Hein Zaw Nyo

ထိုင်းကနတ်ဘီလူးတွေ အကြောင်းမေးထားလို့။ ဝပ်စီလုံက နတ်ဘီလူးတွေက အကြီးဆုံးက မြန်မာတွေ​က စတုမဟာရာဇ် နတ်မင်းကြီးလေးပါးလို့ သိကြတဲဲ့ထဲက ကုဝေရနတ်မင်းကြီးက အကြီးဆုံး။ အဲတာအပြင် နတ်ဘီလူး၃၀၀၀ ရှိတာလို့ယုံကြတာ။ အဲထဲပါတဲ့ နတ်ဘီလူးတချို့က ရာမဇာတ်တော်လာ နတ်ဘီလူးတွေ မြဘုရားရောက်ရင် ဘီလူးရုပ်ကြီးတွေကို အစောင့်အနေနဲ့ထားကြတာမြင်ဖူးကြမှာ။ ထိုင်းနိုင်ငံက ယက္ခဘီလူးတွေ စောင့်ရှောက်တဲ့နယ်မြေလို့ ယုံကြည်ကြတာရော ရာမာယဏဇာတ်တော်ရဲ့ လွှမ်းမိုးမှုကြောင့်ရော နတ်ဘီလူးရုပ်ထုတွေကို အစောင့်အနေနဲ့ထားကြတာ။ လေဆိပ်မှာရော မြဘုရားမှာရော ထားကြတဲ့ ရာမဇာတ်တော်လာ နတ်ဘီလူး၁၀ပါးက Tosakan - ရာမဇာတ်တော်ထဲက ဒဿဂီရိဘီလူးမင်း။ သီဝနတ်မင်းထံမှ အဖိုးတန်ဆုများ တောင်းခံထားသဖြင့် နတ်၊ အသူရာ၊ ဘီလူး စသည့် မည်သည့်သတ္တဝါမျှ သူ့ကို မသတ်နိုင်ပါ။ ဆုတောင်းထဲမှာ လူနဲ့မျောက်မပါလို့ ရာမလက်ချက်နဲ့ အသက်ဆုံးရတဲ့နတ်ဘီလူးမင်း။ အစိမ်းရောင်ဘီလူးမင်း။ Indrachit - ဒဿဂီရိရဲ့သားတော်။ မူရင်းအမည်က မေဃန်ဒ။ Indra နတ်မင်းကိုနိုင်ခဲ့လို့ Indrachit ဆိုပြီးနာမည်တွင်သွားတာ။ အစိမ်းရောင်ဘီလူးမင်း။ Sahatsadecha - ဒဿဂီရိမင်းရဲ့ နတ်ဘီလူးစစ်သူကြီး။ နတ်ကွန်းတွေမှာဆို တုတ်ကြီးကိုင်ထားတဲ့ဘီလူးရုပ်ကြီးအနေနဲ့ သရုပ်ဖော်တယ်။ မြန်မာလိုဆို လောင်မီးကျလက်နက်ပေါ့။ လောင်မီးကျလက်နက်နဲ့ ညွှန်ပြခံရသူတိုင်းက မီးလောင်ပြီးပျက်စီးတယ်။ လက်ကိုင်နဲ့တို့လိုက်ရင်တော့ ပျက်စီးသမျှ ပြန်ကောင်းတယ်လို့ယုံကြည်ကြတယ်။ Wat Arun ဘုရားက ဘီလူးရုပ်ကြီးနှစ်ခုထဲက အဖြူရောင်က ဒီဘီလူးရုပ်ထု။ နောက်တခုက ဒဿဂီရိဘီလူးမင်း Mangkhonkan မင်ခွန်ကန်နတ်ဘီလူး - ဒဿဂီရိရဲ့မဟာမိတ် နတ်ဘီလူးစစ်သူကြီး။ သူ့ပူံထုရင် အသားကို နက်ပြာရောင်ထုကြတယ်။ ကိုယ်ပွားအတတ်ကို ကျွမ်းကျင်တဲ့ နတ်ဘီလူးမင်းလို့ ယုံကြတယ်။ Chakkrawatti