NOM

အမေရိကန်နဲ့ အစ္စရေးတို့ရဲ့ တိုက်ခိုက်မှုကြောင့် ကင်ဆာရောဂါကုဆေး၊ မေ့ဆေးနဲ့ အထူးရောဂါကုဆေးတွေ ထုတ်လုပ်ပေးနေတဲ့ အီရန်ရဲ့ အဓိက ဆေးဝါးကုမ္ပဏီကြီးတစ်ခု ပျက်စီးသွားပြီး ဆေးထုတ်လုပ်မှုပိုင်းမှာ အတော်လေး ထိခိုက်သွားပါတယ်။ အီရန်ဟာ နိုင်ငံတကာရဲ့ စီးပွားရေးပိတ်ဆို့မှုတွေကြောင့် အရေးကြီးတဲ့ ဆေးဝါးတွေကို ကိုယ်တိုင်ထုတ်လုပ်နေရတာပါ။ NOM

ယူအေအီး (UAE) ကမ်းလွန်မှာ တိုက်ခိုက်ခံခဲ့ရတဲ့ ကူဝိတ်နိုင်ငံပိုင် အယ်လ် ဆလ်မီ "Al Salmi" သင်္ဘောကြီး။ NOM

“ကိုယ်တိုင် ဘယ်လိုတိုက်ခိုက်ရမလဲဆိုတာကို စတင်လေ့လာထားကြတော့၊ အမေရိကန်ပြည်ထောင်စုက မင်းကို ကူညီဖို့ မရှိတော့ဘူး၊ ငါတို့အတွက် မင်း မရှိခဲ့သလိုမျိုးပေါ့” ထရမ့်က သူ့ရဲ့ ဆိုရှယ်မီဒီယာမှာ ရေးသားထားခဲ့တာပါ။ အမေရိကန်ကို စစ်ရေးအကူအညီပေးဖို့ ငြင်းဆန်ခဲ့တဲ့ နိုင်ငံတွေကို သတိပေးခဲ့တာဖြစ်တယ်လို့ APA က ဖော်ပြခဲ့ပါတယ်။ ဒါ့အပြင် နိုင်ငံတွေအနေနဲ့လည်း နံပါတ်တစ်အနေနဲ့ အမေရိကန်ဆီကနေ ရေနံဝယ်ယူမလား၊ နံပါတ်နှစ်အဖြစ် ဟော်မုဒ်ဇ်ရေလက်ကြားကို သွားပြီး ရေနံယူမလားဆိုတာကိုလည်း ရွေးချယ်ရမယ်လို့လည်း ပြောဆိုခဲ့ပါသေးတယ်။ News Of Myanmar NOM

အင်ဒိုနီးရှားနဲ့ ပူးတွဲစစ်ရေးလေ့ကျင့်မှုတွေ လုပ်ဆောင်သွားမယ့် ရုရှားရေတပ်သင်္ဘောတွေဟာ ဂျာကာတာမှာ ဆိုက်ကပ်ခဲ့ပြီလို့ သိရပါတယ်။ ရေငုပ်သင်္ဘောတစင်းအပါအဝင် ရုရှားရေတပ်ရဲ့ ယူနစ်တခုက ဒီနေ့မှာ ဆိုက်ကပ်ခဲ့ပြီး ရေတပ်ဆိုင်ရာ စစ်ရေးလေ့ကျင့်မှုတွေကို ပူးတွဲလုပ်ဆောင်သွားမှာ ဖြစ်ပါတယ်။ News Of Myanmar NOM

အီရန်က မနေ့ညက အစ္စဖာဟန် (Isfahan) မြို့မှာ MQ-9 ဒရုန်းနှစ်စင်းကို ပစ်ချလိုက်ပါတယ်။ အဲဒီဒရုန်း တစ်စင်းချင်းစီရဲ့ တန်ဖိုးဟာ အမေရိကန်ဒေါ်လာ သန်း ၃၀ ခန့် ရှိပါတယ်။ NOM

ဥရောပတွင် လေယာဉ်ဆီစျေး သုံးဆတက် အီရန်စစ်ပွဲနှင့် ဟော်မုဇ်ရေလက်ကြား ပိတ်ဆို့မှုကြောင့် ဥရောပရှိ ဂျက်လေယာဉ်ဆီသည်ယမန်နှစ် စျေးထက်သုံးဆတက်လာသည်။ NOM

