💦🐸يوميااااااات وۣدُآلَظۣۗہلَطۣۗہ 💦

سلام أنا جاي أقول ليك ولنفسي .. حيجي يوم بنفس اللحظة الأنت فيها الأن .. بنفس التاريخ بنفس الساعة والثانية حنكون فيها في قبر وبنسأل .." بنسأل من كل حاجة عملناها .. ماخدين بالنا منها ولا لا .." نسأل من كل تصرف .. من كل فعل .. من كل كلمة طلعت من فمك خير ولا شر .." عارف العجيب وين ؟! مش أنا بكلمك بكدا عارف نفسي حموت .. حمر باللحظة دي .. وإنت كمان حتموت وحتمر باللحظة دي .." والمرعب إنو اليوم قد يكون قريب .. ما بعيد زي ما نحن متخيلين .." فالفهم شنو ؟ كم يوم حنضيعو ونحن الموضوع دا ما ساعين فيه سعي حقيقي .." كان نفسي التزم بالصلاة في المسجد .. كان نفسي أخلي العادة الفلانية .. أتحجب وأخلي الحاجة العلانية .." ولما ينزل عليك ملك الموت .. لا يستقدمون ساعةً ولا يستأخرون والله .." فمن الأن الأن أبدا بالشي البتقدر عليه .. صلاة ضحى .. صلاة الضهر في زمنها .. أديها ركعتين توبة .." حرك نفسك علي الأقل لو قابلت ربنا تقول ليه كنت ساعي أحسن من نفسي وبجاهد وهو عالم 💛 نسأل الله حسن الخاتمة وتهوين الأمر دا علينا .. لأنو خليه سؤال الملكين العظيم دا .. لو سألناك من حاجة بسيطة الأن قد ما تلقى إجابة … صليت الصبح حاضر ؟! ورد لنفسك براااك

"واعلَمُوا أنَّ ملك الموت قد تخطاكم إلى غيركُم، وسيتخطى غيركُم إلَيكُم؛ فَخُذُوا حذرَكُم". - عُمر بن الخطاب.

"كأنّـما الفجرُ مبـعوثٌ ينبِّئُـنا أنّ الشدائدَ يأتي بعدَها فَرَجُ" صلاتك فلاحك💚 اذكارك حِصنك💚 #قوم_امشي_صلِّ💚

غض البصر ما واجب علينا بس في الشارع💚 غض البصر يا أحباب من أفضل الطاعات، وأمرنا بيهو ربنا عز وجل نحن المسلمين رجال ونساء، وبشمل الواقع والمواقع🫡. غض البصر ما بس انك تبعد نظرك، لكن هو حماية لي قلبك من انو تتعلق بي حاجة زائلة، وكمان تحرير لي نفسك من قيود الشهوة، وعنده منافع كتيرة. كل نظرة محرمة بتزرع في قلبك ضلمة بتبعدك عن الطمأنينة، فاحفظ نظرك تحفظ قلبك يا رفيق. اللهم أعنا على غض أبصارنا وحفظ فروجنا💚. #قوم_أمشي_صلِّ💚

يأوينا القرآن كل ما أوحشَتنا الدنيا!.

الكلام مس قلب محمد، ومن اليوم ده صار يجلس بعد الفجر يقرأ جزء من القرآن ويقول أذكاره. مع الأيام لاحظ إنه قلبه صار أهدأ، يومه منظم، وهمومه أخف. زي محمد كتار.. منتظرين كلمة واحدة تغيّر حياتهم. يمكن الكلمة دي تكون سبب البداية ليك.

محمد تأمل الكلام وسأل؟ – "والوقت يا عم حسن؟ مرات بحس ما عندي زمن." عم حسن ضحك وقال: – "جرب تلتزم يومين بس.. حتلقى ربنا يبارك ليك في وقتك وتنجز أكتر مما كنت بتنجز قبل."

