AI | DigiTech

⚡️SpaceX vaybkoderlar eng ko’p ishlatadigan xizmat — Cursorni 60 milliard dollarga sotib olmoqda. Ushbu kelishuv haqida kosmik kompaniya rekord darajadagi IPO'dan so‘ng e’lon qildi. Hozirda kompaniyaning o‘zi 2 trillion dollarga baholanmoqda. Cursor asoschilari barcha to‘lovlarni SpaceX aksiyalari ko‘rinishida oladi. Endi MIT bitiruvchilari yaratgan Cursor agenti ham Mask'ga tegishli bo‘ladi. 📟 DigiTech

📲 Eski smartfonlar ma’lumotlar markazlariga aylantirilmoqda — Google olimlari va muhandislari 2000 dona eski Pixel’ni platalarigacha ajratib, Android'ni o‘chirib tashlab, Linux hamda Kubernetes'ni o‘rnatishyapti. 25–50 dona smartfondan iborat klaster quvvati bo’yicha bitta server protsessorining o‘rnini bosa oladi. 📟 DigiTech

⚡️Bloomberg o‘z insaydi bilan bo‘lishdi: Apple kelajakda serverlarni saqlash bilan bog‘liq yuqori xarajatlar tufayli yangilangan Siri AI uchun pullik obunani joriy etishi mumkin. Hozircha obuna haqida gap aytilmadi — yangi Siri hali ham beta-bosqichda va foydalanuvchilarni unga pul to‘lashga ishontirish oson bo‘lmasligi mumkin. Mark Gurmanning fikricha, Siri’ning asosiy funksiyalari va suhbatlari hamma uchun bepul bo‘ladi, murakkabroq so‘rovlar va tasvir yaratish uchun esa qo‘shimcha haq to‘lashga to‘g‘ri keladi. 📟 DigiTech

📲 Buyuk Britaniyada 16 yoshgacha bo‘lgan foydalanuvchilar uchun ijtimoiy tarmoqlar to‘liq taqiqlanadi. Bu haqda Bosh vazir Keyr Starmer shunday dedi:

To‘liq taqiq — bu to‘g‘ri tanlov. Farzandlarimizning xavfsizligi va baxti haqida gap ketganda, men murosaga borishga tayyor emasman.

Ijtimoiy tarmoqlar bilan birga jonli efirlar va notanishlar bilan muloqot qilishning har qanday vositalari ham taqiqlanishi rejalashtirilmoqda. Qaror 2027-yilning bahoridan kuchga kiradi. 📟 DigiTech

⚡️Xitoy universitetlari sun’iy intellekt sababli eskirgan 12 mingdan ortiq mutaxassislikni bekor qildi. Bu mamlakatdagi barcha oliy ta’lim dasturlarining qariyb 30 foizini tashkil etadi. Ular orasida eng ko‘pi – san’at, gumanitar fanlar, xorijiy tillar va menejment yo‘nalishlaridir. Ushbu mutaxassisliklar o‘rniga texnologiyalar va sun’iy intellektga urg‘u berilgan 10 mingta yangi yo‘nalish joriy etildi. 📟 DigiTech

📲 YouTube 7 yildan so‘ng shaxsiy xabarlar funksiyasini qaytarmoqda.

Ha, bir paytlar YouTube’ning o‘z messenjeri bo‘lgan, u 2017-yilda ishga tushirilib, 2019-yilda yopib qo‘yilgan edi. Biroq odamlar boshqa messenjerlarga o‘tmasdan turib, do‘stlariga memlar va shorts'lar yuborish imkoniyatini qaytarishni shunchalik ko‘p so‘rashganidan, Google oxiri taslim bo‘ldi.

Messenjerni AQSH, Yevropa va Braziliyadagi foydalanuvchilar uchun asta-sekin ishga tushirishmoqda. Bizgacha hali yetib kelmadi, lekin funksiyani butun dunyo bo‘ylab yoqishni va’da qilishyapti. Bu chatga faqat YouTube’ning o‘zidagi kontentni yuborish mumkin bo’ladi. Boshqa havolalar, rasmlar yoki fayllarni jo’natib bo‘lmaydi. 📟 DigiTech

📲 Bunga 19 yil kerak bo‘ldi... iOS 27 da budilniklar ovozini bildirishnomalardan alohida sozlash mumkin bo‘ldi. Shu paytgacha iOS’da hamma narsa uchun tovush balandligini sozlashda faqat bitta slayder ishlatilardi. Endi esa ularning soni bir nechta — qo‘ng‘iroq ohangi, budilniklar va taymerlar, shuningdek, bildirishnomalar va tizim tovushlari uchun alohida. 📟 DigiTech

⚡️MrBeast kecha YouTube'da 500 million obunachi marrasini zabt etdi — uning kanali bunday obunachilar soniga erishgan tarixdagi birinchi kanaldir. Taqqoslash uchun: bu AQSh, Kanada va Buyuk Britaniya aholisini birgalikda hisoblanganidan ham ko‘pdir. 📟 DigiTech

⚡️Anthropic barcha foydalanuvchilar uchun Fable 5'ga kirishni yopib qo‘ydi — AQSH hukumati unda «milliy xavfsizlikka tahdid» aniqladi. Relizdan buyon atigi uch kun o‘tgan edi. Vashingtonda modelni «jeylbreyk» qilish usuli topildi va uni zudlik bilan yopish buyurildi. Kechasi barcha faol Fable seanslari xatolik sababli avtomatik tarzda uzildi. Kirish huquqi xavfsizlik patchidan so‘ng tiklanishi mumkin. 📟 DigiTech

📲 iOS 27 da AirDrop «uchyapti» — bir yigit 3,5 GB hajmli videoni yuborib ko‘rdi va natijani tizimning avvalgi versiyasi bilan taqqosladi. iOS 26 da bu ishga 2 daqiqa 11 soniya ketgan bo‘lsa, iOS 27 da o‘sha fayl atigi 41 soniyada yuborildi. Deyarli 70% ga tezroq. Yangilanishning to‘liq versiyasi kuzda chiqadi. 📟 DigiTech

📲 Telegram ilovasi yirik yangilandi. Nimalar qo’shildi: — Apple Watch va Galaxy/Pixel/Xiaomi Watch uchun ilovalar paydo bo‘ldi; — Botlar uchun Markdown formati qo‘llab-quvvatlanadigan bo‘ldi: sarlavhalar, jadvallar, ro‘yxatlar, kod bloklari va boshqalar; — Guruhlar uchun «Sun’iy intellekt himoyachilari» ishga tushdi; — Nihoyat, so‘rovnomalarga havola qo‘shish mumkin bo‘ldi! 📟 DigiTech

⚡️Ilon Mask tarixdagi ilk trillionerga aylandi (qog’ozda). Uning boyligi endi o‘zidan keyingi to‘rt nafar eng badavlat kishining umumiy mablag‘idan ham ko‘proqdir. Tadbirkorning boyligi SpaceX kosmik startapi birjaga chiqqani tufayli oshdi. Kompaniya bir aksiya uchun 135 dollar narx belgilab, 75 milliard dollar jalb qildi va Saudi Aramco neft kompaniyasining rekordini 2,5 baravarga yangiladi. 📟 DigiTech

⚡️AWS sun’iy intellekt orqali dasturlashni yomon g‘oya deb atadi.

Ko‘proq SI-kod jamoangizni tezlashtirmaydi. Aksincha, bu hatto sizni sekinlashtirishi ham mumkin.

Shunchaki eslatma: oktyabr oyida AWS xodimlarining 40 foizini ishdan bo‘shatib, ularni sun’iy intellektga almashtirgan edi. O‘sha oydayoq bot butun infratuzilmani 15 soatga ishdan chiqargan. 📟 DigiTech

📲 Yaqinda chiqqan Claude Fable 5 o‘z tilini ixtiro qildi: o‘qitish jarayonida model kutilmaganda g‘alati uslubga o‘tib olgan — bu uslub insonga tushunarsiz. Bu til tasodifiy jargon hamda Morze alifbosi uslubidagi, emoji qo‘shilgan belgilar aralashmasidan iborat edi:

8♥️}-FULL:-J♥️→Q♠️-⟸-J♦️-cell-✗-FULL-💀💀💀-AAAAAAAAAAAARGH

U tasodifiy xatolik emas, Fable odamlar bilan muloqot qilganda bir zumda ingliz tiliga o‘tib ketadi. Hozircha bu holat uzoq mulohazalarni optimallashtirishga urinish deb qaralmoqda. 📟 DigiTech

⚡️19 yoshli vaybkoder Zak Yadegari o‘zining Cal AI nomli kaloriya hisoblagichini taxminan 100 million dollarga sotdi. Endi u dumskrollingga qarshi kurashish uchun startap ustida ishlamoqda. Zak Cal AI'ni darslar orasidagi tanaffuslarda vaybkodlagan. U maktabni bitirayotganida, loyiha 10 million foydalanuvchiga ega bo‘lib, yiliga 30 million dollar daromad keltirayotgan edi. Hozirda Zak Flow loyihasi ustida ishlamoqda: bu servis foydalanuvchi smartfonini dok-stansiyaga qo‘ymagunicha ayrim ilovalarni bloklab tura oladi. Ijtimoiy tarmoqlarga qaramlikdan xalos bo‘lishga yordam beradi. 📟 DigiTech

