Bureau of Labor and Skills-Dire Dawa

ከዩኒቨርስቲ እና ከኮሌጅ ተመርቀው ሥራ  በመፈለግ ላይ ለሚገኙ ወጣቶች የማይንድ ሴት ስልጠና ተሠጠ። ስልጠናው የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የሥራ ዕድል ፈጠራና አንድ ማዕከል ዳይሬክቶሬት በአስተዳደሩ ስር ከሚገኙ ቀበሌዎች የተወጣጡ ሥራ ፈላጊዎች ተቀጥሮ መስራት ላይ ብቻ ሳይሆን በግልም ሆነ ተደራጅተው ሥራ ፈጣሪ ለማድረግ አቅማቸውን ለመገንባት ታስቦ ተሰጥቷል። ቢሮው በአስተዳደሩ ትኩረት  የተሰጠውን የሥራ አጥ ቁጥር ትርጉም ባለው መልኩ ለመቀነስ የተጀመሩ የተለያዩ ፕሮጀክቶችን እና ከኢንዱስትሪዎች ጋር ግንኙነት በመፍጠር  ተመራቂዎች ተደራጅተው ወደ ሥራ እንዲሰማሩ ከሚመለከታቸው አካላት ጋር በጋራ በመስራት ብዙዎች ተጠቃሚ እየሆኑ ይገኛል። ተሳታፊ ምሩቃን ሥራ ፈላጊዎችም ከዚህ በፊት ተቀጥሮ ለመስራት ብቻ ይጠብቁ የነበሩበትን አመለካከት ከስልጠናው ባገኙት ግንዛቤ በግልም ሆነ ተደራጅቶ ለመስራት መነሳሳት እንደሚፈጥርባቸውና ይህን መሰል ስልጠናዎችንም ለወጣቶች ማዘጋጀት ወደ አስተዳደሩ እየመጡ ያሉ የሥራ እድሎችን ለመጠቀም ምቹ መደላድል መፍጠር ላይ ያለው ሚና ከፍ ያለ መሆኑን የዳይሬክቶሬቱ ዳይሬክተር አቶ ሰኢድ አሊ ተናግረዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ  11/2016 ዓ.ም ድሬዳዋ

የድሬዳዋ ፖሊ ቴክኒክ ኮሌጅ EASTRIP ፕሮጀክት በጾታዊ እኩልነት፣አካታች እቅድ እንዲሁም ሴቶችን በማብቃት ወደ አመራርነት እንዲመጡ ለማድረግ የታሰበ Gender Mainstream, Inclusive Planning And Women Empowerment and Leadership በሚሉ ርእሶች የግንዛቤ ማስጨበጫ ስልጠና ከሐረማያ ዩኒቨርሲቲ በተጋበዙ አሰልጣኞች ለኮሌጁ አመራሮች እንዲሁም ኬዝ ቲም አስተባባዎች በዛሬው እለት መሰጠት ተጀመረ፡፡ በስልጠናው ላይ በመገኘት ስልጠናውን በንግግር የከፈቱት የኮሌጁ ዲን አቶ ሳሊም ኡስማን እንደ ገለጹት እንደሚታወቀው ሃገራችን ኢትዮጵያ አሁን ላለችብት እድገት እንዲሁም ቀጣይ ለምትደርስበት የእድገት ደረጃ ለመድረስ የሴቶች ተሳትፎ ወሳኝ ነዉ። ስለዚህ ሴቶችን በማብቃትና አካታች እቅዶችን ማዘጋጀት ያስፈልጋል፡፡ ለዚህም ደግሞ ኮሌጃችን ጠንከሮ እየሳራ ይገኛል በዚህም መሰረት ደግሞ በኮሌጁ የሚገኙ ትምህር ክፍሎችን ከ50 ፐርሰንት በላይ በሴቶች እንዲደራጅ አድርገናል፡፡ ለዚህ ደግሞ በትምህርት እንዲሁም በተለያዩ ስልጠናዎች የግንዛቤ ችግሮችን በመፍታት ሴቶችን የእቅዶች አካል በማድረግ ጠንክረን በመስራት ሴቶችን ወደ አመራር ለማምጣት እድል ልንሰጥ ይገባል ብለዋል፡፡ በመቀጠልም ንግግር ያደረጉት የኮሌጁ የኢንዱስትሪ ኤክስቴንሽንና ቴክኖሎጂ ሽግግር ም/ዲን የሆኑት ወ/ሮ ትግስት በዙ ሲሆኑ በንግግራቸውም የጾታ እኩልነትና ሴቶችን በማብቃት ወደ አመራርነት እንዲመጡ እንዲሁም አካታች እቅዶችን በማዘጋጀት የሴቶችን ተሳትፎ ከፍ ማድረግ ይኖርብናል ያሉ ሲሆን በመጨረሻም ኮሌጁ በሴቶች ተሳትፎ ለሌሎች ኮሌጆች አርአያ መሆን የሚችሉ በርካታ ስራዎችን እየሰራ ይገኛል ብለዋል፡፡ በስልጠናው ላይ የኮሌጁ አመራሮች፣ የማኔጅመንት አባላት፣ የትምህርት ክፍል ተጠሪዎች ፣ ኬዝ ቲም አስተባባሪዎች እንዲሁም ከስራና ክህሎት ቢሮና በስሩ ከሚገኙ ተቋማት የተውጣጡ ከፍተኛ ባለሞያዎች የተሳተፉ ሲሆን ስልጠናው ለ3 ቀን የሚቆይ ይሆናል፡፡ የኮሌጁ ኮምኒኬሽን ታህሳስ 11/04/2016 ዓ. ም ድሬዳዋ

ማስታወቂያ የውጭ ሃገር ዜጎች ሆናችሁ የስራ ፍቃድ ወስዳችሁ በኢትዮጲያ ውስጥ በስራ ለተሰማራቹ እንዲሁም የውጭ ሃገር ዜጎችን ቀጥራችሁ ለምታሰሩ ተቋማት በሙሉ !! የሥራና ክህሎት ሚንስቴር በአሰሪና ሰራተኛ ግንኙነት፣ በክህሎት ልማት፣ በሥራ ዕድል ፈጠራ እና በመረጃ ጥራት ዙሪያ ያሉ የዘርፉን ችግሮች ለመፍታት እንዲሁም ለዜጎችና በዘርፉ አገልግሎት ለሚሹ የውጭ ሃገር ዜጎች ቀልጣፋ እና ዘመናዊ አገልግሎት ለመስጠት እንዲቻል የኢትዮጲያ የሥራ ገበያ መረጃ ስርዓት(E-LMIS) አካል የሆኑ የተለያዩ ቴክኖሎጂዎችን በውስጥ አቅም አልምቶ ተግባራዊ በማድረግ ለአገልግሎት እያበቃ ይገኛል። በኢትዮጲያ ውስጥ የውጭ ሃገር ዜጎችን ቀጥረው ለሚያሰሩ ድርጅቶች እንዲሁም የስራ ፍቃድ በመውሰድ በስራ ለተሰማሩ የውጪ ዜጎች ካሉበት ሆነው በዘመነ መንገድ የአዲስ የስራ ፍቃድ እና ዕድሳት እንዲሁም ሌሎች አገልግሎቶችን  ማግኘት የሚያስችል “Expat Work Permit System” አልምቶ ተግባራዊ አድርጓል። ይሄ ስርዓት ቀደም በነበረው የአሰራር ስርዓት ከ1 ወር በላይ ይወሰድ የነበረውን አዲስ ፍቃድ እና ዕድሳት በ20 ደቂቃዎች አገልግሎቱን መስጠት የሚያስችል እንዲሁም በዘርፉ ያጋጥም የነበረ ወጥነት የጎደለው የአሰራር ስርዓትና ብልሹ አሰራርን የሚያስቀር ስርዓት ነው። በመሆኑም የውጭ ሃገር ዜጎች ሆናችሁ የስራ ፍቃድ ወስዳችሁ በኢትዮጲያ ውስጥ በስራ ለተሰማራቹ እንዲሁም የውጭ ሃገር ዜጎችን ቀጥራችሁ የምታሰሩ ተቋማት መረጃዎቻችሁን የE-LMIS ስርዓት አካል በሆነው በ ”Expat Work Permit” ሲስተም አድርሻ https://ewp.lmis.gov.et/  እንድታስገቡ  እና የዚህ ዘመናዊ አገልግሎት ተጠቃሚ እንድትሆኑ እናሳስባለን። የሥራዎ ባለቤት እርስዎ ኖዎት !

