..

يارب تب علينا من إضاعة الوقت ونسيان المهمة وترك الغاية والهدف

إيه الحاجات اللي ممكن نمشي عليها من دلوقتي استعدادًا لرمضان؟ ج/ تدَبُّر القرآن، والإكثار من سَماعه، وترك اللغو، وحفظ اللسان، والصَّدقة، وركعتان في جَوْف الليل، وحُسن الخُلق مع الخَلق كلّهم. -الشيخ وجدان العليّ.

السلام عليكم ورحمة الله وبركاته كلنا بنقع ، إحنا مش أنبياء أو رُسُل ، مش الشاطر اللي ميذنبش ، لا ، الشاطر اللي يعرف غلطُه ويصلحه ، ومش عيب إنك تقع مرة واتنين وتلاتة ومليون ، اقع وتوب و اقع وتوب و اقع وتوب و اقع وتوب ، وتوب وتوب مليون مرة ، وهتيجي فجأة تلاقيك بتكره الذنب لوحدك ، بس استعين بالله ، صلي على النبي كتيييير قوييي ، واستغفر ، واعمل ورد من القرآن ، وادعي وادعي وادعي ، ومهما تعمل اوعى تخلّي الشيطان يضحك عليك ويقولك أنت بتذنب ربنا هيقبلك؟ ، أيوة ربنا هيقبلك وأنت مع الدعاء والإستغفار ، وكده هتبدأ ترجع لِربنا ، وأي ذنب تعمله ، اعمل بعدها طاعة على طول ، واذكر ربنا كتيير ، واستغفر كتير جدًا جدًا جدًا ، وتصدّق كتير ، حاول كل يوم ولو كمية صغيرة جدا ، ومتنساش القرآن ، ربنا يجبر خاطركم ، ويرزقنا الجنة جميعًا 🤍🤲🏻 ".

لو ف حد بتحبه انصحه يصلي ! لو ف حد بتحبه ادعيله يصلي … ف والله انها لفانيه لو لقيت حد بينصحك تصلي ماتزعلش منه واعرف انك لو ماعندكش حد ينصحك تصلي ف اعرف انك ماعندكش حد ! ! عايز تصلي اقرا القرآن … عايز تصلي افهم القرآن فوالله انها لكبيره إلا علي الخاشعين فيارب نكون منهم ...... ثبتنا الله واياكم♥️

تزداد الوحشة والقلق ويقل الأنس مع إدمان مطالعة صفحات التواصل. ويزداد الأمن والسكينة والراحة بكثرة مطالعة صفحات المصحف. والعاقل من يختار! - د/ خالد أبو شادي

‏"يا رب ندخل الجنة.. الإنسان ضاقت به الدنيا رغم اتساعها واللّٰه والعزاء الوحيد لقلبة إنها فانية ونعوذ بالله أن نشقى هنا وهناك. نسأل اللّٰه من فضلة وأن نكون ممن يُساقون إلى الجنة زمرًا. {وَسِيقَ الذينَ اتَّقوْا رَبَّهُمْ إِلى الْجَنَّةِ زُمَـرًا} اللهُمَّ ونحن يا رب.."