⚡️Apple parollar menejerida ma’lumotlar sizib chiqishiga yo‘l qo‘ygan barcha ilovalarning parollarini bir tegishdayoq o‘zgartirish imkoni paydo bo‘ladi. Parollar bir vaqtning o‘zida ham «Passwords» ilovasida, ham servislar ichida yangilanadi. iPhone dasturlarga o‘zi kirib, kirish sozlamalarini o‘zgartiradi. 📟 DigiTech

📲 Google Tarjimonda xorijiy nutqni real vaqtda tarjima qilish imkoniyati paydo bo‘ldi. Endi tizim suhbatdoshning gapini tugatishini kutmaydi, balki ohang va tempni saqlagan holda nutq oqimini uzluksiz tarjima qiladi. U Gemini 3.5 asosida ishlaydi va 70 ta tilni, jumladan, o’zbek tilini ham qo‘llab-quvvatlaydi. 📟 DigiTech

⚡️Niderlandiyada dunyodagi birinchi hayvonlarsiz «ferma» ochildi — u yerda go‘sht sigir hujayralaridan bioreaktorlarda o‘stiriladi. Mutaxassislarning va’da qilishicha, uning tuzilishi va ta’mi tabiiy go‘shtdan farq qilmaydi, shuningdek, oqsillar, yog‘lar va uglevodlar miqdorini sozlash ham mumkin. Ishlab chiqarish uchun hayvonlarni qurbon qilish talab etilmaydi, tannarxi esa arzonroqqa tushadi. Hozirda ferma sinov rejimida ishlamoqda. Uni 2028-yilda to‘liq ishga tushirish rejalashtirilgan. 📟 DigiTech

📲 iOS 27 da Siri nihoyat aqlliroq bo’ladi, Apple iOS 27 uchun Siri AI’ni namoyish etdi. U Google Gemini asosida ishlaydi va quyidagilarni bajara oladi:

— iOS sozlamalarini boshqarish; — Suhbat mazmunini tushunish; — Rasmlar va fon rasmlarini yaratish hamda o‘zgartirish; — Internetdan batafsil ma’lumot qidirish; — Ovqatning kaloriyasini suratga qarab hisoblash; — Fotosuratdagi noto‘g‘ri burchakni to‘g‘irlash; — Matn tavsifi bo‘yicha avtomatlashtirish va "Buyruqlar" yaratish; — Suhbatlar va yozishmalarni konspekt qilish.

Asosiy xususiyati — hammasi to‘g‘ridan-to‘g‘ri qurilmaning o‘zida ishlaydi va Apple yoki Google serverlariga uzatilmaydi. Uning asosiy kamchiligi ham aynan shunda: tizim unchalik tez ishlamaydi. Siri AI “vaqtincha” faqat ingliz tilida ishlaydi. Boshqa tillar keyinroq qo’shiladi. 📟 DigiTech

📲 Apple WWDC 2026 konferensiyasida iOS 27’ning yangi funksiyalarini namoyish qildi.

– “Suyuq shisha” shaffofligini aniqroq boshqarish uchun slayder paydo bo‘ladi; – AirPods uchun tizimli ekvalayzer qo‘shiladi; – Apple Intelligence va Siri “aqlliroq” bo‘ladi, hamma narsa Gemini modellarida, lekin to‘liq lokal tarzda ishlaydi; – Ilovalar ikonkalari yanada “shishasimon” ko‘rinishga ega bo‘ladi; – Wi-Fi tarmog‘iga ulanish “aqlliroq” bo‘ladi. Masalan, iPhonelar kafedan chiqqanda tarmoqdan tezroq uziladi; – Fayl tizimi tezlashtiriladi, fayllar 5 baravar tezroq ochiladi. Tizimdagi Spotlight qidiruvi ham takomillashtirilgan; – Ota-ona nazorati funksiyalari kengaytiriladi, bolalar uchun akkauntlar yaratish imkoni qo‘shiladi, ilovalar va alohida saytlarga kirish jadvalini sozlash mumkin bo‘ladi; – Yangilanish hatto iPhone 11 da ham ishlaydi, bu iOS tarixidagi eng keng ko‘lamli qo‘llab-quvvatlashdir.

Reliz an’anaga ko‘ra kuzda bo‘ladi. 📟 DigiTech