Nactivi

حذاري من ناس لي تقولكم عندنا ثغرة 4Go في اوريدو 😄 كاين واحد الجايح راه يقولهم نبيعلكم بوت بـ1$. حطلهم 2 كابتيرات و قالهم لي حاب يشري يبعث ريدوت باي. • بما انو بزاف متابعينا عندو حبيت نحذركم منو خير مايسرقلكم دراهمكم. مكانش ثغرة و لو كانت كاين رانا حنا نديروها كالعادة 🌝.

رسميا تم إيقاف الثغرة نهائيا 💁🏻‍♂️.

قربنا من انتهاء البوت الحمد لله بقاو شويا Tests 🌚✅. و يسعدني أيضا اعلامكم انو مدام قرب ماي رانا موجدينلكم مفاجئة سارة لجماعة منحة البطالة 😼 راح يكون كاين بوت حجز + سكريبت مراقبة مواعيد في 280 وكالة مفتوح المصدر + تطبيق تاع صديق لنا على جوجل بلاي للحجز و تجديد و بالطبع مفاجئة صغيرة مكانش قناة دارتها من قبل. هاذو كامل باطل ليكم ☺️. نراكم قريبا 🤝😎.

توضيح بخصوص الكلام المتداول. أولاً قبل كل شيئ. مكانش حاجة مضمونة فدنيا هاذي و الضامن هو ربي سبحانو. ثانياً بالنسبة للخطر على الشريحة. نعم كاين خطر و احتمال تتغلق الشريحة اذا حبو. لكن كاين عفسة ولا سر بالاحرى قليل لي يعرفوه أنو الشركة صعيب عليها تغلق كميات كبيرة من الشرائح 😀 تغلق لشخص 2 او 3 بصح مش بالالآف راح يرجع الامر عليهم بالسلب. ثالثا الانسان الوحيد لي في خطر هو الشخص لي يشغل البوت. كما نعرفو لازم تخدم بـip تاعك يعني دير البوت فداركم و بالتالي راح تقدم مكانك الجغرافي و رقم هاتفك ولا مودامك للشركة على طبق من ذهب 😆. كاين حل لي هو البروكسيات لي رانا نخدمو عليهم البوت حاليا. بصح مكانش شخص عادي يقدر عليهم لانهم يستهلكو بزاف دراهم $$$. وقت 6 جيغا خدمنا بيهم و حماو القناة و صاحبها و وفرولكم مام نتوما طبقة من الحماية 🔐 و راح نخدمو بيهم الان تاني 💁🏻‍♂️ البروكسيات مش باطل و نعرف 2 اشخاص برك لي يقدرو يجيبوهم و يقدمو الخدمة لآلاف من الناس بدون مشاكل. ملخص الكلام بيس تاعك عزيزة ماتخدمش بيها خاطش تتغلقلك يتعبوك باش تفتحها. (كلامي هذا اجتهاد شخصي و معلومات مفيدة برك و ليس نصيحة باش تروح دير بوت و تشري بروكسيات.) ✅

نسأل الله أن يثبته 💜🫶🏻. كمل فيها راك هايل

العيب ليس أن تكون حماراً مرة ☝🏻 بل ان تكون حماراً طول حياتك 😆

للأسف ماراحش يكون كاين تطبيق 🙂💔 بعد تنبيه صديق لي. جوجل بلاي يقوم بعرض معلومات المطور لذلك للأسف باش يبقى اسمي خارج الموضوع و تفاديا للمتابعة القضائية ولا أي مشاكل محتملة ماراحش ندير تطبيق ناكتيفي على جوجل بلاي حاليا. لكن راح يكون كاين بوت كالعادة 💁🏻‍♂️💜

مرحبا. تعقيبا على منشور جيزي بزاف ناس يقولولي ديرلنا 2 جيغا كل يوم 😀. كي حوست لقيت كاين ناس راهي تقول نقدرو نديرو 2 جيغا كل يوم و ناكتيفيلك عروض مغرية. حذاري من هاد الحاجة 💁🏻‍♂️ مكانش 2 جيغا كل يوم ولا 3 مرات فسمانة و كامل لي راهم يقولو هكا راهم وحدة من هاذو : 1 - حابين يشيعو بسيف. 2 - حابين يسرقوكم. كاين 2 بوتات على الفيسبوك و تلغرام أوسيم و نوتي بايت. لي صح يفعلو 2 جيغا بدون هدرة زايدة.