စကြဝတီနတ်ဘီလူးမင်း - ဒဿဂီရိ ကျဆုံးပြီးနောက် လင်္ကာဒီပကျွန်းကို ရာမမင်းသားက ညီတော် ဘိပိသန အား အုပ်စိုးခွင့်ပေးခဲ့သည်။ သို့သော် ဒဿဂီရိ၏ သားတော်တစ်ပါးဖြစ်သူ သုရိယပေါ့က ဘိပိသနကို ပုန်ကန်ပြီး စကြဝတီနတ်ဘီလူးမင်းထံ ကူညီတောင်းခံခဲ့တယ်။ စကြဝတီသည် မလိဝမ်တပ်များကို ဦးဆောင်၍ ဘိပိသန ဖမ်းဆီးကာ လင်္ကာဒီပကျွန်းကို ဝင်ရောက်သိမ်းပိုက်ခဲ့သည်။ အဲမှာတင် ရာမမင်းသားရဲ့ သားတော်နှစ်ယောက်နဲ့ နောက်ထပ်တိုက်ပွဲဖြစ်တဲ့ ဘီလူးမင်း။ အဖြူရောင်ဘီလူးအနေနဲ့ သရုပ်ဖော်တယ်။ သိုဆက်ကရိထွန် (Tosakirithon) နှင့် သိုဆက်ကရိဝမ် (Tosakirivan) - ဘီလူးညီနောင်အမွှာ ဒဿဂီရိရဲ့သားတော်နှစ်ပါး။ ဒဿဂီရိနဲ့ ဆင်မိဖုရားကမွေးလာလို့ ဘီလူးအသွင်ဖြစ်ပေမယ့် ဆင်နှာမောင်းနဲ့။ ဆူရိယဖေါ့ (Suriyaphop) - ဒဿဂီရိရဲ့ မဟာမိတ်ဘီလူးမင်း ဘီလူးမင်း ကာလရာဇ် နှင့် နတ်ဘီလူးမ သုဝဏ္ဏမာလင်း တို့၏ သားတော်ဖြစ်သည်။ ကိုယ်ထည်အရောင်မှာ အနီရောင် (သို့မဟုတ် အနီရင့်ရောင်) ရှိပြီး လှံကိုလက်နက်အဖြစ်ကိုင်ဆောင်တယ်။ သူ့လှံလက်နက်ကြောင့် ညီတော်လက္ခဏက မေ့လဲသွားတဲ့အထိဖြစ်ဖူးတယ်။ မိုင်ယရက် Maiyarap နတ်ဘီလူးမင်း ဒဿဂီရိရဲ့တူတော်တယ်။ မြေအောက်ကမ္ဘာရဲ့နတ်ဘီလူးမင်း။ ရန်သူတွေကို အိပ်မောကျစေတဲ့ နတ်ပုလွေလဲရှိတယ်။ သူ့အသက်ဓါတ်ဖြစ်တဲ့ နှလုံးကို ကိုယ်ထဲမှာမထားဘဲ ပိတုန်းအသွင်ဖန်ဆင်းပြီး တောင်ထိပ်မှာဖွက်ထားတဲ့အစွမ်းရှိတယ်။ ခရမ်းနုရောင် ဘီလူးအဖြစ် ပုံတော်ထုဆစ်ကြတယ်။ ဝိရုံဂျမ်ဘန်း Virunjambang နတ်ဘီလူး အပြာရင့်ရောင်နတ်ဘီလူးအဖြစ် သရုပ်ဖော်ကြတယ်။ သူလဲ ဒဿဂီရိရဲ့တူတော်တယ်။ စိးတော်မြင်းကိုပါ ကိုယ်ဖျောက်နိုင်တဲ့အထိ စွမ်းအားရှိတယ်။ သမုဒ္ဒရာထဲက ခရုခွံထဲမှာ ရေမှော်အဖြစ် ပုန်းနိုင်တဲ့ စွမ်းအားရှိတယ်လို့ ယုံကြည်ကြတယ်။ ဒါကထိုင်းတွေက စောင့်ရှောက်တယ်လို့ ယုံကြည်ကြတဲ့ ရာမဇာတ်တော်လာ နတ်ဘီလူး၁၀ပါး။