رِفق )💜"

اتفاعلوا 🔪

قال رسول الله ﷺ: "الكَلِمةُ الطَّيِّبةُ صَدَقةٌ".. كلمة تقدير.. كلمة تشجيع.. كلمة مواساة.. كلمة شكر وامتنان.. كلمة اعتذار وجبر خاطر.. الكلام الطيب كتير، فعوّد لسانك عليك 💜.

بينك وبين الجنة خطوة… وإنت مش بتسعى ليها. قال رسول الله ﷺ: «الجنة أقرب إلى أحدكم من شراك نعله» الرسول بيقولك: بينك وبين الجنة خطوة! فاشتغل… لإن في لحظة ممكن تلاقي نفسك في الآخرة. وقال النبي ﷺ: «إذا سألتم الله فاسألوه الفردوس الأعلى» إحنا بأعمالنا منقدرش نوصل للفردوس الأعلى، لكن كلمة: يا رب ارزقنا الفردوس الأعلى ممكن ترفعنا لأعلى درجات الجنة. لو كلمة يا رب تديك الجنة… يبقى إيه اللي بعد كده كلمة "يا رب" ما تحلّوش؟💜.

تعرف تبدأ من جديد؟ إنت محتاج تبدأ من جديد، وتعيد حساباتك، وتقف مع نفسك شوية.. تتفقد قلبك وحاله مع الله، وتشوف إيه اللي اتغيّر فيك، وإيه اللي أخدك بعيد عن الطريق! فاكر أول أيام التزامك؟ فاكر شغفك بالطاعة، وحرصك على الصلاة، وورد القرآن اللي مكنتش تحب يفوتك، ودعواتك اللي كان قلبك حاضر فيها. إيه اللي اتغيّر؟ وإمتى الفتور بدأ يتسلل لقلبك؟ وإزاي الحاجات اللي كنت بتجاهد نفسك عشان تعملها، بقيت بتأجلها أو تفرّط فيها؟ راجع نفسك، وجدّد نيتك، وارجع لربنا بقلب صادق.. مش لازم تستنى لحد ما تبقى في أحسن حال عشان تبدأ، ابدأ من دلوقتي، وخد أول خطوة، واستعن بربنا على نفسك. لسه الباب مفتوح، ولسه تقدر ترجع بإذن الله.. المهم ما تستسلمش للبُعد، ولا تيأس من رحمة ربنا 💜.

‏لو أردت أن أترك لك كلمةً لا تنساها.. ‏"اجتَهِد علىٰ نفسك"، ليس هناك موعدٌ محدّد يجب أن يوافق حياة الجميع! كلٌّ يصل بالوقت الذي أراد الله له، لَم يسبقك أحد.. لذا عليك أن تنشغل بمسارك، بخُطّتك، بفكرتك، بالشيء الذي تُحبّه، بين دراسة وقراءة ومشروع وبرنامج ومحاوَلة، لا تُضِع وقتًا، ولا تترك غرسًا، ولا تَمَلّ، اتعَب نعم، لكن لا تقف💜. (بقول كدا لنفسي قبل اي حد)

والله حاجات كتير عل الاقل كنت الاقي حد احكيله حالي

كام مرة قلت: «من بكره هبدأ»؟ من بكره هحافظ على صلاتي.. هبدأ ورد قرآن، هقول أذكاري.. وغيره وغيره من الطاعات اللي محتاجين تكون جزء أساسي من يومنا.. ولكن.. لسه ما بدأناش! أحيانًا المشكلة بتكون إننا بنحاول نبدأ كل حاجة مرة واحدة، فنبدأ بحماس كبير وننقطع بسرعة! لكن الحقيقة إن الطاعة في الغالب محتاجة خطوة صغيرة تثبت عليها، وتزودها بالتدريج.. قال ﷺ: «أحب الأعمال إلى الله أدومها وإن قلّ» 💜.

💜.

في ناس بتجري في الدنيا بكل قوتها… بس في الاتجاه الغلط! يجري ورا الشغل، ورا الفلوس، ورا الشهرة… وينسى آخرته… وفي الآخر يوصل لطريق مسدود. قال الله تعالى: ﴿وَفِي ذَٰلِكَ فَلْيَتَنَافَسِ الْمُتَنَافِسُونَ﴾ السباق الحقيقي؟ سباق الطاعة… سباق الصحبة اللي ترفعك… سباق يخلي قلبك نضيف وعلاقتك بربك أقوى. والأجمل؟ إن الالتزام مش ضد السعي والعمل… بالعكس، الطريق الصح يخلي مجهودك كله له قيمة ويقربك من ربنا. اسأل نفسك النهارده: أنا بجري فين؟ السباق اللي أنا فيه… هيوصلني لربنا ولا هيضيعني؟ ابدأ صفحة جديدة… وادخل السباق اللي يستاهل 💜.

قال علي بن أبي طالب رضي الله عنه: «حُسن الظن بالله ألا ترجو إلا الله، ولا تخاف إلا ذنبك».. فلا يتعلّق قلبك إلا بالله، ولا ترجو قضاء حوائجك وتفريج كربك إلا منه، فهو سبحانه بيده الأمر كله. وخلي خوفك من ذنوبك دافع ليك إنك تتوب وتستغفر وتصلّح من نفسك، مش إنك تيأس من رحمة ربنا. اللهم ارزقنا حُسن الظن بك، وصدق التوكل عليك، واغفر لنا ذنوبنا وتقصيرنا 💜.

اللهم ارزقني 💜.

اللهم ارحمني 💜.

اللهم اغفرلي 💜.