🚨 အစ္စရေးမီဒီယာတွေရဲ့ ဖော်ပြချက်အရ ဟိုင်ဖာမြို့မှာရှိတဲ့ ရမ်ဘမ် (Rambam) ဆေးရုံတစ်ခုတည်းတင် အခုချိန်ထိ ဒဏ်ရာရထားတဲ့ အစ္စရေးစစ်သား ၅၀ ကျော် ရောက်ရှိလာတယ်လို့ သိရပါတယ်။ ၂၀၂၆ ခုနှစ်၊ မတ်လနှောင်းပိုင်းမှာ အစ္စရေးနဲ့ ဟစ်ဇ်ဘိုလာ/အီရန်တို့ကြား တိုက်ပွဲတွေ ပိုမိုပြင်းထန်လာနေပါတယ်။ ဟိုင်ဖာ (Haifa) မြို့မှာရှိတဲ့ ရမ်ဘမ်ဆေးရုံဟာ အစ္စရေးမြောက်ပိုင်းက ဒဏ်ရာရစစ်သားတွေကို အဓိက ကုသပေးနေတဲ့ နေရာဖြစ်ပါတယ်။ မတ်လ ၃၁ ရက် (ယနေ့) သတင်းများအရ လက်ဘနွန်တောင်ပိုင်း တိုက်ပွဲများတွင် အစ္စရေးစစ်သားအချို့ ထပ်မံသေဆုံးမှုများ ရှိနေကြောင်း သိရပါတယ်။ NOM

နယူးယောက်ပို့စ် (NYP) သတင်းအရ အသက် ၂၅ နှစ်အရွယ် သမ္မတဟောင်းဘိုင်ဒန်ရဲ့ ဝန်ထမ်းဟောင်း နေရှင်ဝုဒ် (Nation Wood) ဟာ ရေချိုးခန်းထဲမှာ သူ့ရဲ့ချစ်သူကို မတော်တဆ သေနတ်ပစ်မိခဲ့လို့ "လူသေမှု" နဲ့ တရားစွဲဆိုခံထားရပါတယ်။ NOM

ဂါဇာစစ်ပွဲအစောပိုင်းမှာ လမစေ့ဘဲ မွေးဖွားခဲ့တဲ့ ကလေးငယ်တွေကို အီဂျစ်ဆီ ပြောင်းရွှေ့ပေးခဲ့ပြီးနောက် အခုအခါမှာ ကလေး ၈ ဦးက အီဂျစ်ကနေ ပြန်လာနိုင်ခဲ့ပြီး မိသားစုဆွေမျိုးတွေနဲ့ ဆုံစည်းခဲ့ကြပါပြီ။ ၂၀၂၃ နိုဝင်ဘာမှာ တိုက်ပွဲတွေပြင်းထန်နေချိန် ဂါဇာမှာရှိတဲ့ ရှီဖာဆေးရုံကနေ ပြင်းပြင်းထန်ထန် ဖျားနာနေတဲ့ မွေးကင်းစကလေးငယ် ၃၀ ကျော်ကို ပြောင်းရွှေ့ပေးခဲ့တာပါ။ အခုအခါမှာ သမီးဖြစ်သူနဲ့ မိခင်က ၂ နှစ်ကျော်ကြာ ဝေးကွာနေခဲ့ပြီး ပြန်ဆုံဆည်းနိုင်ခဲ့ပါတယ်။ ဘီဆန်လို့ အမည်ရတဲ့ သမီးကို စောင့်ဆိုင်းနေတဲ့ မိခင်ဖြစ်သူက သမီးအသက်ရှင်နေသေးတယ်ဆိုတဲ့ မျှော်လင့်ချက်နဲ့ နေထိုင်ခဲ့ရပြီး ရှီဖာဆေးရုံမှာ ကလေးငယ်တွေ သေဆုံးခဲ့တယ်လို့ သတင်းတွေကြားခဲ့ရပြီး သမီးဖြစ်သူ အသက်ရှင်ဖို့အတွက် ဓါတ်ပုံတွေကိုကြည့်ပြီး ခွဲခြားခဲ့ရတယ်လို့ ဖွင့်ဟခဲ့ပါတယ်။ သူမရဲ့ သမီးဟာ အီဂျစ်မှာ အသက်ရှင်လျက်နဲ့ ရှိနေခဲ့ပြီး အခုအခါမှာ ပြန်ဆုံဆည်းနိုင်ခဲ့တာပါ။ သမီးဖြစ်သူ မွေးပြီးပြီးချင်း ပန်းရောင်လက်ကောက်လေး ဝတ်ပေးခဲ့ကာ အဆိုပါလက်ကောက်ကိုကြည့်ပြီး ခွဲခြားနိုင်ခဲ့တယ်လို့လည်း သူမက ပြောဆိုခဲ့ပါတယ်။ News Of Myanmar NOM

