News Of Myanmar

ဒလမြို့အထိမ်းအမှတ်အဖြစ် တည်ဆောက်နေ‌ သောနာရီစင်သစ်ကြီးတွင် ဆိုလာစနစ်သုံး နာရီ လေးလုံး တပ်ဆင်ပြီးစီး NOM၊မတ် ၇ ၊၂၀၂၆၊ ရန်ကုန်တိုင်းဒေသကြီးဒလမြို့နယ် ကမ်းနား ၊ကားကွင်း လက်မှတ်ရုံအနီးတွင် မြို့၏အထိမ်းအမှတ်အဖြစ် တည်ဆောက်လျက်ရှိသည့် နာရီစင်သစ်ကြီးတွင် တစ်လုံးလျှင် ကျပ်သိန်း ၁၀၀ တန် ဆိုလာစနစ်သုံး နာရီ ၄ လုံး တပ်ဆင်ပြီးစီးကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။ အဆိုပါ နာရီစင်သစ်ကြီးအား ယခင်နာရီစင်အဟောင်းကို ဖျက်သိမ်းကာ ရန်ကုန်တိုင်းဒေသကြီး အစိုးရအဖွဲ့၏ အထူးခွင့်ပြုရန်ပုံငွေဖြင့် ပြန်လည်ဆောက်လုပ်ခြင်းဖြစ်ပြီး ဆောက်လုပ်ရေးလုပ်ငန်း ပထမဘိုးပိုင် စိုက်ထူကွန်ကရစ်လောင်းခြင်းကို ၂၀၂၅ ခုနှစ် စက်တင်ဘာလ ၁၀ ရက်နေ့က ဆောင်ရွက်ခဲ့ခြင်းဖြစ်ပြီး ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (လမ်းနှင့် တံတား)က တာဝန်ယူတည်ဆောက်နေခြင်းလည်းဖြစ်ကြောင်း သိရသည်။ ထိုနာရီစင်ကြီး၏ အောက်ခြေခုံတုံးအမြင့် ၃ ပေ၊ ခုံတုံးပေါ်မှ နာရီစင်အမြင့်ပေ ၄၀ ၊ စုစုပေါင်း နာရီစင်ကြီး၏ အမြင့်မှာ ၄၃ ပေရှိကာ လေးဘက်မြင်နာရီစင်ကြီးဖြစ်ကြောင်း သိရသည်။

အမေရိကန်နှင့် အစ္စရေး၏ တိုက်ခိုက်မှုများကို ပြည်ပရောက် အီရန်နိုင်ငံသားများ အောင်ပွဲခံနေသည့်အပေါ် ပြည်တွင်းရှိ အီရန်ပြည်သူများ၏ တုံ့ပြန်မှု (မန့်တ်ပရက်စ် နယူးစ် သတင်းဌာနမှ သတင်းထောက် အမ်နာ အက်ဒ်လေ၏ တင်ပြချက်) စစ်ပွဲရဲ့ ခြောက်ရက်မြောက်နေ့ဖြစ်ပါတယ်။ အင်တာဗျူးဖြေဆိုသူ (အမျိုးသား)- "သူတို့က အီရန်နိုင်ငံသားတွေ ဟုတ်ရဲ့လားဆိုတာတောင် ကျွန်တော် သံသယရှိမိတယ်။" အင်တာဗျူးဖြေဆိုသူ (အမျိုးသမီး)- "မင်းရဲ့ မိဘတွေနဲ့ ဆွေမျိုးတွေက ဒီနိုင်ငံမှာ နေထိုင်နေကြတာလေ။" အင်တာဗျူးဖြေဆိုသူ (သက်ကြီးပိုင်းအမျိုးသား) - "သူတို့က အီရန်နိုင်ငံသားတွေလား? သူတို့ ဘာကြောင့် ဒီလောက် ပျော်နေကြတာလဲဆိုတာ ကျွန်တော် နားမလည်နိုင်ဘူး။" အင်တာဗျူးဖြေဆိုသူ (အမျိုးသား)- "သူတို့က အသိတရားမရှိတဲ့သူတွေပဲ။ သူတို့က လူမျိုးရော နိုင်ငံကိုပါ သစ္စာဖောက်တဲ့သူတွေ။" အင်တာဗျူးဖြေဆိုသူ (အမျိုးသား)- "ညစ်ပတ်တဲ့လူတွေ။" အင်တာဗျူးဖြေဆိုသူ (အမျိုးသမီး)- "ကျွန်မတို့ ကြုံတွေ့နေရတဲ့ ဖိအားတွေအားလုံးက ပြည်တွင်းက သစ္စာဖောက်တွေနဲ့ အေးဂျင့်တွေကြောင့်ပဲ။ နိုင်ငံခြားမှာ အေးအေးဆေးဆေး ထိုင်နေပြီး သူတို့ကိုယ်သူတို့ မျိုးချစ်တွေပါလို့ ကြွေးကြော်နေတဲ့သူတွေပေါ့။" အင်တာဗျူးဖြေဆိုသူ (အမျိုးသမီး)- "ကျွန်မတို့က အီရန်နိုင်ငံသားတွေပါ။ သူတို့က ကျောင်းသား ရာနဲ့ချီကို သတ်ဖြတ်နေကြတယ်။ အီရန်ပြည်သူတွေကို သတ်ဖြတ်နေကြတာ။" အင်တာဗျူးဖြေဆိုသူ (အမျိုးသမီး)- "တကယ့် မျိုးချစ်တွေဆိုတာ အေးစက်တဲ့ညတွေမှာ အစ္စလာမ်မစ်သမ္မတနိုင်ငံတော်အတွက် လမ်းပေါ်ထွက်လာပြီး သူတို့ရဲ့ဖခင်အတွက် ဝမ်းနည်းပူဆွေးနေကြတဲ့သူတွေပါ။" အင်တာဗျူးဖြေဆိုသူ (အမျိုးသမီး)- "ဘယ်သူ့အတွက်မှ ကောင်းကျိုးမပေးခဲ့တဲ့ နိုင်ငံတစ်ခုက မင်းတို့အတွက် ကောင်းကျိုးဆောင်ကြဉ်းပေးလိမ့်မယ်လို့ တကယ်ပဲ မျှော်လင့်နေတာလား? ဘာလို့ အဲဒီလို တွေးနိုင်ကြတာလဲ?" အင်တာဗျူးဖြေဆိုသူ (အမျိုးသား)- "ဒီလို အရိုင်းအစိုင်းတွေကို ကျွန်တော် လုံးဝ မတွေ့ချင်ဘူး။" NOM

အီရန်နိုင်ငံထုတ် Shahed-136 အမျိုးအစား ဒရုန်းတစ်စင်းဟာ ဒီကနေ့မနက်ပိုင်းမှာ ဒူဘိုင်းအပြည်ပြည်ဆိုင်ရာလေဆိပ်ကို တိုက်ရိုက်ထိမှန်ပေါက်ကွဲခဲ့ပြီး ပေါက်ကွဲမှုအတွင်း လေယာဉ်တစ်စင်းလည်း ထိမှန်ခဲ့ကြောင်း သတင်းရရှိပါတယ်။ NOM

မြောက်စမ်းဒေသတွင် ရန်သူ့အလောင်း/ လက်နက်များရရှိ မတ် ၇ ရက် နံနက်ပိုင်းအချိန်၌ မြောက်စမ်းဒေသတွင် ရန်သူ့နောက် သို့ လိုက်လံချေမှုန်းနေသည့် တပ်မတော်စစ်ကြောင်းနှင့် အကြမ်းဖက် AA အဖွဲ့တို့ ထိတွေ့မှုဖြစ်ပွားခဲ့ပြီး ရန်သူ့ထံမှ - (၁) အကြမ်းဖက် AA ၁ လောင်း (၂) လက်နက်မျိုးစုံ ၃ လက် - MA-2 သေနတ် ၁ လက် - Type-81 သေနတ် ၂ လက် (၃) ကျည်အိမ် ၂ ခု (၄) ကျည် ၁၅၀ တောင့် (၅) ကျည်ကာဦးထုပ် ၃ လုံး တို့အား သိမ်းဆည်းရရှိခဲ့သည်။ NOM

"အီရန်ရဲ့ ရေနံတွေကို သိမ်းပိုက်လိုက်တာနဲ့ ဟော်မုဇ်ရေလက်ကြား ကိစ္စအတွက် စိုးရိမ်နေစရာ မလိုတော့ပါဘူး" - အိမ်ဖြူတော်အရာရှိကြီး ဂျဲရက်ဒ် အေဂျန် Jared Aygen "ကျွန်တော်တို့ လုပ်ဆောင်ချင်တာကတော့ အီရန်လက်ထဲမှာရှိတဲ့ ဒီလောက်များပြားလှတဲ့ ရေနံသယံဇာတတွေကို သူတို့ဆီကနေ သိမ်းယူပစ်ဖို့ပဲ ဖြစ်ပါတယ်။ နောက်ဆုံးမှာတော့ သူတို့ဆီကနေ ရေနံအားလုံးကို ကျွန်တော်တို့ သိမ်းယူလိုက်နိုင်ရင် ဟော်မုဇ်ရေလက်ကြားနဲ့ ပတ်သက်တဲ့ ပြဿနာတွေကို စိုးရိမ်ပူပန်နေစရာ မလိုတော့တဲ့ အခြေအနေကို ရောက်သွားပါလိမ့်မယ်။" NOM

