现已上线！2025 年 Telegram 研究 — 年度关键洞察 
3 436
订阅者
+224 小时
+27 天
+930 天
数据加载中...
吸引订阅者
六月 '26
六月 '26
+11
在0个频道中
五月 '26
+28
在0个频道中
Get PRO
四月 '26
+17
在5个频道中
Get PRO
三月 '26
+26
在5个频道中
Get PRO
二月 '26
+40
在7个频道中
Get PRO
一月 '26
+69
在10个频道中
Get PRO
十二月 '25
+88
在19个频道中
Get PRO
十一月 '25
+49
在10个频道中
Get PRO
十月 '25
+56
在12个频道中
Get PRO
九月 '25
+46
在10个频道中
Get PRO
八月 '25
+62
在11个频道中
Get PRO
七月 '25
+78
在8个频道中
Get PRO
六月 '25
+135
在12个频道中
Get PRO
五月 '25
+95
在16个频道中
Get PRO
四月 '25
+70
在12个频道中
Get PRO
三月 '25
+73
在12个频道中
Get PRO
二月 '25
+91
在17个频道中
Get PRO
一月 '25
+65
在11个频道中
Get PRO
十二月 '24
+102
在13个频道中
Get PRO
十一月 '24
+93
在8个频道中
Get PRO
十月 '24
+67
在7个频道中
Get PRO
九月 '24
+118
在9个频道中
Get PRO
八月 '24
+117
在13个频道中
Get PRO
七月 '24
+97
在19个频道中
Get PRO
六月 '24
+113
在10个频道中
Get PRO
五月 '24
+147
在16个频道中
Get PRO
四月 '24
+170
在14个频道中
Get PRO
三月 '24
+101
在9个频道中
Get PRO
二月 '24
+95
在7个频道中
Get PRO
一月 '24
+83
在9个频道中
Get PRO
十二月 '23
+117
在12个频道中
Get PRO
十一月 '23
+234
在14个频道中
Get PRO
十月 '23
+67
在5个频道中
Get PRO
九月 '23
+168
在0个频道中
Get PRO
八月 '23
+265
在0个频道中
Get PRO
七月 '23
+319
在0个频道中
Get PRO
六月 '23
+334
在0个频道中
Get PRO
五月 '23
+470
在0个频道中
Get PRO
四月 '23
+99
在0个频道中
Get PRO
三月 '23
+74
在0个频道中
Get PRO
二月 '23
+161
在0个频道中
Get PRO
一月 '23
+105
在0个频道中
Get PRO
十二月 '22
+161
在0个频道中
Get PRO
十一月 '22
+307
在0个频道中
Get PRO
十月 '22
+128
在0个频道中
Get PRO
九月 '22
+192
在0个频道中
Get PRO
八月 '22
+130
在0个频道中
Get PRO
七月 '22
+81
在0个频道中
Get PRO
六月 '22
+70
在0个频道中
Get PRO
五月 '22
+100
在0个频道中
Get PRO
四月 '22
+100
在0个频道中
Get PRO
三月 '22
+814
在0个频道中
| 日期 | 订阅者增长 | 提及 | 频道 | |
| 12 六月 | +1 | |||
| 11 六月 | +2 | |||
| 10 六月 | +2 | |||
| 09 六月 | +1 | |||
| 08 六月 | 0 | |||
| 07 六月 | 0 | |||
| 06 六月 | +2 | |||
| 05 六月 | 0 | |||
| 04 六月 | 0 | |||
| 03 六月 | 0 | |||
| 02 六月 | +3 | |||
| 01 六月 | 0 |
频道帖子
☀️☘️ Күндү Сунтаарбыт улууһун дьоно-сэргэтэ, Сунтаартан төрүттээх атын сиргэ олохсуйан олорор биир дойдулаахтарбыт!