အီရန်ကို တိုက်ခိုက်မှုတွေမှာ ပါဝင်နေတဲ့ အမေရိကန်လေယာဉ်တွေအတွက် လေပိုင်နက်ကို ပိတ်ပင်လိုက်တယ်လို့ စပိန်ကာကွယ်ရေးဝန်ကြီး Margarita Robles က ပြောဆိုခဲ့ပါတယ်။ “အီရန်စစ်ပွဲနဲ့ ဆက်စပ်နေတဲ့ ဘယ်လုပ်ရပ်အတွက်မဆို Moron နဲ့ Rota စစ်အခြေစိုက်စခန်းတွေကို အသုံးပြုခွင့်မပေးပါ” လို့ သူမက ပြောဆိုခဲ့ပြီး အမေရိကန်အစိုးရကိုလည်း အရင်ကတည်းက ရှင်းရှင်းလင်းလင်း ပြောဆိုထားပြီးဖြစ်တယ်လို့ ထပ်လောင်းပြောဆိုခဲ့ပါတယ်။ News Of Myanmar NOM

အီရန်အား တိုက်ခိုက်မှုမတိုင်မီ စစ်ရေးဆိုင်ရာ ရန်ပုံငွေများ ဝယ်ယူရန် စစ်ဝန်ကြီး ဟက်ဂ်ဆက်သ်၏ ပွဲစားက ကြိုးပမ်းခဲ့ကြောင်း FT သတင်းဌာနဖော်ပြ အီရန်အား တိုက်ခိုက်မှု မဖြစ်ပွားခင်လေးမှာပဲ အမေရိကန် စစ်ဝန်ကြီး (Secretary of War) ဟက်ဂ်ဆက်သ် (Hegseth) ရဲ့ ပွဲစားဟာ ကာကွယ်ရေးဆိုင်ရာ ရန်ပုံငွေတွေကို ဝယ်ယူဖို့ ကြိုးစားခဲ့တယ်လို့ ဖိုင်နန်ရှယ်တိုင်းမ် (Financial Times - FT) သတင်းဌာနက ဖော်ပြလိုက်ပါတယ်။ ဒေါ်လာသန်းပေါင်းများစွာ ရင်းနှီးမြှုပ်နှံဖို့အတွက် ဘလက်ရော့ခ် (BlackRock) ရင်းနှီးမြှုပ်နှံမှု ကုမ္ပဏီကို ချဉ်းကပ်ခဲ့ပေမဲ့ အကောင်အထည်ဖော်ခြင်းတော့ မရှိခဲ့ပါဘူး။ ဒီသတင်းနဲ့ပတ်သက်ပြီး ပင်တဂွန် (Pentagon) စစ်ဌာနချုပ် ပြောရေးဆိုခွင့်ရှိသူ ရှောင်ပါနဲလ် (Sean Parnell) ကတော့ ဒီသတင်းဟာ "မှားယွင်းနေတယ်" လို့ ငြင်းဆိုလိုက်ပြီး သတင်းကို ပြန်လည်ရုပ်သိမ်းပေးဖို့ တောင်းဆိုထားပါတယ်။ NOM