ရုရှားနိုင်ငံဟာ အရှေ့အလယ်ပိုင်းရှိ အမေရိကန်တပ်ဖွဲ့တွေကို တိုက်ခိုက်နိုင်ဖို့အတွက် အီရန်နိုင်ငံကို ပစ်မှတ်ဆိုင်ရာ ထောက်လှမ်းရေးသတင်းအချက်အလက်တွေ ထောက်ပံ့ပေးနေ ၂၀၂၆ ခုနှစ်၊ မတ်လ ၆ ရက်နေ့ထုတ် ဝါရှင်တန်ပို့စ်သတင်းစာရဲ့ အစီဖော်ပြချက်အရ ရုရှားနိုင်ငံဟာ အရှေ့အလယ်ပိုင်းရှိ အမေရိကန်တပ်ဖွဲ့တွေကို တိုက်ခိုက်နိုင်ဖို့အတွက် အီရန်နိုင်ငံကို ပစ်မှတ်ဆိုင်ရာ ထောက်လှမ်းရေးသတင်းအချက်အလက်တွေ ထောက်ပံ့ပေးနေတယ်လို့ သိရပါတယ်။ ဒါဟာ အမေရိကန်၊ အစ္စရေးနဲ့ အီရန်တို့ကြား ဖြစ်ပွားနေတဲ့ လက်ရှိပဋိပက္ခထဲကို အခြားကမ္ဘာ့အင်အားကြီးနိုင်ငံတစ်ခုက သွယ်ဝိုက်ပြီး ပါဝင်လာတဲ့ ပထမဆုံး သိသာထင်ရှားတဲ့ လက္ခဏာရပ်တစ်ခုလည်း ဖြစ်ပါတယ်။ စစ်ရေးလှုပ်ရှားမှုများမျှဝေခြင်း- ၂၀၂၆ ခုနှစ်၊ ဖေဖော်ဝါရီ ၂၈ ရက်မှာ ပဋိပက္ခတွေ အရှိန်မြင့်လာကတည်းက ရုရှားဟာ အမေရိကန် စစ်သင်္ဘောတွေ၊ လေယာဉ်တွေနဲ့ ရေဒါစနစ်တွေရဲ့ တည်နေရာနဲ့ ရွှေ့လျားမှု သတင်းအချက်အလက်တွေကို အီရန်ထံ မျှဝေခဲ့တယ်လို့ ဆိုပါတယ်။ ဂြိုဟ်တုဓာတ်ပုံ အကူအညီ- အမေရိကန်ရဲ့ စစ်အခြေစိုက်စခန်းများ၊ တပ်ဖွဲ့ဝင်များရှိရာ နေရာနဲ့ ထောက်ပံ့ရေးလမ်းကြောင်းတွေကို အီရန်က အတိအကျ သိရှိနိုင်ဖို့အတွက် ရုရှားက ဂြိုဟ်တုအချက်အလက်တွေနဲ့ ကူညီပေးနေတာ ဖြစ်ပါတယ်။ အီရန်အတွက် အားသာချက် - အီရန်မှာ ကိုယ်ပိုင်အဆင့်မြင့် ဂြိုဟ်တုစနစ် မရှိတာကြောင့် ရုရှားရဲ့ အကူအညီဟာ အမေရိကန်ရဲ့ ရွှေ့လျားစစ်လက်နက်ပစ္စည်းတွေကို ခြေရာခံဖို့အတွက် အီရန်ရဲ့ အားနည်းချက်ကို ဖြည့်ဆည်းပေးလိုက်သလို ဖြစ်နေတယ်လို့ လေ့လာသူတွေက သုံးသပ်ကြပါတယ်။ အမေရိကန်၏ တုံ့ပြန်မှု- ပြောရေးဆိုခွင့်ရှိသူ Anna Kelly ကတော့ ဒီထောက်လှမ်းရေး အကူအညီတွေဟာ ထိရောက်မှုမရှိကြောင်း၊ အီရန်အစိုးရဟာ အပြင်းအထန် ချေမှုန်းခံနေရပြီး စစ်ရေးစွမ်းဆောင်ရည်တွေ ကျဆင်းနေပြီဖြစ်ကြောင်း ပြောကြားခဲ့ပါတယ်။ သမ္မတ ထရမ့်ကတော့ ဒီသတင်းနဲ့ပတ်သက်တဲ့ မေးမြန်းမှုကို "မိုက်မဲတဲ့ မေးခွန်း" လို့ ပယ်ချခဲ့ပြီး အခြား ပိုမိုအရေးကြီးတဲ့ ကိစ္စရပ်တွေကိုသာ အာရုံစိုက်နေတယ်လို့ ဆိုပါတယ်။ နောက်ခံအခြေအနေ အီရန်နဲ့ ရုရှားတို့ဟာ ဘက်စုံမဟာဗျူဟာမြောက် မိတ်ဖက်ဆက်ဆံရေး (Comprehensive Strategic Partnership Agreement) လက်မှတ်ရေးထိုးထားပေမယ့် တရားဝင် စစ်ရေးမဟာမိတ် (Military Alliance) တော့ မဟုတ်ကြသေးပါဘူး။ သို့သော်လည်း ရှာဟစ် ဒရုန်းနည်းပညာ မျှဝေခဲ့သလိုမျိုး အခုလို ထောက်လှမ်းရေးသတင်း မျှဝေမှုတွေက ဖြစ်နိုင်ခြေ အလွန်များပါတယ်။ NOM

သံလွင်တံတား(ဘားအံ) ပိတ်ချိန်ကို ည ၉ နာရီထိ ပြောင်းလဲ သတ်မှတ် NOM၊မတ်၇၊၂၀၂၆ ကရင်ပြည်နယ်၊ ဘားအံမြို့ရှိသံလွင်တံတား(ဘားအံ) ဖြတ်သန်းသွားလာခွင့်ကို ယမန်နေ့ (မတ်လ၆ရက်) မှစတင်ပြီးည ၉ နာရီထိဖြက်သန်းသွားလာခွင့်ပြုထာကြောင်းဒေသခံများထံမှသိရသည်။ ဘားအံမြို့ရှိ သံလွင်တံတား (ဘားအံ) ကို ယခင်က နံနက် ၆ နာရီမှ ည ၇ နာရီအထိသာ သွားလာခွင့် ပြုထားခဲ့သော်လည်း လက်ရှိတွင် ဒေသခံများနှင့် ခရီးသွားပြည်သူများ အဆင်ပြေချောမွေ့စေရန်အတွက် သွားလာခွင့်အချိန်ကို ၂ နာရီ ထပ်မံတိုးမြှင့်ပေးသည့်အတွက် ယခုအခါ နံနက်၆နာရီမှည ၉ နာရီအထိ ပြောင်းလဲတိုးမြှင့် သတ်မှတ်လိုက်ကြောင်း သိရသည်။ "အချိန်တိုးပေးလိုက်တော့ပိုကောင်းတာပေါ့ အရင်ကဆိုတစ်နေရာကပြန်လာရင်ည၇နာရီမထိုးခင် တံတားဆီရောက်အောင်အမြန်မောင်းရတယ်တစ်ခါတလေ ရန်ကုန်ကပြန်လာရင် ည၇နာရီအမှီ အမြန်မောင်းရတော့ ဒုံသမိချောင်းကျော်ရင် တံတားပိတ်ချိန်မှီဖို့ မော်တော်ပီကယ်တွေတောင် မစစ်တော့ဘဲဆက်ပြီးဆက်မောင်းခိုင်းနေတာ ချစ်စရာဓလေ့တစ်ခု တောင်ဖြစ်နေပါပြီးဘာဘဲပြောပြောအခုလိုအချိန်တိုးပေးတော့ ကုန်စည်းစီးဆင်မှုတွေလည်းပိုကောင်းလာပါတယ်"ဟု ဘာအံမြို့နယ်မှဒေသခံတစ်ဦးကပြောသည်။ သံလွင်တံတား (ဘားအံ) သည် ဘားအံမြို့နှင့် မြိုင်ကလေးရွာကိုဆက်သွယ်ပေးထားသည့် တံတားဖြစ်ပြီး နှစ်လမ်းသွားကားလမ်းနှင့် လူသွားလမ်းတို့ ပါဝင်သည်။ တံတားအား ပို့ဆောင်ရေး ဝန်ကြီးဌာနမှ ၁၉၉၄ ခုနှစ်တွင် စတင်တည်ဆောက်ခဲ့ပြီး ၁၉၉၇ ခုနှစ် ဩဂုတ်လ ၃ ရက်နေ့တွင် ဖွင့်လှစ်ခဲ့ ကြောင်းသိရသည်။

