..

أنا عارفة إن دي المحاولة المليون بس الموضوع جنة ونار ، فلازم نحاول تاني🫶🏻.

إن الله إذا أحب عبداً رزقه بلين القلب.

"يا واقفًا في مقام التحير هل أنت على عزم التغير؟ إلى متى ترضى بالنزول في منزل الهوان. هل مضى من يومك يوم صالح سلمت فيه من جرائم القبائح، تالله لقد سبق المتقي الرابح وأنت راض بالخسران". ابن الجوزي | التبصرة ط: العلمية (٨٩/٢)

ألا يضيع منّي كلُّ شيءٍ أحببته ولا تُعاقبني بمن أُحِب أن تجعل الخير فيما يرتاح قلبي له وتُقرّ عيني بما أُحِبُ وترضى يا ربّ :))

وَءَاخَرُونَ ٱعۡتَرَفُواۡ بِذُنُوبِهِمۡ خَلَطُواۡ عَمَلاً صَـٰلِحًا وَءَاخَرَ سَيِّئًا عَسَى ٱللَّهُ أَن يَتُوبَ عَلَيۡهِمۡ‌ۚ إِنَّ ٱللَّهَ غَفُورٌ رَّحِيمٌ﴿التوبة - 102﴾

- اللهمَّ أصلِحنۍ ڪَما أصلَحتَ الصَّالِحينَ مِن قَبلۍ☘️‘

أنت بتعمل اي؟ الصبح بتسلي صيامك وبالليل بترتاح من الصيام! عمال تضيع وقتك ليه؟ في ناس خلاص فازوا وربنا أعتق رقابهم من النار وأنت لسه بتفكر في الذنوب بتاعتك هتعملها ازاي؟ لحد امتى طيب؟ رمضان كمان ناوي تضيعه منك يعني؟ هو في أكتر من كده يجدعان؟ يعني أبواب الجنة مفتوحة ومش عارفين ندخل؟ وأبواب النار مقفولة واحنا واقفين مستنيينها تفتح ! عايز تكون من الناس اللي سيدنا جبريل دعا عليهم والنبي ﷺ قال آمين ؟! لو لأ ، أومال اي اللي بتعمله ده؟ عايز الجنة يعني بعمل أهل النار ! الحق نفسك دلوقتي ليكون آخر رمضان ليك

بصوا يا كرام، هو شهر واحد بييجي في سنة طويلة عريضة. والحمد لله إن ربنا من عليك وبلغك إياه. اتعب نفسك معلش، نام قليل، اقرأ قرآن كتير وتدبر، اذكر الله في كل وقت وحين. تعال على نفسك شويتين ثلاثة، لأنك محتاج للعناء والمشقة دي. الله يعينك على نفسك ويقويك.

هتكتشف خلال الشهر ده إنك أضعف مما أنت متخيل وإنك عبد ضعيف تجري عليك ماجريات الإنسان العادي من زلل وتخبط، وإنك مش ملك نفسك وإن الحول والقوة من الله وحده. طيب إشمعنا الشهر ده بالذات؟! لأن بيتكشف ليك أثناء لحاقك بالصالحين والاقتداء بهم حاجات مكنتش شايفها وإنت في لهوك وغفلتك، وإنك لما تجلس بين يدري ربك في ساعة خلوة كده وتبكي بحرقة على ما اقترفته، ساعتها هتندم على ما فاتك وتشوف إنت واقف فين بالضبط من كونك عبدا لله ضعيفا تبتغي القوة والمعونة منه وحده سبحانه. عاوزك بقى تقبض على هذا الشعور وإياك تنساه بقية عمرك كله، لأن ده نجاتك في الدنيا والآخرة.

عاوزك خلال الشهر رمضان متبطلش تدعي الأدعية دي قل: "اللهم اغفر لي ذنبي كله، دقه وجله، أوله وآخره، سره وعلانيته، ما علمت منه وما لم أعلم" والدعاء ده كمان "اللهم إني أستغفرك مما أعلم، ومما لا أعلم، ومما أنت به أعلم، إنك أنت الأعز الأكرم" يعني أستغفرك يارب من ذنوب عملتها وعارفها وفاكرها، وأستغفرك من ذنوب أنا عملتها ونسيتها، وأستغفرك من حاجات أنت تعلمها عني وما أدركتش أصلا إنها حرام وزي ما اتفقنا .. لو مش هتعمل طاعة في الشهور دي، فكف نفسك عن المعصية " فلا تظلموا فيهن أنفسكم"