Дойдубут бэлиэ сыллаах ханна да хатыламмат Ытык ыһыаҕар, төрүт үгэһи, сиэри-туому, сахабыт тылын-өһүн өйөөн, бэйэҕит дьоҥҥут, төрүттэргит хаалларбыт суолларын-иистэрин үйэтитэн, кинилэр ааттарынан бириис туруоран кэлэр көлүөнэ ыччаккытыгар холобур буолуҥ диэн ыҥырабыт 🤝✊
бу ссылканан киирэн көмө буолуохтара диэн эрэнэбит 👏✊
https://qr.nspk.ru/AS1A007RRPDCS8PR9ABPM2JN7RQMMPBB?type=01&bank=100000000080&crc=C3AD
| 2 |  没有文字... | 282 |
| 3 |  ОЛОҤХО ДОЙДУТУН ЫТЫК КҮНЭ - СУНТААР УЙГУЛААХ ЫҺЫАҔА буолара 9 күн хаалла. | 297 |
| 4 |  🌿🐎🌿🐎🌿🐎🌿🐎🌿🐎🌿
🌿Олоҥхо дойдутун уйгулаах ыһыаҕын үгэс буолбут ытык тэрээһинэ - Күн Дьөһөгөй Айыыга сүгүрүйэр кымыс иһиитин сиэрэ-туома бэс ыйын 21 күнүгэр, күнүс 11 чаастан Тойон түһүлгэҕэ
Үөһээ Айыылар орто дойду оҥоһуутугар болҕомто туһаайар кэмнэригэр ыытыллар.
🌿Уйгу ыһыах ыалдьыттара, Сунтаар улууһун дьоно-сэргэтэ!
Эһигини бу үтүө түгэҥҥэ кыттыһан, Айыылар түһэрбит үрүҥ сөлөгөйдөөх кыынньа сылдьар саамал кымыһын амсайан, өйдүүн-санаалыын ырааһыраргытыгар, күүс-уох эбинэргитигэр, сахалыы таҥнан, анал олбохтоох, кымыс иһэргэ чороон иһиттээх кэлэргитигэр ыҥырабыт.
🌿Сиэри туому толору тутуһан, сиэрдээхтик туттан саха кымыһын дэлэйдик иһиҥ, саҥыйахтаах алаадьыта амсайыҥ, үтэһэлээх этинэн күндүлэниҥ!
🌿🐎🌿🐎🌿🐎🌿🐎🌿🐎🌿 | 347 |
| 5 |  ТОҔУС ОҺУОРДААХ ТҮҺҮЛГЭ ӨРӨСПҮҮБҮЛҮКЭТЭЭҔИ НОРУОТ УУС-УРАН АЙЫМНЬЫТЫН КУРЭҺИН ТОСХОЛО | 330 |
| 6 |  Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Сунтаар улууһа сурукка-бичиккэ киирбитэ 225, Номох уонна сайдыы сылларыгар аналлаах «ОЛОҤХО ДОЙДУТУН ЫТЫК КҮНЭ – СУНТААР УЙГУЛААХ ЫҺЫАҔА» өрөспүүбүлүкэтээҕи үрүҥ тунах ыһыах уонна РСФСР култууратын үтүөлээх үлэһитэ, Саха АССР искусстволарын үтүөлээх диэйэтэлэ, С.А.Зверев-Кыыл Уолун аатынан «ТОҔУС ОҺУОРДААХ ТҮҺҮЛГЭ» өрөспүүбүлүкэтээҕи норуот уус-уран айымньытын күрэһин ТОСХОЛО* | 329 |
| 7 |  ОЛОҤХО ДОЙДУТУН ЫТЫК КҮНЭ-СУНТААР УЙГУЛААХ ЫҺЫАҔА буолара 10 күн хаалла | 411 |
| 8 | 没有文字... | 1 |
| 9 |  📽📽📽Федеральнай бырайыактар өрөспүүбүлүкэбит ыраах сытар нэһилиэктэрин олоҕун тупсараллар. Сунтаар Кутанатыгар үөрэх кыһата саҥалыы тыыннанан, өрөмүөннэнэн кэлэр көлүөнэ сайдарыгар таһаарыылаахтык үлэлии турар. Бу туһунан НВК ханаалыгар көстүбүт сюжеты көрүҥ🙌 | 773 |
| 10 |  +6https://max.ru/id1424005501_gos/AZ5jQ6kmVkE
*Сунтаарга тиһэх чуораан чугдаарда!*
🔔🔔🔔Бүгүн, ыам ыйын 26 күнүгэр, Сунтаар улууһун бары оскуолаларыгар бүтэһик чуораан тыаһа дуораһыйда. Бу күн оскуоланы бүтэрээччилэргэ, кинилэр төрөппүттэригэр уонна учууталларыгар саамай долгутуулаах уонна умнуллубат түгэнинэн буолар.
