Final Touches for Toppers❤️

بسم الله الرحمن الرحيم 🚨 ✅ لو أنت طالبة جبتي 610 او اكثر فانتي ان شاء الله مرشحه لطب القاهره او دمياط فالرساله دي ضروري تتقرأ بعناية 🔴احنا بفضل الله Doctor Future team ودي السنه الرابعه لينا على التوالي بفضل الله في الشرح والتعليم الطبي المتكامل في جامعات عديده 📌 واسالو علينا الدفعات القديمه اكيد هيعرفوكم مين فيوتشر 🟢 لينك القناة: 🚨 https://t.me/+AwhWaHVX6Wk3YmZk ✅ ليه اتابع القناة معاكم⁉️ 🟢 هتخليك داخل الكلية من غير ما تتوه التوهه بتاعت فرق اللغة 🔴 ومن غير ماتتوه التوهة بتاعت بندرس ايه في الكلية ✅ وبندرس من انهي مصادر✅ والي بندرسه بندرسه بانهي نظام جديد ولا قديم ✅ وهنسكن فين فيه مدينة جامعيه ولا مفيش مدينة والسكن الخارجي اجيبه منين وازاي ✅ ✅وهنقدم لكم كورس مصطلحات طبية - مجاني بالكامل Medical Terminology 🟢 تعريف ب أول موديول في الكلية: Normal Human Body وشرح تمهيدي له لحين بداية الدراسه⚡️ 📌متابعة ونصائح دورية على مدار السنة كل اللي يهمك ويخلي رحلتك أسهل هنكون جنبك فيه 🟢وإن شاء الله مكملين معاكم في شرح كل الموديولات لحد ما توصلي لهدفك وتحققي الامتياز بإذن الله 🥇🏆 🚨 هعملك ريكورد ضروري تسمعه كويس 🚨 وهيكون فيه رسالة مثبتة مدعمة بلينكات كل الكلام الي أنا قولته دا 📣 و مش هسيبك تدخل الكلية إلا وانت مجهز نفسك 💯✅ ⚠️ مش عليك إلا انك تثبت القناة عندك في أول التليجرام وتتابع أول بأول وتحول لينك القناة لزمايلك إلي اترشحوا القاهرة بحيث زي مكنتو متفوقين سوا في ثانوي تكون متفوقه معاكي في الكلية ❌ اوعي تبخلي على زميلتك وشيري القناة ليها عشان تستفيد زيك ✔️ والدال على الخير كفاعله

هاااام 🛑 بكرا اخر يوم التسجيل في إختبار القدرات على الموقع

بصي انتي غلطتي جامد انك اجلتي كله للدور التاني لان اعتقد ان الدور التاني بيبقي مادتين ف اليوم باين حاجه زي كدا هتاكد بردو وابعت هنا ف انتي حاولي تذاكري اللي تقدري عليه انا اتوترت لك والله ولو تقدري تاجلي للسنه الجايه يبقي احسن انا اول مره اقول كدا بالنسبه للكليه مش هتفرق اصلا لان كلنا نفس التنسيق ف نفس الوقت الكليه بدات يوم ٢٠ شهر ٩ والتنسيق قبلها ب يومين ف محدش بيبقي عارفه هوا ف اهنو بلد اصلا

مبروك لكل طلاب الثانوية الأزهرية على النتيجة نتيجة الشهادة الثانوية الأزهرية هذا العام تصدرت الاهتمام وأثبت كثير من الطلاب أنهم على قدر المسؤولية كل التحية والتقدير لطلاب الأزهر على تعبهم واجتهادهم ولجميع القائمين على منظومة الأزهر الشريف على ما بذلوه من جهد ألف مبروك لكل الناجحين وربنا يوفق الجميع في المرحلة القادمة 🌹

