مقابلات التعليم الحكومي والبلاد 🌧️

السلام عليكم ورحمة الله وبركاته الله يسعدكم القناة وضعت للفائدة من عام ٢٠٢٢ وأنا أحول المقابلات للجميع يستفيد في اللي يكتب حرف عن المقابله وما واجهه فيها الله يفتحها بوجهه أنه فاد الناس والشيء الثاني الخاصيه مقفله اللي حاطين رموز O ولا غيره أحد عارف من أنتِ ؟ والشيء الثاني محد قادر يضغط على اسمك أو يجيك خاص أبد ب امكاني أقدر انسخها بدون حقوق لكن قلت عشان توضح للناس إنها منقوله وهدفي والله الكل يستفيد لو أنانيه خليتها خاصه فيني لاني اتبع أجمع مقابلات وأشياء تكون لمصلحه الكل ف اللي تتحسب اني حولت رسالتها ترى ماهي سوالف ؟؟!!! فائدة وكلها أسئله تربويه بالتوفيق للجميع واللي سوا مقابلات يرسلها لي خاص لفائدة الناس بالتوفيق

‏⁧ #الوظايف_التعليميه⁩ ‏عند تقديم نفسك في المقابلة الشخصية، الأفضل يكون تسلسلك منطقي وسهل تذكره عشان ما ترتبك: ‏*ابدأ باسمك ‏*بعدين مؤهلاتك العلمية ‏*خبراتك العملية، وإذا ما عندك خبرة، اذكر تدريبك التعاوني أو مشروع تخرجك او عملك السابق ‏*أختم باستعدادك للإجابة على أي سؤال ‏*جهز نفسك من خلال المعرفة العامة عن وزارة التعليم؟ لماذا اخترت مهنة التعليم ؟ومن هو وزير التعليم ؟وزير الداخلية وتواريخ اليوم الوطني ويوم التأسيس ويوم المعلم ورؤية المملكة؟، والمعرفة عن الادارة الصفية وضبط الفصل هذا يبين اهتمامك ويعطيك فرصة لتعرف أكثر. ‏*خذ نفس عميق واهدأ قبل ما تبدأ، وخلك مستعد لأي سؤال بشكل إيجابي ومفتوح واذا لم تحضرك الاجابة رد بأن الاجابة لا تحضرك الان وسأبحث عنها مستقبلاً. ‏ودائما تذكر، لا تحفظ جمل عشان ما تنساها وقت الارتباك والضغط خلك طبيعي وخلّي كلماتك تطلع منك بشكل سلس يهمهم الثقة بالنفس وسرعة بديهتك وطلاقة اللسان والاتجاهات والقيم ومهارة التواصل . ‏وفالك التوفيق

والله اول شيء قالت عرفي بنفسك من وين ؟ قالت من اي جامعة متخرجة وايش تخصصك الدقيق قالت مليني رقم هويتك قالت ابغاه بشكل فردي لا تعطيني الرقم زوجي حسيتها بتشوف نطقي وترتيبي للأرقام بشكل فردي قالت عملتي بمدارس اهليه قلت لا كنت اقدم ويقولوا نتصل عليك وماعاد يتواصلون لأسباب اجهلها قالت تكلمي عن تجربتك بالمصنع وايش المسمى اللي كنت تعملين فيه قالت ايش رأيك بالذكاء الاصطناعي وتوظيف الوزارة له وعبرت بطريقتي قالت كيف توظفين الهوية الوطنية والقيم الأخلاقية بدروسك قالت كيف توظفين الرؤية بنشاط عندك بالمدرسة وكيف تعززين الهوية الوطنية عند الطالبات وكيف تعملين ضمن فريق ولو فشل كيف تعالجين الأمر ولو طلب منك نشاط تشركين المعلمات فيه وقالوا قروشتينا نبغى نرتاح وعندنا حصص وانت غثيتينا يعني جاوبت بطريقتي

بنات بعطيكم المختصر ايش صار معاي اول مادخلنا اخذنا ارقام أنا جيت بدري 6 ونص وانتظرنا الين جو المشرفات وطابقنا أوراقنا طلبوا صورة وحده بس من الأصول الوثيقة والسجل والهوية والرخصة ولوحة المعلومات الايبان ماطلبوه قالت لي مو مطلوب خليه معاك وبعدين انتظرنا المقابلة ونادو عليه ورحت والاسئلة كلها مواقف تربوية وسالت عندك خبرة وقلت لا وكل الاسئلة عبارة عن لو صرتي معلمة كيف تتصرفين مع كذا وكذا وكذا وانا اشرح واشرح الين بح حلقي وطولت معاي اكثر من نص ساعه يمكن عشان كنت في البداية وبعدين قالت لا تروحين انتظري المقابلة الثانية وانتظرنا وطولنا ودخلوا اللي قبلي حول 5 بنات عشان الذكاء الاصطناعي وعيا يفتح معاهم ونادتني قالت نجرب صوتك ووجهك ولبست طرحة ووقفت قدام الجوال وصورت فيديو واشتغل الذكاء الاصطناعي على حظي الحلو هههههههههه كل الاسئلة مواقف تربوية نفس اللي انتشرت في القروبات وعلى كل سوال 60 ثانيه لازم تتكلمين وتشرحين بصوت عالي وبس وخلصنا وطلعت الساعه 1 ولسه بعدي بنات كثير

