طمأنينة♡

الزواج في حد ذاته معجزة، ولما ذكره الله سبحانه وتعالى قال {وَمِنْ آيَاتِهِ} يعني من معجزات الخالق الزواج. طب ليه هي معجزة؟ علشان ده شخص غريب عنك، ثقافة وحياة وسلوكيات مختلفة، بيشاء الله إنه يجمع بين قلوبكم ويخليها مترابطة. وبعدين تيجي فكرة السكن {أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا} شخص هتعيش معاه أكتر من عمرك كله اللي عشته في بيت أهلك ومعاهم، وبتشاركه حياتك بصورة يومية. ثم بيتخلق من العِشرة المودة والرحمة {وَجَعَلَ بَيْنَكُم مَّوَدَّةً وَرَحْمَةً ۚ } متعاملتش معاه طول حياتك ولا كنت تعرفه، لكن أصبح أحب الناس لقلبك، وأرحم الناس بك، وأقربهم مجازًا وحقيقة! عند الناس فكرة الزواج عملية بسيطة، لكنها معجزة من معجزات الله، إن حبك يتزرع في قلب إنسان تاني ده رزق كبير من الله عز وجل. { ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ}💛