TumarLab Program

TumarLab qayttı🎉 Úlken rebrendiń, úlken háreketler jolında - bizler jıl dawamında qaraqalpaq jaslarında globallıq pikirlewdi rawajlandırıwǵa hám mádeniyatımızdı jánede ashıp beretuğın kóplegen ájayıp joybarlar ústinde islep atırmız. TumarLabtın "xalqaralıq stipendiyalar hám grantlardı qaraqalpaq jaslarına tanıtıw hám tapsırıw processın jeńillestiriw" missiyası ele ózgergen joq. Kerisinshe, bizler aqırǵı waqıtlarda Qaraqalpaq jasları birge jıynalıp óz ustinde islewge jardem beretuǵın platforma jaratıw menen bánt boldıq. Bizden kóp narseler kútseńiz boladı - jıynalıslar, mentorlar, programmalar - olardıń hámmesi sizler ushın eń qımbatlı tájriybeler hám óz tarawıńızǵa biybaxa tusinikler beriwi guman bolmas. Solay eken, artıqsha gáp-sózsiz, ózlerimizdi tanıstırayıq🌄

Qaraqalpaqstanǵa kerekli ózgerislerdi ámelge asırıwǵa tayyarsız ba? Elimiz keleshegine tásir kórsetetuǵın ideyalar, arzıwlar hám energiyaǵa tolısız ba? Bilimlendiriw, innovaciyalar hám háreketler arqalı jámiyetimiz keleshegin belgileytuǵın jaslar qatarına qosılıw imkaniyatıńız bar. Eger siz, shet el universitetleri grantların alıp, sırt elde oqıwdı maqset qilǵan bolsańız, jergilikli hám xalıqaralıq proektlerde islewdi qáleseńiz, bul joybar birinshi úlken qádemińiz boladı! ✔️ Biz kimlerdi izleymiz: - Qaraqalpaq hám inglis tilinde sóylewshiler (B1 dárejesine iye); - 8-11 klass oqıwshıları (maslasıwshań); - Qızıǵıwshań, úyreniwge hám úles qosıwǵa tayyar kewilli jaslar; 🗓 Dawamlılıǵı: — Ámeliyat 2 ay onlayn hám offlayn dawam etedi. — Ózgeshe pikirlewshi hám belsendi qatnasıwshılar óz qálewi menen joybarda qalıw imkaniyatına iye! 📈 Siz nege erisesiz: - Tájiriybeli studentlerden mentorlıq; - Networking hám birge islesiw - Grantlar hám proektlerge tayarlanıw boyınsha járdem - Joybar aqırında belsendi qatnasıwshılarǵa “Reccomendation Letter” ❤️ Qaraqalpaqstannıń bárshe rayonlarınan kelgen studentler ushın ashıq! 💬 Hújjet tapsırıw ushın aqırǵı múddet: 14 Iyun 2025 🖥 Silteme arqalı registraciyadan ótiń: https://forms.gle/boiAx7uEQByRBHfx7 Paydalı joybardıń bir bólegi bolıń hám jámiyetimiz ushın jańa imkaniyatlar jaratıwǵa járdem beriń!

Ready to Be the Change Karakalpakstan Needs? Are you full of ideas, dreams, and the energy to make a real impact? This is your chance to join a youth team that’s shaping the future of our community - through education, innovation, and action. Whether you’re aiming for scholarships, work in local and international projects, or just want to grow, this program is your first big step. 📣 Volunteer Internship Program! ✅ Who we’re looking for: - Karakalpak and English speakers B1 level - Students of Grade 8-11 (flexible) - Passionate, curious, and ready to learn and contribute 🗓 Duration: The internship lasts for ‘ 2 Months ’, but you can stay if you love it😉 ✔️ Format: Mostly remote, but you must be available for occasional in-person events and team gatherings 📈 What You’ll Get: - Mentorship from experienced students - Networking & Community Events - Help with scholarships & project applications - Recommendation letters for your future ❤️ Open to students from all parts of Karakalpakstan! 💬 Application Deadline: June 14, 2025 at 11:59 PM (Uzbekistan Time) Be part of something meaningful - and help create new opportunities for our community! 🖥 To apply, please fill out this Google Form: https://forms.gle/boiAx7uEQByRBHfx7

