فَــطــْرَة📻

أمّا تسابقنا على العز والطيب ‏ولا معي يا صاحبي لا تردّا ‏فلا تدّور من ورانـا عذاريبّ ‏حنّا نشوف اهل الردا ونتعدىٰ

.

لا تطلب الحاجه من النذل ي عبيد يوريكك مـنن عقب المعـزه مـهونه الطيـب يلـقوننـه ععـيالل الأجاويد واهـلل الردى درب الردى يعرفـونه # محمد السديري .

النفوس العظيمه تعرف إللي تبيه ‏ما تدوّر رضا العالم وتركض وراه ‏من يجامل وجيه ويستحي من وجيه ‏راح عمره وهو يمشي بدون إتجاه ‏إلبس إللي يعجبك وإكل ما تشتهيه ‏دامك في طاعة الرحمن عيش الحياه ‏لا تروح لمكان إلا وراحتك فيه ‏ولا تجي من مكان إلا بـ سيره و جاه .

الله خلقني كذا ماحب طول الجدال والمخطي أسرحه والطيب أقدره ماهو صحيح المواقف كلها للرجال أحيان تغني عن الوقفات وقفة مره .

من لا يحس بقيمتك وأنت موجود ماهو بناشد عنك لو صرت غايب حاول تفرق بيض الأيام والسود يا قلب ما كل الحبايب ، حبايب إللي يبي! يجيك لو دونك قيود يكسر على شانك خشوم الصعايب وإللي يبي فرقاك لو دروبك ورود ما جاك لو إنك من أدنى القرايب .

‏عليك بذكر الله ترا العمر محدود ‏ واردع هوى النفس الدنيّه وقدها ‏واحفظ صلاتك تكسب الرزق والفود ‏تكسب مكاسيب الحياة وسعدهااا .

اشتاق لك يا هوى بالي وارتاح لاشافتك عيني في نظرتك يابري حالي في بسمتك فرحة سنيني

حنا نعرف الطيّب من أسلوبه وعلى النقى خطواتنا متجهه وجهينا "وحده" ماهي مقلوبه وإللي معه وجهين يقلب وجهه .

عزّة النفس فيني من صغر سني من صد عني بيبطي ما تباطيته مغنيني الله عن إللي مغتني عني والرزق من غير ربي ما ترجيته .

والله ان قد لي ايام وانا وضعي ماش اواسي العالم وانا بحاجة من يواسيني ابي حظي يقوم وحظي طريح فراش و اللي كان اغلا من الروح معاد يعنيني حالي قضى من الحزن وضلوعي هشاش كرهت العالم ولا عاد ابي خويٍ يخاويني قلبي صويب بجرح اقوا من رمية الرشاش واتظاهر بأني بخير وانا دموعي في عيني .

‏بدايهَ نهاية مرحبا في أمان الله ‏محبة وفاء وختامها مسك يالغالي ‏يا كثر العيونً اللي تبي شوفتك كثراه ‏وقلوبٍ تتمنى جيّتك دور بدالي ‏وانا لا سمحت أقفيت واللي وراي أجفاه ‏اخليه في فاله وانا اروح في فالي ‏ما كني عرفت اسمهّ ولا عشت ويّاه ‏هذا طبعي الاول وذا طبعيّ التاليٍ

عزتي للحزين اللي من حزنه ما شكى يضحك بوجهه الملا و يخفي الضيق وهم لو انشدوه وش بخاطرك ماحكى يبي وسعة الصدر وتاه في نص الطريق يواسي كل من جاه ومن حياته اشتكى وهو في حزنه ما لقى لا قريب ولا رفيق يبي الفكه من الحزن والحزن فيه اكتفى دموع عينه في كل يومٍ على خده تريق ما له غير القوافي تسليه ليا الضيق لفى هو وده يخفف ما بخاطره ونشف الريق تعب وجفت الأقلام  والحزن عنه ما عفى الحزن ثبت بصدره كما ثبات جبال طويق  .

شككوا في كل شي الا النوايا واسرفوا في كل شي الا التباهي ساهموا بالخير في حل القضايا شوفوا المطلوب والفرصة متى هي

أمساني الليل في بر النعيريهُ ‏ألاحي الورق و أغنّي غوانيها ‏لا أوحيت صوت الحمامه قلت ياحيّه ‏كني ولد عمها ولا بناخيها ‏عليك يامن كواني وأنجح الكيّه ‏والنار ماتحرق إلا رجل واطيها ‏عقب الغلا والمحبه والمحنيه ‏حرمتني لذة الدنيا ومافيها .

ﷲ حسيب الزمن والوقت والايام كل دوره تبين لنا بعض السمايا تطعنا فالظهر وفي الوجه يسلام حتى صدري الوسيع كنه بابا سرايا بعض الهروج تادي الى الملام والملام من الهروج يكثر القضايا غرت عيوني الدنيا وعشيتها باحلام اثر عيوني فتحت وبانت كل الخفايا نتكلم على طول المدار مايفيد التكلام العذاريب في الرفاقه هم سبه بلايا .

عرفنا رفيق الدرب والدرب قدام ‏تدور الليالي تكشف عبيد لـ فهيد ‏صحيح الكلام اللى يسجل بالاقلام ‏كلام يسجل نحت في صمة الحيد

حنا لا جينا الحبل مبرم ومفتول ‏أما نعقد الحبل وإلا نحله ‏اليا عشقنا نعطي الحب مدبول ‏ولا نهين الحب .. ولا نذلّه ‏واليا انجرحنا ما زعلنا على طول ‏واليا زعلنا نزعل العمر كله

أيّس الجرح ماعين دواه ‏جعل يوم المفارق مايعود ‏ㅤ ‏من بلاه المفارق وأبتلاه ‏فقد الأحبَاب سلال الكبود