من أعظم المشاهد اللي هتحصل يوم القيامة: ربنا هينادي على سيدنا عيسى قدام كل الخلق، مش هيكون لسبب إن ربنا مش عارف، لكن عشان الحقيقة تطلع كاملة والكل يسمع كلام الحق من فم سيدنا عيسي نفسه، ربنا هيقول: ﴿وَإِذْ قَالَ ٱللَّهُ يَٰعِيسَى ٱبْنَ مَرْيَمَ ءَأَنتَ قُلْتَ لِلنَّاسِ ٱتَّخِذُونِي وَأُمِّيَ إِلَٰهَيْنِ مِن دُونِ ٱللَّهِۖ﴾ (المائدة: 116) هنا ربنا بيسأل سؤال واضح: إنت قولت للناس يتخذوك أنت وأمك آلهة غير الله؟ وساعتها سيدنا عيسى مش هيتوتر ولا هيلف ويدور ولا ياخد دفاع لكنه هيقف بكل تواضع ويسبح ربنا ويقول: ﴿سُبْحَٰنَكَ مَا يَكُونُ لِيٓ أَنْ أَقُولَ مَا لَيْسَ لِي بِحَقٍّۚ إِن كُنتُ قُلْتُهُۥ فَقَدْ عَلِمْتَهُۥۚ تَعْلَمُ مَا فِي نَفْسِي وَلَآ أَعْلَمُ مَا فِي نَفْسِكَۚ إِنَّكَ أَنتَ عَلَّٰمُ ٱلْغُيُوبِ﴾ (المائدة: 116) يعني: سبحانك يا رب، ما ينفعش أقول حاجة مش حقي، ولو كنت قلتها فإنت أعلم بيا وبقلبي، وأنت علام الغيوب. وبكل هدوء وثبات يكمل كلامه قدام الناس: ﴿مَا قُلْتُ لَهُمْ إِلَّا مَآ أَمَرْتَنِي بِهِۦٓ أَنِ ٱعْبُدُوا۟ ٱللَّهَ رَبِّي وَرَبَّكُمْۚ وَكُنتُ عَلَيْهِمْ شَهِيدًۭا مَّا دُمْتُ فِيهِمْۖ فَلَمَّا تَوَفَّيْتَنِي كُنتَ أَنتَ ٱلرَّقِيبَ عَلَيْهِمْۚ وَأَنْتَ عَلَىٰ كُلِّ شَىْءٍۢ شَهِيدٌ﴾ (المائدة: 117) هو بيقول: أنا قلت لهم اللي ربنا أمرني بيه بس: اعبدوا الله ربّي وربّكم، وكنت شاهد عليهم وأنا معاهم، ولما خلّصت مهمتي وربطت روحي عند ربنا بقيت أنت اللي بترقبهم وتشهد على كل اللي عملوه. وبعد ما سيدنا عيسى يخلص كلامه ويظهر صدقه وثباته، يجي الحكم الإلهي في نفس السورة، ربنا يسمع كلام العبد الصادق: ﴿إِنْ تُعَذِّبْهُمْ فَإِنَّهُمْ عِبَادُكَۖ وَإِن تَغْفِرْ لَهُمْ فَإِنَّكَ أَنتَ ٱلْعَزِيزُ ٱلْحَكِيمُ﴾ (المائدة: 118)، يعني: يا رب، لو هتعذبهم فهم عبادك، ولو هتغفر لهم فده من عظمتك وحكمتك اللي ما بتتغيرش أبدا وبعدها ربنا هيعلن الحكم النهائي لكل الناس: ﴿هَٰذَا يَوْمُ يَنفَعُ ٱلصَّٰدِقِينَ صِدْقُهُمْۚ لَهُمْ جَنَّٰتٌۭ تَجْرِى مِن تَحْتِهَا ٱلْأَنْهَٰرُ خَٰلِدِينَ فِيهَا أَبَدًا ۚ رَضِىَ ٱللَّهُ عَنْهُمْ وَرَضُوا۟ عَنْهُۚ ذَٰلِكَ ٱلْفَوْزُ ٱلْعَظِيمُ﴾ (المائدة: 119)، يعني: النهارده يوم ما ينفع الصادقين صدقهم، سواء المؤمنين أو اللي اتبعوا الحق، لهم جنات فيها ما يموتوش أبدًا، وربنا راضي عنهم وهُم راضين عنه، وده الفوز الأعظم، أما المشركين والكذابين هيتشافوا على حقيقتهم قدام الكل والعدل الإلهي هيبان للجميع مابين مين هيدخل الجنة ومين هيدخل النار.

تتجلي عظمة الخالق في الحديث القدسي الشريف قال سبحانه وتعالي: "يا إبن آدم جعلتك في بطن أمك.. وغشيت وجهك بغشاء لئلا تنفر من الرحم وجعلت وجهك الي ظهر امك لئلا تؤذيك رائحة الطعام وجعلت لك متكأ عن يمينك ومتكأ عن شمالك فأما الذي عن يمينك فالكبد واما الذي عن شمالك فالطحال وعلمتك القياك والقعود في بطن امك فهل يقدر علي ذلك غيري؟؟!!! فلما انت تمت مدتك واوحيت اليك الملك بالأرحام ان يخرجك فأخرجك علي ريشة من جناحه لا لك سن تقطع ولا يد تبطش ولا قدم تسعي فأنبعث لك عرقين رقيقين في صدر امك يجريان لبنا خالصا حار في الشتاء وباردا في الصيف وألقيت محبتك في قلب ابويك فلا يشبعان حتي تشبع ولا يرقدان حتي ترقد فلما قوي ظهرك واشتد أزرك بارزتني بالمعاصي في خلواتك " ولم تستحي مني ومع هذا ان دعوتني اجبتك " "وان سالتني اعطيتك وان تبت اليَّ قبلتك" "".

إنَّ الله يُحِبُّ أنْ يُحمَد ♡ الحمد لله على كل حال مهما كان الحال فالخير كل الخير فيما يختاره الله لنا. الحمد لله بلا سبب، والحمد لله بلا طلب. الحمد لله بلا عدد، والحمد لله حتى يرضى.

