Устаза Азиза @kg_hanafi

“Кутмандуу кеч, диндеш достор! Мен бул жерде эч кимиңерди тааныбайм, мугалимди да тааныбайм. Бирок бул дүйнөдө баарыбыз үнүбүз жана иш-аракеттерибиз аркылуу күбөлүк беребиз. Биз мусулмандарбыз, баарыбыз Аллахтын кулдарыбыз, Пайгамбарыбыз Мухаммад Мустафанын (с.а.в.) үммөтүбүз. Ислам дини Адам атадан башталып, акыркы пайгамбар Мухаммад (с.а.в.) менен толукталган. Мусулман болгонубуз үчүн шахадатты айтабыз. Бул жерде эч ким эч кимден артык эмес. Куран окууну үйрөнүү, динди таануу жана билим алуу ар бир мусулман үчүн парз. Бул илимди биз билген жана үйрөткөн адамдардан алабыз. Мугалим болуу да оңой эмес, бирок өз ишин сүйгөн мугалим бардык кыйынчылыктарга карабай окуучуларга билим берет. Менин айтайын дегеним мындай: мен бул жердеги эч кимди тааныбайм. Бирок силер менен бирге көп нерселерди үйрөндүм. Буга чейин да окуган тажрыйбам болгон, бирок досторумдун кеңеши менен кыргыз устаздан билим алуу жеңилирээк жана түшүнүктүүрөөк болот деген ниет менен кошулгам. Өткөн сабактарымда абдан кубандым, анткени окуганды кайталоо – өзүң үчүн да, мугалимдин эмгегин баалоо үчүн да маанилүү. Мен ар бир сабакка катышууну абдан кааладым. Бирок акыркы убактарда сабактар белгиленген убакыттан эрте башталып калды, ал эми мага билдирүү келбей калды. Эсиңердеби, башында сабак башталганда же башталаарда эскертүү келип турчу? Күндөр өткөн сайын билдирүүлөр да келбей калды. Акыркы чечим боюнча сабактар Кыргызстан убактысы менен саат 18:00дө башталмак. Анан эмне болду да, ал чечим өзгөрүп кетти? Бүгүн мен бир нерсени түшүндүм: айрым окуучуларга өзгөчө мамиле жасалат окшойт. Мен киммин? Мен дагы силер сыяктуу эле билим алууну каалаган окуучумун. Эгер силерге билдирүүлөр келип турган болсо, анда бул жерде адилетсиздик бар деген ой жаралат. Дин, Ислам жана Куран адилеттүүлүккө үндөйт. Биздин динде адилетсиздик чоң күнөө. Ар бир адам бул үчүн Аллахтын алдында жооп берет. Мен адилеттик жок жерде тура албайм. Эгер бул дүйнөлүк маселе болгондо башкача болмок. Бирок мусулмандардын башкы өзгөчөлүгү – адилеттик жана акыйкаттык. Ошондуктан мен бул топтон чыгып жатам. Бүгүн куптан намазын окуп жатып көп ойлондум: калайынбы же кетейинби деп. Эгер кайдыгер адам болгондо кала бермекмин. Аллахтан багыт сурадым. Акылым “жазбасаң да болот” деди, бирок жүрөгүм “жаз” деди. Топто калган айымдарга жеке жашооңордо да, ишиңерде да ийгилик, бакыт жана береке каалайм. Динибизде адилеттик бар, акыйкат бар, укук бар. Адилеттиктин артынан жүргүлө. Адилеттик болсо, акыйкат да болот, укук да болот. Баарыңарды Аллахка аманат кылам.” - деп жазып чыгып кетти бирөө азыр Эми сиздерден сурайынчы, чындыгында сабакта адилетсиздик жана башкаларга өзгөчө мамиле же айтылган убакытта өтүлбөй ар кайсы учурда болуп жатабы сабак?