📄 Rezyume jazıw boyınsha vebinarımızdan juwmaq! Sessiya dawamında biz benen bolǵan qatnasıwshılaǵa óz minnetdarshılıǵımızdı bildiremiz! 🔍 Hárbir arzaǵa sáykeslestirip jazıń: Birdey rezyumeni hárbir jumıs yamasa stipendiyaǵa jiberiw jaqsı emes. Arza tapsırıwdan aldın kompaniya yamasa baǵdarlama haqqında azı-kem maǵlıwmat úyreniń. Olar qanday kandidat izlep atır? Qanday qádiriyatlardı tán aladı? Rezyumeni soǵan sáykeslestirip ózgertiriń - bul siziń shın júrekten háreket etkenińizdi kórsetedi hám itibarǵa túsiw múmkinshiligin arttıradı. ✅ Bir betten asırmań: Jumıs tájiriybeńiz kóp bolsa da, rezyumeni bir betten asırmawǵa háreket etiń. Tek eń kerekli hám uyqas tájiriybelerdi qaldırıń. Qısqa, anıq hám maqsetke baǵdarlanǵan rezyumeler eń jaqsı tásir qaldıradı. 💪 Hárbir bántti kúshli feyiller menen baslań: Hárbir tájiriybe astında “basshılıq ettim”, “islep shıqtım”, “quradım”, “qollap -quwatladım” sıyaqlı aktiv hám kúshli feyiller menen baslań. Bul sizdi lider hám nátiyjege baǵdarlanǵan shaxs retinde kórsetedi. 🚫 Fotosúwret hám maqset jazıwı shárt emes: Kópshilik professional jaǵdaylarda rezyumege fotosúwret yamasa “maqset” degen bólim kirgiziw talap etilmeydi. Bunıń ornına siziń tájiriybe, tabıs hám joybarlarıńız "sóylesiń". 🧠 Kónlikpelerińizdi ámeliyat arqalı kórsetiń: Uzaq kónlikpeler dizimin jazıw ornına, olardı qay jerde hám qanday qollaǵanıńızdı kórsetiń. Mısalı, “toparlıq jumıs” dep jazıw ornına, qanday toparda islegenińiz hám qanday mashqalanı sheshkenińizdi jazıń. 😊 Bunnan da tоlıǵıraq maǵlıwmatlardı alıw ushın vebinarımızdı Youtube platformasında kórseńiz boladı. @karakalpak_studyabroad

🚀 Rezyume, CV, Usınısnama hám "Cover Letter" — Tiykarǵı hújjetler menen tanısıń! Eger siz orta mektep oqıwshısı yamasa jańa student bolsańız, tómendegilerdi bilip qoyǵanıńız jaqsı: 📄 Rezyume/CV – Bul 1 betlik hújjet bolıp, onda bilimińiz, kónlikpelerińiz, iskerligińiz, jetiskenliklerińiz hám tájiriybeńiz kórsetiledi. Bul siz haqqıńızdaǵı birinshi maǵlıwmatlar— anıq hám ápiwayılastırılǵan bolıwı kerek! ✍️ Cover Letter – Bul qısqa xat bolıp, onda ne ushın múrajat etip atırǵanıńız hám nege siz múnásip ekenligińiz túsindiriledi. Rezyumege ózine tán individuallıq beredi! 🗣️ Usınısnama – Sizdi jaqsı biletuǵın (máselen, muǵallim) adam tárepinen jazıladı. Ol siziń xatakterińiz, kúshli táreplerińiz hám bilim dárejeńiz haqqında jazadı. Kóbinese grant hám arzalarda talap etiledi. @karakalpak_studyabroad

🚀 "Qaǵazdan - intervyuǵa: tabıslı rezyume jaratıw sırları" teması boyınsha video sáwbetimizdi ótkerip jibermeń! 👩‍💼 Spiker: NaRayah Runyon (🎓 Drake yuridikalıq fakulteti pitkeriwshisi) - Házirde Arizona Apellyatsiya sudında islep keledi 👩‍💼 Moderator: Ziynet Jienbaeva (🎓 Arizona Universiteti studenti) 📌 Ne ushın sizge "ájayıp rezyume" kerek: — Rezyume kóbinese, siz tuwralı, birinshi professional tásirlerin qaldıradi. Bul, potencial jumıs beretuǵınlarǵa, stipendiyalar komitetlerine yamasa magistratura yaki doktaranturaǵa tapsırǵan waqtıńız olarǵa kimligińizdi, qanday tarawda is alıp barǵanıńızdı hám nege áyne tapsırıp atırǵan baǵdarlamańızǵa ılayıqlıǵıńızdı kórsetedi — Hátte kóp jıllar tájiriybege iye bolmasańız da, jaqsı tayarlanǵan rezyume siziń qábiletlerińiz hám jetiskenliklerińizge pát berip, sizdi ajıratıp turadı hám keyingi úlken qádemdi qoyıwǵa járdem beredi. 📅 Sáne hám waqıt: 13-Aprel, 20:00 de (Ózb waqtı) 💻 Zoom platformasında ótkeriledi @karakalpak_studyabroad