بعد صلاة الصبح، كان المسجد هادي إلا من صوت تسبيح خافت. محمد لمح عم حسن قاعد في ركن المسجد وكانت عادة ثابته ليه اقترب محمد وقال مبتسم: – "عم حسن.. كل يوم بشوفك بعد الصلاة قاعد هنا فترة من الزمن. بتعمل فيها شنو ؟" عم حسن ابتسم: – "يا ولدي ده وردي اليومي.. أقرأ جزء من القرآن وأقول أذكار الصباح." محمد جلس جنبه وسأله باهتمام: – "لكن شنو الفايدة الكبيرة من الالتزام بي الورد؟" عم حسن قال وهو يبتسم بحنان: – "يا محمد.. الورد اليومي ده زي الغذاء للقلب. القرآن ينور قلبك ويثبّتك على الطاعة، يطرد الهم والضيق ويقوي إيمانك. أما الأذكار فهي حصن، تحميك من الشيطان، تحفظك طول يومك، وتجلب البركة في رزقك وصحتك." محمد تأمل الكلام وسأل: ⤵️⤵️ #رِحلة_مٌلتزِم💚 #قوم_أمشي_صلِّ💚

علامات سعادتك ومحبة ربنا ليك 💚 عارف إنه من علامة حب الله ليك، إنك تكون مختار من بين الملايين النائمين عشان تقوم وتصلي الفجر ‼️ #الصلاة_خير_من_النوم💚 #قوم_أمشي_صلِّ💚

بالنسبة لدفعة 25 من حسن حظكم خلال سنتين الحرب دي اتجمعت داتا كبيرة وكل المذكرات المهمة موجودة ولتسهيل عملية الوصول ليها نظمنا البوت (https://t.me/Sudan_library1_bot) حتجدو فيه كل الحاجات المهمة من محتوى القناة . وبعتذر جدا لي الطلاب الراسلونا لطلب مذكرات معينة للاسف الفترة دي مشغولين جدا لكن انشاءالله لو في مواد فيها نقص في مذكرات مهمة حنحاول نوفرها.

« إرخاء الذيل بالنسبة للمرأة سنة وتثاب عليها، لكن ماذا بالنسبة للنجاسة التي في الطريق؟! » • عَنْ أُمِّ سَلَمَةَ زَوْجَ النَّبِيِّ صَلَّى اللهُ عَلَيْهِ وَسَلَّمَ فَقَالَتْ: " إِنِّي امْرَأَةٌ أُطِيلُ ذَيْلِي، وَأَمْشِي فِي الْمَكَانِ الْقَذِرِ» فَقَالَتْ أُمُّ سَلَمَةَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «يُطَهِّرُهُ مَا بَعْدَهُ»." أخرجه أبو داود ٣٨٣، والترمذي ١٤٣ ، وابن ماجه ٥٣١ ، وأحمد ٢٦٤٨٨ ، وصحَّحه الألباني في مشكاة المصابيح ٥٠٤ • عَنْ أَبِي هُرَيْرَةَ قَالَ: قِيلَ يَا رَسُولَ اللهِ إِنَّا نُرِيدُ الْمَسْجِدَ فَنَطَأُ الطَّرِيقَ النَّجِسَةَ فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: " الأَرْضُ يُطَهِّرُ بَعْضُهَا بَعْضًا." أخرجه ابن ماجه ٥٣٢ [ ذاك الغبار في نهاية الجلباب، لا يسخر منه بل يُفتخر به إنه غبار العفاف ]

عايز ذاكرة قوية للحفظ ؟ ‏قال علي بن خشرم رحمه الله : ما رأيت بيد وكيع رحمه الله كتابا قط، إنما هو حفظ، فسألته عن أدوية الحفظ فقال: إن علمتك الدواء استعملته؟ قلت: إي والله، قال: ترك المعاصي، ما جربت مثله للحفظ ! - وهو الذي قال عنه الإمام الشافعي رحمه الله : شكوتُ إلى وكيعٍ سوء حفظي فأرشدني إلى ترك المعاصي وأخبرني بأن العلم نورٌ ونور الله لا يُهدى لعاصي - قال مالك لتلميذه الشافعي أول ما لقيه: «إني أرى الله قد ألقى على قلبك نورًا، فلا تطفئه بظلمة المعصية»