သင်္ကန်းကျွန်းမြို့နယ်၊သုဝဏ္ဏလမ်းဆုံမီးပွင့်တွ့င်အိမ်စီးကားနှင့်အငှားယာဉ်တိုက်မိ၊တစ်ဦး သေဆုံးနှစ်ဦးဒဏ်ရာရရှိ NOM၊မတ်၇၊၂၀၂၆ ရန်ကုန်တိုင်းဒေသကြီး၊သင်္ကန်းကျွန်းမြို့နယ်၊သုဝဏ္ဏလမ်းဆုံမီးပွိုင့်တွင်အိမ်စီးကားနှင့်အငှားယာဉ်တိုက်မိပြီး တစ်ဦး သေဆုံးပြီး နှစ်ဦးဒဏ်ရာရရှိခဲ့ကြောင်း လူမှုကူညီရေးအသင်းမှသိရသည်။ ဖြစ်စဉ်မှာမတ်၇ရက်နံနက်၂နာရီခန့်က ယာဥ်နှစ်စီးတိုက်မိခဲ့ရာအငှားတက်ဆီယာဥ်မောင်း သေဆုံးခဲ့ပြီးTaxiယာဥ်ပေါ်ပါသော သူနှစ်ဦး ဒဏ်ရာရရှိခဲ့ရာရှင်သန်ရေးကူညီမှုအသင်းကရန်ကုန်ဆေးရုံကြီးသို့ပို့ဆောင်ပေးခဲ့‌ ကြောင်းသိရသည်။

ကမ္ဘာ့သတင်း အီရန်စစ်ပွဲအပေါ် ဝေဖန်မှုကြောင့် တာကာ ကားလ်ဆန်အား Trump က MAGA မှ နှင်ထုတ် အမေရိကန်သမ္မတသည် အီရန်စစ်ပွဲနှင့်ပတ်သက်၍ ဝေဖန်ပြောဆိုမှုများကြောင့် ရှေးရိုးစွဲဝါဒီ ဟောပြောသူ တာကာကာလ်ဆန် အားMEGAလှုပ်ရှားမှုမှ နှင်ထုတ် NOM အမေရိကန်သမ္မတ ဒေါ်နယ်ထရမ့်သည် ထင်ရှားသော ရှေးရိုးစွဲဝါဒီ ဟောပြောရှင် တာကာ ကာလ်ဆန်အား ၎င်း၏ Make America Great Again (MAGA) လှုပ်ရှားမှုမှ နှင်ထုတ်လိုက်ပြီး ကာလ်ဆန်သည် ၎င်း၏ "လမ်းစဉ်ပျောက်ဆုံးသွားပြီ" ဟု ပြောကြားခဲ့သည်။ အမေရိကန်နှင့် အစ္စရေးတို့၏ အီရန်အပေါ် တိုက်ခိုက်မှုနှင့်ပတ်သက်၍ ကာလ်ဆန်က "လုံးဝစက်ဆုပ်ဖွယ်ကောင်းပြီး ယုတ်ညံ့သည်" ဟု သတ်မှတ်ပြောဆိုခဲ့မှုကြောင့် ၎င်းတို့နှစ်ဦးကြား ဆက်ဆံရေး ပြတ်တောက်ခဲ့ခြင်းဖြစ်သည်။ "တာကာက သူ့လမ်းစဉ် ပျောက်ဆုံးသွားတယ်။ ဒါကို ငါ ကြာမြင့်စွာကတည်းက သိခဲ့တယ်၊ သူက MAGA မဟုတ်ဘူး" ဟု ထရမ့်က ကြာသပတေးနေ့တွင် ABC News နှင့် အင်တာဗျူးတွင် ပြောကြားခဲ့သည်။ "MAGA ဆိုတာ ငါတို့နိုင်ငံကို ကယ်တင်နေတာ။ MAGA ဆိုတာ ငါတို့နိုင်ငံကို နောက်တစ်ဖန် ကြီးမြတ်အောင် လုပ်နေတာ။ MAGA ဆိုတာ အမေရိက ပထမဆုံးဆိုတဲ့ မူဝါဒကို ကျင့်သုံးနေတာ၊ ပြီးတော့ တာကာက အဲဒီအရာတွေထဲက ဘယ်အရာမှ မဟုတ်ဘူး" ဟု အမေရိကန်သမ္မတက ဆက်လက်ပြောကြားခဲ့သည်။ ၂၀၂၄ ခုနှစ် ရွေးကောက်ပွဲ မဲဆွယ်စဉ်အတွင်း ထရမ့်က နိုင်ငံခြားရေးဝင်ရောက်စွက်ဖက်မှုများကို ရှောင်ရှားမည်ဟု ကတိပြုခဲ့ပြီး "ငြိမ်းချမ်းရေးသမ္မတ" ဖြစ်လာမည်ဟု ကတိပေးကာ ထောက်ခံသူများအား "ငါ စစ်ပွဲတစ်ခုကို စတင်တော့မှာ မဟုတ်ဘူး၊ ငါ စစ်ပွဲတွေကို ရပ်တန့်တော့မယ်" ဟု အာမခံခဲ့သည်။ ဤအချက်သည် MAGA ၏ အဓိက မဲဆွယ်စည်းရုံးရေး ဆောင်ပုဒ် ဖြစ်လာခဲ့သည်။ ဖောက်စ် သတင်းဌာန အစီအစဉ်မှူးဟောင်း ကာလ်ဆန်သည် ၂၀၂၄ ခုနှစ် ရီပတ်ဘလစ်ကန် အမျိုးသားကွန်ဗင်းရှင်းတွင် အဓိက ဟောပြောခွင့် ရရှိခဲ့ပြီး ၎င်း၏ မဲဆွယ်စည်းရုံးရေးကာလအတွင်း ထရမ့်ကို တွေ့ဆုံမေးမြန်းခန်း ပြုလုပ်ခဲ့သည်။ ယခုအခါ သူသည် Tucker Carlson Network ကို လည်ပတ်နေပြီး၊ ထိုအွန်လိုင်း ထုတ်လွှင့်မှု ပလက်ဖောင်းတွင် ဝင်ရောက်စွက်ဖက်ခြင်းမရှိသော နိုင်ငံခြားရေးမူဝါဒကို ထောက်ခံအားပေးရန် တိုးမြှင့်အသုံးပြုလျက်ရှိသည်။ ၎င်း၏ အကြောင်းအရာများကို RT မှလည်း အသုံးပြုခဲ့ပြီး မော်စကိုမြို့တွင် ရုရှားသမ္မတ ဗလာဒီမာပူတင်နှင့် ရုရှားနိုင်ငံခြားရေးဝန်ကြီး ဆာဂေး လာဗရော့ဗ်တို့နှင့် ထင်ရှားသော တွေ့ဆုံမေးမြန်းခန်းများ ပြုလုပ်ခဲ့သည်။ ပြီးခဲ့သည့်ဇွန်လက ထရမ့်သည် အီရန်နိုင်ငံအား စစ်ရေးအရ အရေးယူရန် တိုက်တွန်းသူများကို ကာလ်ဆန်က ဝေဖန်ပြောဆိုပြီးနောက် ကာလ်ဆန်အား Truth Social တွင် "ငကြောင်" ဟု ခေါ်ဆိုခဲ့သည်။ မကြာသေးမီက ထရမ့်သည် အခြားထင်ရှားသော မဟာမိတ်ဟောင်း ကွန်ဂရက်အမတ်ဟောင်း မာဂျိုရီ တေလာ ဂရင်းကိုလည်း ဆုံးရှုံးခဲ့ရသည်။ သေဆုံးသွားသော လိင်ပိုင်းဆိုင်ရာ ရာဇ၀တ်သား ဂျက်ဖရီ အဲပ်စတိုင်းနှင့် ပတ်သက်သည့် စာရွက်စာတမ်းများ ထုတ်ပြန်ရေးနှင့်ပတ်သက်၍ ပြီးခဲ့သည့်နှစ်ကုန်ပိုင်းက ၎င်းတို့၏ ဆက်ဆံရေး ယိုယွင်းလာခဲ့သည်။ ဂရင်းက ဖိုင်များ ထုတ်ဖော်ခြင်းကို ထရမ့်က တားဆီးခဲ့သည်ဟု စွပ်စွဲကာ အပြည့်အဝ ပွင့်လင်းမြင်သာမှုရှိရန် တွန်းအားပေးခဲ့သည်။ ထရမ့်ကလည်း သူမအား "ထူးဆန်းသူ" နှင့် "ကယောင်ကတမ်း ရူးသွပ်သူ" ဟု ခေါ်ဆိုခဲ့ရာ ဂရင်းသည် ဇန်နဝါရီလတွင် ကွန်ဂရက်မှ နုတ်ထွက်ခဲ့သည်။ အီရန်အပေါ် အမေရိကန်၏ စစ်ရေးအရ ပစ်မှတ်ထားတိုက်ခိုက်မှုများနှင့်ပတ်သက်၍ ဂရင်းက ထရမ့်၏ "စိတ်အခြေအနေ" ကို မေးခွန်းထုတ်ကာ ၎င်း၏ အစိုးရအဖွဲ့အား သမ္မတ၏ "နောက်ထပ် နိုင်ငံခြားစစ်ပွဲများ မပြုလုပ်ရ" ဟူသော မဲဆွယ်ကတိကို ဖောက်ဖျက်ခြင်းဟု သူမကမြင်သည့်အတွက် " လူလိမ်ကောင်တွေ" ဟု စွပ်စွဲကာ သဘောထားကွဲလွဲမှု ပိုမိုပြင်းထန်လာခဲ့သည်။