🚨 ဟော်မုဇ်ရေလက်ကြားကို စီမံခန့်ခွဲမည့် စီမံချက်ကို အတည်ပြုလိုက် ကြောင်း အီရန်အမျိုးသားလုံခြုံရေးကော်မရှင် အဖွဲ့ဝင်တစ်ဦး ပြောကြား အီရန်နိုင်ငံရဲ့ အမျိုးသားလုံခြုံရေးကော်မရှင် (National Security Commission) အဖွဲ့ဝင်တစ်ဦးက ဟော်မုဇ်ရေလက်ကြား ကို စီမံခန့်ခွဲမယ့် စီမံချက်တစ်ခုကို အတည်ပြုလိုက်ပြီလို့ ကြေညာခဲ့ပါတယ်။ အဲဒီစီမံချက်ရဲ့ အဓိကအချက်တွေကတော့ - * ရေလက်ကြားအတွင်း လုံခြုံရေးအစီအမံတွေကို တိုးမြှင့်ဆောင်ရွက်ရန်။ * သင်္ဘောတွေအတွက် ဘေးကင်းလုံခြုံရေးဆိုင်ရာ လုပ်ထုံးလုပ်နည်းများ ချမှတ်ရန်။ * ပတ်ဝန်းကျင်ထိန်းသိမ်းရေးဆိုင်ရာ ထည့်သွင်းစဉ်းစားမှုများ။ * ဘဏ္ဍာရေးနှင့် အခကြေးငွေဆိုင်ရာ စည်းမျဉ်းစည်းကမ်းများ။ * အမေရိကန်နှင့် အစ္စရေး သင်္ဘောများ ဖြတ်သန်းသွားလာခွင့် ပိတ်ပင်ရန်။ * အီရန်ရဲ့ အချုပ်အခြာအာဏာနဲ့ လက်နက်ကိုင်တပ်ဖွဲ့တွေရဲ့ အခန်းကဏ္ဍကို ပိုမိုခိုင်မာအောင် လုပ်ဆောင်ရန်။ * ဥပဒေရေးရာမူဘောင်များအတွက် အိုမန် (Oman) နိုင်ငံနဲ့ ပူးပေါင်းဆောင်ရွက်ရန်။ * အီရန်အပေါ် တစ်ဖက်သတ် ပိတ်ဆို့အရေးယူမှုတွေ လုပ်ဆောင်နေတဲ့ နိုင်ငံတွေရဲ့ ဖြတ်သန်းခွင့်ကို ကန့်သတ်ရန်။ NOM

အမေရိကန်နိုင်ငံ ကယ်လီဖိုးနီးယားရှိ Whole Foods စျေးဝယ်စင်တာတွင် အမျိုးသားတစ်ဦးက ၎င်း၏ လိင်အင်္ဂါဖြင့် အမျိုးသမီးစျေးဝယ်သူ၏ နားကို ပွတ်တိုက်ခဲ့မှုဖြစ်ပွား ကယ်လီဖိုးနီးယား (California) ပြည်နယ်ရှိ ဟိုးလ်ဖုဒ်စ် (Whole Foods) စျေးဝယ်စင်တာမှာ အမျိုးသားတစ်ဦးဟာ အမျိုးသမီးစျေးဝယ်သူတစ်ဦးရဲ့ နားကို သူ့ရဲ့ လိင်အင်္ဂါနဲ့ လာရောက်ပွတ်တိုက်ခဲ့ပါတယ်။ အဲဒီအမျိုးသားဟာ လက်ထဲမှာ လက်ကိုင်ဖုန်းတစ်လုံးကိုလည်း ကိုင်ထားပြီး အဆိုပါစော်ကားမှုကို "ဗီဒီယိုမှတ်တမ်းတင်ဖို့ ဖြစ်နိုင်ခြေရှိတယ်" လို့ ယူဆရပါတယ်။ NOM

အီရန်အလယ်ပိုင်း အစ္စဖာဟန်မြို့ကို အမေရိကန်နဲ့ အစ္စရေးတို့ တိုက်ခိုက်မှုအတွင်း ကျောင်းသား ၉ ဦးနဲ့ ဆရာ ၁ ဦး သေဆုံး အီရန်နိုင်ငံအလယ်ပိုင်းက အစ္စဖာဟန် (Isfahan) မြို့ကို အမေရိကန်နဲ့ အစ္စရေးတို့ရဲ့ ကျူးကျော်တိုက်ခိုက်မှုကြောင့် ကျောင်းသား ၉ ဦးနဲ့ ဆရာ ၁ ဦးတို့ အသက်ဆုံးရှုံး ခဲ့ရပါတယ်။ NOM