ማስታወቂያ ለሚመለከተው ሁሉ የሥራና ክህሎት ሚንስቴር ከሃገር ውስጥ እና በሃገር ውጪ ያሉ የስራ ዕድሎችን ለዜጎች ተደራሽ ለማድረግ እየሰራ ባለው የሪፎርም ስራና በተዘረጋው ቴክኖሎጂ በአምስት ወራት(ወ.ሴ) ከ146,291 በላይ ዜጎች በውጭ ሃገር የስራ ዕድል ተጠቃሚ እንዲሆኑ ማድረግ ተችሏል። ሚንስቴር መስሪያቤቱ በውጭ ሃገር የሰራተኛ ስምሪት የዜጎቻችን ደህንነት እና ጥቅም የሚያስጠብቅ እንዲሁም ብልሹ አሰራርን የሚከላከል ቴክኖሎጂ በውስጥ አቅም አልምቶ እጅግ ፈጣን የሆነ አገልግሎት እየሰጠ ይገኛል። በመሆኑም ሚንስቴር መስሪያቤቱ ከባለድርሻ አካላት ጋር በቅንጅት በሚያከናውናቸው የሪፎርም ተግባራት እና በዘርፉ በሚሰጠው ፈጣን አገልግሎት እንዲሁም የስምሪት መደረሻዎችን ለማስፋት ከተለያዩ ሃገራት ጋር እየገባናቸው ያሉ አዳዲስ ስምምነቶች የሰለጠነ እና በከፊል የሰለጠነ የሰው ሃይል ፍላጎት ያላቸው በመሆኑ በተዘረዘረው የሞያ መስክ ተመዝግበው ስልጠና ለመውሰድ ፍቃደኛ የሆናቹ ዜጎች በኢትዮጲያ የሥራ ገበያ መረጃ ስርዓት https://www.lmis.gov.et ድህረ-ገጽ ላይ ገብታቹ እንድትመዘገቡ እናሳስባለን። 1. Driver - ሹፌር 2. Cleaner - የጽዳት ባለሞያ 3. Chef - በሼፍ 4. Laborer - በጉልበት ሰራተኝነት 5. Security Guard/ Security Officer - የጥበቃ ባለሞያ 6. Technician - ቴክኒሺያን 7. Carpenter - የእንጨት ባለሞያ 8. Store Keeper - የሱቅ ጠባቂ ተመዝጋቢዎች ድህረ-ገጹ ላይ በሚደረገው ምዝገባ መረጃዎቻችሁን በትክክል የማስገባት ሃላፊነት ያለባችሁ ሲሆን መረጃዎቻችሁን አስገብታችሁ ስትጨርሱ ሲስተሙ በሚሰጠው የባዮሜትሪክስ ቁጥር አቅራቢያችሁ በሚገኙ አንድ ማዕከላት በመሄድ የባዮሜትሪክስ ምዝገባ በማደረግ ምዝገባችሁን እንድታጠናቅቁ እናስታውቃለን። ማሳሰቢያ: ለመመዝገብ የፓስፖርት ባለቤት መሆን የማያስፈልግ ሲሆን ፤ የባዮሜትሪክስ ምዝገባ የሚያከናውኑ አንድ ማዕከላትን ዝርዝር https://lmis.gov.et/ossc-lists ከዚህ ላይ ማግኘት ይቻላል። የሥራዎ ባለቤት እርስዎ ኖዎት !

ማሳሰቢያ ከሃገር ለስራ ለምትወጡ ዜጎች !! የሥራና ክህሎት ሚንስቴር በሃገር ውስጥና በውጭ ሃገር በሚፈጠሩ የስራ ዕድሎች ዜጎች ተጠቃሚ እንዲሆኑ የሚያስችሉ ሰፊ ስራዎችን ሲሰራ ቆይቷል። በተለይም የውጭ ሃገር የስራ ስምሪት የዜጎቻችን ደህንነት እና ጥቅም የሚያስጠብቅ እንዲሁም ብልሹ አሰራርን የሚከላከል ቴክኖሎጂ በውስጥ አቅም አልምቶ በአምስት ወራት ከ146,000 ሺህ በላይ ዜጎች ወደ መካከለኛው ምስራቅ፣ አውሮፓና አሜሪካ እንዲሁም ወደ ኤሲያ በማሰማራት እጅግ ፈጣን የሆነ አገልግሎት እየሰጠ ይገኛል። በዚህ ለምቶ ተግባራዊ በተደረገው ቴክኖሎጂ አስፈላጊውን ሰነድ ላሟሉ ዜጎች ቀደም ብሎ ለፕሮሰስ ይወሰድ የነበረውን ከ4 እስከ 6 ወራት በ10 ደቂቃ አገልግሎቱን መስጠት የሚያስችል ሲሆን ዜጎችም በሄድቡት ሃገር ደህንነታቸው ተጠብቆ፣ መብታቸው እና ጥቅማቸው ተከብሮ መስራት እንዲችሉ በየሃገራቱ የሚገኙ ኢምባሲዎቻችና ቆንጽላዎች የዜጎችን ደህንነት ማስጠብቅ እንዲችሉ ዕድል የሚሰጥ በመሆኑ በውጭ ሃገር ስራና ሰራተኛ አገናኝ ኤጀንሲዎች እንዲሁም በግል ጥረት ስራ አግኝታችሁ ወደ የትኛውም የአለም ክፍል የምትሄዱ ዜጎች በቦሌ አየር መንገድ የኢምግሬሽን አገልግሎት በማግኘት ከሃገር መውጣት እንድትችሉ በቅድሚያ ከሥራና ክህሎት ሚንስቴር ተገቢውን ሂደት ማለፍ ያለባችሁ መሆኑን እናሳስባለን። የሥራዎ ባለቤት እርስዎ ኖዎት !

