شقة رقم ٦

‏ما يخفف ضغط الأيام و ظروف الحياة ‏ غير قرب اللي تحبّه و تستانس معه

‏تعاندني الليالي — وألمحك جنبي وأعاندها

ما يتعب السالين غير الذكريات اللي تجي في وقت ماهوب وقتها

‏عزيزة حزن ما تشرح وش اللي في خواطرها ‏تخاف إن حزنها ينقال على صدرٍ ما يستاهل

‏من واجه الوقت وظروفه بوجهٍ طويل ‏ما همّه الناس مادحها وحذافها ‏الكلمه اللي لها وجهين مدّة بخيل ‏يصدّ عنها السنافي كل ما شافها ‏إهانة الذات ما يرضى بها إلا ذليل ‏العز في وجهها والذلّ في أطرافها ‏وأنا معي خاطرٍ يسمح وقلبٍ ثقيل ‏ماهوب يرجع على الحاجه ليا عافها

الوتر

اللهم صلِّ وسلم وبارك على نبينا محمد

‏أحيان أحس إني جبل متصديٍ وجه الرياح ‏وأحيان أحس إني غصون كل ريح تهزها ‏أبتعلى بالهوى وأرفّ فالجو الجناح ‏وإن كان ماعزيت نفسي ماحدٍ بيعزها

‏كلامك العذّب لو يمر بخاطر المتكدر أنزاح همه

‏صباحٍ تشرق أنواره ‏على لقياك أكيد إنه – صباح الخير

طاح الحطب

أبي درب ما يوصّلني لدارك

أرجعك لمكانك الطبيعي اللي كبرته على غير سنع ظنّاً بأنك بتجي فوق هقواتي لكنّك جيت من دونها

حسبت إني قمر ليلك و أثر شوفك تعداني

ما تشوف شلون شمسك ولا مرة تزول؟ ‏و الشموس اللي سواها لو أبطت زايله

شهور ما بادرتنّي في رسالة.. عسى البلا في شركة الإتصالات

‏عاد قلبي من حنين الذكريات مهايف ‏قد كفاه الحزن الأول والزمن ما حنّه

اللهم صلِّ وسلم وبارك على نبينا محمد

‏يا درّة الأوطان عِشت فخر المُسلمين🤍

مــن دون دار الـسعّد والـعزّ والطـاله نسَـوق الأرواح والـرايـة ســعوديــة 💚