🤍 - အမေရိကန်စစ်တပ်ရဲ့ "အရပ်သားလက်ရုံး" လို့တောင်တင်စားလို့ရတဲ့ KBR ကုမ္ပဏီဌာနချုပ် ဒရုန်းဖြင့် တိုက်ခိုက်ခံရပြီး မီးအကြီးအကျယ်လောင်ကျွမ်းနေ အီရတ်နိုင်ငံရှိ အမေရိကန် KBR ကုမ္ပဏီဌာနချုပ် ဟာ ဒရုန်းဖြင့် ဗုံးကြဲတိုက်ခိုက်ခံရပြီးနောက် မီးအကြီးအကျယ်လောင်ကျွမ်းနေလို့ ပရက်စ် တီဗီ သတင်းဌာနက ဖော်ပြထားပါတယ်။ KBR ဆိုတာ အမေရိကန်ပြည်ထောင်စုအခြေစိုက် ကမ္ဘာကျော် အင်ဂျင်နီယာ၊ တည်ဆောက်ရေးနဲ့ နည်းပညာဝန်ဆောင်မှုပေးတဲ့ ကုမ္ပဏီကြီးတစ်ခုဖြစ်ပါတယ်။ သူ့ရဲ့ ထူးခြားချက်ကတော့ အစိုးရနဲ့ စစ်ဘက်ဆိုင်ရာ အခြေခံအဆောက်အအုံတွေမှာ အဓိကကျတဲ့ အခန်းကဏ္ဍက ပါဝင်နေတာဖြစ်ပါတယ်။ KBR ရဲ့ အဓိက လုပ်ငန်းကဏ္ဍများ အစိုးရနှင့် စစ်ဘက်ဆိုင်ရာ ဝန်ဆောင်မှု - ဒါက သူတို့ရဲ့ အထင်ရှားဆုံး ကဏ္ဍပါ။ အမေရိကန် ကာကွယ်ရေးဝန်ကြီးဌာနရဲ့ အဓိက ကန်ထရိုက်တာဖြစ်ပြီး စစ်စခန်းများ တည်ဆောက်ခြင်း၊ စစ်မြေပြင် ထောက်ပံ့ပို့ဆောင်ရေး၊ အစားအသောက်နဲ့ ရေပေးဝေရေး ဝန်ဆောင်မှုတွေကို ကမ္ဘာတစ်ဝှမ်းမှာ တာဝန်ယူရလေ့ရှိပါတယ်။ နည်းပညာနှင့် အင်ဂျင်နီယာ - ရေနံနဲ့ သဘာဝဓာတ်ငွေ့ လုပ်ငန်းများ၊ ဟိုက်ဒရိုဂျင် စွမ်းအင်နဲ့ ဓာတုဗေဒ စက်ရုံတွေအတွက် လိုအပ်တဲ့ နည်းပညာနဲ့ ဒီဇိုင်းပိုင်းတွေကို ဆောင်ရွက်ပေးပါတယ်။ အာကာသကဏ္ဍ - နာဆာ NASA ရဲ့ အဓိက မိတ်ဖက်တစ်ခုဖြစ်ပြီး အာကာသယာဉ်မှူးများ လေ့ကျင့်ပေးခြင်း၊ အာကာသစခန်း ထိန်းသိမ်းခြင်းနဲ့ သိပ္ပံနည်းကျ သုတေသန လုပ်ငန်းတွေမှာလည်း ပါဝင်ပါတယ်။ ဘာကြောင့် လူသိများသလဲ? စစ်ပွဲကာလ ကန်ထရိုက်တာ- အာဖဂန်နစ္စတန်နဲ့ အီရတ်စစ်ပွဲတွေအတွင်းမှာ အမေရိကန်စစ်တပ်အတွက် လိုအပ်တဲ့ စခန်းတွေ တည်ဆောက်ပေးတာနဲ့ ထောက်ပံ့ရေးလုပ်ငန်းတွေကို ဒေါ်လာ ဘီလီယံနဲ့ချီတဲ့ ကန်ထရိုက်တွေယူပြီး လုပ်ဆောင်ခဲ့တဲ့ ကုမ္ပဏီဖြစ်ပါတယ်။ KBR ဆိုတာ အမေရိကန်စစ်တပ်ရဲ့ "အရပ်သားလက်ရုံး" လို့တောင် တင်စားလို့ရတဲ့အထိ စစ်ရေးနဲ့ အစိုးရစီမံကိန်းတွေမှာ အလွန်ဩဇာကြီးမားတဲ့ ကုမ္ပဏီတစ်ခု ဖြစ်ပါတယ်။ NOM

🚢 🤍 - အမေရိကန် လေယာဉ်တင်သင်္ဘော ယူအက်စ်အက်စ် ဂျရယ်လ် ဖော့ဒ် USS Gerald Ford သည် ဆူးအက်တူးမြောင်းကို ဖြတ်သန်း၍ ပင်လယ်နီအတွင်းသို့ ဝင်ရောက်လာပြီ ဖြစ်သည်။ အခြားတစ်စီးဖြစ်သော ယူအက်စ်အက်စ် ဂျော့ချ် အိတ်ချ် ဒဗလျူ ဘုရှ် USS George H.W. Bush မှာလည်း စစ်ဆင်ရေးအတွက် လိုအပ်သည့် ကြိုတင်ပြင်ဆင်မှုစစ်ဆေးချက်များကို ပြီးစီးခဲ့ပြီဖြစ်ပြီး ဗာဂျီးနီးယားပြည်နယ်မှ ထွက်ခွာရန် အသင့်ဖြစ်နေပြီဖြစ်သည်။ လက်ရှိ အမေရိကန်လေယာဉ်တင်သင်္ဘောများ၏ တပ်ဖြန့်မှု အခြေအနေမှာ အောက်ပါအတိုင်းဖြစ်သည် - ယူအက်စ်အက်စ် အေဘရာဟမ် လင်ကွန်း USS Abraham Lincoln — အာရေဗျပင်လယ် နှင့် ပါရှန်းပင်လယ်ကွေ့ ယူအက်စ်အက်စ် ဂျရယ်လ် ဖော့ဒ် USS Gerald Ford — ပင်လယ်နီ ယူအက်စ်အက်စ် ဂျော့ချ် အိတ်ချ် ဒဗလျူ ဘုရှ် USS George H.W. Bush — စစ်ဆင်ရေးစတင်ရန် အသင့်အနေအထား NOM

🇮🇶 🤍 - အီရတ်နိုင်ငံ၊ ကာဒစ္စတန်ဒေသ၏ မြို့တော်ဖြစ်သော အာဘီလ် (Erbil) ရှိ အမေရိကန်စစ်သားများ တည်းခိုရာ ဟိုတယ်များကို ဗုံးကြဲတိုက်ခိုက်မည်ဟု အီရတ်တော်လှန်ရေးအဖွဲ့များက ခြိမ်းခြောက်ခဲ့ပြီးနောက်... အာဘီလ်မြို့လယ်ရှိ ဒီဗန်ဟိုတယ် သည် တိုက်ခိုက်ခံရမည်ကို စိုးရိမ်သဖြင့် ဟိုတယ်ရှိ မီးအားလုံးကို ပိတ်ထားလိုက်သည်။ ဗဟုသုတ- ခေတ်သစ်စစ်ပွဲများတွင် မီးပိတ်ထားခြင်း သို့မဟုတ် အိပ်ရာခင်းအောက် ပုန်းနေခြင်းတို့သည် အမှန်တကယ်တွင် မည်သည့်ကာကွယ်မှုမျိုးကိုမှ မပေးနိုင်ပါ။ NOM

