Study Guide🥇

اعرف نفسي 💜: مرحبا معاكم دنيا متحصلة على معدل 18.06 شعبة تقني رياضي هندسة مدينة في ولاية البليدة كنت مترشحة حرة متحصلة على باك الاول 2019 بمعدل 14 و باك 2024 بمعدل 18.06 و شهادة ليسونس فالالكترونيك 😍 أولا: متتخلاوش على احلامكم و طموحاتكم و اهدافكم مهما خذات منكم وقت و متقراوش تخصص متحبوهش و متكونوش في دومان ماشي تاعكم انا فهمت هذا الشيء روطار ميهمش عمركم صدقوني كي تكونو في تخصص ماشي تخصص احلامكم الشغف يروح منكم تولو تقراو باش تقراو دايما صبح تروحو تقراو و نتوما تتمناو لوكان عندكم فرصة تغيرو حبيت نقوللكم الفرصة نتوما تخلقوها انا كنت نستنا في يد تساعدني اكتشفت انو هذيك اليد ني يدي نتوما لي تخرجو نفسكم و توصولوها وين حابة الارادة فقط صدقوني انا مكنتش تلميذة ممتازة كنت عادي متوسطة نجيب 14 15 نكون من الاوائل بصح لا مرة جبت معدل ممتاز سواء فالسيام ولا فالليسي و هذا دليل على انو مستواكم حتى ولوكان ضعيف بالسعي و الجد تلحقو و ان للإنسان الا ما سعى و ان سعيه سوف يرى اتكلو على ربي و اسعاو ميزرعش ربي في قلبكم حاجة غير باسكو علابالو تلحقوها هذي النصيحة خاصة للاحرار لي ملحقوش و راهم خايفين و فشلانين 🔺

راني جيت 💜🥹 دركا نصائح وتوجيهات مع المتفوقة دنيا بمعدل 18,06 شعبة تقني رياضي هندسة مدنية مترشحة حرة ✅🔥 من ولاية جيجل ✅ للناس لي تقلك الاحرار ميدوش مليح 🤌

بالمناسبة لي خيروا المدارس العليا للاساتذة عشية كاين فيديو على المقابلة الشفهية لي مخوفتكم 🥲🤌 كلش تمام متقلقوش مكان والو ✅

وبلا ما ننسى كبسوا باطل ياك 🙂🔪

هكذا نكونوا كملنا مع المتفوقة الثانية اللهم بارك لها زدها علما فوق علم والعاقبة لكم 🥹💜 مزال باقي خير كبير عشية نزيد متفوق او متفوقة ان شاء الله ✅ وراني نحاول ننشر تجربة كل واحد وحدها حتى لا تختلط الامور عليكم ☺️ تمنياتي للجميع بالتوفيق 💜

وفالاخير💜🥇! 1- ننصحهم بتنظيم الوقت وتجنب السهر والليالي البيضاء 🤌 ! لانو تركيزهم ينقص .. 2- لازم الاستمرار والتكرار 3- تحطو هدف تخدمو عليه وحتى وتفشلو ديروpauseخفيفة وارجعو 🤍 4- متستهزاو بحتى مادة لانو كلش مهم ويطلع المعدل مد لاي حاجة حقها✨ وربي يوفقكم🤲 https://t.me/bac1with13positivity

🟣الفلسفة ديت18 : اعتمدت على الاستاذ عادل مقرود وكتاب الطابلة هبة 🟪 طريقة الدراسة: نفهم المقالة عندو في يوتيوب بعدها نكتب اهم الحجج و الافكار من عندو ومن الكتاب في كراس خاص بشكل مختصر ونشرحهم من عندي وكي كملت المقالات شفت لي رشحوهم بزاف بزااف ركزت عليهم الباقي فهمتهم وحفضت اقوال وفلاسفة كل مقالة 🔺 🔺كتدخل طفيف من صاحبة القناة لاحظت ان المتفوقين دائما يتمشوا بعقلية نقرا كلش وكأن راح يجي ونركز على المقترح من باب الزيادة بدون نقصان 🔺 فاحذروا من التأويلات لان تبقى مجرد اقتراح ☑️