السلام عليكم ، كلام مهم لاي حد هيدخل ميديكال فيلد او اي حد جايب فوق ال ٩١ السنادي وياريت اللي منكم عنده جروب ثانويه ينزل عليه يا دكاتره علشان ما يوقعو في الغلطات ويبقو تايهين ف الكليه لو انت جايب فوق ال ٩١ بإذن الله وهتدخل ميديكال فيلد حاول تقرأ كتب في الكام يوم دول وتكون كتب بالانجليزي وياريت لو في نفس تخصصك اللي انت ناوي تدخله بإذن الله يعني لو انت ممكن تدخل بشري حاول تشوف في حتتك حد كان في طب بشري او أسنان وقوله محتاج كتاب فسيولوجي ( علم وظائف الجسم ) او كتاب أناتومي ( علم التشريح ) ولو انت هتدخل صيدله ابدأ إقرأ في كتاب الفارما ( علم الأدويه ) وابدأ اقرا فيه وحاول تخلصه في الأجازه ، والله كتاب واحد بس هيفرق معاك في اول شهر من الكليه وهيخليك من أشطر الناس في تخصصك ايا كان التخصص اللي انت هتاخده سواء طب او غيره لو كانت كليتك بالانجليزي عامة ده ببساطه لأنك في اول شهر من السنه بتكون بتدور على سكن لو مغترب وكمان هتعمل أكلك وكل حاجه هتكون قائم بيها على نفسك وفوق كل ده عمال تترجم كل كلمه لوحدها وكأنك ما شوفت انجليزي في حياتك والموضوع ده بيترتب عليه انك بترااااااكم كمية دروس ومواد وممكن لاقدر الله تشيل بسبب انك لسه ما خلصتش الماده والامتحان على الأبواب ، ف علشان تكون شاطر من قبل ما تدخل الكليه ومعاك شهر أهو حاول تاخد على جو قراءة الانجليزي اللي في الكتب لانك هتذاكر بالانجليزي وهتمتحن بالانجليزي وهتكتب ف الامتحان بالانجليزي ف حاول بقدر الامكان تتجنب انك تراكم في اول السنه سيبك بقا من جو كورسات الانجليزي وجو الكورس التأسيسي و cyan يعني ازرق ، و erythro يعني أحمر ، والله مش هينفعك بحاجه نهائيا وهتلاقي كل اللي عملته طول الاجازه اول محاضره ( حصه ) في الدراسه ، واحنا والله اتعلمنا كده ولكن ده اخد معانا حوالي شهر او زياده كمان لحد ما اتعودنا على قراءة المواد وفهمها لان المواد كمها كبير والمهله صغيره ف علشان تتجنب ده إقرأ في الأجازه ، اللهم بلغت اللهم فاشهد واعتبرها رساله من ربنا ليك علشان مش كتير اللي هيقولك الكلام ده وبس ياسيدي متنساش تصل على النبي 🤍

📢 لطلاب كلية التربية بنين بالقاهرة (المرشحين الجدد 2026/2027) بدأت اختبارات القدرات، وإليكم أهم التفاصيل: 📌 التسجيل: التسجيل وسداد رسوم الاختبار إلكترونيًا عبر: https://azu.edu.eg/Facs/FacTest 📅 مواعيد الاختبارات: السبت – الاثنين – الأربعاء 🕘 من 9:00 صباحًا حتى 2:00 ظهرًا. 📄 المستندات المطلوبة: ✅ صورة بطاقة الرقم القومي. ✅ إيصال سداد رسوم الاختبار (فوري). ✅ بطاقة أداء الاختبار مطبوعة من موقع التسجيل. 📍 مكان الاختبار: كلية التربية بنين بالقاهرة – مدينة نصر. ⚠️ يُرجى الحضور بالمستندات كاملة والالتزام بالموعد المحدد لتسهيل إجراءات الاختبار. بالتوفيق لجميع الطلاب. 🌹

باب التظلمات هيفتح يوم الثلاثاء وهيقفل يوم 11/8 طبعا محدش هيعرف يروح يعمل تظلمات لاي ماده الا لما الشهاده توصل المعهد عشان تعرف درجاتك وتقرر هتعمل في انهي ماده شايف انك مظلوم فيها طبعا الشهاده بتاخد اسبوع عقبال متوصل المعهد بتاعك وال ليهم دور تاني بتقعد لحد بعد متمتحن ونتيجتك تطلع طب انت مستعجل وعاوز تشوف درجاتك عشان تعمل تظلمات ؟ تروح المنطقه الأزهريّة التابعه للمحافظه بتاعتك وتجيب بيان درجات منها بس خليك في بعد بكره ال هو يوم التلات عشان تضمن انك تطلع بيان درجات بس خلي بالك الايام الجايه هتكون الدنيا زحمه جدا المهم بعد مبتجيب بيان الدرجات تروح تعمل تظلم علطول وكمان التظلمات اخرك تعمل في اربع مواد ف اليوم الواحد بس تقريبا وكل ماده كان علي دفعتي عامله 100 جنيه مش عارف حاليا زي مهي ولا زادت وبس كده بالتوفيق ليكم يارب❤️

