ودَق

خيرُ الدعاء دعاء يوم عرفة اذكروني بدعوه❤️

"حبيبي عاد أنا ويّاك خشم وعين لين الحين ولا يحتاج شيء يذكر الطيب .. بماجوبه على الله ضيعةٍ في ظلمة عيونك وقول آمين بها ربي يجازي عبد .. جدد سيرة أيّوبه أنا اللي مستلذ أضيع بعيونك ليوم الدين سنيني ليه من نية ضياعي فيك .. مرعوبة؟ مع أنه لا أمل وسط السراب، و لا شراب يْبين ولكني وأنا أشقى بك أعيش الجرح بعذوبة حبيبي لا رضى وجهك يطيح من الشعر بيتين كأن اللي .. قبلها فوق سطح البحر مكتوبة أنا أكثر من كتب فيك الغزل وأرهى عليك إيلين دقيقة صمت عن أذنك .. على نزار وأسلوبه كفاه من العمر ليلة، و عمر الآدمي يومين ولا الله مطلع عباده على ما تحوي غيوبه إلى منّه تمرد خلقي، وضيّق جداي البين حبيبك يستره ضحكك .. مثل ما يستره ثوبه رسم لي رمشك السكّة، وجيته تارك التخمين محى ساعة تنصّفت الطريق لشوفة دروبه أجل ويني، أنا والله مدري هالطريق لوين؟ ترى دوبه تلحفني سنين من الوصل دوبه تشكك بالطهر ذنبي ولو ما عليك علي من دین يحلفني شعوري عنك وأنت .. إيديه وجيوبه لا والله غيرك ذنوب السنين وجَوّ بقوة عين ملامحهم فجوري فالخصام ووجهك التوبة أشوفك حظ .. يرسم لي نهار بغيمة وشمسين وأشوف الناس عمرٍ من ظلام، وقربهم حوبة من يحبك .. يحب الناس والأيام، والروتين ومن يكره وجودك .. ربي منجّيه بإعجوبة خفيفة جيتك مثل .. إبتسامة عابرة وإثنين تمادوا بالصدف حتى تمادوا بالنظر نوبة حبيبي .. وجهك الغايب حضوره ما هو بمسكين كأنه اللحظة اللي .. تفصل المذنب عن ذنوبه تمر شعوره، ويبرد براد الصبح .. في تشرين ويسري في رجى وجهك، ويكره وجه محبوبه تعال .. وخطوتي دونك مثل شعره على سكين وعمري راح من عمره .. سنين لمن تسلّوا به"

‏الله اكبر الله اكبر الله اكبر لا اله إلا الله ‏الله اكبر الله أكبر ولله الحمد ‏الله اكبر كبيرا ‏والحمدلله كثيرا ‏وسبحان الله بكرةً واصيلا ‏وصلى الله على نبينا محمد وعلى آله وصحبه وسلم تسليماً كثيراً

‏الله اكبر الله اكبر الله اكبر لا اله إلا الله ‏الله اكبر الله أكبر ولله الحمد ‏الله اكبر كبيرا ‏والحمدلله كثيرا ‏وسبحان الله بكرةً واصيلا ‏وصلى الله على نبينا محمد وعلى آله وصحبه وسلم تسليماً كثيراً

على مسرى الطريق ألمح بقايا دمعي الشفّاف وياليت دموع قلبيْ مثل عيني أقْدر أمحيها حَسَافه الليل مِستكثر علي فرحة لوجهٍ حاف ياليل أرجوكْ أحضن هالشروق وأمسك يديها ِيسريني الحنين لوجنتين وضحكتين خفاف ياودّي عَن عُيون الناس في صدري أخبّيها كأن الله خَلَق في نظرته الي مانقرا ونشاف كثر ما أخفي ملامح هالغرام أزريت أخفيها معاه العمر أكثر مرحبا لو يكتسيه إِجحاف أنا لو كثرت أفراحي بدونه ويش أبي فيها؟ سلام الله على وجهٍ ترك بعده الضلوع انحاف ترك لي ذكريات من الوله كل يوم أبكيها سنين تمر وتعدي وأنا أرقب لحظة الإنصاف عساها تشوف لي فرصة لقى وأحب كفّيها ذبلت وماتت أغصانٍ ملاها هالبعاد جفاف ياكيف تعيش باقي هالعمر لو راح ساقيها أقول بتنتسى أيام شوقي وما عليّ خلاف وأنا للحين تربكني حروف أسمه وطاريها تعال أنهي الغروب اللي تمادى بالصدر ماخاف أنا والله هالدّنيا بلا ضحكتك ؟ ما ابيها - أفنان

والله ولو أعيش عمري مية حول ‏قلبي لغيرك مستحيل يتحوّل ‏لو بيننا سيف المقادير مسلول ‏ درع الأمل ضد النهاية مخوّل ‏منتظرك لباكر وبعد وعلى طول ‏ياقمة الأحلام والحب الاوّل ‏باب الغلا لأجلك محصّن ومقفول ‏حتى ولو غيرك طرقه وتسوّل

