La7n

في كل مرة كان في شيء يعنيلي اخدته معايا

أعتقد ان أنا لازم أسيبني اروح هناك واجرب فعلا هناك دا لونه ايه الفكره ان أنا لاحظت برضو أن أنا كونت خبره كبيره من مواقف قليله واني محيطي الحالي مش متفتح ومخليني شايفه جوانب كتير ف طبيعي احس بالإحساس دا او احس ان الأشياء المتواجده فقدت معناها لأن النور كله متوجه حول حاجات شوفتها وعايشه فيها والتغير فيها قليل يعني لسه العمر قدامنا وهنجرب كتير وهنشوف ألوان تانيه ومعاني جديده وادينا بنعيش كل يوم في رحله ذاتنا والفهمها والتعبير عنها يمكن غيري مسحول في حياته فعلا وشغله وايه الدنيا بتوقعنا فيه بس أنا شايفه ان مهما كان في تلاقي لازم نركز مع نفسنا ونفهم ايه اسبابها الحقيقيه الي بتخليها تحس بكدا وتختار كدا

غالبا وانا لاحظت دا لاحظت ان أنا فعلا بدور على شعور أحسه بكامل حواسي وأتنعم بيه وفيه ومش لاقيه حواليا شيء حقيقي يضيف ليا معنى جديد او يحط ليا فالقائمة بتاعتي احساس جديد زي ما يكون كل الي حواليا باهت ومش بيطلع ليا استنتاجات جديده لاقيتني ببص للباب وللاوضه وبسأل نفسي هل دا حقيقي فعلا ؟ هل دا بيتي ودي أوضتي ودا كله ليه معنى بيلمس الأساس والصحة في حاجة ولا كل دا ايه واكتشفت أن أنا فعلا مقدرش أكون متواجده مع أشخاص داخلهم فاضي لايحمل معنى لا يحمل تاثير لأن أنا ومن صغري كنت طفله ساكته باصه للي حواليها باهتمام وبتستنتج فالبصه والنظره والتصرف والكلام وقاعده في عقلي بحلل ليه دا حصل وليه أصلا دا رد فعل طبيعي وهل دا صح ولا لا وبحمل لكل شيء سوال او ألف سوال وهل دا ليه معنى والشخص دا حاسس ب ايه وبيتصرف كدا ليه وكبرت اكتر ولاحظت ان أنا عندي ملاحظه عالية وبعرف اخلي الي قدامي يكون حقيقي معايا ويطلع اكتر جزء حقيقيه فيه لأن أنا حقيقيه وبدور على المعنى وحتى بيني وبين نفسي صريحه وحقيقيه وحاطه لنفسي مبدأ ثابت ف حتى لو الي قدامي مش حقيقي مش هيعرف يفيك دا معايا لمده كبيره يا أنا هلاحظ وهسحب نفسي يا اما الي قدامي هيهرب لأنه مش قادر يفيك كفايه ف هيظهر خلله قدامي ف انت لاحظت شيء زي دا وغالبا برضو أنا لاحظت واتقالي كتير أن أنا عندي فصاحه فالكلام ومهاره عاليه وكذا مره يتقالي ان معايا محدش بيحس بالوقت يعني أنا والي قدامي ممكن نقعد لساعات نتبادل مشاعر حقيقيه من الونس او الحب او الزعل او اي شيء فعلا حقيقي وغير مصطنع لساعات ومحدش يحس ودا فعلا موجود عندي وبعرف اعمله الفكره ان أنا فعلا ببادل الي قدامي اهتمام حقيقي وحب حقيقي أنا هقعد وهفهم وهسمع اه عشان الشخص يعنيلي اولا وثانيا عشان افهم لغز البني ادمين الي محيرني فعلا من وانا صغيره واني عاوزه افهم واوصل لمعنى البني ادم ومشاعره واخد شويه حاجات حقيقيه الشعور دا عدم فهمه مكون حائل بيني وبين كل الأجزاء الي أنا عيشت واتحطيت تحت تجارب ف فهمتها في نفسي ف هو شعور واحد غير مفهوم بيخلق لينا شيء من التشتت والحيرة اتمنى افهمه واوصل لمعنى حقيقي من حياتي وعلاقاتي ووجودي هِنا كإنسانة ليها مشاعر وأحلام ووجود وأيام وتفاصيل وتجارب مش عاوزه أكون غير شيء بيعبر عن نفسه وذاته شيء ابيضّ وجميل ومليء بالحب والحنان والفرح والازدهار شيء ليه معنى في عز ما كُل شيء فاقد للمعنى بتاعة

واحدة صاحبتي قالتلي أنا بحسك دايما بتفكري الجملة دي لمستني فعلاّ لأن أنا دايما بفكر فعلا دايما بلاحظ ومركزه وبفكر في كل حرف والأشياء بتتعاد في دماغي بالبطيء واحدة واحدة وبحاول افهم او استنتج منها معنى او طعم يتضاف لحياتي وغالبا أنا فعلا بشعر بالحنين لشيء مجهول مش عارفة أشاور عليه واقول دا الي بدور عليه ودا الي ناقصني بس اكتشفت ان آخر علاقات كانت في حياتي فتحت بوابات ليا تحفز الشعور دا وان حتى اختياراتي كانت دارجه عن فكره الإحساس بالمعنى والإحساس بطعم جديد زي الاكله المفتقده لبهار جديد يحليها

إحساس جوايا مش عارفة اطلعه للي قدامي ولا أصارحني بيه ولا عارفة أشاور عليه ف بيحسسني بتشتت وإني مُشتته

عندي شيء جوابا بيدور على المعنى وأنه يكون حاسس احساس حقيقي فعلا ومنغمس فيه احساس بكامل حواسي مش أيام رمادية او أيام عاديه ونظرتي ليها انها رمادية وبلا معنى فعلي

الفكره ان أنا بقالي زي أسبوع بسرح من الساعه 12 للساعه 3 في افكار وحاجات عن المعنى والوجود وحاجات ليها علاقه بذاتي

وزي ما انت شايف كدا كل يوم بلاقيني سرحت والوقت جابني للساعه 3

@Mc4eb1c38b6209BOT شاركني افكار غير افكاري

إنسان عنده ازمه وجود

الموضوع خرج عن السيطره ولاقيتني بصوت وبقول ليه القرف الي فحياتي دااااا والله

بنحاول نسترجع طاقتنا ونبدأ من اول وجديد

اه منك يا لحني

الي اقدر أوعد نفسي بيه اني هفضل طول العمر شايله ذاتي وبعبر عنها وعن اصغر تفاصيلها مهما كان

شوف عيوني بتقولك إيه سيبك من قسوه كلامي !

وتبقى روحي روحي والقلب الرقيق مهما دخل عليه الاسى هيفضل مافيش أحن منه

ما تتركني هيك عم فتش عليك !

بخاف أموت وانا لابسه روح مش روحي بخاف أموت وانا بعبر عن حد غيري معرفش ملامحه ومعنديش فكره هو مين بس لمجرد ان روحي اختلطت بأرواح مش متشابهه لروحي

عرفت ليه أنا دايما لو جوايا كلام بروح وبقوله ومش بفكر فيه أبدا مهما كانت العواقب بكل بساطه عشان بخاف من فكره ان كلمه كانت هتغير مصير كامل بس الشخص عزها على نفسه