“ဒီမိုး၊ ဒီရေ၊ ဒီလူတွေနဲ့….” ============= ◾️ NUG ရဲ့နွေဦးတော်လှန်ရေးကြီးက အတော်တော့ရယ်ရတယ်။ ဆယ်လီတွေကို အားပြုပြီး ရပ်တည်ခဲ့ရတဲ့ အရည်အချင်းမဲ့ အစိုးရဆိုတော့…ဒဲ့ပြောရရင် ဆယ်လီ/လော်ဘီ တွေရှာပေးတဲ့ ဖန်ငွေနဲ့ လည်ပတ်ခဲ့ကြရတဲ့၊ တနည်းအားဖြင့် လစာရခဲ့ကြတဲ့ ဝန်ကြီး/ အစိုးရတွေဆိုတော့… ဒီတော်လှန်ရေးကြီးကိုမှီပြီး ချမ်းသာသွားကြတဲ့သူတွေအပေါ်မှာ ဘယ်သူတွေကမှ မထောက်ပြရဲ၊ မဝေဖန်ရဲကြတာဆန်းတော့မဆန်းဘူး။ -------- ◾️ ဒီ ၅ နှစ်တာသက်တမ်းကာလမှာ နွေဦးတော်လှန်ရေးထီတွေ၊ ငွေတိုက်စာချုပ်ရောင်းပြီး ငွေရှာခဲ့ကြတာတွေ၊ ကမ္ဘာအေး လမ်းပေါ်က ကွန်ဒိုတိုက်ခန်းတွေရောင်းပြီး လေလံပစ်ခဲ့ ကြသူတွေ၊ အစရှာမရတော့တဲ့ ငှက်ကင်ပရောဂျက်တွေ စသဖြင့် အပျောက်ရိုက်ခဲ့ကြတာ အများကြီးပဲ။ ခုလည်း ကျည်ဆံကမ်းပိန်းတို့၊ ကျည်ကာ ကမ်းပိန်းတို့ ဆိုပြီး အလှူခံ ခွက်ခေါက်တာတွေလည်း ရှိနေသေးတာပါပဲ။ ပြောချင်တာက…NUG အစိုးရ ဝန်ကြီးများ ကိုယ်တိုင် ဒီလိုခွက်ခေါက်အလှူခံခဲ့ပေမယ့်၊ ဒေါ်လာသန်းချီဝင်ငွေရှိခဲ့ပေမယ့် သိသာ ထင်ရှားတဲ့ ရလဒ်မထွက်ဘဲ ကိုယ့် ကိုယ်ကျိုးအတွက်သာ အသုံးချခဲ့ကြတာကို တာဝန်ခံဖို့ မလိုဘူးလားလို့ဆိုတဲ့ မေးခွန်းပါပဲ။ -------- ◾️ Bank of America က ၂.၆ သန်းကိစ္စလည်း မဖြေရှင်းကြဘူး။ မကြည်ပြာအမှုမှာ လည်း မြန်မာနိုင်ငံက စစ်ရှောင်တွေအတွက် NGO တွေကလှူတဲ့ ပိုက်ဆံတွေကိုတောင် လခစား ပုံစံနဲ့ ခေါင်းပုံဖြတ်စားခဲ့ကြတာတွေက ကင်ဆာဖြစ်သွားတာနဲ့ပဲ လျှော်လိုက်ကြတော့တာ လားပေါ့။ အညာမြေမှာ MOD ကလွဲရင် ဗိုလ်မထားဘူးဆိုတဲ့ မူနဲ့ ဗိုလ်နဂါးအဖွဲ့ကို အမြစ်ဖြတ်တဲ့ လမ်းစဉ် ကျင့်သုံးခဲ့တဲ့အပြင် SRA တပ်ပေါင်းစုကိုတောင် ဖမ်းဆီးတာတွေ လုပ်လာပြီဆိုတော့…ဒီတော်လှန်ရေးကြီးက မူဝါဒမရှိ၊ လမ်းစဉ်မရှိတော့ဘဲ ပါဂျောင် ဒုတိယ ဗားရှင်းတောင် ဖြစ်လာပြီလားပေါ့။ --------- ◾️ ပိုပြီးထိတ်လန့်စရာကောင်းတာက အချုပ်ခန်းထဲက (၃)နှစ်အရွယ်ရှိကလေးရှိတဲ့ ရဲဘော် မိခင်အမျိုးသမီးကို လက်ပြန်ကြိုးတုပ်၊ ပါးစပ်ကို အဝတ်ဆို့ပြီး (၃)ရက်တိတိ အုပ်စု လိုက် မုဒိမ်းကျင့်ခဲ့ကြတဲ့ ယင်းမာပင်ခရိုင်က NUG ရဲ့ ရင်း(၂၀) ကိစ္စကလည်း နွေဦးတော် လှန်ရေးရဲ့ အမဲစက်ကြီး ဖြစ်လာတော့မှာပါ။ ရဲဘော်ရဲဘက်အချင်းချင်းမှာတောင် ခြေတော်တင် မုဒိမ်းကျင့်နိုင်ရက်ခဲ့ရင်…တခြားလူပုဂ္ဂိုလ်တွေပေါ်မှာ စောင့်ထိန်းရမယ့် လူ့ကျင့်ဝတ်တွေနဲ့ စစ်စည်းကမ်းတွေဆိုတာကို ယုံကြည်ချင်စရာတစ်စက်မှတောင် ရှိမနေ တော့ပါဘူး။ ------- ◾️ တော်လှန်ရေးကိုမှီပြီး ရလာတဲ့အခွန်ဆက်ကြေးတွေနဲ့၊ တော်လှန်ရေးကို ဘန်းပြပြီး အလှူခံရင်းက ရလာတဲ့ ငွေကြေးတွေနဲ့… တတိယနိုင်ငံတွေမှာနေပြီး ကိုယ့်ကိုယ်ကိုယ် အစိုးရလို့ ခံယူနေကြတဲ့သူတွေ၊ ပြည်သူပိုင်ငွေဖြစ်တဲ့ ၂.၆ သန်းကိစ္စကို မဖြေရှင်းဘဲ ရေငုံနှုတ်ပိတ်နေကြတဲ့သူတွေ၊ မြေပြင်မှာ ရဲဘော်ရဲဘက်အချင်းချင်း မုဒိမ်းကျင့်/ သတ်ဖြတ်ကြတဲ့ အောက်ခြေရဲဘော်တွေ စသဖြင့် ဒီမိုး၊ ဒီရေ၊ ဒီလူတွေနဲ့က တော့…နွေဦးတော်လှန်ရေးကြီးက လုပ်စားတော်လှန်ရေးကြီးသပ်သပ် ဖြစ်နေပြီ လို့သာ ပြောရတော့မှာပါပဲ။ (နရီမိုး) https://t.me/Nyemoee

🌟⚔️ 🌟 - ဟစ်ဇ်ဘိုလာလက်နက်ကိုင်အဖွဲ့က အစ္စရေးလေထီးတပ်သားအချို့ကို ဖမ်းဆီးရမိခဲ့သည်ဟု သတင်းများထွက်ပေါ် လက်ဘနွန်နိုင်ငံ ဘီကာဒေသအတွင်း ဟစ်ဇ်ဘိုလာ အဖွဲ့၏ အထူးစစ်ဆင်ရေးတပ်ဖွဲ့ဖြစ်သော အယ်လ် ရာဒ်ဝမ် က အစ္စရေးလေထီးတပ်သားအချို့ကို ဖမ်းဆီးရမိခဲ့ကြောင်းသတင်းများ ထွက်ပေါ်နေသည်။ နာဘီချိတ်အရပ်မှ ရရှိသည့် ဗီဒီယိုမှတ်တမ်းတစ်ခုတွင် ရိုက်ကူးနေသူက "သူ့ကို မိပြီ၊ သူ့ကို မိပြီ - ကြည့်လိုက်ဦး၊ သူတို့ ဒီမှာ ရောက်နေပြီ!" ဟု အော်ဟစ်နေသံကို ကြားရသည်။ အစ္စရေးစစ်တပ်ကမူ အဆိုပါ စစ်ဆင်ရေးနှင့် ပတ်သက်၍ သတင်းအချက်အလက်များ အပြင်သို့မပေါက်ကြားစေရန် တင်းကျပ်သော သတင်းပိတ်ပင်မှုကို ထုတ်ပြန်ထားသည်။ NOM

