".ÐiƒƒeReИŦ"._.🖤

_يمكن مش كل روح بنحس إنها مألوفة بتكون جاية علشان تفضل… يمكن بعضها بييجي علشان يفكّرنا بحاجة نسيناها في نفسنا. يمكن شخص يدخل حياتك لفترة قصيرة، لكن يسيب جواك أثر أطول من ناس عاشوا معاك سنين. وساعات بنغلط ونفتكر إن شدة الألفة معناها إن هو الشخص ده مع إن يمكن الألفة كانت مجرد علامة… علامة إن فيه حاجة لازم تحصل بينكم. ممكن تكملوا الطريق سوا، وممكن كل واحد فيكم يرجع لطريقه. بس في كل الأحوال، هيفضل السؤال موجود: ليه هو؟ ليه أنا؟ وليه في الوقت ده بالذات؟ يمكن مفيش إجابة. ويمكن الإجابة أبسط مما إحنا متخيلين: إن بعض اللقاءات مش محتاجة تفسير… يكفي إنها حصلت. يمكن كان لازم أشوفك علشان أعرف إن قلبي لسه قادر يحس. ويمكن كان لازم تعرفني علشان تكتشف إن في حد ممكن يشوفك بالطريقة اللي كنت طول عمرك مستنيها. و أكتر شيء موجع في الحكاية… إنك ممكن تحس إنك أخيرًا لقيت الشخص اللي روحك كانت بتدور عليه، وبعدين تكتشف إن العثور عليه مش معناه بالضرورة إنك هتحتفظ بيه. يمكن بعض الأرواح بتتقابل علشان تحب، وبعضها بتتقابل علشان تتعلم، وبعضها… بتتقابل بس علشان كل واحد فيهم يسيب في التاني حاجة. وعشان كده، يمكن السؤال الحقيقي مش: "إحنا إتقابلنا قبل كده؟" يمكن السؤال الأهم: "هو إحنا إتقابلنا ليه؟" ويمكن لو عرفنا الإجابة، هنفهم إن اللقاء نفسه كان هو الحكاية… مش بالضرورة البداية لحكاية تانية... ToM!...

"إحنا اتقابلنا قبل كده؟!" سؤال بيبقى نفسك تسأله لعيون مألوفة، عارف إنك بتقابلها لأول مرة. هل علشان حسيت إنك محتاج تسمع القصة دي؟ ولا الأرواح بتتقابل قبل الأجساد فعلًا؟ يعني هل علشان مقدّر ليهم اللقا، فحسوا بالألفة ديه من غير ما يعرفوا السبب؟ يمكن في أرواح بتتعرّف على بعض من أول نظرة، مش لإنها اتقابلت قبل كده، لكن لإنها كانت مستنية بعضها. غريب إنك ممكن تقابل شخص لأول مرة، فتلاقي نفسك مش محتاج تتعرّف عليه… كأن في حاجة جواك عارفاه قبلك. تحس إن صوته مرّ عليك قبل كده، إن ضحكته ليها مكان قديم في ذاكرتك، وإن عينيه مش أول مرة تبص لها، رغم إنك متأكد إن ديه أول مرة تشوفها. وتبدأ تسأل نفسك: ليه وسط كل الناس دي، روحي وقفت عنده؟ يمكن لإن بعض اللقاءات ما بتحصلش بالصدفة. يمكن كل واحد فينا ماشي في طريقه، وفجأة الطريقين يتقاطعوا في اللحظة اللي كانوا لازم يتقاطعوا فيها بالظبط. يمكن ربنا بيخلّي الأرواح تتعارف الأول، وبعدين يسيب الأجساد تاخد وقتها علشان تلحق بيها. وعلشان كده، في ناس بنقابلهم ونحس إننا عرفناهم من سنين، وفي ناس نعرفهم سنين ونفضل حاسين إنهم غرب. يمكن الألفة مش محتاجة وقت، لأنها مش بتبدأ من أول لقاء… هي بس بتظهر فيه. وممكن علشان كده بعض الناس لما يمشوا من حياتنا، مش بنحس إننا فقدنا شخص قابلناه، بنحس إننا فقدنا حاجة كانت شبه البيت. والأغرب من إنك تلاقي شخص مألوف، إنك تلاقي نفسك مألوف بالنسباله برضه. إنه يبصلك بنفس النظرة اللي كنت بتبصله بيها، كأن كل واحد فيكم كان بيدوّر على التاني من غير ما يعرف. ساعتها هتفضل واقف قدامه، وعندك سؤال واحد نفسك تسأله، بس خايف من إجابته: "إحنا اتقابلنا قبل كده؟" يمكن يقولك: "لأ." بس جواك هتكون عارف إن الإجابة الحقيقية عمرها ما كانت لأ. يمكن أنتم ما اتقابلتوش قبل كده… يمكن أرواحكم هي اللي اتقابلت، وكان كل اللي حصل النهارده إنكم أخيرًا لحقتوا بعض... ToM!...

هانت يارب.. صح؟ هانت عشان دلوقتي لازم تهون قول للنهاية كُن فَتكون.

الساعه تلاته بالليل ف طلعت حرب كنت تقريبا زي ما كنت... كنتي طالل عليكي بغنوه من قلبي وأنا قلبي بلكونتي.

رغبة الموت باستماتة بس أنا لسا جبان أخري ... بشغلها على تلاتة

كل التجارب و الظروف و عقلى المريض هزمونى ، ف لقتنى من غير قصد والله من غير قصد..... بهزمك....

انا مش هناك ،، بس انتى برضه مش هنا

معقول و ف ليلة واحدة تبقى الحلم البعيد بكتب لأني عاجز و قلوب الناس حواجز بكتب لأني عايز أتنفس شيء جديد..

كل شعور جوايا دايما هربان مني وبقي كل شئ بالنسبالي باهت ومع مرور الوقت بحس ان انين قلبي بيختفي تدريجيا."

إحنا كُنا بعاد و مازلنا إحنا بينا بلاد بتعزلنا

مش عارف حقيقي امتي هقول اني كويس بجد انا تقريبا بقيت عايش كل حاجه بصراع علي الاقل مع نفسي."

و عشان كله بيتساوى و تجوز الرحمة عليا ف أنا عايز أموت دلوقتي مش عارف عايز إيه

كأني عمال بجري في طريق ملهوش اخر وبرغم من الايمان اللي جوايا اني هيجي وقت وهوصل بس احساس اني حتي لسه موصلتش لنص الطريق بيوصلني لفكره اني مبقتش قادر اكمل."

و الدنيا حلوة لولا الناس و الدنيا وحشة لولا الناس .

_بس انتوا مفيش جنبكوا نيل! أيوا يا باشا بس النيل يتفاتله بلاد أصله النيل زاي قلوب كتير نمشيلها دهر لو عايزين... ToM!...

_امتى الزمان يسمح يا جميل وأسهر معاك على شط النيل! ...