Bac 2027 Mode ON 🔥

مبروك عليكم ارقدو منا لنهار النتائج 😭

انتم كملتو الباك و حنا افيشاولنا اليوم... finally admis to 2nd year medicine 😝🔥🔥

🕊️🕊️🕊️🕊️🕊️🕊️🕊️🕊️ جماعة الباك حاليا :

سارة عام جاي كي ميطيحوش مقترحاتها

سارة اقترحي لتاع العام الجاي وزيدي شراح يطيحلي في ecos

طاحت الحتمية جدل

احساسي لي معنديش راه يقلي الحتمية جدل

علابالي راكم تجوزو إن شاء الله يكونو طاحولكم مقترحات 😭

فيزيك موضوع ثاني شعبة علوم تع صح في المتناول لي قرا وحل تمارين بزاف يدي 20 نورمال افكار متعاودة

بااتوفيق ليكم ركزو مليح كلش راكم قاريينه ... غدوا تريحو ان شاء الله ربي يسهلكم ✊🏻

هذي منهجية تع تحليل نص ني شرحتها وهذا ملخص تعها خدمت بيها زوج خطرات في الفصول وديت غاية غاية سما متروحوش بلا بيها مكش لي يكذب عليكم ويقلكم ميمدوش على تحليل نص تتبع منهجية صحيحة وتفهم نص بصحتك فوق 14 وني نهدر على تجربة مش من راسي بالاكم تروحو بلا بيييها وربي يوفقكم

🌸ضكا حل المشكل :(الخاتمة ) ■ نستنتج خاتما مما سبق عرضه انه يمكن القول بأن ( مشكلة صاحب النص ) تتسم بتعدد الخطابات وتعارض الافكار والمواقف فمن جهة ان كان صاحب النص ومؤيديه يعتبرون ان ( ...تكتبو راي صاحب النص ..) فهناك من خالفهم وعارضهم من امثال (...)يقرون ان (...موقف لي جاو ضد صاحب نص بلا شرح ...) وعصارة القول ان (...هنا ديري موقف تركيبي بين الاراء تاعهم ويكون شرح وجييييز خفيف مش بزاف ..) وخلاص هاذ هو تحليل نص متروحوش بلا بيه ني نعاود تضمن فوق عشرة خير من ما تديش كامل وربي يوفقكم ان شاء الله نكون فدتكم متنساوناش بالدعاء برك ❤️