စွမ်းအင်ဝန်ကြီးဌာနမှ စက်သုံးဆီတင်သွင်းဖြန့်ဖြူးမှုကွင်းဆက် (Supply Chain) အား စိစစ်ကြပ်မတ်လျက်ရှိ မတ် ၆၊ ၂၀၂၆ စွမ်းအင်ဝန်ကြီးဌာနအနေဖြင့် ပြည်တွင်းတွင် စက်သုံးဆီပြတ်လပ်မှုမရှိစေရေးအတွက် ပြည်ပမှ စက်သုံးဆီများ စဉ်ဆက်မပြတ် ရောက်ရှိစေရေးနှင့် စက်သုံးဆီဆိုင်များတွင် ဆီပြတ်လပ်မှုမရှိစေရေး ဖြည့်တင်းစီမံဆောင်ရွက်ပေးခြင်း၊ ဖြည့်တင်းပေးသည့် စက်သုံးဆီများအား သုံးစွဲသူများသို့ရောက်ရှိ စေရေးအတွက် ဖြည့်တင်းမှုကွင်းဆက်တစ်လျှောက် စစ်ဆေးကြပ်မတ်ခြင်း၊ စက်သုံးဆီ အရောင်းဆိုင်များ၏ လက်ကျန်ဆီအခြေအနေအား ရှောင်တခင် ဝင်ရောက်စစ်ဆေးခြင်းနှင့် သီလဝါ ရှိ Terminal များမှ စက်သုံးဆီများ ထုတ်ယူရောက်ရှိမှုအခြေအနေများအား စိစစ်ကြပ်မတ်စစ်ဆေးခြင်းတို့ကို ဆောင်ရွက်လျက်ရှိသည်။ ပြည်သူများ အနေဖြင့် မလိုအပ်ဘဲ တန်းစီဝယ်ယူခြင်း မပြုလုပ်ခြင်းဖြင့် ပူးပေါင်းဆောင်ရွက်ကြရန် စွမ်းအင်ဝန်ကြီးဌာနရှိ ဝန်ထမ်းများနှင့် သက်ဆိုင်ရာဌာနဆိုင်ရာ ပူးပေါင်းအဖွဲ့များကလည်း စက်သုံးဆီအရောင်းဆိုင်များသို့ စစ်ဆေးကြပ်မတ်လျက်ရှိခြင်းကြောင့် ယနေ့ညနေပိုင်းမှစတင်၍ စက်သုံးဆီအရောင်းဆိုင်များတွင် ဆီတန်းစီဝယ်ယူသည့် ယာဉ်အရေအတွက်များ လျော့နည်းလာကြောင်း တွေ့ရသည်။ သို့ဖြစ်ပါ၍ ပြည်သူလူထုအနေဖြင့် မလိုအပ်ဘဲ တန်းစီဝယ်ယူခြင်း မပြုလုပ်ကြပါရန်နှင့် တန်းစီခြင်းကြောင့် အချိန်ကုန်ပြီး မလိုလားအပ်သော အခက်အခဲများ ဖြစ်ပေါ်စေနိုင်သောကြောင့် ပူးပေါင်းကူညီဆောင်ရွက်ကြရန် မေတ္တာရပ်ခံထားကြောင်း စွမ်းအင်ဝန်ကြီးဌာနမှ သတင်းရရှိသည်။ NOM

FOX News သတင်းဌာန 🤍 - အမေရိကန်၏ USS George H.W. Bush လေယာဉ်တင်သင်္ဘောကို အရှေ့အလယ်ပိုင်းဒေသသို့ စေလွှတ်သွားမည်ဖြစ်သည်။____________________ "ဒါဟာ ဘာစီမံကိန်းမှမရှိဘဲ အခြေအနေတွေအားလုံး တလွဲတချော်ဖြစ်နေတဲ့အခါမှာ ကြုံတွေ့ရလေ့ရှိတဲ့ အကျိုးဆက်ပဲ ဖြစ်တယ်။" NOM

ရှေ့ဆက်ရမည့် လုပ်ငန်းစဉ်များနှင့် ပြည်သူလူထု၏ ပူးပေါင်းပါဝင်မှု အစိုးရရဲ့ ဘယ်လိုပင်ကောင်းမွန်တဲ့စနစ်ပဲဖြစ်နေစေကာမူ ပြည်သူလူထုရဲ့ နားလည်သဘောပေါက်မှုနဲ့ တက်ကြွစွာပူးပေါင်းပါဝင်ဆောင်ရွက်မှုမရှိဘူးဆိုရင် အောင်မြင်နိုင်မှာ မဟုတ်ပါဘူး။ နိုင်ငံတော် အစိုးရအနေနဲ့လည်း ပြည်သူတွေ ယုံကြည်စိတ်ချစွာ အသုံးပြုနိုင်ဖို့ CEIR စနစ်ကို ၂၀၂၆ ခုနှစ် မတ်လပထမပတ်မှစလို့ စတင်အသုံးပြုဆောင်ရွက်သွားမှာဖြစ်ပါတယ်။ အများပြည်သူတွေ လက်ရှိအသုံးပြုနေတဲ့ မိုဘိုင်းလက်ကိုင်ဖုန်းတွေကို အခွန်ပေးဆောင်ဖို့ မလိုအပ်ဘဲ ဆက်လက်အသုံးပြုနိုင်ဖို့အတွက် CEIR စနစ်ရှိ ခွင့်ပြုစာရင်း (Whitelist) မှာ အလိုအလျောက် ထည့်သွင်းပေးသွားမှာ ဖြစ်ပါတယ်။ ဒါကြောင့် ခွင့်ပြုစာရင်းမှာ ပါရှိနိုင်ဖို့အတွက် ပြည်သူတွေအနေနဲ့ ၂၀၂၆ ခုနှစ် မတ်လ ၃၁ ရက်နေ့ နောက်ဆုံးထားပြီး မိမိတို့ရဲ့ မိုဘိုင်းဖုန်းတွေအတွင်း မှာ ပြည်တွင်းဆက်သွယ်ရေးကွန်ရက် (MPT, ATOM, U9, Mytel) များရဲ့ SIM Card များကို ထည့်သွင်းဖွင့်လှစ်အသုံးပြုထားဖို့ အထူးလိုအပ်မှာ ဖြစ်ပါတယ်။ ၂၀၂၆ ခုနှစ် ဧပြီလ ၁ ရက်နေ့ကစလို့ ခွင့်ပြုစာရင်းမှာမပါရှိတဲ့ မိုဘိုင်းလက်ကိုင်ဖုန်းတွေကို ဆက်သွယ်ရေးကွန်ရက်တွေနဲ့ စတင်ချိတ်ဆက်ချိန်မှစလို့ ရက်ပေါင်း ၃၀ အတွင်းသာ ယာယီအသုံးပြုခွင့် ရရှိမှာဖြစ်ပြီး အဲဒီကာလအတွင်း ကျသင့်တဲ့အခွန်နဲ့ ဒဏ်ကြေးတွေ ပေးဆောင်ပြီးမှသာ ဆက်လက်အသုံးပြုခွင့်ရရှိမှာဖြစ်ပါတယ်။ အသေးစိတ်သိရှိလိုသူများအနေနဲ့လည်း ဝက်ဘ်ဆိုက်မှာ ကြည့်ရှုလို့ဖြစ်စေ၊ CEIR Call Center နံပါတ်တွေဖြစ်တဲ့ ၁၅၇၇ နဲ့ ၁၇၅၅ သို့ ရုံးချိန်အတွင်း ဆက်သွယ်မေးမြန်းလို့ဖြစ်စေ ဆောင်ရွက်နိုင်မှာဖြစ်ပါတယ်။ ဒါကြောင့် CEIR စနစ်အောင်မြင်စွာ အကောင်အထည်ဖော်နိုင်ဖို့အတွက် ပြည်သူတွေအနေနဲ့ မိမိတို့အသုံးပြုနေတဲ့ဖုန်းတွေကို သတ်မှတ်ထားတဲ့ကာလအတွင်း စနစ်တကျ မှတ်ပုံတင်ခြင်း၊ ဖုန်းအသစ်ဝယ်ယူရာမှာလည်း အခွန်ဆောင်ထားတဲ့ တရားဝင်တင်သွင်းထားတဲ့ဖုန်းတွေကိုသာ ရွေးချယ်ဝယ်ယူခြင်းတို့ဖြင့် နိုင်ငံတော်ရဲ့ မေတ္တာ၊ စေတနာထား ကြိုးပမ်းမှုကို ဝိုင်းဝန်းကူညီပေးကြဖို့ အထူးလိုအပ်လှပါတယ်။ CEIR စနစ်ဆိုတာဟာ ပြည်သူလူထုအတွက် ကန့်သတ်ချက်တစ်ခု မဟုတ်ဘဲ ခေတ်သစ်ဆိုက်ဘာရာဇဝတ်မှုတွေကို တွန်းလှန်တိုက်ဖျက်ရာမှာ မရှိမဖြစ်လိုအပ်တဲ့ အဆင့်မြင့်ကာကွယ်ရေးတံတိုင်းကြီးတစ်ခုသာဖြစ်ပါတယ်။ အွန်လိုင်းလိမ်လည်မှုအမျိုးမျိုးကြောင့် ပြည်သူလူထုရဲ့ ဘဝတွေ၊ မိသားစုတွေ ပျက်စီးဆုံးရှုံးနေရတာကို ရပ်တန့်နိုင်ဖို့နဲ့ လူတိုင်းယုံကြည်စိတ်ချစွာ အသုံးပြုနိုင်မယ့် ပိုမိုလုံခြုံတဲ့ ဒစ်ဂျစ်တယ်လူ့အဖွဲ့အစည်းတစ်ခု တည်ဆောက်နိုင်ဖို့ကသာ နိုင်ငံတော်အစိုးရရဲ့ အဓိကရည်မှန်းချက်စေတနာဖြစ်ပါတယ်။ ဒါကြောင့် ပြည်သူတစ်ရပ်လုံးအနေနဲ့ နိုင်ငံတော်ရဲ့စေတနာကို နားလည်လက်ခံပြီး CEIR စနစ်ကြီးကို လက်ကမ်းကြိုဆိုမှုဖြင့် အမျိုးသားရေးတာဝန်တစ်ရပ်အနေနဲ့ ဝိုင်းဝန်းပူးပေါင်းအကောင်အထည်ဖော်ဆောင်ရွက်ပေးကြဖို့ လေးစားစွာဖြင့် တိုက်တွန်းနှိုးဆော်ရေးသားတင်ပြလိုက်ရပါတယ်။