عمك طالع من صلاة العشاء .. وبيتو بعيييد .. سألتو يا حاج الليلة جيتنا بجاي وخليت المساجد الجمبك ؟ قال لي المسجد الجمبي صلو .. وقلت ما أفوت صلاة العشاء ليلة عيد المسلمين فجيت صليت هنا 💛 تستغرب ياخي من إجتهاد بعض الناس في العبادات والله .." تعرف أجمل حاجة ممكن توصف المشهد دا شنو ؟ الأية البتقول : ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ الزول البتفوتو الصلاة وبجتهد يمشي مساجد تانية بتصلي متأخر عمرو ما حيكون زي الصلاها في أي حتة وطلع .." ياخي بعرف واحد .. يتعطر للصلاة .. يتظبط يسرح شعرو .. ويلبس احلى لبس تحسو طالع مشوار شغل حتى لو حيصلي في البيت ..." تحس كدا بإحساس إنو الحاجة البعمل فيها دي عظيمة في قلبو جد 💛 ونطمع من ربنا .. إنو بإحساس تعظيم عبادتو فقط يدخلهم الجنة بدون حساب ولا عذاب .." وزي ليلة الجمعة دي في ناس بسهرو فيها حب وضحك .. ونسة وإختلاط للصباح .. دردشات بالهبل والكوم .. والناس هنااك فااتت وسايرة في طريق ربنا .." ياخي ما تخليها ليلة مختلفة وتحليها بركعتين طاعة طاعمااات كدا 💛 أيه رايك ؟!

السلام عليكم ورحمة الله وبركاته بالنسبة للطلبة الممتحنين شوفو والله دي نصيحة قلما تلقوها من زول كان حفار في تالت وزول مجرب وطبق النصيحة دي! عايز تتفوق مهما كانت الظروف ومهما كان الزمن متأخر ومهما كانت المواد كتيرة! عليك بالنصائح دي وأضمن ليك التفوق والنجاح ونسبة ما أقل من 90 بإذن الله : 1/ خلي قيام الليل عندك عادة صلي ركعاتك وادعي بصدق وإخلاص الدعاء في جوف الليل ده العمود الدعاء ده السر! واقرا طوالي بعد تصلي! حتجد بركة عجيبة في القراية وفتح من الله عليك في الحفظ والفهم وراحة ماليها آخر. 2/ عليك بتفرغة نفسك تماماً تلفونك ده يا بيعه يا أديه لزول أمانة لكن ما يقعد في يدك كلو كلو! أنا في تالت ما كان عندي تلفون فالحاجة دي نفعتني شديد وبقيت متفرغ شديد للقراية ولو قرايتك بالتلفون حاول نزل البتحتاج تنزله كله واقلع الشرايح وامسح الألعاب وأي حاجة ممكن تلهيك. 3/ كنت بقرا بي نظام النص ساعة قراية و5 دقايق راحة نص ساعة صااافية قراية! حتلقى نفسك خلال 5 ساعات قريت 4 ساعات ونص صافية ونص ساعة راحة ودي طريقة فعالة ومريحة وثمارها عالية شديد. 4/ وأنصحك بشدة تركز في الامتحانات أكتر من القراية كتر امتحانات قدر ما الله يديك بالذات الرياضيات دي أنا كنت لو لقيت مسألة رياضيات في الواطة ساي برفعها وبحلها😂. 5 / حل الامتحانات بيعودك على جو الامتحانات والحل السريع وطريقة الامتحانات نفسها. غايتو دي أهم نصائح ممكن أقدمها ليكم من زول طبقها وجاب 86 ، كان عادي ممكن أجيب أعلى بكتير لكن رخيت وأهملت قبل أسبوعين من الامتحانات ما قريت تاني ، ودي حركة حتضيعكم ما تعملوها ، كلها أيام وبتعدي وعتبة للجامعة ، أتعب عشان تفرح بعدين ، الفرحة بالنتيجة بتعوض تعبك كلو ، والله ولي التوفيق💛.

