أَسْمَىٰ

يا رب ميكونش الناس اللي ف بالي وعايزاهم يقولوا وانت كمان معلقالهم رسايل هنا ولا هنا

وحشتووونييي

وأذكركم برؤية كل حسْنٍ ♥

يا جمال أصدقاء أسمى وجمال هداياهم واهتمامهم بتفاصيل الفنانة بتاعتهم 😭♥ الهدية دي تفوز بلقب تاني أفضل هدية تجيلي وأنا بسلم لوحة (أول واحدة كانت مياه زمزم) ♥😭

٢ أكيد؟ عقدك النفسية اللي بتحاول تخبيها فضحتك يا أستاذ!

بسلم لوحة لواحدة النهاردة وبسلم عليها واتكلمنا شوية كدا وعرفت إنها طبيبة نفسية وعرفتها إني ف طب واحنا بنسلم وماشيين قالت لي جملة ما أخدتش بالي منها غير لما روحت بتقولي وإنت خلاص عرفتي بقا، لو احتاجتي أي حاجة ما تتردديش أنا موجودة على طول.. قولتلها أكيد أكيد (مخدتش بالي إنها بتتكلم على الطب النفسي يعني 😭🤣)

أنا لو فكرت أعمل حاجة زي دي في الثلث هيقام عليا الحد

أنا ألّفت اتصال الميم الحاء دا (أكتر حاجة بحبها في الديواني مدينا مساحة للحرية والتأليف والإبداع)

إيه سر إني أمرض أو أتعب أو يحصل لي أي مشاكل عامة بعد كل ما أخلص امتحان والمفروض اليومين اللي أرتاح فيهم 😭

أنا عيانة وحرارتي عالية ومش بقدر أتحرك تقريبا من ساعة ما خلصت امتحان وشوية مشاكل صحية ونفسية أخرى.. بس متجاهلة دا كله وقاعدة أستمتع باليومين اللي مدياهم لنفسي أجازة لإني مصدقت... 👩‍🦯

حكم الأكل والمرعى وقلة الصنعة والفرجة على المسلسلات ٢٤ ساعة.. بحث...

بس أكتر حاجة رخمة إن مش فاضل غير حوالي ٣ شهور على انتهاء صلاحية جملة "لسه ما خدنهاش في الكلية" للرد على الاستشارات الطبية اللي رايحة جاية في الفاضي والمليان

يعني ايه بنخلص خمس سنين طب والله دانا كنت بذاكر أناتومي وهيستولوجي من يومين.. 😭

ناس خلصت فاينال وناس خلصت العملي وناس اتخرجت وناس اتجوزت وناس خلفت طب بنها: خلصنا الميد تيرم حرفيا خلصنا الصعب وفاضل المستحيل...

تم بحمد الله آخر ميد تيرم ف حياتي الجامعية لحد دلوقتي لسه مش مستوعبة إن الرحلة أوشكت على الانتهاء للدرجة دي 😭❤

ملحوظة* بالنسبة لي من زمان أوي = أي حاجة عدى عليها سنة أو أكتر 🤝

رحلة حول غرفتي، الرواية دي قرأتها من زمان أوي ف فترة كنت حزينة ووحيدة، من حين لآخر بتذكر الفترة دي وبقول الحمد لله إني عديت منها، وأحيانا تانية بحس إني لسه فيها ما اتحركتش سنتي واحد بعيد وكل ماعدا ذلك وهم...

مشاريعه، آماله، تخفق باستمرار أمام مصائب الواقع المرتبطة بالطبيعة البشرية، ليس بوسعه تحقيق السعادة... رحلة حول غرفتي.

.

أنا أنقذت الموزة دي النهاردة ♥🐤 هي دي بقا اللحظات اللي الإنسان بينسى فيها كل التعب بتاع الطب مقابل إنه ينقذ حياة موزة ♥