🌸ضكا التحليل : (العرض) يتقسم ل : 🎀موقف صاحب النص (هاذ هو اهم حاجة يروح هاذ طار حمام🥲❤️) ■ يبنى موقف صاحب النص على فكرة اساسية مفادها أن (.....موقف تاعو شرحوه شرح خفيف......)ونلتمس هذا الموقف ويظهر بوضوح في العبارة التالية 《....تكتبوها كيما راهي محطوطة في نص ....》 (موقف صاحب النص مش شرط تلقاوه مع لول قادر مع تالي بصح الاغلب يكون مع الاول مهم قراو نص كامل ممبعد بداو تجاوبو ) 🎀ابراز الحجج : هنا نبداو نجبدو في الحجج تعنا شكلا ونشرحوهم كل وحدة وحدها ■ كما دعم صاحب النص (..اسمو..) موقفه مستندا بسلسلة من الحجج والبراهين تبرز من خلال : ●اولا حجة (...نوع تعها ....) في قوله 《....تكتبو واش راه كاتب ....》 والمقصود منها (...الشرح تعها بأسلوبكم ....) شوفي في ذي نقطة الادبين بزاف يحاسبوهم على نوع الحجة سما اذا معرفتوش نوعها مكالاه تديروها وضك نقلكم كيفاه تعرفوها كاين عندنا 🍁حجة عقلية : تلقاو فيها ادوات الشرط (اذا /فإنه / إما /انما ....)تلقاو تعريف : ... تلقاو يهدرلك على وظائف العقل (تحليل الاستدلال...)ومبادئ العقل ويهدر على حتمية والغاية .... 🍁حجة واقعية : تلقاو يهدر على حاجة مادية ملموسة 🍁حجة تاريخية : تلقاوه يهدر على حاجة متعلقة بالزمن والمكان وتكون في الماضي ... هذو هوما الانواع لي نعرفهم اذا كاين وحدخرين الله اعلم وقلتلكم اذا معرفتوش متكسروش راسكم بزاف نكملو ●درنا حجة الاولى لي راه دايرها الفيلسوف نزيدو زاوجة وثالثة حتى يكملو .. ■بالإضافة الى ذلك نلتمس حجة اخرى(..) على لسانه 《...》ومفادها .... . . . وأخيرا نجد(حجة الاخيرة ) تتجلى في عبارة 《..》 ومعناها ....(شرحها) 🎀ضكا النقد والتقيم هنا نقد هوما الحدود(تنقدو صاحب نص تخرجو كامل السلبيات تاع الحجج تاعو ) وتقيم (هوما مكاسب النص صوالح الايجابية كيشغل ) ■ من خلال عرضنا وتحليلنا لموقف صاحب النص وإبراز الحجج والادلة نتطرق الى تحديد مكاسب النص وحدوده ●نبدأ اولا بتحديد مكاسب النص (التقيم) : فما وفق فيه صاحب النص هو تعريفنا ب (هنا نذكرو الموقف تاعو) ومبرزا ذلك بأدلة قوية وحجج قاطعة ووجهة نظره تشبه الى حد كبير ما دعى اليه كل من (هنا لكنتو عارفين الفلاسفة لي كانو مأيدينو لي كانو في نفس الموقف معاه كتبوهم اذا معرفتوهش مكالاه ) وبذلك قد يكون صاحب النص قد سار على نفس نهج فلاسفة النظرية او الاتجاه (...هذي ثان اذا عرفتوها صحا اذا لا مكالاه..) ●اما بالنسبة الى حدوده (تقيم ) قد يمكن حصرها في الانتقادات التالية : اولا نظرة صاحب النص احادية جزئية ضيقة ركز على (....) واهتم ب (...تهدرو على صوالح الايجابية لي ركز عليهم ...) مهملا تماما ل (.....هنا شوي صوالح من موقف لي كان ضدو ولا .....) بالاضافة الى ذلك نجد ان هناك بعض الفلاسفة خالفو صاحب النص من امثال (...لي كانو ضدو..) ويؤكدون ان (....حجة وحدة ولا زوج ضد موقف تاعو ومتفصلوش فيهم بزاف ....) 🎀ضكا الرأي الشخصي ويليق ديروه في تحليل نص مش كيما الجدل ■ وبالنظر الى هذا الموضوع من زاوية رأيي الشخصي فيتأسس هذا الاخير وما يتسنى لي القول على انه (....رأي تاعكم مهما كان ...) ويبرز ذلك من خلال (...امثلة من عندكم...) وهنا تكونو كملتو التحليل راني حطيتلكم كلش تعمرو غي الفراغات وخلاص 💀 سما من مستحيلات سبع يمدولكم تحت العشرة