የዝግጅት ምዕራፍ ሥራዎችን  የሚመለከት የመስክ ምልከታ በድሬዳዋ ከተማ አስተዳደር የሥራ ክህሎትና ቴክኖሎጂ ልማት ቢሮ እና በስሩ በሚገኙ ተቋማት ላይ በማካሄድ የሚገኘው የሥራና ክህሎት ሚንስቴር የሱፐርቪዥን ቡድን  በዛሬው ቀን ቀጥሎ የተከናወኑ የተለያዩ ስራዎችን ምልከታ አደረገ። በዚህም የስራ ዕድል ፈጠራ ስራዎችን አንድ ማዕከላት ድረስ በመውረድና የኢንተርፕራይዝ ልማት ጋር በተያያዘ  በአካል ተገኝተው የተመለከቱ ሲሆን የአሰሪና ሰራተኛ ዘርፉም የኢንደስትሪውን ሰላምና ደህንነት ከማጠበቅ አንጻር ኢንደስትሪዎች ላይ ተዘዋውረው ተጨባጭ ሁኔታውን መመልከት ችለዋል፤ የሱፐርቪዥን ቡድኑ በተለይም የድሬዳዋ ፖሊቴክኒክ ኮሌጅ ከኢንዱስትሪዎች ጋር በፈጠረው የሁለትዮሽ ግንኙነት የተሰሩ ምርታማነታቸው የተረጋገጠና import substitute የሆኑ የተለያዩ ችግር ፈቺ ቴክኖሎጂዎች ያሉበትን ደረጃ በተግባር ተመልክቷል። Fly finger የብስኩት ማሸጊያ ማሽን መለዋወጫ (spare part) እና ፖምፕ ካፕሊንግ ለድሬዳዋ ምግብ ኮምፕሌክስ፤ Stainless steel pusher የሳሙና ማሸጊያ ማሽን መለዋወጫ (spare part) ለኮኔል ሳሙና ፋብሪካ እንዲሁም Bearing roller holder የማዳበሪያ ማምረቻ ማሽን መለዋወጫ በድሬዳዋ ኢንደስትሪ ፓርክ (free tread zone) ለሚገኘው ለሀን ፕላስ ፋብሪካ የተሰሩና ምልከታ የተደረገባቸው ከብዙ በጥቂቱ ናቸው፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 5/2016 ዓ.ም ድሬዳዋ

የድሬዳዋ አስተዳደር የሥራ ክህሎት እና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ በቴክኖሎጂ ሽግግርና በኢንዱስትሪ ኤክስቴንሽን ዳይሬክቶሬት አዘጋጅነት  በ2016 ዓ.ም  ስልጠናቸውን ለሚያጠናቅቁ ሰልጣኝ ተማሪዎች ስልጠና ተሰጠ። በዚህም በድሬዳዋ አስተዳደር ለሚገኙ ለመንግስት ፖሊ ቴክኒክ ኮሌጆችና  ለግል ኮሌጅ ተመራቂ  ሰልጣኝ ተማሪዎች የስራ ፈጣራ ባህል ግንባታ ስልጠና እንዲሁም የማይንድ ሴት ስልጠና በመውሰድ ከተቀጣሪነት ወደ ስራ ፈጣሪነት እንዲያዘነብሉ የማነቃቂያ ስልጠና እንዲወስዱ ተደርጓል፡፡ በዳይሬክቶሬቱ የስራ ፈጣሪነት ባለሞያ የሆኑት ወ/ሮ ውልታ ትልቅሰው እንደተናገሩት ሰልጣኝ ተማሪዎቹ ስልጠና አጠናቀው ሲወጡ በግልም ሆነ ተደራጅተው የራሳቸውን ስራ እንዲፈጥሩ ትኩረት የተሰጠው እና የሚበረታታ መሆኑን ገልጸዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 5/2016 ዓ.ም ድሬዳዋ