‏يا نصيبي بعد عمرٍ بالنكادة ‏يا صباح الخير يا صبحٍ يجيبك

وداعية تهز ضلوع صدر العاشق الولهان وداع فيه من صدق الحزن ماله ينسيني فمان الله وعيون السهر في داعة الرحمن فمان الله يا أول من سكن من بيني وبيني فمان الله يا آخر جرح دامي و أول الخلان فمان الله يا ملح القصيد و باقي سنيني فمان الله يا من لك بقلبي مرتع و موطان ولك بين الضلوع العوج بيت ولك عناويني عليك أرسل مراسل الغرام بلهفة الأحزان و أتوق لرد يذبح طاري الفرقا و يحييني و أنادي يا فلان أقرا الرسايل طالبك يافلان وليفي شف غرامك ويش سوا في شراييني و أعرف أنك قريت اللي كتبت وفي بعض الأحيان تشوف الواردات ولا ترد ولا تحاكيني و أنا ماني سفيه وماقفي ما يقبل السفهان ولا أقبل كل شخص يفرد ضلوعي ويكويني ياكون أنت الوحيد أسامحك و أغليك مهما كان قسم بالله ما قبلك حد لأجله بكت عيني عطاك الله من أوصاف الجمال الطاغي الفتان وعطيتك معظم شعور الغلا من دون تعطيني تعبت أراقبك و أطرد سرابك تايه وضميان أسوق الرجل و أقدار الزمن صوبك توديني ودريت أنك لغيري و أنفجر وسط الصدر شريان رحلت وقلت يا نبض الغلا وينك و أنا ويني بموت من الحزن ومن الفراق ومن جفا الخلان لكني لو بموت أهون ولا طرد المقفيني فمان الله هاك آخر قصيدة مالها عنوان ولكن طالبك لا أقفيت عني لا تخليني

‏الله أكبر الله أكبر لا إله إلا الله ‏الله أكبر الله أكبر ولله الحمد .

رسميًا من الآن ‏بدأت أعظم أيّام الدنيا، ‏ثواب الأعمال مضاعف، والفرص لا تُعوّض… ‏ركعتين في هذه الأيام خيرٌ من ألف في غيرها، ‏كلمة، صدقة، تسبيحة، دعاء… ‏كلها تكتب في ميزانٍ أعظم من أي وقت مضى. ‏ها هي عشر ذي الحجة قد أقبلت، ‏فشمّروا عن القلوب والأعمال، ‏فهي أيّامٌ أحبّها الله، فلا تفوتوها. ‏أحيوها بحب الله، واملأوها بذكره ♥️

‏يا ملّ قلبٍ رفّ بين الضلوعي ‏رفيفٍ حرّ يرد عنه مسابيق ‏يا طيب الرفقه تذارف دموعي ‏ما دام باب الضميار مغاليق ‏حنّا حرار وكل حرٍ جزوعي ‏ما تمشي العوجا علينا مدانيق

‏على هامش فراغاتك تبيني أعيش ؟ ‏أبداً ما أعيش في هامش فراغاتك ‏أنا جادلٍ مطغيني الكبر و الطيش ‏ما تلقاني إن ما كنت ضمن أولوياتك

‏يا صباح الخير يا منتهى السحر المباح ‏يا نعيمٍ في حياتي قطوفه دانيه ‏تصبح الدنيا وأهلها على شمس الصباح ‏وأنت شوفك صبح ثاني وشمسٍ ثانيه

‏فيه نوع من العلاقات اسمى من الحب فيه ‏ قدر وحشمه للمحبوب مثل : ‏يا جميلة والحياة تسوقنا عكس المبادي ‏كل ليل أجاري الفرصه بـ فرصة مستقيمه ‏حاشمك عن زلة ٍ ما هي بـ ضمن اعتقادي ‏أرهقتني رغبة النفس ونواياي السليمه ‏انتي ارقى مْن الخطا وأعز من كبوة جوادي ‏من نقاك تقول كنك ظاهره من بطن غيمه

آفل النور واجتاح الظلام المدينة من يرّد النهار اللي خذته الغداري ؟ غروٍ اللّه خلق شمس الضحى في جبينه من سناء غرّته شفت ل سناها مواري غصنٍ أثمر بعد ما طاحت أوراق تينه بعض الاغصان يثمر كل ماكان عاري من يضم إبتسامات الوجيه الحزينة للحزن ظلٍ في وجه الحزين متواري ليه أعاتبكْ يا خلٍ فدى الكل عينه وأنت صمتك على نجوى معاتبك" ضاري أترك العذر ماني ناشد العذر وينه رد ّحتى لو إنك ما ترّد اعتباري عوّد مثل الأمان وحلّ مثل السكينة وطيح مثل المطر لا طاح فوق الصحاري تمسي وعيني الولهى لطيفك رهينة! ما تصحيك لهفَة ؟ ما يسهرّكْ طاري ؟ ليت قلبك خذا من عودك الغضّ لينه يا مخليني أشكي غربتي في دياري وش يكون الحبيب إن كنت ماني ضنينه ! المعاذير ما تخمد لواهيب ناري أنتشلني من انقاض الألم والغبينة لا تورّي عيون الشامتين انكساري قلبي المنفطر ردّه عن الياس ، دينه سلعةٍ مالقت في سوق الأحباب شاري كيف أبنساك ! واللهفه بصدري دفينة من متى كان نسيان الحبيب اختياري ! ودّع الصبر قلب يشتكي لك حنينه منهك من السْهاد ومن طوال المساري كنت الوم السحاب ليا جفى ياسمينه لك الحين أقدم للسحاب اعتذاري موصد الباب دون الذكريات الحزينة وش يذريك ؟ لا هبت عليك الطواري خل كل الهموم اللي بصدرك سجينة دام محدٍ عن اللي في حناياك داري ما بقى للرحيل إلا صعود السفينة ليت الأحلام كانت تستحق انتظاري - سعود مهدي

«لو نطاوع رغبة القلب؟ ضعنا من زمان لكن الله حط للقلب عقلٍ يردعه»

‏قال رسول الله ﷺ : « من صلى علي حين يصبح عشراً وحين يمسي عشراً أدركته شفاعتي يوم القيامة »

‏أنا الله خلقني ما أقبل الذِّل والتّهميش ‏لو أخسر طموح العمر وأغلب علاقاتي