I support you

‏د .محمد الغليظ كتب تقسيمة حلوة للدعوات يوم عرفة منعا للتشتت ( خلاص يا شباب جينا لوقت الجد يوم عرفة هو اليوم إللي ممكن حياتك بعده تتغير جدا ) طب اعمل ايه؟ 1- تتوب لله عز وجل . لأن الإنسان قد يحرم الخير كله بذنب فابدأ يومك بالتوبة والاستغفار ‏2- تصوم يوم عرفة طبعا. عندما سئل النبي عن صيام يوم عرفة قال: ( يكفر السنة الماضية والسنة المقبلة) 3- تحفظ سمعك وبصرك ولسانك يعني لو قدرت تقضي اليوم بين البيت و المسجد أو أي عمل صالح تبقى فزت بإذن الله النبي قال : (إن هذا يوم من ملك فيه سمعه وبصره ولسانه غفر له). ‏4- تكثر من الذكر.. النبي -صلى الله عليه وسلم- قال: "خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له، له الملك وله الحمد وهو على كل شيء قدير". ‏5- الدعااااء العام النبي قال: (خير الدعاء دعاء يوم عرفة ) اقعد دلوقتي جهز كل اللي نفسك فيه من خيري الدنيا والآخرة متضيعش ولا لحظة قسم دعواتك عشان متتشتتش -دعوات الآخرة -دعوات للدنيا -دعوات لمن تحب -دعوات للآخرة: نفسك تكون إنسان صالح إنسان متدين قريب من الله ‏نفسك تخشع في صلاتك وتحسن إقامتها نفسك تحفظ كلام ربك وتفهمه وتعمل بيه نفسك ربنا يستعملك لنصرة دينه نفسك ربنا يهديك ويأخذ بقلبك إليه نفسك في قلب سليم نفسك ربنا يتوب عليك من المعاصي أو من معصية معينة مش قادر تسيبها نفسك ترزق بحسن الخاتمة نفسك قبرك يبقى روضة من رياض الجنة ‏نفسك تدخل الجنة بغير حساب ولا عذاب نفسك تشوف النبي و تحشر معه نفسك تشوف الله جل جلاله نفسك في الفردوس الأعلى .. -دعوات للدنيا .. ادعي بالتفصييييل .اطلب كل اللي انت عايزه نفسك تتجوز .. نفسك تتخرج .. نفسك تنجح.. نفسك تتفوق نفسك تنجب من البنين والبنات .. نفسك ف صحبة صالحة .. ‏عندك مشكلة في شغلك... في دراستك .. في عملك ... عندك أزمة مالية أو أسرية.. متخانق مع زوجتك أو زعلانة من زوجك.. خايف على عيالك ونفسك ربنا يحفظهم وتأمن حياتهم ومستقبلهم.. نفسك تكون حياتك أفضل أو تحسن من مؤهلاتك أو وظيفتك نفسك ربنا يشفيك.. خايف من حاجة .. بتتمنى حاجة.. ‏-دعوات لمن تحب : هات قلم وورقة ويلا اكتب أسامي صحابك وقرايبك وأهل الفضل عليك وأهل الحقوق عليك ومن وصاك بالدعاء.. خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه وأنه يغفر لهم ويجمعكم في الجنة. ومتنساش تدعي لمن مات ولم يدرك اليوم مثلك وتدعي للمسلمين ولأمة الإسلام .. وأن يفرج عن إخوانك المستضعفين في المشارق والمغارب أن يفتح لهذه الأمة وأن يفرج كربها. ولا تنسوني من صالح دعائكم 🤎

صباح الخير عليك يومك ملئ بالطاعات وذكر الله وحضور قلبك ف كل عمل صالح تعمله بإذن الله 🤎

السلام عليك خلص اللي كنت بتعمله أو خلاص رتب أولويات أفضل " ليوم بكرة بإذن الله" يوم عرفة يوم عظيم جدا وأهم يوم ف السنه كلها ف 365 يوم بكرة بإذن الله الأهم و الافضل ف خلاص كدا بريك من المذكرة والشغل وحتي تجهيزات العيد برضو اعتكف الكام ساعه دول بس وعيد حساباتك وراجع نفسك وجدد عهدك مع ربنا الكريم وصلي فرائض ونوافل وأقرأ قرآن وأذكر ربنا تسبيح وتهليل وتكبير وتعبد لله بكل طاقتك وقوتك و" أدعي " أدعي كتير جدا بخيري الدنيا والآخرة وأدعي حتي لو شايفه أن الحاجه دي مستحيل ربنا سبحانه قادر ع تحقيقها وأهم حاجه والله تدعي بيها ربنا يجعل قلبك حاضر ف الدعاء وحاضر ف كل وقت ف اليوم علشان تستشعر وتعيش اليوم بكل دقيقة فيه يارب يوفقنا يارب يوفقنا يارب يوفقنا.🤎

بكره اعظم يوم هيمر عليك في حياتك اوعي تضيعه اوعي استعد وادعي من قلبك

افتكر اخوك بدعوة في الأيام المفترجه دي يمكن دعوتك تكون سبب خير ليا ولك المثل

ازيك يا صاحبي انا اخوك ال ديما عاوز مصلحتك وجاي من بعدين وبقولك ان الحياه يا تعافر فيها وانت واثق من ربنا ثم ع دراعك وبوصلتك هي صلاتك وقربك من ربنا يا تعتمد ع البشر فتنزل ع رقبتك تتكسر يا صاحبي محدش هيقف جمبك غير ربنا ثم اهلك ف متعشمش كتير في حد غير ربنا الحياه بعدين صعبه بس ثقتك في ربنا هتخليها سلسه باذن الله مش هقولك ساهله لان هبقي بكدب عليك بس مفيش حد متوكل ع ربنا بيقع قوم انفض ترابك وتوكل ع ربنا وكمل طريقك وخلي ثقتك في ربنا اقوي من اي شئ ممكن يتخيله عقل بشر