السلام عليكم ورحمة الله وبركاته 🌸 لو جبت 93% أو أكثر في الثانوية الأزهرية، ياريت تنضم للقناة. هنتكلم عن: 🩺 كلية الطب بجامعة الأزهر خاصة دمياط 📚 نظام الدراسة ❓الإجابة على كل أسئلتكم أهلًا بيكم جميعًا فى طب الازهر ❤️ https://t.me/+BsmFDlYakVNjODA8

- عايز أقول كلمتين لخواتي في الثانويه العامه والأزهريه سواءً اللي نتيجته ظهرت أو لسه : إياك ثم إياك من الجزع بقضاء الله حرفيًا ممكن لحظة غضب وجزع عند القضاء تندم عليها طول عمرك • سيدك النبي ﷺ بيقول : «إن عِظَم الجزاء مع عِظَم البلاء، وإن الله إذا أحب قومًا ابتلاهم، فمن رضي فله الرضا، ومن سخط فله السخط.»'رواه الترمذي، وحسنه الألباني' • وقال رسول الله ﷺ: «عجبًا لأمر المؤمن، إن أمره كله له خير... إن أصابته سراء شكر فكان خيرًا له، وإن أصابته ضراء صبر فكان خيرًا له.» 'رواه مسلم' • وقال ﷺ: «احرص على ما ينفعك، واستعن بالله ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل؛ فإن لو تفتح عمل الشيطان.» (رواه مسلم) • سيدنا عمر بن الخطاب رضي الله عنه قال : "ما أُبالي على أي حال أصبحت أو أمسيت، على ما أحب أو على ما أكره؛ لأني لا أدري الخير فيما أحب أو فيما أكره." • وسيدنا علي قال : "مَن رضي بقضاءِ اللهِ جرى عليه القضاءُ وكان له الأجر، ومَن سخط جرى عليه القضاءُ وحبط أجرُه." وقبل كل دا ربك بيقول: ﴿قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ ﴾ فخليك مؤمن كدا وتوكل علي الله واجتهد في المكان اللي ربنا حطك فيه.

بينزل الأول كمان كام يوم كدا لينك لطلبات التظلم بتسجلي عليه وتقريباً بيحددلك ميعاد تروحي فيه اقرب منطقه ازهريه تكشفي على ورقك هناك. كمان كام يوم وهيبدأوا يستقبلوا طلبات التظلم إن شاء الله بس القضيه أضمن من التظلم بكتير بس لو واثق إن ليك درجات اسأل مجرب🥲 بس مشكلتها إنها بتاخد وقت ييجي سنه باين بس لو واثق إن ليك درجات ف ممكن تعمل تظلم وبعد كدا تمشي في القضيه.

الناس تسارع في اختبارات القدرات عشان آخرها يوم الجمعة باذن الله

اولا مبروك لكل طلاب الأزهر ثانيا ًنجاحك لسة مش دلوقتي نجاحك الحقيقي بعد كام سنة قدام و دي كانت اول خطوة حاول تختار خطوة مناسبة ل طريقك عشان تعرف تكمله لان النجاح الحقيقي مش كلية ف سن العشرين النجاح ف وصولك لمكانة كويسة ف سن التلاتين♥️

لو حد كان باعت يبعت تاني معلش

بصو يا ولاد النتيجه اللي جبناها ان شاءالله اغلبها صح بس في ناس طلع لها نتيجه اكتر من مره بشكل مختلف ف انتو بكرا او بعده لازم تروحو تشوفو النتيجه ف المعهد

ثواني بس يولاد اللينك معلق أوي

@Aya_R3da اليوزر بتاعي أهو لو حد لسه مش عارف يجيبها اجبهاله

درجاتكم تفرح والله يا ولاد مبسوطه عشانكم🥹🥹😭❤️

صبرا يا ولاد جبت ل كام حد وبعدين وقع تاني