𝐆𝐞𝐭 𝐔𝐫 𝐁𝐀𝐂 𝐖𝐢𝐭𝐡 𝐔𝐬 ❤

🟢 تخصص_طب: تخصص علمي بإمتياز و اختيار اغلب المترشحين المتحصلين على شهادة البكالوريا بمعدلات تفوق 16✅ ، تخصص رائع للشغوفين بهذا المجال حيث ان اخياره يكون بإرادة و عن حب له و ليس كما يدعيه البعض انه لكسب الاموال (صراحة لي ميحبش الطب ميروحش فيه بعيد) 📌عدد السنوات الدراسية 7 سنوات ،( 6 سنوات الاولى عبارة عن تلقي للدروس مع التربص و هو ما يسمى ب l'externat ، أما العام السابع فهو تربص فقط في المستشفيات او l'internat و في اكتوبر صدر قانون يقول انو عدد سنوات الدراسة راح يبقاو غير 6 تع l'externat و بعدها الطالب يروح لامتحان التخصص لي من بين التخصصات هي طب عام مدة دراستها عامين اي بمعدل 8 سنوات لدراسة الطب العام ). 📌 ينهي الطالب مسيرته بشهادة طبيب عام يمكنه بعدها اجتياز امتحان التخصص لامام مسيرة التخصص 🩺🩹 📌لغة الدراسة منذ القدم هي اللغة الفرنسية لكن منذ العام الماضي بداو يحاولو تعميم اللغة الإنجليزية كونها لغة عالمية ، لهذا نجد حاليا بعض الجامعات التي لا تزال تعتمد اللغة الفرنسية بشكل كلي و الأخرى التي تدرس موادا بالفرنسية و الاخرى بالإنجليزية بغية تعميمها +بالنسبة للناس لي تسقسي اسك اللغة تعيقك اذا كنت ناقص فيها مراحش نقلك مهوش كامل مشكل و معندهاش تاثير ❌بصح شويا بالطول توالف اللغة و مراحش يكون عندك بروبلام معاها ، و لي معلابالوش كي تدخلو ميدسين يديرولكم تاست فالفرونسي بصح سامبل اذا نجحتو اللهم بارك اذا منجتوش تعاودوه في افريل و يبقا يطلع معاكم كل عام حتى تنجو بصح كامل ينجحو فيه سوو متخافوش (مشي كامل في بداية العام ، فالبليدة درناه نهاية ماي 🙂) #معدل القبول : حسب الاولوية 📌 علوم و تكنولوجيا : معدل القبول 2023 :16.52 📌رياضيات : 17 📌تقني رياضي : 17،34 ميخلعوكمش المعدلات لانو يتم احتساب المعدل الموزون باش تدخلو التخصصات الطبية و ان شاء الله يكونو نقاط ممتازة فالعلوم✅ و بطبيعة الحال مادام التقنيين مقراوش علوم رايح يلقاو صعوبات بصح مشي معنتها ميقدروش يقراو #كليات الطب في الجزائر : موزعة فالعديد من الولايات و هذا العام سيتم تدشين بعض الكليات اما بالنسبة للملحقات فالدراسة فيهم تشمل 3 سنوات الاولى فقط ثم يتم التحويل الى الكلية الاصلية✅🫶 #مستشفيات التربص CHU:✅ موجودة في كل الولايات لي فيها كليات لكن للاسف في بلادنا كاين نقص كبير فالامكانيات و المعدات حتى لاشارج راهي تزيد كل عام

جماعة لي دارت هذيك العفسة تع طب+تخصص آخر يكون في علمكم بأنه ليس نفس معدل القبول مثل الطب وحدو يعني اعرفوا ترتبوا الإختيارات تاعكم بعناية لكي لا تندموا فيما بعد (رأي شخصي....خطيكم من طب + تخصص آخر راح تدخلوا في حيط)

علابالي قتلتكم السخانة بردوا شويا

قلولي تخصص لي تحبو معلومات عليه