🥰ម៉ៅ សុចិត្រា ~ MAO SOJETRA (Digital 4.0)🥰

ត្រៀមៗ! ក្នុងឆ្នាំនេះ ក្រសួងមុខងារ នឹងរៀបចំប្រឡងជ្រើសរើសមន្ត្រីបំពេញបន្ថែម ក្នុងក្របខណ្ឌក្រសួងយុត្តិធម៌, អគ្គនាយកដ្ឋានពន្ធដារ, វិទ្យាស្ថានជាតិស្ថិតិ, គ្រូបង្រៀន និងគ្រូពេទ្យ រាប់ពាន់នាក់។

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ រាជរដ្ឋាភិបាល គ្រោងរៀបចំការប្រឡងជ្រើសរើសមន្ត្រីក្របខ័ណ្ឌ និងមន្ត្រីផ្អែកលើកិច្ចព្រមព្រៀងបន្ថែមទៀតនាពេលខាងមុខ នៅក្នុងពិធីសំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត ដែលបានចូលរួមក្នុងដំណើការប្រឡងប្រជែងជ្រើសរើសមន្ត្រីរាជការ នាព្រឹកថ្ងៃទី១៧ ខែមិថុនា ឆ្នាំ២០២៦ នៅសាលាភូមិន្ទរដ្ឋបាល ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង បានលើកឡើងថា ក្នុងឆ្នាំ២០២៦ ខាងមុខនេះ រាជរដ្ឋាភិបាល នឹងគ្រោងរៀបចំប្រឡងជ្រើសរើសមន្ត្រីក្របខ័ណ្ឌ និងមន្ត្រីផ្អែកលើកិច្ចព្រមព្រៀងការងារបន្ថែមទៀត។ ជាការឆ្លើយតបទៅនឹងសំណួរ "តើក្នុងឆ្នាំ២០២៧ មានការប្រឡងប្រជែងជ្រើសរើសមន្ត្រីដែរឫទេ? ឯកឧត្តមឧបនាយករដ្ឋមន្ត្រី ហ៊ុន ម៉ានី បានបញ្ជាក់ជូនជាព័ត៌មានថា មុនដល់ឆ្នាំ២០២៧ នៅពេលខាងមុខ ស្ថិតក្នុងឆ្នាំ២០២៦ នេះ នឹងមានការប្រឡងជ្រើសរើសមន្ត្រី បំពេញបន្ថែមក្នុងក្របខ័ណ្ឌក្រសួងយុត្តិធម៌, អង្គភាពអគ្គនាយកដ្ឋានពន្ធដារនៃក្រសួងសេដ្ឋកិច្ចនិងហិរញ្ញវត្ថុ និងវិទ្យាស្ថានជាតិស្ថិតិ ព្រមទាំងគ្រូបង្រៀន និងគ្រូពេទ្យបន្ថែមទៀត។