الإنسان خايف من ذنوبه والله وقلّة عمله وهو يرى نِعم الله عليه من كل جانب.. ما عبدناه حق عبادته سبحانه ولكنه يغفر تقصيرنا ويبارك عملنا القليل، اللهم تقبّل منا.

١٠ نصايح لـ شهر رجب عشان تجهز قلبك لاستقبال رمضان ♥️ ١- مش تقيله خالص إنك تصوم اتنين وخميس، احنا ف الشتا يعني فعليًا الصيام ١٢ ساعة بس وبيروح منهم كام ساعة الصبح بنكون نايمين والجو حلو مفيش عطش فَـ ماتستتقلش الموضوع دي حسنات مضاعفة ٢- القيام : حتي لو هتصلي ركعتين بعد العشا وتوتِر بركعه برده هتاخد الثواب، ولو مش قادر النبي ﷺ قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة. ٣- قراءة القران : حاول تقرأ ماتيسر من القران حتى لو آيتين، المهم المصحف يتفتح كل يوم، حط نيه لله عشان تاخد أجر، وافتكر إن الأجر مضاعف اوعى تضيع الفرصه دي. ٤- الصدقة : حتى لو المبلغ قليل لكن ثوابه مضاعف يعني ضعف العشر أمثال انت متخيل! وفيه صدقات ممكن تعملها اكتر من مرة في اليوم مش هتكلفك حاجه خالص، تساعد حد محتاج مساعدة، تضحك في وش حد، أو تقول كلمة طيبة. ٥- متبطلش تدعي : اوعى تيأس، ادعي بكل حاجه بتتمناها مفيش حاجه مستحيله على ربنا، متدعيش بالقليل كرم ربنا مالوش حدود، ادعي بكل يقين ومتنساش حبايبك وأموات المُسلمين وجهز دعواتك لرمضان زي ما السلف الصالح كانوا بيعملوا. ٧- اذكر ربنا وخلي سبحتك في إيدك طول الوقت : حتى لو ماشي في الطريق خلي الذكر دايمًا علي لسانك ونوّع مابين الاستغفار والصلاة ع النبي ﷺ والتكبير والحمد والتسبيح. ٩- بقدر المستطاع استفيد بكل السُنن : - اشرب وانتَ قاعد وعلى ٣ مرات. - أذكار الصباح والمساء - النوم على وضوء وأذكار النوم. - قراءة سورة المُلك قبل النوم. - ١٢ سُنه "ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشا". - لو بتحب حد قوله إنك بتحبه في الله. - الدعاء بظهر الغيب لغيرك. - كظم الغيظ. شوفوا حاجات بسيطه ازاي لكِن سُنه وعليها ثواب مُضاعف بإذن الله في الأيام الجميلة دي ♥️ ١٠- مش هيبقي نفاق منك أبدًا إنك تصلح نفسك الفتره دي تحديدًا عشان تجهز قلبك وروحك لرمضان، ملكش دعوه بكلام الناس وحاول بكل ما أوتيت من جُهد. تقبّل الله منّا ومنكم صالح الأعمال. #وَذَكِّرْ 🕊️♥️

أول ليلة في شهر رجب (فلا تَظْلِمُوا فيهِن أنفُسَكُم) اللهم أجعل هذة الليالي لا يَرد لنا فيها دُعاء ولا يُخيب لنا رجاء اللهم أجعلنا ممن جَبرت قُلوبِهم واستجابت دعواتهم ورضيت عنهم وارضيتهم ياربّ

مفيش أسوأ من إنك متقدرش تعمل الطاعات اللي اتعودت عليها بسبب ذنوبك اللي هو أنت صاحي بالليل بس مش قادر تقوم تقيم الليل أو انت فاضي ومش قادر تقرأ صفحة قرآن أو مكسل حتى تقول الأذكار وكل ده بسبب إنك تهاونت مع الذنوب وقلت ده ذنب صغير ميجراش حاجة أديك مش قادر تعمل أيسر العبادات يابطل قال صلى الله عليه وسلم ((إيَّاكُم ومحقَّراتِ الذُّنوبِ فإنَّهنَّ يجتمِعنَ على الرَّجلِ حتَّى يُهلِكنَهُ..))

تطبيق هيجبرك تقومي تصلي الفجر لأنه هيفضل يرن لحد متقومي وتمشي ولو ممشيتيش هيفضل المنبه يرن للسنة الجاية من الآخر هتقومي للفجر يعني هتقومي وبيتابع نومك وبيتابع التزامك بالفجر وبتزرعي شجرة طول مش أنت ملتزمة ولو قصرتي في صلاته الشجرة بتموت ، فـ هيحمسك