🍁تحليل النص : منهجية ني دايتها من كتاب هبة جبابرية ومن شرح تع استاذة القسم و استاذ هواري نشرحهالكم بعض النقاط فيها و ممبعد نحطهالكم مكتوبة □في تحليل النص كاين عندنا مقدمة /تحليل /خاتمة 🌸نبداو بالمقدمة : مقدمة تاع تحليل نص فيها شحال من جزء وكل جزء عليه نقطة تاعو ومقدمة هي مراية تاع تحليل تاعك سما خدموها مسقمة كي يقراها مصحح يعرف راك فاهم ويحطلك نقاطيك ... 🎀حاجة لولا تمهيد عام : هنا كيما الجدل تمهيد خفيف على موضوع تاع النص تكون عندو علاقة بيه ومن احسن ميكونش طوووويل سطر زوج وخلاص متكثروووش ني نعاود متكثروش 🎀ثاني حاجة اسم المبحث لي ينتمي اليه النص : ■ ينتمي النص الذي بين ايدينا ضمن مبحث "المعرفة : لي هو الايبستيمولوجي / القيم " (في مواضيع تاع العلوم كامل يكون مبحث المعرفة وكيما تاع الانا والغير والعنف والتسامح يكون القيم كاين مباحث وحدخرين بصح هاذو لي يطيحو ديما ) 🎀ثالث حاجة لي هي الاشارة الى الموضوع وتعريفه ■ الذي يعالج مشكلة هامة تعلقت بموضوع (......"اسم الموضوع ".....) الذي يعرف على انه (...."تعريف موضوع" ....) 🎀تحديد المشكلة الذي يعالجها النص (سبة لي خلات كاتب يكتب النص تاعو) اكتبو ذي ديركت متكسرو راسكم موالو ■ فأخذت مكانة مرموقة (ني على موضوع)وحظا وافرا من البحث في في تاريخ الفكر الفلسفي قديما وحديثا ،حيث انكب المفكرون على دراستها كل من زاويته الخاصة(هذي جملة مهمة بزاف يليق تكتبوها ) ما ابرز التعارض الواسع والاختلاف الكبير بين تصوراتهم ومواقفهم ، 🎀ضكا نهدرو على كاتب وفكرة لي راه طارحها في نص ونطرحو سؤال ■ كل هاته الظروف (لي هدرت عليهم فوق ) دفعت بصاحب النص( .....الاسم تاعو والتعريف تاعو خطرات يحطولكم تعريف واذا محطوهش مش شرط تعرفوه تكتبو "غربي ولا كان عربيي باين تعرفوه ولا كان من فلاسفة تاع نزعة الحسية مهم على حساب .....) صاحب كتاب (....هنا يكتبولكم خطرات اسم كتاب لي جابوو منو النص ....) ، للدفاع عن فكرة... ولا لإنتقاد فكرة ... ولا لمقارنة ....ولا لعرض افكار حول .... (على حساب النص قادر يكون يقارن بين العلم والفلسفة قادر يمدلك فيلسوف من موقف ثاني في مقالة تاع علم النفس وتلقاه ينتقد في الموقف لول ولا العكس .قادر الفيلسوف يكون مع الموقفين لزوج هذي حرزو منها رواحكم خطرات يكون كيشغل داير تركيب بين الموقفين حرزو رواحكم حررزووووو !!!! ) ،فإنطلاقا من هاته النظرة الفلسفية وجب علينا طرح السؤال الآتي(.....ديرو سؤال من عندكم على موضوع لي راه يتناول فيه الكتاب مثالا هل يوجد اختلاف بين العلم والفلسفة حقا ؟....) قبل منفوت للجزء ثاني قولولي اذا كاين كش حاجة مفهمتوهاش نشرحها مليح ....

معلبليش لراهي مقترحة ولالا بصح اذا راهي مقترحة شوفوها ني شارحتها غاية

🎀 حل المشكل : (خاتمة) خاتمة هي كيشغل نتيجة ولا الاستنتاج لي خرجنا بيها من زوج مواقف (نتيجة نهائية مديروش حجج تاع كش موقف ) ■ ما ننتهي إليه في الأخير هو أن الدراسة التجريبية على الظاهرة النفسية أصبحت واضحة المعالم في الفترة المعاصرة نتيجة تقدم البحوث الأكاديمية والتخصصات المنبثقة منها كعلم النفس السلوكي وعلم النفس التحليلي والمعرفي، إلا أن تحقيق الموضوعية يعد أكبر هاجس يواجه الذات الدارسة، نظرا لعلاقة هذه الأخيرة بالموضوع المدروس، وعليه مازالت الأبحاث جارية للتحسين في هذا الجانب والارتقاء بالظواهر النفسية إلى "علم النفس". هذي ديتها من كتاب هبة جبابرية عجبتني شاملة وكاملة سو هذا مكان ان شاءالله تطييح جدل واذا طاحت استقصاء بدلو غي منهجية وتبداو تخدمو غي بموقف واحد سما مهيش حاجة (ومتروحوش بلا منهجية استقصاء بالااااك والله تندمو) وان شاء الله فهمتو شويا من واش شرحت وتعاونكم ضك شوي ونشرحلكم منهجية تحليل النص كامل

