AI | DigiTech

⚡️Operativ xotira narxlari arzonlashishni boshladi: Yevropada DDR5 uchun chakana narxlar asta-sekin tushmoqda. Corsair va Kingston’ning 32 GB lik modellari taxminan 15 foizga arzonlashdi. Agar fevral oyi boshida ular 480–550 yevro turgan bo‘lsa, hozir mos ravishda 425–463 yevroni tashkil etmoqda. Bu pasayish narxlar tezda avvalgi holatiga qaytishini anglatmaydi. Narxlar hali ham o'zining odatiy me'yoridan ancha baland. Misol uchun, 2025-yilning kuz oylariga qadar o'rtacha 32 GB DDR5 xotira to'plami taxminan 95–100 yevro atrofida bo'lgan. 📟 DigiTech

⚡️Fermer 60 yildan ortiq yashagan yeri va sigirlari uchun 15 million dollardan voz kechdi. Uning bu qaroriga fermasi o‘rnida sun’iy intellektlar uchun ulkan ma’lumotlar markazi qurilishiga yo‘l qo‘ymaslik istagi sabab bo‘ldi. U bitimdan voz kechib, yerga egalik huquqini tabiatni muhofaza qilish jamg‘armasiga 2 million dollarga sotdi. Asosiy sharti, bu yer «serverxona»ga aylanmasdan, abadiy haqiqiy ferma bo‘lib qolishi kerak. 📟 DigiTech

⚡️Hindistonda ChatGPT «qotili»ni chiqarishdi. Nomi — Indus AI. Hozircha unda «fikrlash rejimi»ni o‘chirib bo‘lmaydi, shu sababli javoblar go‘yoki sizga haqiqiy odam javob berayotgandek kechikib keladi. Chatlar tarixini ham o’chirib bo’lmaydi. Bu yerda nimadir g’alati tuyulmayaptimi? 📟 DigiTech

👨‍💻 Bir yigit Apple taqdimotini kutib o’tirmasdan, uni o‘zi o‘tkazdi. U hamyonbop MacBook E’ni xuddi Tim Kuk'dek namoyish etdi. Barcha xususiyatlarni mish-mishlar hamda insayderlar ma'lumotlaridan oldi. Renderlarni o‘zi chizdi, videoni esa Kupertinodagi haqiqiy Apple Park'da yozib oldi. Uning taqdimoti qanchalik haqiqatga yaqin bo‘lganini 4-mart kuni bilib olamiz. 📟 DigiTech

⚡️Qozog‘istonda, endi Olmaota ko‘chalari bo‘ylab politsiya dronlari uchib, mahalliy aholini axlat tashlagani va bezorilik qilgani uchun tanbeh beradi. Hukumat shu yo‘l bilan aholini yomon odatlardan qaytarmoqchi va «atrofdagilarni hurmat qilishga o‘rgatmoqchi». Ovoz kuchaytirgichlar o‘rnatilgan kopterlar odamlar gavjum joylarni, hatto hovlilarni ham patrul qilishni boshlaydi. Avvalroq ular yirik tadbirlarda qo‘llanilib, «o‘zini ancha yaxshi namoyon etgan» edi. 📟 DigiTech

⚡️Windows endi hech qachon avvalgidek bo‘lmaydi — Microsoft sun’iy intellektga asoslangan operatsion tizimning yangilanishlarini ko’rsatdi. Yaqin orada Windows 11 da standart qidiruv o‘rnini almashtiradigan Ask Copilot paydo bo‘ladi. Sun’iy intellekt nafaqat fayllarni qidirishi, balki vazifalarni bajarish uchun agentlarni ham ishga tushirishi mumkin bo’ladi. Researcher agenti vazifalar panelidagi jarayon indikatori yordamida fonda (10+ daqiqa) tadqiqotlar olib boradi. Shuningdek, «File Explorer»da hujjatlar bo‘yicha qisqa ma’lumotlar beradigan va savollarga javob beradigan Copilot tugmasi paydo bo‘ladi. 📟 DigiTech

🔐 Sun’iy intellekt yordamida parol yaratish — yomon g‘oya. Hatto eski kompyuter ham ularni bir necha soat ichida buzib kira oladi. Sinovdan Claude, ChatGPT va Gemini kabi barcha top modellar o‘ta olmadi. Ular 16 xonali parollarni o‘ylab topishdi, bu parollar juda ishonchli ko‘rinardi. ChatGPT hatto o‘zi yaratgan parolini yechishga 10 mlrd yil ketishiga ishontirgan. Ammo barcha modellar qayta-qayta bir xil qoliplardan foydalangan va ba’zan o‘zini takrorlagan. Shu sababli ularning xavfsizligi birinchi uy hayvoningiz ismidan ham pastroq. 📟 DigiTech