Сунтаардааҕы 2-с нүөмэрдээх орто оскуолаҕа үөрүүлээх линиэйкэ үрдүк таһымҥа ыытылынна. Бу тэрээһин ыалдьытынан Сунтаар улууһун баһылыга Анатолий Григорьев буолла. Кини бүтэрээччилэргэ анаан итии-истиҥ эҕэрдэ тылларын эттэ, инники олохторугар ситиһиилэри уонна сириэдийиини баҕарда.
Үөрүүлээх быһыыга-майгыга Анатолий Васильевич сыл устата туйгуннук үөрэммит, улуус, өрөспүүбүлүкэ таһымнаах олимпиадалар, күрэхтэр кыайыылаахтарыгар уонна призердарыгар Махтал суруктары туттарда.
Инникигэ эрэллээх, үрдүк сыаллаах-соруктаах эдэр көлүөнэҕэ айан суоллара арылынна! Ситиһиилээх буолуҥ!
_Сунтаар улууһун дьаһалтатын пресс-сулууспата_ | 768 |
| 11 |  📽📽📽Оҕолор байыаннай дьайыыга сулууспалыы, Аҕа дойду көмүскэлигэр сылдьар байыастарга суруйар суруктара сүдү күүстээхтэр, кинилэргэ харысхал буолаллар. Байыас уонна кырачаан Айыына икки ардыларыгар дьикти сибээс туһунан НВК ханаалыгар көстүбүт сюжеты сэргээҥ🙌 | 525 |
| 12 |  +7https://max.ru/id1424005501_gos/AZ5PR0IBBuY
*Сайылык күнэ Кириэстээххэ: Сыдьаайа балаҕаныгар сайыны уруйдаатылар*
🌿🌿🌿Кириэстээх нэһилиэгэр уһун унньуктаах кыһын кэнниттэн өрөгөйдөөх кэм үүннэ — быйылгы Сайылык күнүн бэлиэтээтилэр. Ол курдук, күөххэ үктэниини уруйдуур сиэр-туом тэрээһинэ Изабелла Платонова — Сыдьаайа балаҕаныгар тэрилиннэ.
Бу күн айылҕалыын алтыһыы, былыргы үгэстэри сэгэтии уонна үлэ дьонун чиэстээһин ситимэ буолла. Сайылык күнүн үөрүүлээх чааһыгар улуус баһылыга Анатолий Григорьев көхтөөх кыттыыны ылла. Кини нэһилиэк олохтоохторун үүнэн эрэр сайынынан эҕэрдэлээтэ уонна тыа хаһаайыстыбатын эйгэтигэр күн бүгүнүгэр диэри туруулаһан, бэриниилээхтик үлэлии сылдьар туйгун үлэһиттэр сыраларын үрдүктүк сыаналаан, бэлиэтээтэ.
Мустубут дьон бары сиэри-туому тутуһан Алгыс ыллылар, мас олортулар уонна сир ийэлииҥ ситимнэһэн үтүө сынньалаҥы атаардылар. Ыалдьыттар сыалаах алаадьынан, кыынньар кымыһынан күндүлэннилэр.