🎀التركيب : في تركيب يكون اما جمع بين الموقفين اما تغليب موقف على الآخر كيشغل تولو مع مواقف لزوج ■ بعد عرضنا للموقفين السابقين الاول القائل ان " لا يمكن تطبيق خطوات المنهج التجريبي على الظاهرة النفسية " والثاني القائل انه " يمكن تطبيق خطوات المنهج عليها " فإنه يمكننا الخروج موقف تركيبي التالي وهو " ان الظواهر النفسية منقسمة الى جزئين جزء يفهم وجزء منها يفسر علميا لكن نتائجه لا تسمى وترقى الى نتائج الفيزياء والعلوم الجامدة الاخرى بالنفس الدقة و يمكن أن تكون الحوادث النفسية موضوعا للدراسة العلمية لكن مع مراعاة خصوصيتها وبالتالي تعتبر علم النفس علما على منواله. فالقول بأن علم النفس لا يمكن أن يتأسس كعلم بدعوى انه يدرس ظواهر تفتقر إلى الشروط الأساسية التي يقوم عليها امر مبالغ فيه والقول ان نتائجه ذات دقة عالية مثيلة لدقة نتائج الفيزياء امر لا يخلو من المغالاه ايضا . مور تركيب كاين رأي شخصي كاين اساتذة مولاوش ياحاسبو عليه واصلا معندوش نقطة في تصحيح نموذجي في باك بصح كاين اساتذة يحاسبو وينقصو كي ميلقاوهش (استاذة لي كانت تقريني قالتنا انا نحاسب عليه ) سما زيدوه متخسرو والو رأي شخصي ابداوه ب " حسب اعتقادي الشخصي ......(تكتبو رايكم في موضوع تجو مع مواقف ولا متجوش معاهم مكاش لي يسالكم )

جماعة الحجج سيت نبسطهم برك باه تشدوهم كان شرحت بزاف تنساو ولا سما نتوما زيدو اشرحو كثر مام امثلة اشرحوهم عندكم الوقتتت !! □ ملاحظة : كي تهدرو متقولوش علم النفس قولو الظاهرة النفسية سيغتو في موقف الاول لخاطر مزال مهوش علم قائم بذاته حتى تقول علم !!! راه ظاهرة ونفس شي في علم التاريخ ...

الموقف الثاني : "يمكن دراسة علم النفس دراسة تجريبية " 🎀 مبدأ العام (نفس الملاحظات لي قتلكم عليهم في موقف الاول ) ■يرى انصار الموقف الثاني انه يمكن تجاوز العوائق وتطبيق خطوات المنهج التجريبي على الظاهرة النفسية ومني مؤيدي هذا الطرح نجد كل من مؤسس مدرسة التحليل النفسي "سيغموند فرويد " ومؤسس المدرسة السلوكية " واطسن "قد بررو موقفهم بالعديد من الحجج والبراهين ابرزها : هنا الحجج حتكون العكس كيشغل ساع قلنا بلي كانت كاينة عوائق في المنهج التجريبي ضكا هذيك العوائق تجاوزناها في كل خطوة من خطواته ... ■حجة 01 : الموضوع النفسي مرئي وقابل للملاحظة ولاو يقدرو يلاحظو من خلال السلوك والتصرفات ●مثال : تجربة