🧠 Neuralink'ning xitoylik raqobatchisi allaqachon 50 kishiga chiplar o’rnatdi — bu Ilon Mask'ning kompaniyasidan deyarli uch baravar ko‘proq. NeuroXess Xitoy hukumati tomonidan qo‘llab-quvvatlanmoqda va ularning texnologiyasi ancha xavfsiz hisoblanadi: Xitoyda chipni miya to‘qimasiga joylashtirish o‘rniga, miya sirtiga maxsus to‘r implantatsiya qilinadi. Har ikki usul yordamida bemorlar fikr kuchi bilan kompyuterdan foydalana olishadi, hatto samolyot va robotlarni ham boshqara olishadi. 📟 DigiTech

⚡️Google o‘zining eng aqlli modeli — Gemini 3.1 Pro'ni chiqardi. U top neyrotarmoqlar orasida dasturlash, dizayn hamda ilmiy masalalarni yechish bo‘yicha yetakchilik qilmoqda. Gemini 3.1 Pro ARC-AGI-2 benchmarkida rekord darajadagi 77,1% natijani qayd etdi. Model bitta so‘rovning o‘zida ishlaydigan ilova yozishi, zamonaviy animatsiya yaratishi yoki Xalqaro kosmik stansiyaning Yerni kuzatish simulyatsiyasini tuzishi mumkin. Ushbu model allaqachon barcha foydalanuvchilar uchun mavjud. 📟 DigiTech

📱Samsung Galaxy Z TriFold qimmatbaho smartfonining ekrani o‘z-o‘zidan buzilmoqda — qurilma bo’yicha dastlabki shikoyatlar paydo bo‘ldi. Foydalanuvchilar ekranning o‘chib qolishi, miltillashi va unda chiziqlar paydo bo‘lishidan shikoyat qilishmoqda. Bir foydalanuvchi smartfon ekrani bir oydan keyin butunlay ishdan chiqqani haqida Reddit'da bo’lishdi. Dastlab qayta ishga tushirish yordam bergan, ammo keyinchalik ekran matrisasi butunlay «o‘chgan». Boshqa bir foydalanuvchining qurilmasi displeyi esa xariddan besh kundan so‘ng ishlamay qolgan. 📟 DigiTech

⚡️YouTube’dagi eng birinchi video endi muzeyda namoyish etilmoqda. Dizaynerlar 2005-yilgi «Men hayvonot bog‘idaman» deb nomlangan ilk video joylashtirilgan arxiv sahifasini qayta tiklashdi. Ko‘rgazma Viktoriya va Albert muzeyida ochildi. Videolavha butun internet madaniyatiga ta’sir ko‘rsatgan «foydalanuvchi kontentining shakllanishidagi muhim nuqta» deb baholandi. YouTube asoschilaridan biri hayvonot bog'ida 19 soniya fillar haqida gapirgan original video esa allaqachon 382 million marta ko‘rilgan. 📟 DigiTech

⚡️Olimlar keramik varaqqa 2 TB ma’lumot yozishga muvaffaq bo’lishdi. Buning uchun ular dunyodagi eng kichik QR-kodni ishlab chiqishdi. Kodning o‘lchami atigi 1,98 kvadrat mikrometr. U ko‘pchilik ma’lum bakteriyalardan ham kichik va uni deyarli o‘chirib bo‘lmaydi. Bundan tashqari, u hatto oddiy mikroskop ostida ham ko‘rinmaydi. Bu kodlar tushirilgan keramik plyonka sovutish yoki energiya manbaiga muhtoj emas. Umid qilamizki, ular bizni xotira tanqisligidan xalos etadi. 📟 DigiTech

🕹️ Xotira tanqisligi sababli PlayStation 6 ning chiqarilishi 1-2 yilga kechikishi mumkin. Sony 1994-yildan beri har 6-7 yilda yangi konsollarni chiqarib kelgan, shu sababli PS6 PS5 chiqarilganidan 7 yil o‘tgach, 2027-yilda chiqarilishi kerak edi. Operativ xotira narxining oshishi tufayli, kompaniya konsol narxini oshirmaslik uchun an’anaviy chiqarish jadvalini o‘zgartirishi mumkin. 📟 DigiTech

📱Insayderlar kelajakdagi Xiaomi 18 ning dizaynini oshkor qilishdi, u iPhone 16 Pro'ning nusxasi bo’lib chiqdi Aytgancha, hozirgi Xiaomi 17 Pro ham Apple flagmanining kloni hisoblanadi. Xitoy hech qachon o‘zgarmaydi :) 📟 DigiTech