•فائدة لغوية إذا أتيت تدعو لوالديك لا تقل: اللهم اغفر لوالديّ _لكن قل: اللهم اغفر لوالدِينا (بكسر الدال) حتى يشمل ذلك والديك وأجدادك وجداتك إلى ماشاء الله _كن مبارك حتى في دعائك! لعل الله ينفع بدعوتك هذه أجداد وجدات بينك وبينهم دهور، ولعل الله أن يقيض لك من يدعو لك في قبرك بعد مئات وآلاف السنين اللهم اغفر لوالدِينا يا أرحم الراحمين _الشيخ عبد الرزاق البدر حفطه الله

اللهُمَّ صلِّ وسلِّمْ وبارِكْ على سيدِنا محمدٍ، النبيِّ الأميِّ، الحبيبِ المحبوبِ، الشفيعِ المشفوعِ، الرحمةِ المهداةِ، والنعمةِ المسداةِ، صلاةً تنيرُ بها قلوبَنا، وتغفرُ بها ذنوبَنا، وتكشفُ بها كروبَنا، وترفعُ بها درجاتَنا، صلاةً تحققُ لنا بها المقاصدَ، وتسعدُنا بها في الدارينِ، وتكونُ لنا نورًا وهدًى وبرهانًا. اللهُمَّ صلِّ على سيدِنا محمدٍ عددَ ما ذكرَه الذاكرونَ، وغفلَ عن ذكرِه الغافلونَ، وصلِّ عليه عددَ ما كانَ وما يكونُ، وما خلقتَ يا ربَّنا وما أنتَ خالقٌ إلى يومِ القيامةِ. اللهُمَّ صلِّ على سيدِنا محمدٍ في الأولينَ، وصلِّ عليه في الآخرينَ، وصلِّ عليه في الملإِ الأعلى إلى يومِ الدينِ، وعلى آلِه وصحبِه أجمعينَ💚.

"إنْ كُنتَ في حلقةٍ تحفظُ فيها القرآنَ، و تتدارس فيها، فتشبَّث ولا تُفرِّط بها ! فإنهُ لا مجلسَ في الدُّنيا كلها يُجاري نعيم و لذَّة حلقاتِ القرآن، ولا حُبّ يشـابه مَودَّة أهلِ القرآن، والله إنها لجنةٌ في الأرض، ونعيمٌ دائمٌ لا ينقطع"|•𐙚𓍢ִ໋

والله ياجماعه القبضه البتقبضك ليها مرتك لمن تتكلم مع غيرا حاره حروريه يااااخ قاعد في كافيه بشرب كبايه شاي لبن ببسكويت ياخ المره زانقا راجلا زنقه شابكاو انت حيوان ويقول ليها انا اسف وانت ما راجل ويشبكا ليك انا غلطان وشي تتف فيهو غايتو م باقي إلا تتمخط فيو وهو مدنقر والسمحه هو كان خاينها مع صاحبتها ودا شرك طبعا ف اسى هم الاتنين قاعدين يتفو فيووو غايتو جنس تفاف مطر بس انا طوالي زحيت بكبايه الشاي حقتي تقوم تجيني تفه فيهو القويـه في الاخر مسك قلبو عمل فيها عندو زبحه قالت ليو انت عندك قلب اساسا عشان تجيك زبحه يا كللللب الله لا يضوقنا جنس دا قادرات وناهرات 😅😅😅