المنعكس الشرطي تاع بافلوف هنا في ذي تجربة جابو كلب وماكلة وجرس وجهاز قياس اللعاب على حساب مني عاقلة هنا قبل ميمدو ماكلة للكلب يديرو قرع الجرس في كل مرة ويشوفو بلي يسيل اللعاب تاع الكلب ايا هنا يقترن صوت الجرس بتقديم الطعام كي عاودو دارو قرع الجرس بلا ميمدو الماكلة سال اللعاب سما هنا استجابة مشروطة ●قول واطسون "ان علم النفس كما يرى السلوكي فرع موضوعي تجريبي محض من فروع العلوم طبيعية " ■حجة 02 : يمكن توقع رد الفعل من خلال منبه ●مثال : نظرية التعرف الاجتماعي في هذي النظرية الأفراد يقدرو يتعلموا ويتنبأوا بردود فعل الآخرين من خلال المشاهدة والتعلم من تجاربهم كيما كي يشوف الطفل والديه يضحكو ولا كي يلعب مع لعبة معينة فربما يتعلم أن اللعبة ممتعة ويكون لديه رد فعل إيجابي تجاهها ● قول بول فريس " ليس هناك حقا او واقعا ما يمنع بالقيام بعلم النفس " ■حجة 03 : ولاو يقدرو يعبرو على الظاهرة النفسية بطريقة رياضية ولغة رمزية ●مثال : قياس الشخصية الخماسي هاذ قياس فيه خمسة تاع معاير يقيسو بيهم ( الانفتاح للتجربة /الانسجام / الانفتاح / الاستقرار العاطفي / الودودية ) ايا ويشوفو مدى توافق تاعهم مع هذو ممبعد يخدمو بالاحصائات ويحدو مستوى شخصية خصائص كل فرد مثال وحداخر حساب الذكاء (IQ) ●قانون بيرون ثان " النسيان يزداد بصورة متناسبة مع قوة لوغاريتم الزمن " ■ الحجة 4 : ظاهرة النفسية بعيد كل البعد عن الذاتية ● مثال : تأثير الاجتماعي /التميز اللاوعي (بلا تفكير ) /التعرف السريع... ●قول واطسون " ان الظاهرة النفسية بعيدة كل البعد عن الذاتية فهي موضوعية محضة " ■ الحجة 5: يمكن تطبيق مبدأ الحتمية حيث يمكن معرفة العلل والاسباب التي تؤدي الى نفس النتائج ● مثال : كاين طفلة اسمها annaa ايا كانت عمية بروبلام كان العضو سليم (عينيها) بصح متشوفش ايا كي عرفو الاسباب لقاو بلي سبب كان صدمة تاع وفاة تاع والد تعها ●قول فرويد" يستمد الانا طاقته من الهو وقيوده من الانا الاعلى وعقباته من الوسط الخارجي " كاين ثان لغة الجسد تقدرو تزيدها وتشرحوها كحجة بلي بداو يعرفو ويتوقعو سلوك البشر غير منها 🎀نقد ومناقشة : نجد ان نظرتهم احادية جزئية اهملو العديد من الجوانب حيث نظرية فرويد لا تقبل التعميم لانها تخص المرضى وليس الاشخاص السليمين ونجد انه من الصعب التنبو بالظاهرة النفسية لانها تتعلق بكائن واعي