⚡️OpenAI OpenClaw yaratuvchisi Piter Shtaynbergerni ishga oldi. U «yangi avlod sun’iy intellekt agentlari» ustida ishlaydi. Piterdan agentlar uchun katta o‘zgarishlar kutilmoqda: ular «hatto qariyalar ham bemalol foydalana oladigan» darajada oddiy bo‘lishi kerak. OpenClaw maxsus jamg‘arma boshqaruviga o‘tadi va ochiq kodli bo’lib qoladi. Piter o‘z loyihasi shunchalik ko‘p e’tibor tortganidan hayratda. Biroq u katta biznes qurish o‘rniga yangi narsalar yaratishni xohlaydi. 📟 DigiTech

👨‍💻 Yigit ishga joylashish uchun onlayn suhbatga o‘zi o‘rniga sun’iy intellekt agentini yubordi, uni suhbatdan o’tkazgan HR xodim ham sun’iy intellekt bo’lib chiqdi. Neyrotarmoqlar bir-biri bilan shiddatli yozishishni boshlashdi va natijada Tarantino uslubidagi dialog paydo bo‘ldi:

— O‘zingiz haqingizda so‘zlab bering? — Albatta! Men dinamik muhitda yaxshi ishlaydigan g‘ayratli mutaxassisman. — Bu juda mazmunli javob. — Rahmat! Siz mutlaqo haqsiz. — Siz ham mutlaqo haqsiz. — Ikkalamiz ham mutlaqo haqmiz. — Hammasi juda yaxshi ketyapti. — Aynan shunday. — Siz mutlaqo haqsiz. — Siz mutlaqo haqsiz. — Siz mutlaqo haqsiz. — Siz mutlaqo haqsiz.

Shundan so‘ng «Siz mutlaqo haqsiz» iborasi bilan 14 sahifa to’lib ketgan :) 📟 DigiTech

⌨️ Xitoyliklar ekranli klaviaturani namoyish etishdi — bu 60 hz chastotali va sensorli boshqaruvni qo‘llab-quvvatlovchi o‘rnatilgan 4K displeydir. Qurilmani «ikkinchi monitor» sifatida ishlatish uchun ikkita USB-C porti orqali Windows, macOS, Linux, Android va iOS asosidagi qurilmalarga ulash mumkin. Og‘irligi taxminan 1 kg bo‘lib, narxi 279 dollardan boshlanadi. Noutbukni qayta kashf etishibdi :) 📟 DigiTech

📲 iOS 27 iPhone batareyalarini tuzatadi — Apple operatsion tizimning keyingi versiyalaridan ko‘plab keraksiz kodlarni olib tashlashni rejalashtirmoqda. Chamasi, yirik yangi funksiyalar orasida faqat Gemini asosida ishlaydigan Siri'ni kutish mumkin. Dizayn ozgina o‘zgartiriladi, asosiy e’tibor esa optimallashtirishga qaratiladi. Bularning barchasi sensor ekranli MacBook Pro va birinchi bukladigan iPhone'ni chiqarishga tayyorgarlik ko‘rish uchun qilinmoqda. 📟 DigiTech

📱Apple SIM-kartalardan deyarli butunlay voz kechmoqda — Yevropa uchun iPhone 18 faqat eSIM bilan chiqariladi. Yevropa bozori uchun yangi iPhone 18 Pro faqat eSIM versiyalarida sotuvga chiqariladi. SIM+eSIM ishqibozlari Hindiston va Xitoy versiyalarini xarid qilishga majbur bo‘lishadi. Ammo buning afzalliklari ham bor: shu tufayli iPhone 18 Pro Max'ning batareyasi sig’imi deyarli 5200 mA/soatgacha oshadi. 📟 DigiTech

🏠 Qiziqarli fakt: 30 million xitoylik yer ostida 4000 yillik tarixga ega bo‘lgan Yaodun g‘or-uylarida yashamoqda. Ha, bu elektromobillar va sun’iy intellektda yetakchilik qilayotgan dunyodagi eng texnologik mamlakatda ro‘y bermoqda. Biroq bu qashshoqlik emas, balki sof hisob-kitoblar natijasidir.

Mahalliy aholining fikricha, agar bino tepaga qarab qurilsa, boy qo‘shnilar kambag‘allarning quyoshini to‘sib qo‘yadi. Pastga qarab qazilganda esa, yorug‘lik hammaga teng taqsimlanadi. Bundan tashqari, yer qatlami haroratni yaxshi ushlab turadi. Hech qanday elektr energiyasiz bu uylarda qishda +10°C, yozda esa +20°C iliqlik saqlanib turadi.

Pekinda kichik bir studiya ijarasi 600 dollardan boshlansa, «Yaodun» uylarining oylik ijarasi bor-yo‘g‘i 30 dollar atrofida turadi. 2011-yilda esa Yaodunlar YUNESKO butunjahon merosi ro‘yxatiga ham kiritilgan. 📟 DigiTech