✨✨✨ኮከብ️ ልቦለድ✨✨✨

ስለምወደው ክፍል 16 ✍️ኮኪ ልጅቷን ስትደርሺ ደውይ ብያት ነበር ትንሽ ቆይታ ደወለች። እኔም ወጥቼ ተቀበልኳት እና አንዱ የአቤል ጎረቤትን ቤታቸውን አስፈቅጄ ገባን። ሳያት ቆንጅዬ ናት። ስለ ስራው ትንሽ እንዳወራን አቤኒን ለምን እንዳልመጣ እና ልታገኘው እንደምትፈልግ ነገረችኝ። እኔም ስፈራ ስቸር ቆየሁ እና ልጠራው ልወጣ ስል "ቤቲ ነሻ" አልኳት "አዎ ቤቲ እኮ ነው ስሜ" አለችኝ ዝም ስላት ፊቷ ከሳቅ ተቀይሮ አዝና "ስለኔ ታውቂያለሽ" አለችኝ ስለኔ ና አቤኒ ግንኙነት ሳልነግራት just የስራ አጋር እና ጓደኛ መሆናችንን ነገርኳት እኳት እሷም ስለታሪኳ አቤኒ ካቋረጠው ቀጠለችልኝ። "ያን ቀን አቤኒን ላገኝ ልደውል ወይስ ይቅርብኝ እያልኩ ነበረ መንገድ ላይ የሆነ ሰካራም የጎተተኝ መንገዱ ጭር ብሎ ነበር ልጮህ ስል አፈነኝ ወንድ ነው በዛ ላይ ሰውነቱ ፈርጣማ እየጎተተ ወደ ሰፈራችን ጫካ አስገባኝ እና እና" ቃሉን ሳትጠራ እምባዋ አላቆም አለ ልክ ናት ህይወቷን የቀየረ መጥፎ ጠባሳ ነው "ተይው በቃ ወይ ከጨነቀሽ ማትፈልጊውን ነገር አታስታውሽ" "አይ ችግር የለም በቃ እዛ ተጫውቶብኝ ጥሎኝ ሄደ እኔም እንደምንም አፈር ግጬ ማታ ቤት ሄድኩ እና አንኳኩቼ ራሴን ሳትኩ። ስነቃ የአባቴ ጓደኛ ሆስፒታል ውስጥ ነኝ። ሰውነቴ በጣሞ ስለተጓዳ ለሁለት ሳምንት ራሴን ሳላውቅ መቆየቴን ነገሩኝ። እኔም በሰአቱ አቤኒን ማሰብ አልችልም እና ሳይኮሎጂዬም ተጎድቷል ቤተሰቤ ሰፈር መደፈሬን የሰሙ ብዙ ስላሉ ሰው ሳያውቅም ቢሆን ሲያነሳ ስሰማ እንዳልጎዳ ፈርተው በወሬ ሰፈር ቀየርን ለጎረቤትም ማን እንዳለ ሳናውቅ ሞታለች መባሌን ሲሰሙ ሁሉም ይሁን ብለው ቀየርን እዛም ግን የሳይኮሎጂ አማካሪ ስናጣ ለሁሉም ብለው canada ያለው ወንድሜ ጋር ላኩኝ እዛ ተረጋጋሁ አዲስ አካባቢ መላመድ ሲሆን እየተረጋጋሁ መጣሁ። ሁሉ ሲስተካከል ስለ አቤኒ ማሰብ ጀመርኩ ምን እንደሚሰማው ሳስብ ከፋኝ እንዲ መሆኔንስ ያውቅ ይሆን ይጠላኝ ይሆን ወይስ ጭራሽ ምንም ሳይሰማ ጥዬው እንደሄድኩ ነው ሚያስበው። ከስንት አመት በኋላ መጥቼ ስጠይቅ የኔን ደፋሪ ያስያዘው እሱ መሆኑን ሰማሁ ያኔ እሱን ለማግኘት ቆርጬ ተነሳሂሁ። ከስንት ማፈላለግ በኋላ ነው ያገኘሁት" እኔም ስፈራ ስቸር "ቤቲ በሌላ እንዳታይው ይሄን ካልሰማሽም እኔ እናንተን ለማጣላት አይደለም ግን ደፋሪሽ የአቤኒ የአባቱ ጓደኛ መሆኑን ታውቂያለሻ" ፈገግ ብላ "አዎ አለችኝ" ብዙ ስናወራ ቆየን እና በመጨረሻም ዛሬ በድንገት ከምታገኘው የዛሬ ሳምንት የአቤልና ኤፊ መልስ ገጠር አለ እዛ ሄዳ እኔ እንዳገናኛቸው ተነጋግረን ስልክ ተለዋውጠን ወደ ቤቷ ride ጠርቼ ሸኘኋት። እኔም ከዛ መልስ ማንንም ማየት አስጠልቶኝ የጓደኛዬንም ሰርግ ላለማበልሸት አንድ ሰው ቤት ገብቼ ተኛሁ። ያው እዛው እናድራለን ነው የተባለው ብዙ ሰው ስላለ ጎረቤት ጋር መታደሩ ማይቀር ነው ብዬ ነው። ጠዋት ስነሳ የሆነን ሰው አቅፊያለሁ ብርግግ ብዬ ስነሳ አቤኒ ነው እሱም ነቃ "ለምን አንድ ላይ ተኛን" አልኩት ቆጣ ብዬ "ሌላ ቦታ አልነበረም ወይ እኔ ወይ አንዱ ልጅ እዚህ መተኛት ነበረብን እኔ ተኛሁ" አለኝ ዝም ብዬው ወጣሁ። በቃ ያን ሳምንት እሱን ላለማየት ስሞክር ሳላውቀው አርብ ደረሰ። ቅዳሜ ስለምንሄድ አርብ ልብስ ይዘን እነ ኤፍ ጋር ሆነን ሳለ አቤኒም መጣ እኔም እሱ ሲገባ ወጣሁ። ያኔ ተከትሎኝ ወጣ የነኤፍ ቤተሰቦች ጋር ስለነበርን ጊቢው የነሱ ብቻ ነው ወደ ጎሮ ስሄድ መጣ። "ቆይ ምን ሁነሽ ነው ሁሌ ምትሸሺኝ ምን አደረኩ" አለኝ "ምንም በቃ ከፍቶኝ ሁሉ ነገር አስጠልቶኝ" መቶ አጠገቤ ቁጭ አለ እና "እሺ ለምንድን ነው ስለልጅሽ ያልነገርሺኝ" አለኝ ደነገጥኩ "ማን አልሚ ምን ብላህ ነው" አልኩት ሳቀ እና "እሷንማ ምንም ብላት ላንቺ ቃል ገብቻታ አትነግረኝም ስለልጅሽ ያየሁት የመጀመሪያ ቀን አንቺ ሰክረሽ ቤትሽ የወሰድኩሽ ቀን ነው ግን ስለአባቱ ማንነት ሳላውቅ ብዬ ዝም አልኩ የቤት ምርቃት ያልን ቀን ታዲያ አንቺ እና አቤል የልጅሽን ፎቶ ምን ያህል ልትደብቁት እንደነበረ ሳይ የሱ ልጅ መሰለኝ አሁን ግን ጓደኛሽን ሲያገባ ግራ ገባኝ የኔ ቢሆን ለምን ደበቀችኝ..." "ያንተ አይደለም" "እና የማን ነው"አለኝ እንባዬ ሲመጣ ተነሳሁ እና ልሄድ ስል "ሁሌም ደብቀሽኝ ተስፋ ከሌለ ተስፋ አትስጭኝ ባዶ ምኞትን ይዤ አልኑር እባክሽ ንገሪኝ" "የምን ተስፋ ምንህ ነኝ" "ምህረት እስካሁን ፈርቼ ምንም ሳልልሽ ቆይቻለሁ ግን በቃ አሁን አንቺና አቤል አንድ ላይ ካልሆናቹ ሌላ ተፎካካሪዬ ሳይመጣ ልንገርሽ እወድሻለሁ" ሳኩ ከስንት ጊዜ በኋላ ክትክት ብዬ ሳኩ እና ሬቱ ላይ ቁጢጢ አልኩ ሳቄ አላባራ አለኝ ስንት ዘመናት የናፈቁት ቃል ሲወጣ መስማት እንዴት ያስቃል ሁኔታዬን ሳይ እንዳላብድ ፈራሁ ወደሱ ዞሬ "ልጁ የአቤል ነው ታውቃለህ በጣም እወደው ነበር እሱ ግን አይወደኝም እኔም አስክሬው አብሬው አደርኩ ከዛ አረገዝኩ ግን ሳላውቀው ከጓደኛዬ ጋር ሆነ እኔም የሌላሰው አስመስዬ ወለድኩት ራስ ወዳድ ሆኔ የጓደኛዬን ወንድ እንየተመኘሁ ኖርኩ አሁንም ራሱ እወደዋለሁ እወደዋለሁ" ጮኩ አቤኒን ማይሆን ድንጋይ ላይ ውሀ ማፍሰስ የሆነ ተስፋን ከምሰጠው ከሚስቱ ጋር ባገናኘው አይሻልም እየሳኩ ስዞር ግን ኤፍራታን እና አቤልን በድንጋጤ ደርቀው ቆመው አየኋቸው ያልኩት አምነው አይሆንም መቼስ ስል ኤፍ በጣም ቁጣ ባዘለ ድምፅ አሁኑኑ ክፍሌ ነይ ብላኝ ሄደች ከ#60 like በኋላ ይቀጥላል........ ከወደዱት #share https://t.me/kokebstar