အာရပ်နိုင်ငံတွေအနေနဲ့ စစ်ရေးအသုံးစရိတ်တွေကို ကူညီကျခံပေးဖို့ သမ္မတ ထရမ့် တိုက်တွန်းလိုကြောင်း အိမ်ဖြူတော်ပြောရေးဆိုခွင့်ရှိသူ လီဗစ် ပြောကြား အာရပ်နိုင်ငံတွေအနေနဲ့ စစ်ရေးဆိုင်ရာ ကုန်ကျစရိတ်တွေကို မျှဝေကျခံပေးဖို့ တိုက်တွန်းလိုကြောင်း အိမ်ဖြူတော် သတင်းပြန်ကြားရေးအတွင်းဝန် လိဗစ် (Leavitt) က ပြောကြားလိုက်ပါတယ်။ NOM

🚨 ဒူဘိုင်းကမ်းလွန်တွင် တိုက်ခိုက်ခံရသည့် ရေနံတင်သင်္ဘောကြီးမှာ ကူဝိတ်ပိုင် အယ်လ်ဆာလ်မီ Al-Salmi ဖြစ်ကြောင်း အတည်ပြု ဒူဘိုင်း ကမ်းလွန်မှာ တိုက်ခိုက်ခံရတဲ့ ရေနံတင်သင်္ဘောဟာ အယ်လ်ဆာလ်မီ (Al-Salmi) ဖြစ်တယ်လို့ သိရပါတယ်။ သူက အလွန်ကြီးမားတဲ့ ရေနံတင်သင်္ဘောကြီး (VLCC) အမျိုးအစားဖြစ်ပြီး အလျား ၃၃၃ မီတာရှိကာ တန်ချိန် ၃၁၉,၆၆၀ အထိ တင်ဆောင်နိုင်စွမ်းရှိပါတယ်။ ဒီသင်္ဘောကို ကူဝိတ်ရေနံကော်ပိုရေးရှင်း (Kuwait Petroleum Corporation) ရဲ့ လက်အောက်ခံကုမ္ပဏီဖြစ်တဲ့ ကူဝိတ် ရေနံတင်သင်္ဘောကုမ္ပဏီ (Kuwait Oil Tanker Company) က မောင်းနှင်လုပ်ကိုင်နေတာပါ။ တိုက်ခိုက်ခံရချိန်မှာ သင်္ဘောပေါ်မှာ ရေနံတွေ အပြည့်တင်ဆောင်ထားတာဖြစ်ပြီး သင်္ဘောရဲ့ ညာဘက်အခြမ်း (Starboard) မှာ မီးလောင်မှုဖြစ်ပွားခဲ့ပါတယ်။ ဒါ့အပြင် ပတ်ဝန်းကျင်ရေပြင်ထဲကို ရေနံတွေ ယိုစိမ့်ထွက်လာနိုင်ခြေလည်း ရှိနေပါတယ်။ ကမ္ဘာ့အကြီးဆုံး ရေနံတင်သင်္ဘောကြီးတွေထဲက တစ်စီးဖြစ်တဲ့ ဒီသင်္ဘောဟာ ဒူဘိုင်းကမ်းလွန် ၃၁ ရေမိုင်အကွာမှာ မီးလောင်နေဆဲ ဖြစ်ပါတယ်။ ဒီကြေညာချက်ထွက်ပေါ်လာပြီးနောက်မှာတော့ အမေရိကန်ရဲ့ ရေနံစိမ်းကြိုတင်ရောင်းဝယ်မှု ဈေးနှုန်းတွေဟာ ၃ ဒေါ်လာကျော် မြင့်တက်သွားပြီး တစ်စည်ကို ၁၀၅.၉၁ ဒေါ်လာအထိ စံချိန်တင် မြင့်တက်သွားခဲ့ပါတယ်။ NOM

ယူအေအီးနိုင်ငံ၊ ရှာဂျာမြို့ရှိ ဆက်သွယ်ရေးကုမ္ပဏီ ဒရုန်းဖြင့် တိုက်ခိုက်ခံရ ယူအေအီးနိုင်ငံ၊ ရှာဂျာ (Sharjah) မြို့မှာရှိတဲ့ သူရယာ (Thuraya) ဆက်သွယ်ရေးကုမ္ပဏီရဲ့ ရုံးချုပ်အဆောက်အအုံဟာ ဒရုန်းနဲ့ တိုက်ခိုက်ခြင်း ခံခဲ့ရပါတယ်။ သတင်းရင်းမြစ် - တက်စနင်း NOM