🎉 NPSMUN — Qaraqalpaqstandaǵı birinshi “Model United Nations” konferenciyası bolıp, jaslardı global mashqalalardi talqılaw, jetekshilik kónlikpelerin rawajlandırıw hám xalıq aralıq pikirlewge baǵdarlaydı. 🎯 — Participate in English — Qaraqalpaq tilinde qatnasıw — Участвуй на Русском! 🔖 Tolıq maǵlıwmat ushın: @npsmun @karakalpak_studyabroad

⚜️ Prezident Mektebiniń oqıwshıları tárepinnen ashılģan jańa onlayn SAT toparına mirat etemiz! Kimler qatnasa aladı? ✅ Inglis tilinen jaqsı bilimi bar (IELTS 7.0-7.5 yamasa soģan ekvivalent) ✅ Matematikadan keminde 9-10-klassqa shekemgi bilimi bar oqıwshılar 🗓 Kurs bahası: ayına $40 🖇 Jazıp alınǵan sáwbetimizdi tamashalasańız boladı! Tolıq maģlıwmat ushın: @Qareken_Academy @karakalpak_studyabroad

🎉 “Qareken Academy” bizde miymanda! Kútip alıń, keyingi miymanlarımız: Aydos, Umarbek hám Azizbek. Házirde Nókis qalasindaģı Prezident mektebi oqıwshıları. Olar ózleriniń SAT (Scholastic Assessment Test) tájiriybeleri hám másláhátleri menen bólisedi. 📅 Sánesi: 2-Mart, Ekshembi ⏰ Waqtı: 18:00 👨‍🎓 Júritiwshi: Janibek Aytbaev @karakalpak_studyabroad

Ne ushın SAT alıwıńız kerek🤔 📎 1. SAT - talap qılınatuǵın sertifikat💯 2025-ke kelip top universitetler jańadan SAT sertifikatın májbúriy qıldı, yaǵnıy olsız sizdiń “application”ıńız tolıq dep esaplanbaydı hám kórip shıǵılmaydı. Usınday universitetler qatarına Harvard, MIT, Stanford, Georgetown, Caltech hám taǵı da basqa universitetler kiredi. 📎 2. Kóplew pullıq járdem💵 SATdan qanshelli joqarı ball alsańız, universitetlerdiń sizge pullıq járdem beriw itimallıǵı sonshelli artadı. Oylanıp kóriń, ózińizdiń armanıńızdaǵı universitetde biypulǵa oqıwǵa ne jetsin. 📎 3. Bilimińizdi tastıyqlawshı hújjet 🔖 Bilesiz, Ózbekstanda universitetlerge kiriw ushın bilim DTM testlerı arqalı teskeriledi. AQShda bolsa, SAT arqalı sizdiń sın pikirlew, algebra, trigonometriya hám inglis tili bilimlerińiz tekseriledi. 📲 SAT imtihanı boyınsha sorawlarıńızdı “kommentariya” bóliminde qaldırsańız boladı! Post @qareken_academy mentorları tárepinen jazıldı. @karakalpak_studyabroad

"Yangi O’zbekiston" universiteti 2021-jılı Ózbekistan Respublikası Prezidenti tárepinen ashılǵan bolıp, ol Massachusets Texnologiya Institutı (MIT), Jameel Abdul Latif - Jáhán tálim laboratoriyası (J-WEL) hám Xalqara Myunxen Texnik Universiteti (TUM) menen sheriklik alıp baradı. Men Elmuratova Biybisara, sanaat basqarıwı jónelisi boyınsha 3-kurs studenti, sizlerge universitet hám studentler ómiri haqqında qısqasha maǵlıwmat berip ótemen. 🖇Maqalanı silteme arqalı oqıwıńız múmkin Qosımsha maǵlıwmat ushın: 🖇 newuu.uz 📲 @newuzbekistanuniversity @karakalpak_studyabroad