‏﴿وَاللَّهُ يَهدي مَن يَشاءُ إِلى صِراطٍ مُستَقيمٍ﴾

أي أخبارك ؟ عارفه وضعك دلوقتي ومقدراة جدا أنك مضغوط دراسة ومشاعر سواء كانت مشاعر التخرج أو مشاعر من أنواع أخري أو الاتنين ! عادي عادي بتحصل 😅 المهم بقا حبيت أفكرك وأديك دافع أن كل دا هيعدي وهتمر بستر وكرم وتوفيق ربنا كلها والله دا إزاي بقا؟ أهو إحنا ف أعظم أيام السنة عند ربنا الكريم وداخلين ع يوم عظيم يوم عرفه المبارك " بلغنا الله إياه ف عفو وعافيه يارب" وبعدها عيد الأضحى المبارك ف الأيام دي أيام كبيرة وعيد وفرحة وبهجة ع قلبك والغالب الأعم لكل الناس بتكون إجازة سواء شغل ولله الحمد أو مذاكرة وامتحانات ف معلش تعالي ع نفسك الغاليه دي أسبوعين أو تلاته بالكتير وإنجز وبص عايزاك تقاتل اللي عليك لحد ما تخلص بجد ووقتها يبطل هترتاح وتأخد اجازة حلوة وبريك كدا ونبدأ نكمل سعي برضو ف الكورسات مش هسيبك!😁 أما لو شغل بقا ف أنت بقا هتفصل دماغك اجازة العيد بإذن الله بلا أي عبث وضغط وترتاح فيهم ربنا يوفقنا جميعاً يارب إلي ما يحب ويرضى ومتنسونيش من دعائكم جزيتم الجنة.🤎

شد حيلك وإنجز وفيه مسدج حلوة بإذن الله ليك اخر اليوم .🌚

أكثر من الدعاء إحنا ف أعظم أيام السنة ورحمة ومغفرة عظيمة من ربنا الكريم سبحانه. ودثروني في دعائكم .🤎

صباح الخير يومك ملئ بالإنجازات وتوفيق وكرم ربنا بإذن الله أستعين بالله ولا تعجز 🤎

صباح الخير يوم جديد محاولة جديدة كالعادة متيأسش من المحاولة ويلا كوبايه شايك وتعالي تبدأ ولا بدأت ف عاااش ليك كمل متنساش وردك وصلاة الضحى.🤎

كُلما مررتُ ببالك ولو سهواً، ادعُ لى... 🤎

هقولك حاجه تحت بند متغلطش غلطتي! بلاش اي حاجه نفسك فيها وعايز تحققها وتوصلها تعرف حد بيها مهما كان" الحد " دا مين بس أهلك الأرجح تقول بس الأفضل برضو لما توصل تقولها والله انا كل حياتي تقريباً واقفه بسبب الحوار دا من يوم تخرجي هو الإنسان أكيد حياته كلها مش بيحكي تفاصيلها بس فيه تفاصيل كدا أشخاص مقربين أصحاب وعشرة عمر بتقع بلسانك وتقول وف نفس الوقت هما أمان ليك ومش بيحسدوا بقصد الحسد ولكن طبيعية اي إنسان مش بيحب حد أحسن منه إلا ما رحم ربي ف خلاصة الحوار أعمل بحديث رسولنا الكريم صلى الله عليه وسلم واستعين ع قضاء حوائجك بالكتمان هتسلم وهتوصل بعون وتوفيق من ربنا.🤎

اي أخبار الإنجازات ؟ خد بريك أعمل ريفرش وتعالي نكمل

صباح الخير بسم الله ابدأ يومك ع خير رتب أوضتك ورتب كتبك واستعين بالله ولا تعجز ، لو ف الشغل هون عليك ومتضغطش ع نفسك راحتك النفسية أهم من أي حاجة وأي مرتب برضو!😁 قبل أي حاجة متنساش وردك من القرآن وركعتين الضحي.🤎

أي إنجاز عملته النهاردة ف الجو دا عاااش ليك حقيقي والله عاااش ليك ولكل محاولة وكل سعي ف جو صعب زي النهاردة ولو ف شغل ف الله يعينك ويرزقك من واسع فضله وكرمه بإذن الله ربنا يأجرني ع سعينا كله ويضاعف أجرنا ف الأيام المباركة دي مع صيامنا اللهم تقبل منا وأجرنا من نار جهنم.🤎

صباح الخير النهاردة اول يوم من 10 ذي الحجه أفضل أيام السنه ابدأ يومك ب ورد قرآن وأذكارك واستعين بالله ولا تعجز ف دراستك دي عبادة برضو والأجر عظيم ف الأيام المباركة دي وأكثر من الدعاء ليك ولكم أحبابك ودثرونا ف دعائكم بظهر الغيب .🤎

متيأسش من المحاولة! أسعى لـ هدفك بكل ما أوتيت من قوة.🤎

صباح الخير من ٤ سنين كنت لسه متخرج والدنيا قافله ف وشي ف زي اي شاب قدمت ف كل حاجه تقريبا ومنهم مجال البنوك (كنت غلطان) وساعتها كنت مضايق اووي ان محدش بيرد و النهاردة بعد سنين جالي اوفر ٣ بنوك ورفضتهم ربنا اراد انها متجيش ف وقت ال كنت محتاجها فيه علشان مروحش اشتغل ف حاجه ربنا حرمها انا عاوز اقولك بس ان التآخير خير اوي ديما بيكون كرم ونعمه من ربنا ان ياخر عنك حاجه هي ضرر ليك ويكرمك بالخير