♟ *Go ? ✅

صباح الخير 🌝 كما رمضان أنا نجي مرة فالعام 😆. توضيح لي كان لازم نحطو بخصوص أوريدو. أنو بعد مدة من توقفي لتوفير 6 جيغا 🤗 تم أيقاف تشغيل سارفرات Yooz للأبد. و الانتقال لـ My Ooredoo. بعدها تم إزالة MGM بشكل نهائي من My Ooredoo ربما بسبب ناكتيفي او بسبب من الاسباب الي ماتهمناش صراحة اوريدو شركة تهتم بالدراهم حاجة باطل ماراحش تخرجها فالنهاية. و من هنا يبدأ مشوارنا الجديد الهدف ماتغيرش بصح الطريقة راح تتغير. كسر المحدودية حاليا خيار جيد و مفيد للطرفين أوريدو و المستخدم 🤝🏻. - راني نراجع فعرض انستغرام المدفوع و عرض سنابشات المجاني لتوفير 2 كونفيغات طويلة المدى لي تناسبكم و تكون خفيفة فنفس الوقت. (راكم تعرفو كاليتي تاع ناكتيفي). شكرا لكم 👋🏻. • NTX ✅

مرحبا أسف على الغياب 🙋🏻‍♂️. راجع بإذن الله 😄 (تهدا الاوضاع برك خاطش كما راكم تشوفو الحملة الشرسة لي راهي صايرة الان) على كل حال جبتلكم حاجة ممكن تفيد البعض منكم 😅 بوت و قناة صديق لي ينشر مواعيد فيزا فرنسا 🇫🇷. البوت سريع و تصميمو جميل و مجاني (في سبيل الله 💜). القناة : https://t.me/fast_tls اذا معولين ديرو فيزا كاش نهار تبعوه 👀📱 علابالي راح يحطلكم عفايس هايلين 😅

من فضلكم 💜. أصحاب قنوات اليوتيوب و الفيسبوك. معنديش اي رغبة انو ينتشر بوت Nactivi. علابالي حابين تعاونو الناس و كذا. لكن كل مايزيدو الناس كل مانطلع فالساعات تلحق حتان يولي التسجيل مرة فالاسبوع!. لوكان جيت حاب ننشر البوت عندي اصدقاء بصفحات مليونية و ماطلبتش منهم ينشرو البوت. شكرا لدعمكم المستمر. أقدر هذا فعلا.

عادة لا احب التكلم عن هذه الامور 😐. ليس لدينا اي صفحة اخرى على الفيسبوك. صفحتنا الرسمية هي ✅ : https://www.facebook.com/Nactivi

في 3 أشهر فقط 100k متابع و متابعة 🚀🥳 شكرا لكم لجعل Nactivi اكثر من كلمة 🤩. دمتم أوفياء لخدمتنا ✅

📣 لا يوجد التحويل من ديما الى يوز او من غولد الى يوز 🥲. القواعد المسؤولة عن تغيير العرض تم إيقافها و لا نعرف الى متى سيدوم الامر. نتمنى ناس تحبس ماتقول حولولي البيس خاطش ماقدرناش نجاوبوكم بالواحد.

للناس الي جديدة فالتلغرام 😁💜 هاذي الاعدادات لازم ديرها اول بأول لسلامتك و سلامة خصوصيتك ✅ • إخفاء رقم الهاتف. • منع المكالمات للناس. سهلة و مش معقدة و راح تأخذ دقيقة من وقتك 😊💜 حافظو على أنفسكم 🙋🏻‍♂️

تعقيبا على منشور تطيير الحسابات على الفيسبوك. الحل الوحيد باش تحمي حسابك هو انك تربطو بحساب Instagram و لما يغلقوه دير الغاء تفعيل للانستا و عاود فعلو يرجع الحساب تاع الفيسبوك معاه.

مرحبا. بعيد عن التسجيل و الانترنت. توجد ثغرة لإغلاق الحسابات في الفيسبوك على انه متوفي. افيدونا كيفاش راهم يديرو فيها باش نحمو رواحنا 🤔.