နိုင်ငံတကာစံနှုန်းများနဲ့အညီ နိုင်ငံ့စီးပွားကို အကာအကွယ်ပေးခြင်း CEIR စနစ်ဟာ မြန်မာနိုင်ငံအတွက်သာ သီးသန့်တီထွင်ထားတဲ့စနစ်မဟုတ်ပါဘူး။ ကမ္ဘာ့နိုင်ငံအများအပြားမှာ ကျင့်သုံးနေတဲ့ နိုင်ငံတကာစံချိန်မီ လုံခြုံရေးစနစ်တစ်ခု ဖြစ်ပါတယ်။ အိန္ဒိယ၊ တူကီယဲ၊ အင်ဒိုနီးရှားနဲ့ ဥရောပနိုင်ငံအချို့မှာ ဒီစနစ်ကို အောင်မြင်စွာ အသုံးပြုနေကြပြီဖြစ်ပါတယ်။ ဒီစနစ်ကို ကျင့်သုံးတဲ့အတွက်ကြောင့်ပဲ အဲဒီနိုင်ငံတွေမှာ ဖုန်းခိုးယူမှု၊ လုယက်မှုတွေ သိသိသာသာ လျော့ကျသွားတာကို တွေ့ရပါတယ်။ ဒါ့အပြင် တရားမဝင် ဖုန်းမှောင်ခိုတင်သွင်းမှုတွေကို တားဆီးနိုင်ခဲ့တာကြောင့် နိုင်ငံတော်အတွက် ရသင့်ရထိုက်တဲ့ အခွန်အခတွေ ဆုံးရှုံးမသွားအောင် ကာကွယ်နိုင်ခဲ့ပါတယ်။ ရရှိလာတဲ့ အခွန်ဘဏ္ဍာတွေကိုလည်း ပြည်သူလူထုရဲ့ ကျန်းမာရေး၊ ပညာရေးနဲ့ အခြေခံအဆောက်အအုံ ဖွံ့ဖြိုးတိုးတက်ရေးလုပ်ငန်းတွေမှာ ပြန်လည်အသုံးပြုနိုင်မှာဖြစ်လို့ နိုင်ငံ့စီးပွားရေးယန္တရားအတွက် အလွန်အရေးပါတဲ့စနစ် တစ်ခုဖြစ်ပါတယ်။ ပြည်သူလူထု၏ စိုးရိမ်ပူပန်မှုများကို ဖြေဖျောက်ခြင်းနှင့် အကျိုးကျေးဇူးများ အပြောင်းအလဲတစ်ခုစတင်ချိန်မှာ အချို့သောပြည်သူတွေဟာ မိမိတို့ရဲ့ကိုယ်ရေးကိုယ်တာအချက်အလက် (Privacy) တွေနဲ့ ပတ်သက်ပြီး စိုးရိမ်ပူပန်မှုတွေ ရှိနိုင်တာကို နိုင်ငံတော်အစိုးရအနေနဲ့ ကောင်းစွာနားလည်သဘောပေါက်ပါတယ်။ တကယ်တော့ CEIR စနစ်ဆိုတာ သုံးစွဲသူတွေရဲ့ ဖုန်းခေါ်ဆိုမှုတွေ၊ မက်ဆေ့ချ်တွေ သို့မဟုတ် အင်တာနက် အသုံးပြုမှုတွေကို ထောက်လှမ်းတာမျိုး လုံးဝ (လုံးဝ) မဟုတ်ပါဘူး။ “စက်ပစ္စည်း(Device)၏ မှန်ကန်တရားဝင်မှု” ကိုသာ အဓိကစစ်ဆေးတဲ့ စနစ်ဖြစ်ကြောင်းကို ပြည်သူလူထုကို ရှင်းရှင်း လင်းလင်း သိမြင်စေလိုပါတယ်။ ပြည်သူတွေအနေနဲ့ မိမိတို့ရဲ့ တန်ဖိုးကြီးမားတဲ့ မိုဘိုင်းဖုန်း ပျောက်ဆုံးသွားမယ် သို့မဟုတ် ခိုးယူခံရမယ်ဆိုရင် သက်ဆိုင်ရာကို အကြောင်းကြားပြီး CEIR စနစ်ကနေတစ်ဆင့် ဖုန်းကိုချက်ချင်း Block ပြုလုပ်နိုင်မှာဖြစ်ပါတယ်။ အရင်က ဖုန်းတစ်လုံး ပျောက်ဆုံး၊ အခိုးခံရမယ်ဆိုရင် SIM Card ကို ပိတ်သိမ်းရုံကလွဲပြီး အခြားထိရောက်တဲ့ တားဆီးနိုင်စွမ်းမရှိခဲ့ပါဘူး။ ခိုးယူသူတွေအနေနဲ့ SIM Card ကို လွှင့်ပစ်ပြီး ဖုန်းကို Firmware အသစ်ပြန်တင်ကာ လွယ်ကူစွာ ပြန်လည် အသုံးပြုနိုင်ခဲ့ကြပါတယ်။ အခုအခါမှာတော့ ဖုန်းခိုးယူသွားသူတွေအနေနဲ့ အဲဒီဖုန်းကို ဘယ်ဆက်သွယ်ရေး ကွန်ရက်တွေမှာမှ ပြန်လည်အသုံးပြုလို့ရနိုင်တော့မှာမဟုတ်တဲ့အတွက် ဖုန်းခိုးယူခြင်း၊ လုယက်ခြင်းလိုမျိုး ဒုစရိုက်မှုတွေဟာ အလိုအလျောက်ပပျောက်သွားမှာဖြစ်ပါတယ်။ YBS ယာဉ်တွေပေါ်မှာ နေ့ခင်းကြောင်တောင် သောင်းကျန်းနေတဲ့ ဖုန်းခါးပိုက်နှိုက်တွေနဲ့ ဖုန်းသူခိုးတွေရဲ့ ရန်ကနေ ပြည်သူတွေကို အပြည့်အဝကာကွယ်ပေးနိုင်တော့မှာလည်းဖြစ်ပါတယ်။ ပြစ်မှု ကျူးလွန်ထားခြင်းမရှိဘဲ ရိုးသားစွာ လုပ်ကိုင်စားသောက်နေတဲ့ နိုင်ငံသားတစ်ယောက်အနေနဲ့ နိုင်ငံတကာမှာ တွင်ကျယ်စွာအသုံးပြုနေတဲ့ CEIR စနစ်ကို စိုးရိမ်ကြောက်ရွံ့နေစရာမလိုတဲ့အပြင် မိမိပိုင်ဆိုင်တဲ့ ဖုန်းပစ္စည်းကို တရားဝင်မှတ်ပုံတင်ထားတာဟာ အလုံခြုံဆုံးသော အကာအကွယ်ရရှိနေတာဖြစ်ကြောင်းကို အသိပေးလိုပါတယ်။ နိုင်ငံတော်တည်ငြိမ်ရေးနှင့် ခေတ်သစ်ဒစ်ဂျစ်တယ်အချုပ်အခြာအာဏာ (Digital Sovereignty) ခေတ်သစ်ကမ္ဘာမှာ နိုင်ငံတစ်နိုင်ငံရဲ့ တည်ငြိမ်ရေးနဲ့ ဖွံ့ဖြိုးတိုးတက်ရေးတို့အတွက် ဆက်သွယ်ရေးကွန်ရက်ဟာ အသက်သွေးကြောပမာ အရေးကြီးလှပါတယ်။ နိုင်ငံတော်ရဲ့ စွမ်းအားကို တည်ဆောက်ရာမှာ ခိုင်မာတောင့်တင်းတဲ့ ဒစ်ဂျစ်တယ်အခြေခံ အဆောက်အအုံရှိဖို့ဆိုတာဟာလည်း တစ်ထောင့်တစ်နေရာက လိုအပ်လျက်ရှိတဲ့ စွမ်းအားတစ်ရပ်ပါ။ CEIR စနစ်ဟာ နိုင်ငံ အတွင်းအသုံးပြုနေတဲ့ မိုဘိုင်းစက်ပစ္စည်းတိုင်းကို စိစစ်နိုင်စွမ်းရှိတာကြောင့် ပြည်ပမှဖြစ်စေ၊ ပြည်တွင်းမှဖြစ်စေ နိုင်ငံတော်ရဲ့ တည်ငြိမ်အေးချမ်းရေးကို ထိခိုက်စေမယ့် အကြမ်းဖက်မှုတွေနဲ့ ဆိုက်ဘာတိုက်ခိုက်မှုတွေကို အချိန်မီကြိုတင်ကာကွယ်နိုင်မှာ ဖြစ်ပါတယ်။ ဒါဟာ နိုင်ငံတော်ရဲ့ ဒစ်ဂျစ်တယ်အချုပ်အခြာအာဏာ (Digital Sovereignty) ကို မယိမ်းမယိုင်ရလေအောင် အခိုင်အမာ ပံ့ပိုးပေးခြင်းလည်းဖြစ်ပါတယ်။

