CPP_PP Official

ឯកឧត្ដម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ បានចូលរួមក្នុងពិធីសំណេះសំណាលជាមួយសមាជិក សមាជិកាគណបក្សប្រជាជនកម្ពុជាសង្កាត់ទាំង៥ ក្នុងខណ្ឌជ្រោយចង្វារ (សង្កាត់ជ្រោយចង្វារ, សង្កាត់ព្រែកលាប, សង្កាត់ព្រែកតាសេក, សង្កាត់បាខែង និងសង្កាត់កោះដាច់) នាវេលាម៉ោង១៧និង៣០ ថ្ងៃទី២៩ ខែកក្កដា ឆ្នាំ២០២៦នេះ ក្រោមបរិយាកាសរីករាយ ស្និតស្នាលជាទីបំផុត និងបានលើកឡើងថា៖ ១) សូមពាំនាំ ផ្តាំផ្ញើរការសួរសុខទុក្ខ ពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា សមេ្តបវរធិបតី ហ៊ុន ម៉ាណែត អនុប្រធានគណបក្ស និងនាយករដ្ឋមន្រ្តីនៃព្រះរាជាណាចក្រកម្ពុជា សម្តេចភក្តី សាយ ឈុំ អនុប្រធានគណបក្ស និងជាប្រធានក្រុមការងារគណបក្សចុះមូលដ្ឋានរាជធានីភ្នំពេញ និងថ្នាក់ដឹកនាំគណបក្សបក្សគ្រប់លំដាក់ថ្នាក់ ជូនដល់សមាជិក សមាជិកាគណបក្សប្រជាជនកម្ពុជាទាំងអស់ ក្នុងសង្កាត់ទាំង៥ (សង្កាត់ជ្រោយចង្វារ, សង្កាត់ព្រែកលាប, សង្កាត់ព្រែកតាសេក, សង្កាត់បាខែង និងសង្កាត់កោះដាច់) ដោយសេចក្តីនឹករលឹក និងស្រលាញ់រាប់អាន។ ២) មរកតរបស់សម្តេចតេជោប្រធានគណបក្ស និងថ្នាក់ដឹកនាំគណបក្ស គឺបានរំដោះប្រជាតិពីរបបប្រល័យពូជសាសន៍ ចរាចរស្វែងរកសន្តិភាពជូនជាតិ ផ្សះផ្សារទទួលបាននូវឯកភាពជាតិ អភិវឌ្ឍប្រទេសទាំងសេដ្ឋកិច្ច និងហេដ្ឋារចនាសម្ព័ន្ធ ដើម្បីកូនចៅ យុវជនកម្ពុជាជំនាន់ក្រោយ ហើយកំពុងដឹកនាំប្រកបដោយចក្ខុវិស័យវែងឆ្វាយរបស់សម្តេចបវរធិបតីនាយករដ្ឋមន្រ្តី នាំនាវាកម្ពុជាឆ្ពោះទៅកម្ពុជាឆ្នាំ២០៣០ នឹងកម្ពុជាឆ្នាំ២០៥០ ជាប្រទេសអភិវឌ្ឍន៍។ ៣) ឯកឧត្តម ឃួង ស្រេង៖ បានកោតសរសើរ និងវាយតម្លៃខ្ពស់ចំពោះគណបក្សសង្កាត់ទាំង៥ ក្នុងខណ្ឌជ្រោយចង្វារ មន្រ្តីបក្ស សាខាបក្សភូមិ អនុសាខាបក្ស ក្រុមបក្ស សមាជិក សមាជិកាបក្សទាំងអស់ ដែលបានខិតខំប្រឹងប្រែងទាំងកំលាំងកាយ កំលាំងចិត្ត តែងតែយកជ័យជំនះជូនគណបក្សនៅគ្រប់ការបោះឆ្នោតទាំងអស់កន្លងមក។ ៤) ឯកឧត្តម ឃួង ស្រេង៖ បានឯកភាពលើសំណើ របស់សង្កាត់ដែលបានស្នើសុំរួមមាន៖ - សង្កាត់ជ្រោយចង្វារ៖ ផ្តល់ម៉ាស៊ីនបូមទឹក សម្រាប់រំដោះទឹកភ្លៀងក្នុងមូលដ្ឋានសង្កាត់។ - សង្កាត់ព្រែកលាប៖ ផ្តល់ភ្លើងបំភ្លឺផ្លូវលំទន្លេមេគង្គ ចាប់ពីព្រំប្រទល់សង្កាត់ជ្រោយចង្វារ ដល់ស្ពានទី៦ នៃព្រំប្រទល់សង្កាត់បាក់ខែង។ - សង្កាត់ព្រែកតាសេក៖ ផ្តល់ភ្លើងបំភ្លឺផ្លូវ និងផ្លូវប៉េតុងប្រវែង៧៣៣ម៉ែត្រតាមបណ្តោយមាត់ទន្លេ នៃមូលដ្ឋានសង្កាត់។ - សង្កាត់បាខែង៖ ផ្តល់ភ្លើបំភ្លឺផ្លូវពីស្ពានទី៦ ដល់ស្ពានទី៨។ ៥) សូមគណបក្សសង្កាត់​ ខណ្ឌ យកចិត្តទុកដាក់ ចុះសួរសុខទុក្ខជាប្រចាំគ្រួសារកងទ័ពជួរមុខ ដែលកំពុងស្នាក់នៅក្នុងមូលដ្ឋានរបស់ខ្លួន។ ៦) សមាជិក សមាជិកាគណបក្សប្រជាជនកម្ពុជា សកម្មជនគណបក្សរបស់យើង ត្រូវបន្តគាំទ្រដល់រាជរដ្ឋាភិបាលក្នុងការ ដោះស្រាយបញ្ហាជម្លោះព្រំដែនកម្ពុជា-ថៃ ដោយសន្តិវិធី យកច្បាប់អន្តរជាតិ និងដំណោះស្រាយតាមកាទូត មកប្រើប្រាស់ ដើុម្បីការពារអធិបតេយ្យភាពរបស់ព្រះរាជាណាចក្រកម្ពុជា។ ៧) សមាជិក សមាជិកាគណបក្សម្នាក់ ត្រូវតែជាឃោសនិកម្នាក់ ត្រូវនាំមុខគេក្នុងចែករំលែកនូវព័ត៌មានពិត មានប្រភពច្បាស់លាស់ ផ្សាយរាល់សមិទ្ធផលដែលគណបក្សសម្រេចបាន ជាពិសេសការអភិវឌ្ឍនប្រទេសជាតិ នៅក្នុងមូលដ្ឋានរបស់ខ្លួន​ តាមបណ្ាញផ្សព្វផ្សាយសង្គមនានាឱ្យគ្រប់គ្នា។ ៨) គណបក្សសង្កាត់ ត្រូវពិនិត្យជាប់ជាប្រចាំការចិញ្ចឹមចលនា ដឹងទុក្ខធុរៈប្រជាជន សមាជិក សមាជិកាបក្សឱ្យបានល្អប្រសើរ និងបន្តធ្វើអំពើរល្អរវាងគ្នា ដើម្បីសុខដុមរមនាក្នុងមូលដ្ឋាន។ ៩) បន្តពង្រឹងការផ្តល់សេវាជូនប្រជាជនឱ្យបានល្អប្រសើ និងទាន់ចិត្ត គឺធ្វើឱ្យលឿន ធ្វើឱ្យលះ បើស្ទះសុំយោបល់ និងបន្តប្រើប្រាស់ការផ្តល់សេវាតាមយន្តការច្រកចេញចូលតែមួយ របស់សង្កាត់ ដោយតម្លាភាព និងប្រសិទ្ធភាពខ្ពស់។ ១០) សមាជិក សមាជិកាគណបក្សសង្កាត់ សាខាបក្សភូមិ ត្រូវចូលរួមកំចាត់ លុបបំបាត់ឱ្យបានក្រុមឆរបោកតាមបច្ចេកវិទ្យា Online Scam នូវការណ៍ដល់សមត្តកិច្ច នូវមុខសញ្ញាសង្ស័យទាំងឡាយ។ ១១) សូមគណបក្សសង្កាត់បន្តអនុវត្តនូវគោលការរបស់បក្ស គឺរក្សានូវសាមគ្គីភាព រឹតចំណងមិត្តភាព ឯកភាពផ្ទៃក្នុងឱ្យកាន់តែរឹងមាំ និងជាមន្រ្តីគំរូនៅក្នុងមូលដ្ឋាន ហើយបន្តពង្រឹង ពង្រីកសមាជិកបក្ស យកជ័យជំនះជូនគណបក្សប្រជាជនកម្ពុជា គ្រប់ការបោះឆ្នោតតរៀងទៅ...៕ សូមចូលរួមជាមួយបណ្តាញព័ត៌មានសង្គមរបស់ គណបក្សប្រជាជនកម្ពុជារាជធានីភ្នំពេញ តាមរយ link នៅខាងក្រោម៖ 🌐 CPP PHNOM PENH 🌐Telegram 🌐 YouTube 🌐 Tiktok