው ነው። ብለዋል። ነገ አላህን ማንኛውንም ነገር ከመጠየቅ ወደኋላ እንዳንል! ለዱንያችንም፣ ለአኼራችንም፣ ለጤናችን ፣ ለትዳራችን፣ ለቤተሰባችን ... ከልብ አልቅሰን እንለምነው ። ማንም የማያውቀውን የልባችንን ስብራት እንንገረው። ለአላህ የሚከብደው ምንም ነገር የለም፤ ስለዚህ ትላልቅ ነገሮችን በሙሉ እንጠይቀው! የትኛውንም ዱዓ እንዳትረሱ ዛሬ ማታ የዱዓ ዝርዝር (ሊስት) ጻፉ! በተለይ ነገ ከዓስር እስከ መግሪብ ያለውን ወርቃማ ሰዓት ለማንም አትስጡ። ክፍል ገብታችሁ፣ በር ዘግታችሁ፣ ስልክ አጥፍታችሁ እጃችሁን ወደ ሰማይ በማንሳት አላህን በግል አናግሩት። "ጌታዬ ሆይ! እኔ ደካማ ነኝ፣ አንተ ግን ሀያል ነህ... ማረኝ!" በሉት። አላህ የነገውን ቀን ጾመው፣ ዱዓቸው ተቀባይነት አግኝቶ ከእሳት ነጻ ከሚወጡት ባሮቹ ያድርገን! አሚን! 🤲

🕋 ለበይከሏሁመ ለበይክ! የአመቱ ታላቁ ቀን ደረሰ! በእነዚህ ቀናት የዓለማችን ልዩ ስፍራ በሆነችው መካ፣ ሚሊዮኖች "ለበይከሏሁመ ለበይክ" እያሉ የሐጅ ስነ-ስርዓትን ለመፈጸም እየተዘጋጁ ነው። በአካል እዚያ መገኘት ባንችልም፣ ልባችን እዚያው ነው! ያልደረስነውን አላህ (ሱ.ወ) በቅርቡ ከሚያስተናግዳቸው እንግዶቹ (ሑጃጆች) እንዲያደርገን፣ ዘንድሮ ለሄዱት ደግሞ ሐጃቸውን "ሐጅ አል-መብሩር" (ተቀባይነት ያለው ሐጅ) እንዲያደርግላቸው ከልብ ዱዓ እናድርግ! 🤲 እኛስ? የአመቱ ታላቁ ቀን ከነገ ወዲያ ነው! የፊታችን ማክሰኞ የዙል-ሒጃ 9ኛ ቀን፣ ማለትም የዐረፋ ቀን ነው! የዐረፋ ቀን አላህ (ሱ.ወ) ባሮቹን ከእሳት ነጻ የሚያወጣበት፣ ዱዓዎች ተቀባይነት የሚያገኙበት፣ እና ዲናችን ሙሉ የሆነበት ታላቅ ቀን ነው! ለዚህ ቀን ከወዲሁ ልዩ ዝግጅት ያስፈልገናል፡- • መጾም (ያለፈውን እና የሚመጣውን የ2 ዓመት ወንጀል ያስምራል) • ዱዓን ማብዛት • ተክቢራ ማብዛት አላህ ቀኑን በአግባቡ ከሚጠቀሙት ያድርገን🤲

🪨 ሸይጧንን መውገር - የውስጥን ፈተና ማሸነፍ ሑጃጆች በሚና የ"ጀመራት" ስነ-ስርዓትን ሲፈጽሙ (ጠጠር ሲወረውሩ) የምናየው፣ አባታችን ነብዩ ኢብራሂም (ዐ.ሰ) ልጃቸውን ሊያርዱ ሲሄዱ ሸይጧን ሊያሳስታቸው በመጣ ጊዜ ጠጠር በመወርወር ያባረሩበትን ታሪክ ለማስታወስ ነው። አባታችን ኢብራሂም ሸይጧንን ጠጠር ወርውረው አባረሩት። የኛስ ሸይጧን? ወደ መስጊድ ስንሄድ፣ ሰደቃ ልንሰጥ ስናስብ፣ ወይም ሱናን ልንተገብር ስንል ሸይጧን "ይቀርብሃል፣ ጊዜ የለህም፣ ሰዎች ምን ይሉሃል" እያለ ያዘናጋናል። የአባታችን ኢብራሂምን ፈለግ በመከተል እኛም በውስጣችን የሚመጣውን የሸይጧን ጉትጎታ በእምነትና በቁርጠኝነት "ጠጠር ወርውረን" (እምቢ ብለን) እናባርረው! አላህ ያግራልን 🤲

"አባቴ ሆይ የታዘዝከውን ስራ!" - የልጁ ታዛዥነት ነብዩ ኢብራሂም (ዐ.ሰ) አላህ ያዘዛቸውን ለልጃቸው ለእስማዒል ሲነግሩት፣ የልጁ ምላሽ እጅግ አስገራሚ ነበር! "ለምን?" ብሎ አልጠየቀም፤ አልተቆጣም፤ ለመሸሽም አልሞከረም። ይልቁንም "አባቴ ሆይ የታዘዝከውን ስራ፤ አላህ ቢሻ ከታጋሾቹ ሆኜ ታገኘኛለህ" በማለት አስደናቂ ታዛዥነትን አሳየ! የእስማዒልን ታሪክ ስናወሳ፣ ለወላጆቻችን ያለንን ክብርና ታዛዥነት ራሳችንን እንጠይቅ። ወላጆቻችን የሚያዙን ወደ መልካም ነገር ሆኖ ሳለ ስንቶቻችን ነን "እሺ" ብለን በታዛዥነት የምንቀበለው? አላህ የወላጆቻችንን ሐቅ የምንወጣ ያድርገን! 🤲

 ታላቁ ፈተና - በጣም የምንወደውን ለአላህ መስጠት ነብዩ ኢብራሂም (ዐ.ሰ) በእርጅና ዘመናቸው ያገኙትን፣ ብቸኛ እና እጅግ የሚወዱትን ልጃቸውን (እስማዒልን) እንዲያርዱ በሕልም ታዘዙ። የአላህ ነብያት ሕልም ደግሞ ራዕይ (ወህይ) ነው። ይህ ፈተና በታሪክ ውስጥ ከታዩት ፈተናዎች እጅግ ከባዱ ነበር! ኢብራሂም ግን የልባቸው ቁራጭ የሆነውን ልጃቸውን ለአላህ ትዕዛዝ ሲሉ አሳልፈው ለመስጠት አላመነቱም። እኛ ልጃችንን እንድናርድ አልታዘዝንም። ነገር ግን አላህን ለማስደሰት ስንል የትኛውን የምንወደውን ነገር (ምቾታችንን፣ መጥፎ ጓደኛን፣ የተከለከለ ፍላጎትን) መስዋዕት አድርገናል? ሁላችንም አላህ ይቀበለን 🤲

💧ጥረት እና እምነት - (የሶፋ እና መርዋ ትምህርት) ህጻኑ እስማዒል በውሃ ጥም ሲያለቅስ፣ እናታችን ሀጀር ዝም ብላ አልተቀመጠችም። ውሃ ለመፈለግ በሶፋ እና መርዋ ተራራዎች መካከል ሰባት ጊዜ ተመላለሰች (ሮጠች)። አላህም ጥረቷን ተመልክቶ በህጻኑ እስማዒል እግር ስር ልዩ የሆነውን የዘምዘም ውሃን አፈለቀላት! ተወኩል ማለት ቁጭ ብሎ መጠበቅ ማለት አይደለም። አላህን ማመን እና የራስን ጥረት (ሰበብ) ማድረስን ይጠይቃል። ሀጀር ሰበብ አደረሰች፣ አላህ ደግሞ ተዓምር ሰጣት! ሁላችንም ለዱኒያም ሆነ ለአኼራ ስኬታችን የራሳችንን ጥረት እናድርግ! አላህ ተዓምሩን ያሳየን! 🤲

🏜 ታላቁ መመካት - የእናታችን ሀጀር ታሪክ የዙል-ሒጃ ቀናት እና የሐጅ ስነ-ስርዓቶች የነብዩላህ ኢብራሂም (ዐ.ሰ) እና የቤተሰባቸውን ታላቅ መስዋዕትነት የምናስታውስባቸው ቀናት ናቸው። ነብዩ ኢብራሂም ባለቤታቸውን ሀጀርን እና ህጻኑን እስማዒልን ሰውም ሆነ ውሃ በሌለበት በረሃ (መካ) ትተዋቸው እንዲሄዱ በአላህ ታዘዙ። እናታችን ሀጀርም "ይህን እንድታደርግ አላህ አዞሃልን?" ብላ ጠየቀች። "አዎ" ሲሏት፣ "እንግዲያውስ አላህ እኛን መቼም አይጥለንም!" በማለት አስገራሚ የሆነ እምነቷን አሳየች። እንደ እናታችን ሀጀር በአላህ ላይ ሙሉ ተወኩል ይኑረን፤እርሱ መቼም አይጥለንም!

የተረሳውን ሱና ህያው እናድርግ! የዙል-ሒጃ አስርት ቀናት የዚክር ቀናት ናቸው! ሰሃባዎቹ ኢብኑ ዑመር እና አቡ ሁረይራ (ረ.ዐ) በእነዚህ ቀናት ወደ ገበያ ሲወጡ ድምጻቸውን ከፍ አድርገው ተክቢራ ይሉ ነበር፤ ሰዎቹም አብረዋቸው ተክቢራ ያደርጉ ነበር። በመንገድ ላይ፣ በቤታችን፣ በስራ ቦታችን ይህንን እንበል፡- "አላሁ አክበር፣ አላሁ አክበር፣ ላ ኢላሃ ኢለላህ፣ ወላሁ አክበር፣ አላሁ አክበር፣ ወሊላሂል ሐምድ!

🌟 ከአለም ቀናት ሁሉ በላጮቹ ቀናት ነገ ይጀምራሉ። እነዚህ 10 ቀናት አላህ (ሱ.ወ) በቁርኣን የማለባቸው ታላላቅ ቀናት ናቸው። የረመዳን የመጨረሻዎቹ 10 ሌሊቶች በአመት ውስጥ በላጭ ሲሆኑ፣ የዙል-ሒጃ የመጀመሪያዎቹ 10 ቀናት ደግሞ ከቀናት ሁሉ በላጭ ናቸው! ከነገ ጀምሮ ጾም፣ ቁርኣን፣ ሰደቃ እና ዚክር እናብዛ! አላህ ከሚጠቀሙት ያድርገን!

⏳ ወደ በላጮቹ 10 ቀናት መግቢያ ላይ ነን! ከአመቱ ቀናት ሁሉ ታላቅ ወደሆኑት የዙል-ሒጃ (የሐጅ ወር) የመጀመሪያዎቹ 10 ቀናት ልንገባ የ ቀናት ዕድሜ ብቻ ቀርቶናል! አሁን የምንገኝበት የተከበረው የዙል-ቂዕዳ ወር ማሳረጊያ ላይ ነው። በዚህ ሰዓት በሚሊዮን የሚቆጠሩ ምዕመናን ከየአለማቱ ወደ ተከበረችው መካ ጉዟቸውን ጀምሯል። አካላችን እዚያ መገኘት ባይችልም፣ ልባችን እና ዱዓችን ግን ከእነርሱ ጋር ነው! 🕋✨ ረመዳን ሲመጣ ቤታችንን እና ልባችንን እንደምናጸዳው ሁሉ፣ ለእነዚህ "ወርቃማ 10 ቀናት" ዝግጅት አላህ (ሱ.ወ) ካከበራቸው ወራት ውስጥ ነንና ከወንጀል ርቀን በኢስቲግፋር (ምህረትን በመጠየቅ) እንቀበላቸው! አላህ ሆይ! ያንን የተከበረ ቤት ለመዘየር፣ በካዕባ ዙሪያ ጠዋፍ ለማድረግ፣ በዐረፋ ተራራ ላይ መቆመን በቅርቡ ወፍቀን! አሚን 🤲

🎉 Bayyinah TV Subscription Giveaway Round 3! 🎉 Do you want to understand the Quran deeply and learn Arabic? We are giving away a FREE 3-month Bayyinah TV subscription to three people! This opportunity is prepared only for those who genuinely seek knowledge. To enter, send us a message with the following: * How do you plan to utilize a 3-month Bayyinah subscription to deepen your understanding of the Quran and Arabic language? Deadline: April 03, 2026 Send it here: @ContactMusalla