_Сунтаар улууһун дьаһалтатын пресс-сулууспата_ | 795 |
| 13 |  +5https://max.ru/id1424005501_gos/AZ5O2GiSJNQ
*Быйыл Бүлүүчээн нэһилиэгэр социальнай суолталаах эбийиэктэр тутуллуохтара.*
🔹️🔹️🔹️Сунтаар улууһугар саамай уһук сытар Бүлүүчээн нэһилиэгэр дьон доруобуйатын араҥаччылыыр балыыһа дьиэтэ тутуллуоҕа. Тендергэ "Азия Кар Трейдинг" тэрилтэ кыайыылааҕынан тахсан, бу сайын тутууну саҕалаан, эбийиэги былаан быһыытынан аны күһүн үлэҕэ киллэриэҕэ.
Маны таһынан "Чөл туруктаах нэһилиэнньэ - ситиһии төрүөтэ" диэн санаанан салайтаран, олохтоох дьаһалта куонкуруска кыттан, ГТО тиэһин тутар, анал оборудованиенан толору хааччыллыылаах былаһаакка оҥоһуллуоҕа. Бу бырайыак федеральнай программанан олоххо киириэҕэ.
Бүлүүчээн нэһилиэгин холобура тыа сирэ кэскиллээхтик сайдарын, судаарыстыба уонна олохтоох былаас көмөтүнэн табыгастаах усулуобуйа тэриллэрин бигэтик туоһулуур.
📸Саҥа эбийиэктэр сирдэрин улуус баһылыга Анатолий Григорьев көрдө👆
_Сунтаар улууһун дьаһалтатын пресс-сулууспата_ | 622 |
| 14 | Ытыктабыллаах Сунтаар улууһун олохтоохторо, күндү тыа сирин туруу үлэһиттэрэ, биир дойдулаахтарбыт!
«Сунтаар улууһа (оройуона)» муниципальнай оройуон дьаһалтатын аатыттан, улуустааҕы депутаттарын Сэбиэтин уонна тус бэйэбит ааппытыттан Эһигини барыгытын ыам ыйын 22 күнүнэн – Сайылык күнүнэн ис сүрэхпититтэн итиитик-истиҥник эҕэрдэлиибит!
Ил Дархан Айсен Николаев саха төрүт үгэһин чөл тутар, салгыы сайыннарар, тыа хаһаайыстыбатын аһын-үөлүн дэлэтэр уонна тыа хаһаайыстыбатын үлэһитин суолтатын үрдэтэр туһуттан, 2018 сыл сэтинньи 6 күнүгэр таһаарбыт 150 №-дээх Ыйааҕынан хас сыл аайы, ыам ыйын 22 күнүгэр бэлиэтиир Сайылык күнүн олохтообута.
Бүгүн сайылык саха ыалын олоҕор – дьаһаҕар ылар суолтатыгар болҕомто ууруллар, сайдарыгар саҥа тыын угуллар. Сайылык – бу биһиги саха дьонун олоҕор ытык сир, төрүт үгэспит уонна өбүгэбит кэриэс суола. Сайылыкка тахсыы – айылҕаҕа чугаһааһын, сүөһү иитиигэ, үлэҕэ-хамнаска бэринии, сайыҥҥы кэм кэлиитэ. Бу күн биһиги былыргылыы сайылыкка тахсан, айылҕалыын биир буолуубут, өбүгэбит хаалларбыт үтүө үгэстэрин салҕааһыммыт бэлиэтэ буолар. Биһиги улууспут дьоно-сэргэтэ сайылык олоҕун суолтатын, үгэстэрин ытыктаан, кэнчээри ыччакка тиэрдэргэ кыһаллан олоробут.
Сайылык күнэ – биир иллээх ыал түмсүүлэрин, биир дойдулаахтар сомоҕолоһууларын, кэлэр кэскилгэ эрэл үөрүүтүн күнэ. Бу күн биһиги төрөөбүт сирдэригэр олохторун анаабыт дьоммутугар ытыктабылбытын биллэрэбит. Кинилэр сыралаах үлэлэринэн биһиги тыабыт сирэ сайдар, улуус олохтоохторун маанылаах сандалыларыгар мэлдьи сибиэһэй ас-үөл, саха төрүт аһа-үөлэ дэлэйэр.
Күндү биир дойдулаахтарбыт!