الحفظ 🧠 🟣الاسلامية ديت 20: اعتمدت على كتب الاستاذة بوسعادي واحد تع دروس وواحد تع مواضيع حليتهم كامل وفيه اسئلة كل درس لي تقدر تطيح 🔺لازم الدرس يفهم باه تجيكم الحفاضة ساهلة بعدها تحفضو درس وتشوفو اسئلة تاعو من كتاب المواضيع 🟣اجتماعيات: تحصلت على علامة 18:5: اعتمدت على الاستاذ بورنان في فهم الدرس مبعد نحفظ من كتابو ولازم تتمكنو من المنهجية في الإجابة والحفظ يكون بلتكرار لازم سورتو التواريخ لانو يتنساو كل مرة حاولو تحفضو شوي تواريخ و شخصيات و مصطلحات ومرة علا مرة عاودوهم باه تثبتو🔺 https://t.me/bac1with13positivity

🟣انجليزية تحصلت على علامة17:5 و الفرنسية16:5 🔺 كل وحدة نحفضلها كلمات لي يتعاودو بزاف بزاف ونقرا النصوص تع البكالوريا ونحل مواضيع كل وحدة وبلنسبة الإنجليزية نحاول ندير فقرات هكذا بجمل بسيطة لي نقدر نشفا عليهم واعتمدت على الاستاذ جيار والاستاذ ناصري ومنصوري فالقواعد و نديرلهم ملخص خفيف فادني نهار الباك راجعت عليه 🟣لفرونسي كاين قناة الاستاذة بوغدادة فيوتيوب حرفيا بزاف هايلة🥹 وعندها كتاب ثاني فيه كلش مترجم وحاولت نتمكن مليح من compte rendu مليح وكي نحل موضوع ندير ثاني compte rendu تاعو وتعرفوو كيفاه تستغلو الاسئلة فيه ومتقراوش غير نص تاريخي كنصيحة لانو المحاور لخرين ثاني بزاف ساهلين وعندهم طريقة خاصة ثاني فلcompte renduطلو عليهم .

🟣العربية ديت 17:5 🟪كيفية الدراسة تاعها : 1- اعتمدت على الاستاذ حيقون في منهجية الإجابة والدروس و المواضيع لي يديرهم 2- القواعد شفت حماش بزاف مليح كل محور لازم تعرفو خصائص الشعر والنثر فيه مليح تحفضو شعراء هاذاك العصر منهجية الإجابة علا البناء الفكري خاصة 🔺 3- مواضيع الاستاذ حيقون حليت منهم بزاف هايلين وكنت نشوف هو كيفاه يتعامل مع الاسئلة والنصوص وكيفاه يجاوب ويبدل الصياغة من النص الخ والبناء اللغوي اسهل على الفكري لانو قواعد واساليب برك يكفي انو تقراوهم مليح وتلخصوهم وتحلو شوي امثلة من الباكالوريات السابقة ✅

🟣فيزياء ديت فيها 20 ✅😍 اعتمدت على زدون في يوتيوب بلنسبة الدروس وتمارينو ثاني + الافكار تع الوحدة عند الاستاذ الطيايبة وكاين الاستاذ عمران ياسين بزاف هايل في شرح التمارين والاستاذ حلفاوي كنت ثاني نشوف عندو شوي تمارين وملخص تاعو نهز منو شوي باه نديرهم في ملخص تاعي ✅ 🔺وكي تنساو اي وحدة كاين الاستاذ شنايت ملخص الوحدات 🟪تمارين : حليت من كتاب تأشيرة النجاح وكتاب المغني وثاني اهم حاجة تمارين الباكالوريا السابقة للشعب العلمية وافكارها اكتبوهم لانو يتعاودو 📢 🔺كنصيحة لازم كل وحدة تتمكنو منها ومن دروسها وتديرولها ملخص خاص اكبر عدد من التمارين حتى تتمكنو ملوحدة وتحلو تمرين بلا اخطاء وخصوصا الاسئلة النظرية لازم تحفضو التعريفات والبروتوكولات التجريبية وتتمكنو من التحويلات 🔺

🟣بالنسبة للرياضيات تحصلت على علامة 18 : 🟪 كأساتذة اعتمدت على : الاستاذ نوردين وعبد الباسط فيوتيوب ودروس الدعم 🟪 طريقة الدراسة: اولا لازم الدرس يتفهم مليح (استاذ عبد الباسط عندو طريقة شرح هايلة للدرس) وندير ملخص خفيف لاهم الحوايج فلدرس مبعد تمارين نحل من كتاب نوردين و نحل ليباك تع كل الشعب العلمية وكي خلصت الوحدات المراجعة النهائية حليت مواضيع بزااف وراجعت من الملخصات ☑️