အီရတ်နိုင်ငံ၊ ဆူလေမန်နီယာရှိ အမေရိကန်တက္ကသိုလ် တိုက်ခိုက်ခံရ 🤔 အီရတ်နိုင်ငံ၊ ဆူလေမန်နီယာ (Sulaymaniyah) မြို့ရှိ အမေရိကန် တက္ကသိုလ် (American University) တိုက်ခိုက်ခံခဲ့ရကြောင်း အီရတ်သတင်းရင်းမြစ်များက ဖော်ပြထားသည်။ အယ်လ်အာဟတ် ဧရာတ် (Al-Ahed Iraq) သတင်းဌာနက အဆိုပါတိုက်ခိုက်မှုနှင့် သက်ဆိုင်သည်ဆိုသော ဗီဒီယိုဖိုင်တစ်ခုကို ထုတ်ပြန် ထားသည်။ သတင်းရင်းမြစ် - တက်စနင်း NOM

ဘင်္ဂလားဒေ့ရှ် စွမ်းအင်အကျပ်အတည်းကြောင့် လျှပ်စစ်ဓာတ်အားဖြတ်တောက်ရန် အမိန့်ထုတ် ဘင်္ဂလားဒေ့ရှ် ပြည်သူ့အုပ်ချုပ်ရေးဝန်ကြီးဌာနသည် မတ်လ ၂၉ ရက်နေ့တွင် လျှပ်စစ်ဓာတ်အားအသုံးပြုမှုဆိုင်ရာ ညွှန်ကြားချက်များ ထုတ်ပြန်ခဲ့ပြီး အရပ်ဘက်ဝန်ထမ်းများအား မီးကို ကန့်သတ်သုံးစွဲရန်၊ အဲယားကွန်းကို ၂၅ ဒီဂရီစင်တီဂရိတ် သို့မဟုတ် ပိုမြင့်သောအပူချိန် တွင် ထားရန်နှင့် ရုံးမှထွက်ခွာသည့် အခါ မီးများကို ပိတ်ရန် အမိန့်ထုတ် ခဲ့သည်။ အရှေ့အလယ်ပိုင်းစစ်ပွဲနှင့် ဆက်စပ်၍ စွမ်းအင်ပြတ်လပ်မှု ပိုမိုနက်ရှိုင်းလာပြီးနောက် ယင်းအစီအမံများ ချမှတ်ခဲ့ခြင်းဖြစ်သည်။ ဘင်္ဂလားဒေ့ရှ်သည် ၎င်း၏ ရေနံနှင့် သဘာဝဓာတ်ငွေ့ လိုအပ်ချက်၏ ၉၅ ရာခိုင်နှုန်းကို ပြည်ပမှတင်သွင်းနေပြီး ပဋိပက္ခကြောင့် ထောက်ပံ့ရေးပြတ်တောက်မှုများကို ခံရနိုင်သည်။ အစိုးရသည် လောင်စာဆီဝယ်ယူမှုကို ကန့်သတ်ခြင်း၊ဓာတ်မြေဩဇာစက်ရုံအများစုတွင် ထုတ်လုပ်မှုကို ရပ်ဆိုင်းထားခြင်းနှင့် ဓာတ်ဆီဆိုင်များတွင် ရဲများ အစောင့်ချခြင်းတို့ လုပ်ဆောင်ထားသည်။ NOM

ဟဇ်ဘိုလာတို့ကအစ္စရေးတင့်ကားများကို ဖျက်ဆီးသည့်မှတ်တမ်းထုတ်ဖော်ပြသ ဟဇ်ဘိုလာတို့သည် လက်ဘနွန်တောင်ပိုင်းကို ကျူးကျော်လာသည့် အစ္စရေးတင့်ကားတပ်ကို ပဲ့ထိန်းတင့်ဖျက်ဒုံးများဖြင့် ပစ်ခတ်တိုက်ခိုက်လျက်ရှိရာ ယခုအချိန်အထိ အစ္စရေး၏ ပင်မတိုက်ပွဲဝင် မာကာဗာတင့်ကား ၇၁ စီးအထိဆုံးရှုံးပြီဖြစ်သည်။ ယခုနှုန်းဖြင့်ဖျက်ဆီးခံနေရပါက မကြာမီတင့်ကားအစီးရေ တစ်ရာကျော်အထိအပျက်အစီးရှိမည်ဟုခန့်မှန်းထားသည်။ NOM