فَــطــْرَة📻

الليالي موحشه والفكر متشتت وتايه ‏انتهت كل الحلول وعزلتي مخرج طواري ‏والله اني مرهق ومتعب بما فيه الكفايه ‏بس اقاوم قسوة الايام من خوف انكساري ‏الرضى والصبر واجب والفرج مطلب وغايه ‏والامل يحتاج عقل مولي وقلب انتحاري .

يا وجدي على اللي رقمها خمسه وصفرين عفيفه ولا هو بأي واحد يرقمها سعودية المنشأ عليها شعار الدين وتاريخ دولتنا من أبرز معالمها تحب الملوك وتعشق اولاد باخشوين وتسعى اتجاه الراجحي قبل يزهمها تعدتني البارح وانا اصيح وينك وين واقفت وانا في خاطري كنت بعزمها ‏أثر عيبها ماتعشق الشاعر المسكين وتشرد منه قدام بالكف يلزمها تقول انت يالمسكين يكفيك شوفة العين وحكم القدر في كف غيري يسلمها

سلام من قلبي لقلبك وبشويش ‏ياصل لقلبك وين ماتحتريني ‏لأم الحلا والزين والملح والعيش ‏بيني وبينك مقبلات السنيني

‏مرحبا يا أغلى من الشوف لعيون الضرير ‏المشاعر في حضورك تبدي لْك إعجابها ‏ㅤ ‏ما أنت عادي والذي حط لك رمشٍ غفير ‏أنت فرصة عمر يا سِعْد من يحظى بها ‏ㅤ ‏أخاف لا مريت قلبي من ضلوعي يطير ‏وأقوم أفتّش في زواياها .. وأقفل بابها

خلوني اخذ راحتي وارتاح من ضيق الخناق ‏محتاج لي سجه تعيد الراحه المستبعده ‏ياخذني التفكير لابعد مرحله وابعد نطاق ‏واعيش في غربه عن الواقع ورحله مجهده ‏منها يمر البال في ضيقه وهمٍ مايطاق ‏واميل للعزله واشوف ان الظروف معقده .

‏عليك الوله ومواصل الليل عقب الليل ‏ولا لي على حبك جماله ولا منه ‏اسوق البشاير كل ابوها واسج الويل ‏على شوف وجهك جعلني ما خلا منه .

بقى من اللي خذيتٌه قلب بين أصبعَين وأن قلت : هاته من عيوني وتامر امر وأن قلت لي : موقعي من عالم الحسَن وين ؟ بعد الثلاثين كان الله عطاني عمر اقول : مزيون وأشباهك ماهيُب أربعين أشباهك أثنين يا أمّا شمس والا قمر يكفي أنّك أوّل ظبْي ياخذ من الصقر عيُن ومن الذلول العمانيّه هيام وضمر معنّقك شبر فوق متونك وقفلتَين ويديك منّجم ذهب و شفْاك حانة خمر مدري وشٍ اللي خذا الله منْك وأعطاكٍ زين ما لا عطا فارعات الطول بيض وسمر ماشفت هالوردتين وشفت هالجمّرتين لهن ثلاثين عام ولايزالنّ حمر .

ودّنا بـ الطيب بس الدهر جحاد طيب كل ما تخلص مع الناس كنك تغشها يدك لا مدت وفا لا تحرّى وش تجيب كان جاتك سالمه حب يدك وخشها كل ما واجهت لك فالزمن وجهٍ غريب مثل ما قال المثل دام تمشي مشها .

‏الحمد لله عالم الغيب و الساعه ‏سبحانه الرحمن من له الامر كله ‏ما الله خلقنا للمقفين تباعه ‏الله خلقنا نعبده لا شريكٍ له ‏نخضع لرب البيت بالذل والطاعه والخلق والله ما يشوفون بي ذله .

3:14 خذني من أفكاري ومن كثر ظنّي ‏الظنّ يرهقني بـ الإيجاب والسلب ‏وقلي كلام يطمن القلب ، لأنّي ‏محتاج لـ أدنى كلمة تطمّن القلب .

‏1:35 خذني من أفكاري ومن كثر ظنّي ‏الظنّ يرهقني بـ الإيجاب والسلب ‏وقلي كلام يطمن القلب ، لأنّي ‏محتاج لـ أدنى كلمة تطمّن القلب .

‏حنا أختلفنا فالمشاعر والكلام ‏الوضع باين والعقول تصوّره ‏تجيني تسلم وأرد لك السلام ‏مع كلمتين وضحكتين مزوّره ‏مافيه داعي للتشره والملام ‏كلن ضميره فالحياه ينوّره ‏إن جيت عيّنت الغلا والإحترام ‏وإن رحت قلبي ماقدرت تعوّره ‏مانيب من متسولين الإهتمام ‏إن ماحصل ماجيت منك أدوّره .

- ‏قال رسول اللهﷺ : إن خير أيامكم يوم الجمعة فأكثروا عليَّ من الصلاة فيه ❤️ .

بالأمس كنت الجديد الممتلي دهشه ‏واليوم .. عن زاويات الضيق وين أهرب ‏في المغرب الدمع كان أوحش من الوحشه ‏يا ليت مالي عيون .. بحزّة المغرب

يا وسيع الصدر ليتك على صدري تويق ‏والله أن تقفي وعينك ماعاد تلدها ‏وسط صدري شايل ضلعٍ أكبر من طويق ‏ماتشيله نجد من حدها لـ حدها ‏لو تمرك ضيقة الصدر ضاق بك الطريق ‏لا تنطّح ضيقة الليل منتب قدها .

قولو لها عقب البطا تحتريني ‏وان مت تنثر حبنا فوق الازهار ‏قولو لها ع المقبره لا تجيني ‏روحي اذا مرت علي تشتعل نار

‏بسيط وامشي فوق وجه البسيطة ‏واحبّ كلّ اللي يحبّ البساطه ‏مالي ومال اهل النفوس العبيطة ‏مع اني احياناً احبّ العباطه ‏وقتي سليطٍ واشهد اني سليطة ‏صعب المراس وفي لساني سلاطه ‏اجحد عذاب الجرح فيني واخيطه ‏ولا كلّ جرحٍ صالحٍ للخياطه .

قنوعٍ على درب القناعه تسير خطاي وشي ما يكتب .. ما يجي لو تمنّيته ㅤ ِعزيز ولو مالي جليسٍ .. سوى مركاي لو امسي خلا بيت الردي ما تنصيته .