السلام عليكم ورحمة الله تعالى وبركاته انا أماني متحصلة على معدل18 في شهادة البكالوريا دورة 2024 شعبة علوم تجريبية ولاية برج بوعريريج اخترت تخصص الطب🩺🥹 و الحمد لله بالنسبة لعام الباكالوريا عام صعب وشاق نوعا ما يحتاج السعي و الاستمرار و الاجتهاد والتوكل على الله و اختيار المصادر الجيدة لي تعاون في تحصيل المعرفة ✅ 🟣بالنسبة لمادة العلوم تحصلت على علامة 18:5 كنت معتمدة بلدرجة الاولى على فيديوهات الاستاذة كتفي و كتاباتها كنز كبيير لازم تقراو منو واستاذ القسم والدعم . 🟪طريقة الدراسة : 1- فهم الدرس بزاااف مليح بلتفصيل 2-تلخيص كل درس في كراس خاص انا كنت نلخص في شكل نصوص علمية ومخططات وكي تخلاص الوحدة وملخصها وكامل نبدا فتمارين من كتاب الاستاذة كتفي ولا مجلة بوالريش وندون الافكار ونقارن اجابتي مع الإجابة النموذجية باه نعرف وش مكتبتش وكامل☑️

راني جيت 💜🥹 طولت علبالي 🥲 نبدأ على بركة الله 👇

Team im 💜 بعد قليل النصائح وكيف ادرس مع المتفوقة الثانية في قناتي اللهم بارك لهاا اماني ولاية برج بوعريرج بمعدل 18 في بكالوريا 2024 شعبة علوم تجريبية و اختارت تخصص الاحلام الطب 😍🙈 سلسلة#تفوق ان أردت ذلك وألحق بنا 💜✅

نصائح المتفوق الاول بارك الله فيه على كل معلومة او تصيحة قدمها 💜 غدا باذن الله نكمل سلسلة #تفوق ان أردت ذلك 💜 ✅

🟣الفرنسية تحصلت على 15/20 ننصح بالاستاذة بدريسي على الزوم لمن اراد علامة ممتازة +الاستاذة بوغدادة + حل البكالوريات 🟣الادب العربي تحصلت على 17/20: مكنتش نشتيها بصح كان لازم عليا نقراها المراجع لي اعتمدت عليهم الاستاذ حيقون وكتاب تاعو بدرجة اولى + حل البكالوريات فهي مهمة

🟣الاجتماعيات تحصلت على 20/20 : الاجتماعيات ولات مادة تعتمد على المنهجية والفهم اكثر من الحفض - انا حفظت غير تواريخ اما دروس كنت نفهمهم ، حفظت ثاني شخصيات و شوي مصطلحات ليس كلها لانو واحد يعرف يبني المصطلح احسن من واحد حافظو لانو دائما ما نصادف فل بكالوريات مصطلحات تعتمد على الفهم . 🔺ننصح ثاني ديرو ملخص ثاني تعكم يساعدكم 🟪 المراجع : بورنان + بكالوريات تكفي بالغرض Team im 💜 https://t.me/bac1with13positivity

🟣اللغة انجليزية:17.5/20 اسهل مادة بعد العلوم الاسلامية🔺 1- شغل هزو مفردات كل وحدة 2- ريفيزيو القواعد وحل عليهم exo 3-شوفو كيفاش تكتبو فقرات منهجية تع كل فقرة وكذا 4- حل بكالوريات تلقاو روحكم ملاح 🟪 المصادر : 1-جيار برك يكفي البلايليست تاعو تضمنلك فوق 15 كاين الكتاب تع السلسلة الفضية فيه قواعد 2- حلول مفصلة للبكالوريات +فقرات يقدرو يعاونوكم

🟣العلوم اسلامية :19.5/20 اسهل مادة عام الباك فهامة + شوي حفظ = 20 تبع فلكلاسة برك تضمن فوق 10 🟪 كمصادر: شمس الدين بوسعادي 🔺من اجل علامة ممتازة لابد من حل بعض البكالوريات والاطلاع على الاسئلة الخارجية ✅