🌟 የአንድ ሙሉ ዓመት የጾም አጅር ማግኛ የረመዳን ወር አልፎ የዒድ በዓልን በደስታ አሳልፈናል፤ አልሀምዱሊላህ! አሁን ደግሞ ሌላ ታላቅ እድል ከፊታችን አለ። እሱም የሻዋልን 6 ቀናት መጾም ነው! 6ቱን ቀናት በተከታታይ ወይም በሻዋል ወር ውስጥ ከፋፍሎ (በተለያዩ ቀናት) መጾም ይቻላል። የሻዋልን ጾም መቼ ለመጀመር አሰባችሁ? አላህ መልካም ስራችንን ሁሉ ይቀበለን! 🤲

አላሁ አክበር! አላሁ አክበር! ላ ኢላሃ ኢለላህ አላሁ አክበር! አላሁ አክበር.... "ተቀበለላሁ ሚና ወሚንኩም ሷሊሐል አዕማል!" (አላህ ከእኛም ከእናንተም መልካም ሥራዎችን ይቀበል!) በድጋሚ እንኳን ለ1447ኛው የዒድ አል-ፊጥር በዓል በሰላም፣ በጤና እና በፍቅር አደረሳችሁ። በዓሉን ከቤተሰብዎ እና ከወዳጅ ዘመድዎ ጋር በደስታ ያሳልፉ! ዒድ ሙባረክ! 🎁🎈

🌙 ስንብት እና ተክቢራ! አላሁ አክበር! አላሁ አክበር! ላ ኢላሃ ኢለላህ... 30 የረመዳን ቀናትን ጾመን፣ አልቅሰን፣ ዱዓ አድርገን እነሆ አጠናቀቅን። ልባችን በረመዳን መሄድ ቢያዝንም፣ አላህ ባዘጋጀልን የኢድ በዓል ደግሞ እንደሰታለን! ከአሁኑ ሰዓት ጀምሮ እስከ ኢድ ሶላት ድረስ "ተክቢራ" ማድረጋችንን (አላህን ማላቅ) አናቋርጥ። ጌታችን ሆይ! ጾማችንን፣ ሶላታችንን እና ዱዓችንን ተቀበለን! 🎉 ዒድ ሙባረክ! | Eid Mubarak! 🌙✨

🌅 የመጨረሻው የረመዳን ቀን! (ቁጥሩን መሙላት) ጨረቃ ባለመታየቷ ምክንያት፣ ነገ የ1447 ዓ.ሂ ረመዳን 30ኛ እና የመጨረሻ ቀን መሆኑ ተረጋግጧል። አላህ (ﷻ) በቁርኣኑ "...ቁጥሩንም ልትሞሉ..." እንዳለው፣ ይህንን የተከበረ ወር በነገው እለት በጾም አጠናቀን እንሰናበታለን። በዚህች የመጨረሻ ቀን ውስጥ ሆነን እስካሁን የሰራነውን ኢባዳ አላህ እንዲቀበለን፣ በስንፍና ያሳለፍነውን ጊዜ ደግሞ እንዲምረን ከልብ ዱዓ እናድርግ። አላህ ጾማቸውን ከተቀበላቸው ባሮቹ ያድርገን! አሚን!🤲

🏁 የመጨረሻዋ የጎዶሎ ሌሊት - አትዘናጉ! ዛሬ የረመዳን 29ኛ ሌሊት ናት! አንዳንዶቻችን ደክሞን ሊሆን ይችላል፤ ነገር ግን "ሥራዎች የሚመዘኑት በፍጻሜያቸው ነው ወሩ ሊያልቅ ነው ብለን አንዘናጋ። እስከ መጨረሻው ሰከንድ በኢባዳ እንበርታ።

🌾 የጾማችን ማጥሪያ - ዘካተል ፊጥር! ረመዳን ሊያልቅ ቀናት ብቻ ቀሩት! ጾማችንን ከማናውቀው ስህተትና ከማይረባ ንግግር የሚያጠራልን ዘካተል ፊጥር ነው። በተጨማሪም በኢድ ቀን ድሆች እንዳይራቡ ያደርጋል። ዘካተል ፊጥርን አውጥታችኋል? ከኢድ ሶላት በፊት መድረስ ስላለበት፣ ከወዲሁ የቤተሰባችንን እናውጣ !🌾