*✅ مفطرات الصيام التي يكثر السؤال عنها ✅* *✅التحاليل ( لا تفطر ) ابن عثيمين.* *✅قطرة العين ( لا تفطر ) ابن تيمية وابن باز وابن عثيمين.* *✅الكحل ( لا يفطر ) ابن تيمية وابن باز و ابن عثيمين.* *✅قطرة الأذن ( لا تفطر ) ابن تيمية وابن باز و ابن عثيمين.* *✅قطرة الأنف ( إذا وصلت إلى المعدة فإنها تفطر ) ابن عثيمين.* *✅ابن باز : قطرة الأنف لا تجوز للصائم ومن وجد طعمها في حلقه فعليه القضاء.* *✅بخاخ الربو ( لا يفطر ) ابن باز ابن عثيمين واللجنة الدائمة.* *✅الإبر المغذية ( تفطر )، والإبر العضلية أو الوريدية أو الجلدية ( لا تفطر ) ابن عثيمين وابن باز.* *✅إبر البنسلين ( لا تفطر ) ابن عثيمين.* *✅إبر الأنسولين لمرضى السكر ( لا تفطر ) اللجنة الدائمة.* *✅إبرة تخدير الأسنان وعمل حشوه وتنظيفها ( لا يفطر ) ابن باز.* *✅استنشاق البخور عمداً مع العلم ( يفطر )، أما مجرد شم البخور ( فلا يفطر ) ابن عثيمين.* *✅استعمال العطور واستنشاقها ( لا يفطر ) ابن عثيمين وابن باز.* *✅مرطب الشفتين ( لا يفطر ) بشرط عدم ابتلاع شيء منه، ابن عثيمين.* *✅القيء عمداً ( يفطر )، وبغير عمد ( لا يفطر) ابن عثيمين وابن باز.* *✅رعاف الأنف وقلع الضرس مع خروج دم ( لا يفطر ) ابن عثيمين وابن باز.* *✅تحليل الدم ( لا يفطر ) ابن باز وابن عثيمين.* *✅الاحتلام ( لا يفطر ) ابن عثيمين وابن باز.* *✅السباحة والغوص ( لا يفطر ) ابن عثيمين.* *✅دواء الغرغرة ( لا يفطر ) بشرط عدم ابتلاع شيء، ابن عثيمين.* *✅السواك ( لا يفطر ) ابن عثيمين وابن باز.* *قلت : المقصود السواك العادي وليس ذو النكهات.* *✅معجون الأسنان ( لا يفطر ) إذا لم ينزل إلى المعدة، والأولى عدم استعماله؛ لأن له نفوذ قوي.* *ابن عثيمين وابن باز.* *✅بلع النخامة ( لا يفطر ) ابن عثيمين.* *✅تذوق الطعام ( لا يفطر ) ولكن لا تبتلعه، ولا تفعله إلا لحاجة.* *ابن عثيمين.* *✅لصقات النيكوتين ( تفطر ) اللجنة الدائمة.* *✅من تنبيهات شهر رمضان : *⁉️سئل بن باز : هل يثاب النظر في المصحف دون تحريك الشفتين ؟؟* *✅الجواب : لايعتبر قارئا !!* *ولا يحصل له فضل القراءة إلا إذا تلفظ بالقرآن.*

السلام عليكم ورحمة الله وبركاتة متنزلوش أغاني في رمضان، متنزلوش اعلانات رمضان، متنزلوش مقاطع من مسلسلات رمضان، متنزلوش رامز جاب مين في الحلقة، متنزلوش أي حاجة ممكن تخلي الشخص مُذبذب أو عنده فتور في العبادة ﷲ يرضى عنكم! في ناس كتير بتحاول إنها تتغيّر الشهر ده للأحسن بلاش بحاجة زي دي الشخص يرجع لنقطة الصفر تاني،ياريت نعين بعض بدل ما نكون عون للشيطان على بعض.""

لأجل أننا مُسلمون وتعظيم شعائِر الله فريضه رمضان مُبارك ، وڪل عام وأنتم بخير يـــَ أحباب رسول الله 🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🌟"":

ما زالَ سؤَال ابنِ الجوزيِّ يحتاجُ جوابََا: "أتُريدُ أن تَدخُل الجَنَّة بِعَملِ أهلِ النَّار؟".

- قوم اتسحر ! - لا اتسحروا انتوا أنا ماليش نِفس. - طيب كٌل أي حاجة عشان تعرف تصوم! - لأ ماليش مزاج آكُل. • أحيانًا بنتعامل مع السحور ده كأنه (أكلة) بنسد بيها (جوع) الصيام فقط، أو هاكل مع اللي بياكلوا وخلاص، ماليش فيها أي نية تانية أو مش شايفها حتى عبادة ! • يعني مش بتسحر مثلا عشان النبي ﷺ قال : "تَسَحَّرُوا فَإِنَّ فِي السَّحُورِ بَرَكَةً "!! √ فـ بسبب أكلة السحور دي تاخد بركة، بركة في صحتك وعافيتك وصومك طول اليوم. • أو إنك بتتسحر عشان النبي ﷺ قال : "إِنَّ اللهَ وملائِكتَهُ يُصَلُّونَ عَلَى المُتسحرِينَ"!! √ فـ بسبب السحور ربنا وملائكته يصلوا عليك، وصلاة الله على عباده تعني الرحمة لك، وصلاة الملائكة الدعاء لك.. قاعد تتسحر ورحمات نازلة وبركات، وكمان ملائكة بتستغفرلك وتدعيلك !! • فالسحور مش روتين يومي، السحور عبادة لله، حتى لو كان فعلًا مالكش نِفس كٌل حاجة خفيفة عشان انت مش بتسد جوع بس، انت بتعبد. - ومجرد سحورك مع خطور الصوم ببالك إنك هتصوم بكرة، دي كدا نية للصيام.

-الصلاة حلوه ؟ طبعاً الصلاه حلوه ، الصلاه بتهون عليك الحُزن والتعب النفسي اللي انت مش قادر تتغلب عليه ، الصلاه بتشيل تعب الجسم وتخليك إنسان تاني ، إنسان نضيف ، الصلاه بتريح القلب والبال وبتخلي حياتك كويسه ، الصلاه هيا اول طريق لكل حاجه انت عايزها اول طريق ل راحه قلبك وبالك اول طريق ل حلمك اللي ليك سنين مش عارف تحققه ، الصلاه خير لكل حاجه واول حاجه قلوبنا ، لما تكون زعلان قوم صلي وامسك المصحف كلم ربنا وشوف بعدها هتكون حاسس ب اي او عامل ازاي ، لو حالك وقف ومش لاقي....؟ قول: " اللهم قدرلي الخير حيث كان" الصلاه حلوه وقرب ربنا دايما جميل ، قربوا من ربنا ، ربنا فعلا جميل ♥️