من اجل الازهر

السلام عليكم النهارده يمكن يكون من أصعب الأيام على ناس كتير، وخصوصًا اللي مجابوش المجموع اللي كانوا بيحلموا بيه. لكن عاوزه أقولكم حاجة من القلب: النتيجة مجرد رقم، والرقم ده عمره ما كان مقياس لقيمتكم ولا لذكائكم ولا لمستقبلكم. يمكن تعبتوا سنة كاملة، ويمكن الظروف مكانتش في صالحكم، ويمكن امتحان واحد أو لحظة توتر غيرت حاجات كتير. ده طبيعي يحصل، والحياة مش بتقف عند محطة واحدة. ناس كتير جدًا نجحت وحققت أحلامها بعد ما مرت بلحظات أصعب من دي بكتير. ماتقارنوش نفسكم بحد. كل واحد ليه طريقه، وليه وقته، وليه رزقه اللي ربنا كاتبهوله. اللي فات خلاص، لكن اللي جاي لسه بإيدكم. ممكن باب اتقفل النهارده، لكن ربنا يفتحلكم باب أحسن منه بكتير، ويمكن بعد سنين تبصوا لليوم ده وتعرفوا إنه كان بداية لحاجة أجمل ربنا يوفقكو جميعا ف اللي جاي🤍