ماجانا اسئلة بالتخصص كلها مواقف تربوية ١/طالب لدية صعوبات تعلم كيف تتعاملين معه؟ ٢/صادفتي في مجتمع التعليم زميل يختلف معك بالمذهب كيف تتصرفين معه ٣/مالذي استجد بالعملية التعليمية وعمل فرق ٤/كيف تخططين لاول درس لك ٥/مااستراتيجيات التعليم الي راح تستخدمينها؟ ٦/كنتو مجموعة وعندكم مهمة وفشلتم من الذي يتحمل الفشل؟ ٧/صادفتي معلم او طالب منفعل كيف تتصرفين معه؟ ٨/عند زميلتك مهمة شرح كيف تساعدينها؟ ٩/كيف تجعلين بيئة التعليم جاذبة؟ ١٠/ويسألونك عندك خبرة تدريس وبناء عليه اندرج مجموعة من الاسئلة ١١/بما انك جايه من مجتمع مختلف راح تتقبلين المجتمع الجديد؟ ((اهم شي خلوكم واثقين وتكلمو بطلاقة والله يوفقكم))

#الوظائف_التعليمية 📌سؤال قد يأتي في المقابلة س/ ماهي المحاور الثلاثة لرؤية المملكة 2030م ؟ ١) مجتمع حيوي توفير بيئة صحية واجتماعية متكاملة وتقوية الروابط الأسرية والاجتماعية ٢) اقتصاد مزدهر تنويع الاقتصاد الوطني واستحداث فرص عمل للمواطنين ورعاية المواهب وتنمية الاستثمارات . ٣) وطن طموح تفاعل الحكومة والشعب للنهوض بالوطن في مصاف الدول المتقدمة

أنا سألوني إذا واجهتي ولي امر أمي جاهل كيف تعاملين مع ابنه كيف تفعلين قيم إسلامييه ف الانجليزي وش فرق بين مناهج انجليزي الان وقبل إذا كنتي قائده واختلفو القروب ع وجهات نظر وش تسوين اذكري استراتيجيات م اذكر بالضبط وش هي مثلا توظفتي ف مدرسه نواتج تعليميه متدنيه وش يكون دورك وسالوني عن خبرتي اني درست اطفال كيف تعامل وكذا هذا اللي اذكره هو سوالف اكثر من انه سوال وجواب منمق حسيت يشوفون تفكيرك

السلام عليكم ادارة جدة صعوبات المقابلة كانت اليوم الثلاثاء ترتيبها مطابقة ، مقابلة ذكاء، مقابلة لجنة ابشركم الامور سهالات لكن فصفصوني بكل التفاصيل في التخصص وبعض الاسئلة بعمق التخصص علماء وتعاريف والتربوي واذا عندك خبرة ترى بيسالونك عنها ووش سويت واستفدت منها والرؤية والموروث السعودي والاكله الرسميه في الموروث عام 23 ومواقف تربويه وفيه بعد الردود استفزازيه يبون يشوفونك زي مثلا وش استفدت من خبرتك 6 سنوات وماتعرف شي قبل اخلص اكتب عن مساجد الرياض تعبيرك انت ومجال الرؤيه بهذا الموضوع 5 سطور الهدف منه الاملاء عندك صحيح ولا فيه اخطاء ما يهتم وش كتبت المطابقة اخذوا مني الاصل والصور الهوية توكلنا ماخذوها يبون تصوير مكتبه الرخصه اخذوا اللي من الموقع توكلنا رجعها مدري كلهم نفس ذا ولا كل واحد له طريقه بالمطابقه فيه عندهم نموذج تعبيه وقت المطابقة بياناتك لمن خلصت المقابله الله يوفقك وضحك ونشوفك في نجران ويضحك اسلوب استفزاز او جس نبض او صدق مدري عنه الوضع تكتم قوووي ومحد يقولك شي حتى لمن تسال يقولك مدري ماعندنا علم اتركها ع الله الله يوفقكم

انا كنت ف مكة اليوم والحمد لله سهالات تخصصي علوم ادارية يمكن ماخذت ف المقابلة ٥ دقايق ماسألو اي شي عن التخصص سألو كيف تردين على طالبة غلطت عليك وليه اخترتي التعليم وكيف تعززين الهوية الوطنيه وتقبل الاراء وتحدثي عن نفسك

الاسئله هذي مهمه من هو وزير التعليم؟ متى اليوم الوطني تاريخ يوم التأسيس متى اليوم العالمي للرياضيات متى يوم المعلم + شوفو المناسبات المهمه الي يحتفلون فيها بالمدارس

ايوة اسالو عن يوم المعلم والوطني ووووو كمان التقيم والعداله بين الطلاب وادارة الصف اداره الصف كثرو فيها

ولاتنسون انواع الاختبارات وهل هي وطنيه ولا دوليه

نجران جهزو البرنت