🥳 Endi bizdiń Youtube kanalımızda bárshe video sáwbetlerimizdi kórseńiz boladı! 🇰🇷 Koreyada oqıw boyınsha video sáwbettiń ishinde dodalanģan sorawlar: ❓GKSqa tapsırıw ushın qanday hújjetler kerek? ❓Nege Koreya universitetlerine tapsırıwda basım kópshilik Consulting agentliklerge iseniwge bolmaydı? ❓GKS "Embassy track" hám "University track"lardıń parqı nede hám qaysısı ańsatlaw? ❓GKS talabanları qanday qáteliklerge jol qoyadı? ❓GKSqa tapsırıwda "Recommendation letter" hám volontyorlıq islerińizdiń áhmiyeti úlkenbe? 📌 Tolıqlaw maģlıwmat ushın tómendegi hújjetlerdi hám siltemelerdi kórip shıģıwdı usınıs etemiz: 1. @tashkec_uz 2. @KGSProgram 3. GKS Undergraduate admissions guidelines 🤩 Eger Koreyadaģı TOP SKY universitetlerine tapsırıwdı qáleseńiz, sáwbetimiz miymanı Azadanıń "Elite Mentors Solutions" jeke mentorlik xizmetlerin usınıs etemiz! @karakalpak_studyabroad

📍"Global Korea Scholarship"  boyınsha dawıslı sáwbetimizdi ótkerip jibermeń! 📌 Miymanımız Azada házirde Koreya Respublikasınıń #1 universitetinde 🤩 - Seoul National University - "Global Korea Scholarship" grantı boyınsha Educational Administration fakultetinde oqıydı ✨ Sáwbetimizdıń jobası: — Koreyadaģı, anıqraģı Seuldaģı 😎, studentlik ómir — "GKS"tı utıw boyınsha másláhátler — Sizdiń sorawlarıńizǵa juwap beriw ushın janlı soraw-juwap sessiyası! 📅 Sánesi hám waqtı: 15-Fevral, Shembi ⏰ Waqtı: 18:00 🤝 Bul zor imkaniyattı doslarıńız benen bólisip, biziń rawajlanıwımızģa úles qosıń! @karakalpak_studyabroad

🇰🇷 “Global Korea Scholarship” grant dástúri 🤩 Global Karea Scholarship (GKS) - bul xalıq aralıq studentlerge Koreya Respublikasınıń eń joqarı universitetlerinde oqıw, mámlekettiń bay mádeniyatın úyreniw hám shet ellik studentler menen bilim almasıw imkaniyatin beretuģın tolıq qaplanatuģın programma. ✅ Qolaylıqlar hám imkaniyatlar: — Jataqxana — Oqıw kontraktı (100% tólenedi) — Barıw hám qaytıw samolyot biletleri — Koreys til kursı — Aylıq stipendiya 💼 Tolıq maģlıwmat ushın: GKS Undergraduate 2025 (2025 qabıllaw tamamlanģan) @karakalpak_studyabroad

🎉 Sizge Tukiyada oqıw boyınsha video sáwbetimiz unadı degen úmittemiz. Video sáwbettiń ishinde dodalanģan sorawlar: ❓Türkiye bursları saytın toltırıwdı qalay úyrenemiz? ❓Türkiye bursları grantınıń studentke beretuģın imkaniyatları ❓Turkiyada qızlardıń oqıwı qáwipli me? ❓Eger shet elde oqıwda tájriybe toplawdı qálesek,ne ushın Turkiyanı saylawımız kerek? Bul sorawlarģa juwaptı jazıp alınģan sáwbetimizden tabıwıńız múmkin. 🇹🇷 Sonday-aq “Türkiye bursları” grantına talabanlar ushın paydalı siltemeler: https://youtu.be/ArHznK8N10E?si=2d_Guhj6Mx7Uy51t https://youtu.be/wtx8Atcw8W0?si=EWBXAnZD4mBop45U @karakalpak_studyabroad

🇹🇷 Turkiyada tolıq grant tiykarında oqıw boyınsha video sáwbet Bul video sáwbet arqalı men sizge Turkiyadaģı oqıwım, ómirim hám shet elde jasaw tájriybelerim menen bólisemen. Jáne de, túrk tilin úyreniwdegi basıp ótken jolım hám Türkiye bursları grantın utıw ushın nelerge itibar bergenim haqqında aytıp ótemen. Eger de, IELTS 7 hám joqarı GPA bolıwına qaramastan Amerikada emes, ne ushın Turkiyada oqıwdı saylaģanım haqqında bilgińiz kelse, sáwbetimizge qosılıwģa shaqırıp qalaman. 🗓 Qashan: 9-fevral, Ekshembi ⏰ Waqtı: 20:00 Ózbekstan waqtı menen ❓Bársheńizdi onlayn sáwbetimizde kútip qalamız... Júritiwshiler: Dilara Salieva (Çanakkale Onsekiz Mart University) hámde Biybisara Elmuratova (New Uzbekistan University) @karakalpak_studyabroad

