مَطلع

شفّافة الاحساس شبيهة النو في وصفك احتاج اقتبس واتأول مخلوقةٍ من طين مثل البشر او أنتي اساساً ماي عذب وتحوّل صوتك يرد الروح ويغير الجو سحابةٍ رحّب مطرها و حوّل وجسمك لو يمر العمر مثل ماهو سبحان من وزّن وعزّل وطوّل الوجه مع الايام يصغر ويحلوّ أول حلو والليله أحلى من أول

أنت يا أبو عين جذابه ومبسم توتي ما عجزت عينك وهي تامر علي وتنهى ! خيرتني غيبتك بين الحياة - وموتي قلت نفسي ودها ترتاح وتطمنها بالوصال اللي يبدل رجفتي بثبوتي وينفض غبار الليالي السود ويزينها ما بقى من كلمة أحبك مكان بصوتي كيف راح أقولها وشعوري أكبر منها ؟

‏من مجتمع نظرته للعيب قبل الحرام ‏جيتك معي نصف دنيا ما معي نصف دين ‏حبيتك أصدق من النزوه و زيف الهيام ‏وشكيت بأن الهوى من قبل أعرفك يقين ‏من ضلع أعوج لكن الحظ معك أستقام ‏العمر مره وأنا عشته معك مرتين

وإن كتبنا عن ضياع العمر ؟ عادي ‏حزننا طفلٍ من اللوعة تمنّى ‏داخلي شاعر من البارح ينادي ‏وأعجبه صوت الصدى بجوفي وغنى

إن ستر هالليل جرحٍ من ستّ سنين عاري كيف يقدر ينصف اللي راح ما كمل كلامه ؟

تلبسين الغيم و أحلامك مدى ‏لو مشيته ما تمنيت الوقوف ‏من يجيب لـ لاهج الدعوة صدى ‏و أنتظر آمين من كل الصفوف ‏الليالي ورد .. و دموعك ندى ‏صارت الدنيا من اللهفة كفوف ‏يا هلا .. و الليل توه ما بدا ‏يالأمان اللي يبدد كل خوف ‏يا خبر .. كمل غرام المبتدأ ‏من يغض الطرف شكله ما يشوف

من عبرت بشاطي عيونك وأنا اللي ما أبالي عارف إني لو نجيت من الغرق لا زلت غارق وين أودي باقي الذكرى إذا طال ارتحالي ؟ ما حسبت حساب قلبك بالمواصل والمفارق منعزل عن كل جرح وكل حزن وراس مالي وجهك اللي في ليالي وحدتي لاقيه شارق قلت أسافر خافت الخطوة وعاتبني ظلالي قلت أببقى ما لقيت لذكرياتي غصن وارق

مع صباح الخير يا وجه السعاده قلّ لي ‏أنتي أجمل بنت في المجموعة الشمسية ‏يا تباشير الصباح المشرق المتجلّي و يا أبتسامة بدو نجد إليّا أمطرت سيلية ‏فيك حلم و فيك علم و فيك نصّي كلّي ‏و فيك حاجاتٍ كثيره ما أعرف وش هيّة

ما صرت أخاف أشتقت لـ الخوف القديم ‏بـ الخوف كنت أحس أكثر بـ الأمان ‏قم ضمّني .. تعبت والله العظيم ‏ما لي مكان أحبّه .. إلا هـ المكان

ضيقة الصدر مرتبطه بوقت الغروب كن شمس النهار تطيح فـ صدورنا

فاتنة قلبي انا فيك مدري ويش اقول ‏خايف اسرف بالغزل وارجع اسرف بالوداع ‏ ‏ لو رضيت فـ تالي الدرب بانصاف الحلول ‏وش يصبرني على البعد ؟ و عيوني جياع ‏اعرف الصدمه من الحب ماعرف الذهول ‏و اعرف ان لك خصر ضيق و لك نجلٍ وساع ‏ ‏فيك ترتاح الاحاسيس .. و تضيع العقول ‏و يلتهي من ضرب روس المجاويخ الشجاع ‏ ‏ليتني مابين معسوله و طرفٍ خجول ‏للعمر عمرٍ إضافي " و لـ الدنيا متاع "

إنت مناتي لو يفيد التمني ‏حبيبي وحياتي وعلتي وداوي ‏ما دريت إني من افعالك مستجني ‏داوني ببوسه يا بعد كل دنياي ‏ثابرت على وصلك ولكنك اتعرفني ‏أعز نفسي وعزة النفس مركاي ‏مدري كيف اعلمك باللي مملكني ‏رح اقرا أول الاحرف وبتعرف بلواي

‏ردي و قولي ارحب لا تقولين الو ‏و اسفهلّي وجودي مثل جود المزن ‏وابشري بالقصيد اللي يحبك ولو ‏أنتي الملهمه والقافيه والوزن ‏واضحكي ضحكتك حلوه و وجهك حلو ‏صدقيني مهوب لايق عليك الحزن

كل ما وجهت نفسي للنظر في نفسي ‏سقتها حتى ولو محدٍ وصل لأحلامه ‏الأمل لو ما عطى الانسان دافع نفسي ‏كان قضّى باقي أيامه يعد أيّامه

أحبّ أحلى مشاويري لـ عينك يا أول العنقود ‏وأعرف إن الصباحات الجميلة تِنخلق منها

‏لا صباح الخير ولا هلا ولا غلا ‏بالعلوم اللي تكدّر مزاجك ياحلو ‏انت لو انّك تبيّن على عيون الملا ‏العرب شدّو على شان شوفك وانزلو ‏لك تفاصيلٍ تغنّي بقلبي من الى ‏كلّ ضحكة مرّت شفاك لي وكلّ الو ‏لك عليّ اني لا ارفرف برايات الولا ‏ماسألت الناس عنها رضو والا ازعلو ‏انت من يصلح عليك الغزل والا فلا ‏وانت من يزهاك مخذ القصايد من علو