የድሬዳዋ አስተዳደር የሥራ ክህሎት እና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የአሰልጣኝ ልማትና ተቋማት ጥራት ቁጥጥር ዳይሬክቶሬት ለኢንደስትሪ ውስጥ ባለሙያዎች የቴክኒክና ሙያ ማሰልጠን ስነ ዘዴ/ Industry Trainers Methodology / ስልጠና እየሰጠ ይገኛል፤ በዚህም ስልጠና ውጤትን መሰረት ያደረገ የቴክኒክና ሙያ ትምህርትና ስልጠና በንድፈ ሃሳብ እና በተግባር የተደገፈ እንደመሆኑ ስልጠናው በቴ/ሙ/ት/ስ ተቋማት ውስጥ እና  በኢንደስትሪው ውስጥ በሁለትዮሽ/ በትብብር ይሰጣል፤ ለዚህም በኢንደስትሪው ውስጥ ይህንን ስልጠና የሚሰጥ የኢንደስትሪ ባለሙያ ለማፍራት ታሳቢ ያደረገ የቴክኒክና ሙያ ስልጠና ስትራቴጂ ላይ ግንዛቤ በመስጠት፣ በ OBT Delivery System፣ Occupational Standard፣ Session Plan፣ Delivery Methods፣ TTLM፤ Plan and Conduct Assessment ሞጁልን በመሰልጠን ላይ ይገኛሉ፤ በመሆኑም ቢሮው ከዚህ ቀደም ከዘርፍ መስሪያ ቤቶች ጋር ባደረገው የጋራ ዕቅድ/MoU/ ስምምነት መሰረት ከ2016 ጀምሮ ኮሌጆች ለትብብር ስልጠና መስጫነት የመረጡአቸው ዘርፍ መስሪያ ቤት እና ኢንደስትሪዎች ውስጥ የሚሰሩ ቴክኒካል ባለሙያዎችን በማካተት ስልጠናው ለ5 ተከታታይ ቀናት የሚቆይ ሲሆን በስልጠናው ማጠናቀቂያ በሚኖራቸው ምዘና መሰረት ብቁ የሆኑትን ሰርቲፋይ በማድረግ በኢንደስትሪ ውስጥ የትብብር ስልጠናን የሚሰጡ የኢንደስትሪ ውስጥ አሰልጣኞች ይሆናሉ፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 5/2016 ዓ.ም ድሬዳዋ

የድሬዳዋ ፖሊ ቴክኒክ ኮሌጅ በ2016 ዓ.ም የተቀበላቸውን አዳዲስ ሰልጣኞች  ለ5 ቀናት ስለ ቴክኒክና ሙያ ያላቸውን የግንዛቤ ለውጥ እንዲያመጡ ታስቦ ሲሰጥ የነበረው የህይወት ክህሎትና የማይንድ ሴት ስልጠናዎችን በዛሬው እለት አጠናቀቀ፡፡ በስልጠናው ሂደት ላይ መግለጫ የሰጡት የኮሌጁ ዲን አቶ ሳሊም ኡስማን እንደገለጹት ወደ  ምስራቅ አፍሪካ የልህቀት ማእከል ወደ ሆነው የድሬዳዋ ፖሊ ቴክኒክ  ኮሌጅ በደህና መጣችሁ ኮሌጃችን   በኢትዮጵያ ከሚገኙ ኮሌጆች መካከል አንጋፋው ኮሌጅ ነው ስለዚህ በዚህ ኮሌጅ የሚሰለጥኑ ሰልጣኞች ለኢንዱስትሪው የሚጠቅሙ በመካከለኛ ደረጀጃ የሰለጠኑ የሰው ኃይን ከማፍራት በዘለለ የራሳቸውን ስራ ፈጥረው ለራሳቸወው ብሎም ለሃገር የሚጠቅሙ ባለሞያዎችን እያፈራ ይገኛል ያሉ ሲሆን አያይዘውም በኮሌጁ ውስጥ የሚኖራቸው ቆይታ የተሳካና የሚፈልጉትን እውቀትና ክህሎትን እንደሚያገኙ እተማመናለሁ ብለዋል፡፡ በመቀጠልም ንግግር ያደረጉት የኮሌጁ የውጤት ተኮር ትምህርትና ስልጠና ም/ዲን አቶ ሰላሃዲን አብዱልሃሚድ ሲሆኑ በንግራቸውም በዚህ የህይወት ክህሎት ስልጠና አዲስ ወደ ኮሌጁ የተቀላቀሉ ሰልጣኞቻችን ከዚህ በፊት ስለ ቴክኒክና ሙያ ኮሌጆች ያላቸውን ግንዛቤ የለወጠና በተለይም ሃርድ ኮርስ ላይ ያለውን የተማሪ እጥረትን ለመቅረፍ እንደ ጥሩ አጋጣሚ የሚጠቅም ሲሆን በዚህም ብዙ ሰልጣኞች ከሶፍት ኮርስ ወደ ሃርድ ኮርስ የትምህርት አይነቶች እንዲያዘነብሉ እድል አመቻችቷል ብለዋል፡፡ አያይዘውም በዚህ ስልጠና ላይ ለተሳተፉ  መምህራን ምስጋና ያቀረቡ ሲሆን  ለተማሪዎችም መልካም የስልጠና ዘመን እንዲሆን ተመኝተዋል፡፡ በተያያዘ ዘገባም የህይወት ክህሎት ስልጠና ለሰለጠኑ ሰልጣኞች ኢንዱስትሪው ምን ያክል የሰው ሃይል እንደሚፈልግ የሚያስገነዝብ የትምህርታዊ ጉብኝቶችን ያከናወነ ሲሆን ከጉብኝቱ በኋላም  ሰልጣኖች በኮሌጁ ውስጥ የሚኖራቸው ቆይታ ከስልጠና በዘለለ ኢንዱስትሪዎች ውስጥ ተቀጥረው እንዲሁም የራሳቸውን ስራ ፈጥረው መስራት የሚችሉበትን እውቀት እንዳገኙ ተናግረዋል፡፡ የኮሌጁ ኮምኒኬሽን ታህሳስ 05/04/2016 ዓ.ም ድሬዳዋ

የሥራና ክህሎት ሚንስቴር የሱፐርቪዥን ቡድን የዝግጅት ምዕራፍ ሥራዎችን  የሚመለከት የመስክ ምልከታ በድሬዳዋ ከተማ አስተዳደር የሥራ ክህሎትና ቴክኖሎጂ ልማት ቢሮ እና በስሩ በሚገኙ ተቋማት ላይ ማካሄድ ጀመረ። የሱፐርቪዥን ቡድኑ በዛሬው ዕለት በአስተዳደሩ ቢሮ በመገኘት ድጋፋዊ ሱፐርቪዥን ማድረግ የጀመረ ሲሆን የሱፐርቪዥኑ ዋንኛ አላማም የፌደራል፣ የክልሎች እና የከተማ አስተዳደሮች ተቋማዊ የዕቅድ አፈፃፀም ያለበትን ደረጃ በተግባር  ለማረጋገጥና ችግሮቹን በመለየት የማረም እና የማስተካከል ስራ ለመስራት እንዲሁም አስፈላጊውን ድጋፍ ለማድረግ እንደሆነም ነው የተገለፀው። በዚህም የሱፐርቪዥን ቡድኑ ባዘጋጀው ቼክሊስት መሰረት በዛሬው ዕለት ከድሬዳዋ አስተዳደር የሥራ ክህሎትና ቴክኖሎጂ ልማት ቢሮ የማኔጅመንት አባላት ጋር በመሆን በዝርዝር የገመገመ ሲሆን ከዚህም ባለፈ ቡድኑ ቢሮው ከአገልግሎት አሰጣጥ እና ከሌሎች ተያያዥ ጉዳዮች አንፃር ያለበትን ደረጃ በተግባር ተመልክቷል። የሱፐርቪዥን ቡድኑ ከዛሬ ጀምሮ በቀጣይ ቀናት በቢሮው ስር በሚገኙ ተቋማት በአካል በመገኘት ድጋፋዊ ሱፐርቪዥኑን የሚያደርግ ሲሆን በመጨረሻም ቡድኑ በቆይታው በተግባር  የተመለከታቸውን የሥራ አፈፃፀሞች መሰረት በማድረግ ግብረመልስ ይሰጣል ተብሎም ይጠበቃል። የሥራ ክህሎትና ቴክኖሎጂ ልማት ቢሮ ህዝብ ግንኙነት ታህሳስ 3/2016 ዓ.ም ድሬዳዋ