🇹🇷 "Turkiye Bursları" grant dástúri Bir waqıttıń ózinde hám Evropada, hám Aziyada jaylasqan ájayıp tariyxıy mákan Turkiyada 100% grant penen oqıwdı maqset etkenler ushın qaytalanbas imkaniyat🤩 ✅ Paydalı tárepleri : Jataqxana,oqıw kontrakti,medicinalıq qamsızlandırıw, oqıw dawamında 2 martelik barıw hám qaytıw biletleri, túrk til kursı, aylıq stipendiya hám Xalıqaralıq dárejede tán alınģan universitetlerde tálim; 🗓 Hújjet tapsırıw múddet: 20-fevral, 2025 jıl 💼 Tolıq maģlıwmat ushın: turkiyeburslari.gov.tr Men Dilara Salieva, házirde Turkiya mámleketinde jaylasqan "Çanakkale Onsekiz Mart Universitetinde" — Sıyasıy bilimler fakulteti Xalıqaralıq qatnasıqlar boliminde tolıq grant tiykarında tálim alıp kelemen. Sizler menen bul universitetke qalay kirgenim, hám qanday qılıp tolıq grant utqanımdı bólisemen. 🇹🇷 Maqalanı silteme arqalı oqıwıńız múmkin @karakalpak_studyabroad

Ullı Britaniyada oqıw boyınsha video sáwbetten qısqasha maǵlıwmat: ❓"EYUF" (“El-Yurt Umidi Foundation”) ushın qanday hújjetler kerek? 🔈 IELTS, Universitetke qabıllaw xatı ❓"EYUF" nelerdi qaplaydı? 🔈Tolıq oqıw kontraktı, jasaw ǵárejetleri, jılına 1 ret barıp keliw ushın samolyot biletleri, VISA tólemleri. Tolıq maǵlıwmat ushın: @elyurtumidifoundation ❓Ullı Britaniya universitetlerinen bakalavr basqıshı ushın qalay tolıq grant utsa boladı? 🔈Ullı Britaniya universitetleri bakalavr ushın tolıq grant bermeydi, tek magistratura ushın beredi. Eger tolıq grant utıwdı qáleseniz, Aziya, AQSh, Vengriya, Turkiya universitetlerinen izlestirip kóriń. ⁉️Ullı Britaniya universitetlerine tapsırıw: 1. "Kaplan" arqalı - kaplanpathways.com 2. UCAS arqalı - ucas.com 💼 Bizdi baqlap barıń, aldımızda sizlerdi kóplegen qızıq sáwbetlerimiz kútpekte... @karakalpak_studyabroad

🌍 Ullı Britaniyadaǵı oqıw processi haqqında video sáwbet Bul video sáwbette men ózimniń tájriybemnen Angliya universitetinde oqıw hám jasaw qanday ekenin, kún tártibim, shet mádeniyatına úyrenisiw jolları tuwralı aytıp beremen. Sonday-aq, Ullı Britaniya universitetlerine tapsırıw processı haqqında túsinik berip ótemen. Úmit etemen, biziń sáwbetimiz sizge qızıqlı hámde paydalı boladı! 🗓 Qashan: 2-fevral, Ekshembi ⏰ Waqtı: 20:00 Ózbekstan waqtı menen ❓ Sorawlarıńızdı tayarlań hám biz olarǵa juwap beremiz! Júritiwshiler: Ayjamal Kurbanbaeva (The University of Birmingham, UK) hámde Nodira Kazakova (Long Island University, USA) @karakalpak_studyabroad

💂🇬🇧 Ullı Britaniyanıń Birmingem universiteti dúnya júzinde 80-orında turadı. Ol universitettıń pitkeriwshileri arasında "Nobel" sıylıqların jeńıp alǵanlar da az emes, hám de eń qızıǵı bul oqıw dárgayı dúnyadaǵı birden-bir poezd stanciyasına iye universitet bolıp esaplanadı. Men Ayjamal Kurbanbaeva, Birmingem universitetiniń studenti, sizler menen universitettegi ómirim menen bólisemen. 🖇Maqalanı silteme arqalı oqıwıńız múmkin @karakalpak_studyabroad