Эһиэхэ чэгиэн доруобуйаны, дьиэ кэргэҥҥэ дьолу-соргуну, үрдүк ыамы, өҥ дьылы, хас биирдии саҕалааһыҥҥытыгар ситиһиилэри баҕарабыт. Быйылгы мэччирэҥ, от үлэтин кэмэ табылыннын, саха омук сомоҕолоһуутун, чэлгийэ сайдыытын уонна утума салҕанарын кэрэһитин быһыытынан сайылык үтүө үгэстэрэ көлүөнэттэн көлүөнэҕэ бэриллэ турдуннар!
Сунтаар улууһун баһылыга
А.В. Григорьев
Улуус депутааттарын Сэбиэтин бэрэссэдээтэлэ
У.Д. Попова | 0 |
| 15 |  +1https://max.ru/id1424005501_gos/AZ5Jo-ZPVXo
*Сунтаарга ГИБДД саҥа дьиэтин тутуутугар бастакы хардыы оҥоһулунна*
🔹️🔹️🔹️Сунтаарга суол бэрээдэгин көрөр-истэр, нэһилиэнньэ нус-хас олоҕун хааччыйар ГАИ сулууспатыгар улахан уларыйыылар күүтэллэр. «Ньургуһун» оҕо саадын аттыгар саҥа административнай дьиэ тутуутугар анал сир тыырылынна. Сир көрүллүүтэ бырайыак олоххо киирэригэр булгуччулаах усулуобуйанан буолар.
Өскөтүн былааннаммыт бырайыак күрэххэ кыайыылаах тахсар уонна тустаах үп-харчы көрүллэр түгэнигэр, бэриллибит миэстэҕэ саҥа эбийиэк тутуллуоҕа. Бу хардыы улууска бэрээдэги уонна куттала суох буолууну хааччыйыы таһымын өссө үрдэтиэҕэ диэн эрэнэбит.
_Сунтаар улууһун дьаһалтатын пресс-сулууспата_ | 514 |
| 16 |  https://max.ru/id1424005501_gos/AZ4-nZX9VTM
*Сунтаар улууһугар уочараттаах суолталаах эбийиэктэр тутуллуохтара*
🔹️🔹️🔹️Сунтаар улууһун баһылыга Анатолий Григорьев Саха Сирин Государственнай сакаастыыр сулууспатын генеральнай дириэктэрин эбээһинэһин толорооччу Андрей Осекритовтыын көрсүһүүнү ыытта. Мунньах сүрүн сыалынан улуус сиригэр-уотугар олоххо киириэхтээх тутуу былааннарын уонна кэлэр өттүгэр үлэ хайысхатын быһаарыы буолла.
Кэпсэтии тутаах боппуруоһунан улуустааҕы больничнай комплекс иккис уочаратын тутуута буолла. Бу олохтоохторго олус күүтүүлээх уонна суолталаах эбийиэк буоларын быһыытынан, үлэни түргэтэтэр сорук турар. Былаан быһыытынан, кэлэр ыйга бу тутууга аналлаах официальнай аукцион биллэриллиэхтээх.
Маны таһынан, салайааччылар лицей-интернат тутулла турар саҥа дьиэтин уонна Кириэстээх нэһилиэгин «Саргы Түһүлгэтэ» култуура киинин иккис уочаратын тутуутун боппуруостарын сиһилии кэпсэттилэр. Бу былааннар олоххо киириилэрэ улуус социальнай-экономическай туруктаах буолуутугар уонна олох таһымын тупсарыыга улахан төһүү күүс буолуоҕа.
_Сунтаар улууһун дьаһалтатын пресс-сулууспата_ | 667 |
| 17 |  https://max.ru/id1424005501_gos/AZ4MC-WiDpM
🎖️ *Сунтаар соҕотох бэтэрээнэ*
Кыайыы 81 сылын көрсө Сунтаар улууһун баһылыга Анатолий Григорьев улуус соҕотох тыыннаах хаалбыт бэтэрээнигэр Мартын Герасимович Григорьевка ыалдьыттаата. Бу көрсүһүү үйэлээх кырдьаҕаска ытыктабыл уонна барҕа махтал бэлиэтэ буолла. Кырдьаҕас саллаат санаата бөҕөх, кэпсэтэрэ сэргэх, өссө да105 сааспар диэри тиийиэм диир.
