ИШКИН ОГЛУ / ISHKIN TV

Өскүс салым өртемчейге турбас болзун🙏 Ажы-төлүвүс аас-кежиктиг чурттаар болзун🙏 Ом мани падме хум…🙏 Сагыш-сеткилге бергези аттыг-дыр, канчаар ону...😞 #детскийдом

Самчы эштерим-биле мени уран-чүүл душтурган чүве. Мен болар-биле эдеришкеш самнап эгеледим, ам эштерим ырлай бердилер😎 Трио "ВООМ" деп бөлүүнүң мурнундан бир дугаар "Көстүп кел" деп ырызын бараалгадып турлар. Сөзү: Седен-Очур Кара-Сал Аялгазы: Седен-Очур Кара-Сал, Аңгырак Ондар Ыры Тува Musicте үнүп келген.

Амыр-менди. Тува Music капсырылгазынга үнүп бараалгаан ырыларның түңнел концерди болуп эртти. Тулган ТОП-10 ырының салымы дыңнакчылардан хамааржыр чүве. Топ-Чарттың чаңгыс эвес удаа тиилекчизи болганым сактыр боор силер. Бо чылын "Эжим" деп ырым ТОП-3-кү черге төлептиг болду, а "Чүрээм тып аар" деп ырымга тыртырган видеоклип 1 сая 250 муң көрүлдени чыггаш, Чылдың тулган кливи болганынга улуг өөрдүм. А Ринчин-оол-биле ырывыс "Чоннарның эп-найыралы" деп тускай шаңналга төлептиг болду! Ырыларым дыңнап, клиптерим, дамчыдылгаларым көрүп үнелеп чоруур чонумга өөрүп четтирдим🙏 Ырыларым авторларынга, видеоларым тыртырып чоруур дуңмаларымга аңгы өөрүп четтиргеним илередип тур мен🙏 Хүндүткел-биле, (с) Ишкин оглу

Чаа, амыр-менди. Дыштаныр хонуктар амыр-чаагай эртип-ле тур боор, чонум. Ыраажы дуңмам акызының ырызын ындынналдыр ырлап каап тур. Бирги оюн-көргүзүү январь 7-де болур кижи. Силер бүгүдени чалап тур бис. Билеттер: ДНТ-де база https://tuvabilet.ru/event.php?id=592 деп сайтта.

Январь 11-де Национал театрга! ТОП-ЧАРТ ТУВА MUSIC!!! Билеттер: https://tuvabilet.ru/event.php?id=594

Ишкинниң аалчызы - Ынаалай Сергей. https://vk.com/wall-227148399_8250

Чаа чыл-биле, тыва чонум! Өг-бүлем мурнундан өөрүшкүлүг байырлалды күзедим! (с) Ишкин оглу

Чаа чыл таварыштыр шүлүктээшкинни чаңчыл кылып алдым. ИШКИН ИРЕЙ - 2024

"КАРАҢГЫНЫ КААСТАП БЕРЕМ" (КЛИП) 🌟КҮДЕРЕК🌟 Ыраажы дуңмамның билдингир ырызынга тыртырган солун төөгүлүг видеоклипти сонуургап көөрүнче кыйгырып тур мен. Январь 7-де болуп эртер концердинче чалап тур бис. Билеттер: ДНТ-де база бо сайтта 👉 https://tuvabilet.ru/event.php?id=592

Январь 11-де Национал театрга! Чылдың түңнел улуг концердинче силер бүгүдени чалап тур бис! Билеттер ДНТ-де база бо сайтта 👉 https://tuvabilet.ru/event.php?id=594

Чаа чыл таварыштыр Соок Ирей - ИШКИН ИРЕЙ 🎅

Ажыын бодап найырал тургускан херээ чок. Шын эжишкилерниң аразында эки кылдыныглар бар. Дөзү быжыг найыралды кандыг-даа хат-шуурган, чаңнык-чаашкын тура соп шыдавас. Арага ишпейн баарга албыстыглар хоорлуп каар, акша сунуптарга чиижеңнер чирлип чыдып каар, бергелерге дужа бээрге туруш чоктар турлуп чаштай бээр боор чүве. Эки эшке таваржы берзе, ховар эртине дег үнелеп чорууру чугула. Эки эштиң саны колдуунда эргек салаа-биле дооступ каар боор чүве. (с) Ишкин оглу

"Кассеталар ырылары Кажанда-даа уттундурбас!" Декабрь 29-та! ДНТ!! 90 чылдарның ыраажылары, Тываның алдарлыг артистери РОМАН ОНДАР база ШОЛБАН ОНДАР 30 чылдаан улуг юбилейлиг концердинче чалап тур! Билеттер ДНТ-ниң кассазында база https://tuvabilet.ru/event.php?id=596 деп сайтта

Ишкиннин аалчызы - Артём Мырзынович Бараан (Тожу) Азастың төөгүлери https://vk.com/wall-227148399_7442

Чаа амыр-менди. Сөөлгү үеде Күдерек дуңмамның ырылары кончуг тарап турар кижи бо. Силер бүгүдени аныяк өзүп орар ыраажының бирги оюн-көргүзүүнче чалап тур мен. Билеттери ДНТ-де база бо сайтта 👉 https://tuvabilet.ru/event.php?id=592

