Team النخبة

السلام عليكم💗راح نحطلكم التصحيح النموذجي لجميع المواد لي شاف روحوا قادر يتحكم فروحوا و يشوف باه يعرف وين راه يدور بلا ما يتخلع بزاف يشوف و لي يشوف حيموت فينا بالخلعة و يريح يطلع و يهبط لا مزال ربي طول فعماركم ماتشوفش🌷و ماتخافوش خاوتي من تصحيح نموذجي راهي اجابات بعض التلاميذ تكون إجابات قريبة ومعقولة تُحتسب ان شاء الله تصحيح باه يتحدد اساس و مسار تصحيح موضوع كيفاه يكون و بإذن الله الأساتذة و التصحيح مش حيظلمكم و يمدلكم حقكم و غدوا عاشورة ، صوموا و ادعوا و ربي يلحق كل واحد فيكم وين حاب فيها خير ان شاء الله🤍

🤍حبيت نمدلكم نصيحة لوجه الله فيما يخص تخصصات راجعوا اختياركم لتخصص مليح خاوتي🎀ابحثوا و اقراو كل معلومات عليه قبل ما تخيروه واش حابين خيروا تخصص تفرحوا كي تقراوه و تقدروا تشوفوا فيه روحكم منا على 10 سنين متنساوش واش حتخيروا دوكا حيكون مستقبلكم حتكملوا حياتكم معاه حتى تدوا تقاعد و تولوا كباار 60/55 سنة ( كل واحد و مساروا مي بشكل عام راني نتكلم ) اي اعرفوا تخيروا باه متندموش و ثان شوفوا مميزات و سلبيات كل تخصص و اسكوا تقدروا تتحملوا سلبياتو و اذا يلحقكم للحياة لي حابتها ( ارزاق بيد الله و لكن نحن نأخذ باسباب ) و الأسئلة هنا هي الحلول كل ما سقسيتوا انفوسكم اكثر عرفتوا واش حابين خير و منه اخترتوا التخصص المناسب لكم بشكل افضل♡بالنسبة للي راهم خايفين من معدل نتوما ديروا تخصصين واحد رئيسي و آخر احتياطي ولا و لي فيها خير هاديك هي وفقكم الله🫶🏻🌷

كل دقيقة تجوز من وقتكم سقسوا فيها روحكم واش استفدت منها تعلمت حاجة ؟ فواش تفديني دنيا ولا اخرة ؟ اني نخدم غير على دنيا واخرة نسيتها غاع ؟ واش راني حاب فدنيا هادي و إسكوا واش حاب يتماشى مع افعالي ولا لعكس ، متخلوش وقتكم يضيع هكاك فحاجات تافهة تدخلوا دوروا 2 سوايع فانستا ولا مع لخرة كون تسقسو رواحكم واش كنتوا تشوفوا قبل نص ساعة والله ما تتفكروا انو من موضوع لموضوع تسما اعرفوا فواش تستثمروا وقتكم العمر لي راكم فيه افضل فترة تديروا فيها بزااف حاجات منها لي تفيدك في دينكم و دنيتكم و منها لي تفرحكم انتم و تخلي في مخكم ذكرى مليحة سو اعرفوا تستغلوا كل دقيقة🕊️ ربي يحفظكم و يسدد خاطكم🤍

🤍