صاحا 🌸محاولة حل المشكل الموقف الاول : "لا يمكن دراسة علم النفس دراسة تجريبية " □ملاحظة (في المقالات تاع المنهج التجريبي ديما تبداو بالنوقف لي رفضو المنهج التجريبي ممبعد تروحو لزاوج قادر لخاطر منطقيا تكون كاين عوائق ممبعد يلقاولها حلول مش عكس سما بالاكم ميتساهلوش معها الاساتذة ) 🎀اول حاجة ديرو مبدأ عام تاع الموقف (على واش راح يهدر وانصار لي فيه ...) ■ يرى بعض الباحثين وفلاسفة هذا الموقف ان تطبيق خطوات المنهج التجريبي على الظواهر النفسية تعترضها عدة صعوبات وعوائق ومن انصار هذا الطرح نجد كل من الفلاسفة علماء المادة الجامدة(اوغست كونت .جون ستيوارث .ادموند هوسرل ....) قد بررو موقفهم بالعديد من الحجج والبراهين اللازمة ومن بينها نجد : (من احسن تكتبو اصل الفيلسوف اذا كنتو عارفينو ولا نزعة تاعو باه تبانو خشان وكامل 😂🦦 /فيلسوف الانجليزي الفرنسي ... /ذو النزعة ../صاحب المدرسة/ مؤسس علم ...)(وثانيك من احسن قلت من الاحسن تكتبو غي فلاسفة لي راح تشرحو الحجج تعهم وتكتبو اقوال تاعهم مش شرط بصح هكا تكون مقالة منظمة ) 🎀ضكا الحجج شوفو في الحجج باه تسهلوها على رواحكم في مقالات لي فيهم المنهج التجريبي تعرفو خطوات تاعو (ملاحظة فرضية تجربة قانون ) ديرو في بالكم في كل خطوة تقدرو تخرجو منها حجة وتضمنو المقالة مش شرط تعرفو كامل الحجج نبداو بالحجج مراحش نشرحهم نمدلكم فكرة عامة ونتوما حطوهم في المسودة وابداو تشرحو في كل وحدة بأسلوبكم سما كل حجة ربع اسطر ولا ثلاثة تخدمو مقالة برفكتو ■حجة 01 : عائق الملاحظة : ضكا نفسية الانسان نقدرو نلاحظوها ؟ مستحيل نقدرو نشوفوها لا (لا مرئية) سما يتعذر ملاحظة الذات لذاتها سما تتعذر علينا اول تطبيق اول خطوة في منهج التجريبي ●مثال : حزن شخص ما /الاصابة بالاكتئاب ....(اشرحوهم عمرو ورقة يكفيكم الوقت ) ●قول اوغست كانت "مثل النفس التي تريد معرفة نفسها كمثل العين التي تريد ان ترى نفسها " (كيما راكم تشوفو هنا قادر تحفظوو غير هاذ القول وتخرجو منو حجة كي تشرحوه وتزيدو مثال !!!! ) ■حجة 02 : ثاني خطوة في المنهج التجريبي هي الفرضية ياخي وهنا ثان تتعذر تطبقيها علاه ؟ لايكن التنبؤ بها لانها تتعلق بكائن واعي وعندو عاطفة والاحساس والادراك فيها متداخلان ●مثال : طبيب يجي ليه مريض عندو صداع ايا هو يدير فرضية بلي مشاكل النفسية هي لي راهي مأثررة عليه ولا تشخيص ايا نتيجة هذا الانحياز في التشخيص يولي خاطئ وؤدي الى مضاعفات صحية اخرى ... ■حجة 03 : ثالث خطوة هي التجربة بمان الملاحظة والفرضية تعذرت فإنه من المستحيل التجريب على ظاهرة نفسية لدى الانسان حيث هي قابلة للفهم وليس التجريب العلمي ●مثال : هذي شرحتهانا أستاذة قالتنا كون نجيبو مجموعة من الاطفال ونقلولهم ارسمو حاجة ونمدولكم مكافأة مالية ايا يبداو يرسمو بصح هنا منقدروش نعرفو اذا سبب تاع هاذ السلوك هو المكافأة ولا حب تاعهم في الرسم ●قول اوغست كونت "علم النفس علم وهمي " ■حجة 4 : رابع خطوة في منهج التجريبي هو القانون ! ايا في ميزكم نقدرو ظاهرة نفسية نصيغوها في شكل قانون ؟ مستحيل لانها لا تعتمد على لغة الرموز (الاعداد والقيم ..) متغيرة (لا سكون ولا استقرار) ●مثال : كيما الاضطراب الاكتئابي الشديد لايمكن قياسه كميا عند كل شخص ! او صياغة قانون ●قول "علم النفس هو تكديس لللظواهر اللاهوتية الميتافيزيقية" ■حجة 5 : مبدا الحتمية غير محقق علاه ؟ كيما نعرفو مبدأ الحتمية هو نفس الاسباب نفس الشروط تؤدي الى نفس النتائج وفي ظاهرة النفسية ليس بالظرورة نفس الاسباب تؤدي الى نفس النتائج ●مثال : في الدور الغير متطورة نلقاو بزاف مشاكل من فقر وتدي المستوى المعيشي ووو لكن نسبة الانتحار قليلة على الدول المتطورة حيث الاسباب التي تؤدي الى الانتحار موجودة في دول المتخلفة كثر سما هنا الاسباب مداتناش نفس النتيجة لي هي الانتحار !! (زيدو اسباب وحدخرين مثلا بكاء كل واحد على واش يبكي ولا فرحة ...) ●قول جون ستوارث مل " ان الظواهر المعقدة والنتائج التي ترجع لأسباب متداخلة لا تصلح ان تكون موضوعا حقيقيا للإستقراء الحقيقي المبني على الملاحظة والتجربة " ■حجة 6 لا يمكن تكرارها حتى وتكون ذات تاعك باغيتها ●مثال : مرض الهيستيريا ولا كي تشري حاجة مرة لولا مراحش تفرح بيها كيما كي تشريها شحال من خطرة ولا كي تبكي ولا تفرح على حاجة ولا كي تتعرض لصدمة (مدو امثلة ) 🎀نقد ومناقشة : صحيح ما اشادو به انصار الموقف الاول لكن نجد انه نظرتهم احادية جزئية ضيقة اهملو العديد من الجوانب حيث هذه العوائق صحيح انها لعبت دورا في عرقلة الابحاث لكن نظرا للتطور الحاصل على مستوى المنهج التجريبي نجد انه يمكننا من تجاوزها