Анатолий Григорьев бэтэрээҥҥэ Сунтаар улууһун олохтоохторун аатыттан махтал тылларын тиэрдэн, Өрөгөй күнүнэн эҕэрдэлээтэ. Кини бэтэрээн хорсун быһыыта уонна олоҕун суола эдэр көлүөнэҕэ холобур буоларын бэлиэтээтэ.
Мартын Герасимович Григорьев — биһиги бүгүҥҥү күммүт тыыннаах дьоруойа. Кини курдук дьон баарын тухары Кыайыы өрөгөйө өлбөт-сүүппэт үйэлээх.
_Сунтаар улууһун дьаһалтатын пресс-сулууспата_ | 0 |
| 18 |  Ытыктабыллаах Аҕа дойду сэриитин бэтэрээнэ Мартын Герасимович! Күндү тыыл бэтэрээннэрэ, сэрии огдооболоро уонна сэрии оҕолоро!
Эһигини барыгытын Улуу Кыайыы бырааһынньыгынан "Сунтаар улууһа (оройуона)" муниципальнай оройуон дьаһалтатын, улуус дьокутааттарын Сэбиэтин уонна тус бэйэбит ааппытыттан истиҥник эҕэрдэлиибит!
Бу күн биһиги дойдубут устуоруйатыгар саамай ытык күн. Бу күн биһиги сэрии толоонугар кыргыспыт хорсун сэрииһиттэр, тыылга килбиэннээхтик үлэлээбит аҕа көлүөнэ дьон үтүө ааттарыгар сүгүрүйэбит. Бу күн сүһүөхтээх бэйэбит сүгүрүйэн туран Аан дойдуну өстөөхтөн босхолообут кыайыылаах көлүөнэҕэ дириҥ махталбытын тиэрдэбит!
Мартын Герасимович уонна да атын саха хорсун буойуттара, Аҕа дойдуларын көмүскээбит дьоруойдар, биһиэхэ эйэлээх олоҕу туруулаһан, тыыннарын да толук уурары кэрэйбэккэ хорсуннук сэриилэспиттэрэ. Кинилэр сырдык ааттарын умнубаппыт, хорсун быһыыларын ыччакка холобур гынабыт.
Тыыл бэтэрээннэрэ, сэрии огдооболоро уонна сэрии оҕолоро, эһиги сэрии сылларыгар олус элбэх ыараханы көрсүбүккүт, хорсуннук тулуйбуккут. Эһиги тыылга кытаанах үлэҕит, барыны кыайар үтүө санааҕыт, оҥорбут сиэртибэҕит – бу барыта Кыайыыбыт туһугар биир сомоҕолоһуу буолуу холобура. Эһиги оҕо сааскытын, эдэр кэмҥитин сэрии алдьархайа былдьаабыта. Ол гынан баран хайа да түгэҥҥэ дойдугутугар бэриниилээх хаалбыккытыгар, олох салҕанарыгар, Кыайыы буолуоҕар эрэли сүтэрбэтэххитигэр биһиги сүгүрүйэбит, киэн туттабыт.
Улуу Кыайыы күнүн быйыл эмиэ судургута суох быһыыга-майгыга бэлиэтиибит. Байыаннай дьайыыга Аҕа дойдубут интэриэһин, эйэлээх олоҕу уонна дойдубут суверенитетын көмүскүүр кэммитигэр кыайыылаах-хотуулаах көлүөнэ чаҕылхай холобура биһиэхэ улахан суолталаах. Аҕа дойду Улуу сэриитин кэмигэр Ийэ дойдуларын көмүскээбит эһээлэрбит, аҕаларбыт, аймах-билэ дьоммут хорсун быһыылара фашизмы утары охсуһууга тулуурдаах, дьулуурдаах буоларга, дойдубутун таптыырга уонна көмүскүүргэ үөрэтэр.