Ишкиннин аалчызы - ивижи Демкина Светлана Алексеевна https://vk.com/wall-227148399_7142

Чаа, амыр-менди. Бижик узун-даа бол угаадыглыг чүүл бар бооп чадавас. Номчуур кижи номчуур, узун бижик көргеш уйгузу кээр кижи эргек салаа-биле эрттир суйбаптар🙂 Азиат чоннар аразында японнарның дугайында кезек бодалым-биле үлежип көрейн. Бо хүнде Ада-чуртувустуң даштыкы политиктиг байдалы-биле Япон күрүне биске удур деп билип тур мен, ынчалза-даа ол талазын албайн, анаа культуразынга хамаарыштыр сайгарып көрейн. Чогум удур байдал каяа-ла мөңгеде турар - бөгүнгү дайзын, эртен өңнүк-даа апаар чүве шээжил. Политиканы чоор силер, төнчү чок төөгү диин ол. Бо хүнде культура талазы-биле Бөмбүрзекте эң-не күштүг чоннарның бирээзи - япон чон деп санаар кижи мен. Оран дүвү ортулукта чыдып алган боттарының ёзу-чаңчылдарын бүдүн делегейде тарадып алган чурттап чоруурлар: 🇯🇵 Суши 🍣 сугларны шупту чип тур бис 🇯🇵 Сумо-дзюдо-каратэни 🥋 кайы талыгырда тывалар безин хүрежип, шанчып-теп чор шээй бис 🇯🇵 Тойота-хонда-ниссанны 🚘 чугаалаан ажыы чок - бүдүн делегейде кижилерниң ынак чычааннары-дыр 🇯🇵 Ниндзя-самурайларлыг 🎥 кинолары, наруто деп анимэ мультиктери SONY таварыштыр бисте сиңип калган. Чүү-даа чүве деңнелгеден билдинер. 🔘Бистиң ааржы-чөкпээвисти өске чоннар хамаанчок, боттарывыстың хоорайда ажы-төлүвүс чип көрбээн 🔘Тыва хүреш дугайында чүгле Россияда иштинде каш чоннар биле моолдар билир 🔘 Арткан чок чүүлдерни чугаалаан ажыы чок. Чаңгыс-ла Хөөмей-сыгыдывыс делегейде диңмиреп чорууру өөрүнчүг. Түңнел бодал. Культураның дөзүнде 3 чүүл чыдар: ✅ Төрээн дылдың артып кааны ✅ Ёзу-чаңчылдарын сыныш чок сагып билири ✅ Ниити чоннуң кызымакай ажылчын чоруу. Чамдык кижилер «Япония дээрге аңгы күрүне шээй... бистер Россия иштинде биче буурай чон шээй бис...японнар 150 миллион шээй... бистер 300 муң борбак кижи шээй бис..." деп хөй-ле чылгыр чылдагааннар чугаалап болур. Биске культуравыс сайзырадырынга кым-даа шаптыктавайн, кызагдавайн турар. Тывада статистика аайы-биле төлдерниң төрүттүнүп турары эки-даа бол, өлүп турарывыс база көвей-дир: ынчангаш өлүржүп-чидиришпейн бот-боттарывыска хумагалыг, арага-дары ишпейн кадыкшылды камнап, ёзу-чаңчылдарывыс утпайн сагып, сүлде-сүзүктүг, тура-чоруктуг, демниг боор болзувусса эки чүгле ынчан сайзыраар бис. Номчааныңар дээш четтирдим. Аригато😎 (с) Ишкин оглу

Эки буянныг чорук сагыш-сеткилди эмнеп чоруур. Багай кылдыныглардан сорбулар артыр каар болгаш, сагыш бүргей бээрге сагындырып кээр боор чүве. Хүнде оода чаңгыс катап өскелерңиң силерге эки кынып чораанын сактып келиңер - силерни көргеш хүлүмзүрүп кааны безин эки чүүл-дүр. Даг дег караны довук дег ак базар. Эмни үргүлчү ижип чоруурга дузалыг боор. (с) Ишкин оглу. Эки дыштаныр хүннү күзедим.

Чаа амыр-менди. Чуртувуста болуп турар байдалга хамаарыштыр бодумнуң бодалым бижип көрейн. Ада-чуртувуста-даа, Тывавыста-даа янзы-бүрү язы-сөөктүг чоннар эптиг-демниг көвей чылдар дургузунда чурттап чоруур болгай. Ынчалза-даа кижи төк кээп дүшкен чуртундан дашкаар каяа-даа чорааш, бодум хуумда база каяа-даа чоруур-дур мен, бирле дугаар бар чыдар чериниң төөгүзүн, ол чоннуң культуразын, ёзу-чаңчылдарын, ниити аажызын өөренип билип аар боор чүве. Аалчы кижи бодун аалчы мен деп кажан-даа утпас болза эки, а ол черге хамааты апаар чүве болза харысаалгалыг боору чугула☝️ Хууда бодал.