ငွေကြေးဝန်ဆောင်မှု (KPay/Wave) အယောင်ဆောင်မှုများမှ ပြည်သူ့ဘဏ္ဍာကို ကာကွယ်ပေးခြင်း ပြည်သူတွေနေ့စဉ်အသုံးပြုနေတဲ့ KPay ၊ Wave Money စတဲ့ မိုဘိုင်းငွေကြေး ဝန်ဆောင်မှုတွေရဲ့ Call Center ဝန်ထမ်းအဖြစ် အယောင်ဆောင်ပြီး ငွေလွှဲယူခြင်း၊ ဆုမဲပေါက်တယ်လို့ မက်လုံးပေး လိမ်လည်ခြင်းတွေဟာ ပြည်သူတွေရဲ့ နေ့စဉ်ဘဝကို အကြီးအကျယ် ဒုက္ခပေးနေပါတယ်။ ဒါကြောင့် ဒီလိုပြဿနာတွေကို ကိုင်တွယ်ဖြေရှင်းဖို့အတွက် CEIR စနစ်ဟာ အဓိကအခန်းကဏ္ဍကနေပြီး ပါဝင်လာတော့မှာဖြစ်ပါတယ်။ CEIR စနစ်မှာဆိုရင် ဖုန်းစက်ပစ္စည်းတွေကို စနစ်တကျ မှတ်ပုံတင်ထားတော့မှာဖြစ်တဲ့အတွက်ကြောင့် လိမ်လည်သူတစ်ယောက်အနေနဲ့ ဖုန်းတစ်လုံးကိုအသုံးပြုပြီး ရာဇဝတ်မှုတစ်ခု ကျူးလွန်လိုက်တာနဲ့တစ်ပြိုင်နက် သက်ဆိုင်ရာလုံခြုံရေးအဖွဲ့အစည်းတွေက အဲဒီစက်ပစ္စည်းရဲ့ IMEI ကို ခြေရာခံနိုင်တော့မှာ ဖြစ်ပါတယ်။ အဲဒီခြေရာခံလို့ရတဲ့ ဖုန်းစက်ပစ္စည်းကို အမည်ပျက်စာရင်းသွင်းလိုက်တာနဲ့ အခြားပြည်သူတစ်ဦးတစ်ယောက်ကို ထပ်မံလိမ်လည်ဖို့ ကြိုးစားခွင့်မရနိုင်တော့အောင် အမြစ်ပြတ်တားဆီးပေးမှာဖြစ်ပြီး နိုင်ငံတော်အနေနဲ့ ပြည်သူတွေရဲ့ ဘဏ္ဍာငွေကို ခေတ်မီနည်းပညာနဲ့ ကာကွယ်စောင့်ရှောက်ပေးနိုင်တော့မှာ ဖြစ်ပါတယ်။ ခေတ်သစ် AI / Video Clone လိမ်လည်မှုများကို တုံ့ပြန်ခြင်း ယနေ့ခေတ်မှာ ရိုးရှင်းတဲ့လိမ်လည်မှုတွေကိုသာမက AI နည်းပညာကို အလွဲသုံးစားလုပ်ပြီး ရင်းနှီးသူ မိသားစုဝင်တွေ၊ မိတ်ဆွေတွေရဲ့ မျက်နှာနဲ့အသံကို တုပကာငွေလိမ်တဲ့ Deepfake သို့မဟုတ် Video Clone တွေဟာ အကြီးအကျယ်ပျံ့နှံ့လာပြီး တစ်ကမ္ဘာလုံးမှာ ထိတ်လန့်စရာအနေအထားကို ရောက်ရှိနေပြီဖြစ်ပါတယ်။ ဒီလိုအဆင့်မြင့်နည်းပညာသုံး ကျူးလွန်သူတွေဟာ များသောအားဖြင့် တရားမဝင် ခိုးသွင်းလာတဲ့ သို့မဟုတ် ဘယ်သူဘယ်ဝါဖြစ်ကြောင်းကို အလွယ်တကူမသိနိုင်စေမယ့် မှတ်ပုံတင်မထားတဲ့ ဖုန်းတွေကို အသုံးပြုနေကြပါတယ်။ CEIR စနစ်ဟာ တရားဝင်တင်သွင်းလာပြီး ပိုင်ရှင်ဘယ်သူဘယ်ဝါဖြစ်ကြောင်းကို တိကျစွာသိရှိနိုင်မယ့် ဖုန်းတွေကိုသာ ဆက်သွယ်ရေးကွန်ရက်အတွင်း အသုံးပြုခွင့်ပေးတော့မှာဖြစ်လို့ ပြည်တွင်းမှာ ဒီလိုမျိုးအဆင့်မြင့်ဆိုက်ဘာရာဇဝတ်မှုတွေ ကျူးလွန်ဖို့ အလွန်ခက်ခဲသွားစေမှာ ဖြစ်ပါတယ်။ ဒါဟာ နိုင်ငံတော်ရဲ့ အနာဂတ်မျိုးဆက်သစ်တွေအတွက် လုံခြုံတဲ့ဆိုက်ဘာဂေဟစနစ်တစ်ခုကို  ဖန်တီးပေးတာလည်း ဖြစ်ပါတယ်။ လူငယ်များ၏ အနာဂတ်နှင့် ယဉ်ကျေးမှုကို ကာကွယ်စောင့်ရှောက်ပေးခြင်း အွန်လိုင်းလောင်းကစားမှုတွေဟာ လူငယ်တွေရဲ့ အနာဂတ်၊ အချိန်နဲ့ ခွန်အားတွေကို ဖျက်ဆီးနေတဲ့ ကြီးမားသောခြိမ်းခြောက်မှုတစ်ခု ဖြစ်ပါတယ်။ ဒါ့အပြင် အမည်ဝှက် (Anonymous) ဖုန်းစက်ပစ္စည်း တွေကို အကာအကွယ်ယူပြီး လူမှုကွန်ရက်တွေပေါ်မှာ ဘာသာရေး၊ လူမျိုးရေးနဲ့ မြန်မာ့ရိုးရာယဉ်ကျေးမှုတွေကို စော်ကားတဲ့အကြောင်းအရာတွေ လွှင့်တင်ကာ လူ့အဖွဲ့အစည်းအတွင်း သွေးခွဲမှုတွေ ပြုလုပ်ဖို့ ကြိုးပမ်းနေသူတွေလည်း ရှိနေပါတယ်။ CEIR စနစ်ဟာ အဲဒီယဉ်ကျေးမှုဖျက်ဆီးသူတွေနဲ့ လောင်းကစားဒိုင်တွေကို ဆက်သွယ်ရေးကွန်ရက်စနစ်အတွင်းကနေ အပြီးတိုင်ဖယ်ထုတ်ဖို့နဲ့ သူတို့ကျူးလွန်ခဲ့တဲ့ သဲလွန်စတွေကို တိကျစွာဖော်ထုတ် အရေးယူနိုင်ဖို့ အကောင်းဆုံးသော ဥပဒေစိုးမိုးရေး လက်နက်တစ်ခု ဖြစ်ပါတယ်။ ပြည်သူ့နီတိနဲ့ကိုက်ညီပြီး ကျန်းမာတက်ကြွတဲ့ အွန်လိုင်း လူ့အဖွဲ့အစည်းကို တည်ဆောက်နိုင်ဖို့ နိုင်ငံတော်က မားမားမတ်မတ် ရပ်တည်ပေးနေတာ ဖြစ်ပါတယ်။