Улуу Кыайыы күнүнэн! Киһи аймаҕы Аҕа дойду сэриитигэр 1941-1945 сылларга көмүскэспит саха хорсун боотурдарыгар, күүстээх, бэйэни харыстаммат үлэнэн Кыайыыны уһансыбыт биир дойдулаахтарбытыгар, билигин Анал байыаннай дьайыыга дойдуларын көҥүлүн, инники сырдык кэскилин иһин туруулаһа сылдьар буойуттарга Албан аат!
Национализм, фашизм эһиннин! Аан дойдуга ил-эйэ эрэ баар буоллун!
Сунтаар улууһун баһылыга
А.В. Григорьев
Улуус дьокутааттарын Сэбиэтин бэрэссэдээтэлэ
У.Д. Попова | 0 |
| 19 |  +8https://max.ru/id1424005501_gos/AZ4HecLtNpk
*Махтанабыт. Киэн туттабыт. Сүгүрүйэбит.*
🕯🕯🕯Аҕа дойду Улуу сэриитигэр олохторун толук уурбут, Кыайыыны уһансыбыт буойуннары ахтан-санаан, ыам ыйын 8 күнүгэр Өйдөбүл уонна кутурҕан күнэ ыытыллар. "Ахтылҕан чүмэчитэ" бүтүн Арассыыйатааҕы аахсыйаҕа дьон-сэргэ көхтөөх кыттыыны ылан, Ленин болуоссатыттан сэлэлии хааман Албан аат болуоссатыгар өйдөбүнньүк чүмэчи уотун уматаллар.
Улуус баһылыга Анатолий Григорьев мустубут дьоҥҥо туһаайан, хорсун буойуннарбыт ааттарын үйэтитии ытык иэспит буоларын бэлиэтээтэ уонна чуумпуруу мүнүүтэтин биллэрдэ. Ити кэннэ ытык сиргэ сибэкки гирляндата уурулунна. Сөҕүрүйбэт Кыайыы уотун иннигэр бар дьон көмүс буукубанан суруллубут биир дойдулаахтарын ааттарыгар сүгүрүйэн, сибэкки дьөрбөлөрүн уурдулар.
Уостубат өйдөбүл чүмэчитэ хас биирдиибит сүрэҕэр үйэлэргэ умайдын! | 0 |
| 20 |  +7https://max.ru/id1424005501_gos/AZ4Ha6SVASw
*Сунтаарга Кыайыы параада: 200 тиэхиньикэ уонна өлбөөдүйбэт өйдөбүл*
🚩🚩🚩Ыам ыйын 8 күнүгэр Сунтаар сэлиэнньэтин киин уулуссаларынан Кыайыы өрөгөйдөөх параада ааста. Тэрээһин саамай чаҕылхай түгэнинэн «Өлбөт үйэлээх автополк» буолла. Быйылгы аахсыйаҕа уопсайа 200-чэ тиэхиньикэ мотоцикллартан саҕалаан ыарахан массыынанарга тиийэ кыттыыны ылан, улуус олохтоохторугар дьиҥнээх бырааһынньык тыынын бэлэхтээтэ. Параады Сунтаар улууһун баһылыга Анатолий Григорьев салайан ыытта.
Байыаннайдыы киэргэтиллибит тиэхиньикэлэр хомсомуоллар паамытынньыктарыттан Албан аат болуоссатыгар диэри айаннаан, Кыайыы былааҕын тэлимнэтэн уонна дьоруой эһээлэрэрин мэтириэттэрин иннилэригэр тутан сүгүрүйүү сиэрин-туомут толордулар.
Бу аахсыйа Сунтаар улууһугар 2016 сылтан саҕалаан ыытыллар. Сэрии бэтэрээннэригэр, тыыл үлэһиттэригэр сүгүрүйүү уонна бүгүн дойду көмүскэлигэр сылдьар буойуннарбытынан киэн туттуу туоһута. | 0 |
