المغاتير .

هات أبتسامه بوجهي وامسك ايديني

اثاريني كنت ازرع بأرض ماهيب أرضي

منام اليالي من عشق ينحرم منه .

في الجدايل وقولي وشرايكم ميولي ..

مساء الخيرّ ياحلوين 🤍🤍😢 .

مرحبا , يا رفاق ♡︎

‏أحشمك عن الزلّه وأحفظك عن المنقود ‏ولا أعرف سبب حبّك بقلبي وتفسيره ‏ولو ما عرفت من إسمك إلا أسم أبوك العود ‏لك بروحتي مشوار وبسجّتي سيره ‏ولو ما أنت سابع جار يا بابه المسدود ‏عليك وعلى اللي فيك تلزمني الجيره .

ياللي تبي الطيب ومعانق الطيب ‏ثلاث سجلها وطبق سندها ‏ كرامة الجيران ونطح المواجيب ‏ويمناك للمحتاج ابذل جهدها .

يحسب انّا بنترجّا ونتوسّل في وصاله ‏و نتعنّى لجل نرضي خاطره لله درّه ‏ٓ ‏والله ان يبطي ولانرجيه حتى في رساله ‏و ان بعثنا له رساله والله انها ما تسرّه .

‏تبي الصراحه والله إنا نسيناك ‏وعليك ماحنّا نشاط وحريصين ‏متى نشدنا عنك و الا نشدناك ! ‏لأنت بحمر مبسم و لأنت بحمر عين ّ.

لاتسأل المحتـاج وشنت محتاج ! ترا السؤال بذا المواقف مذله لاتكشف المستور وتزيده احراج اما عطه ولا "ترى" المعطي الله .

‏لا تحسّف لعنبو جد الحسايف ‏الزمن بخير والدنيا مديّه ‏دامك معافى وجو اليوم كايف ‏لاتضيع بـغبه النفس الشقيّه ‏لو منت بـ كفو ما جتك الكلايف ‏القوي دايم صواديفه قويّه .

‏انا حالفٍ ماجوز من جرّة الطاروق ‏ولا اخلي المشراف مادمت بحتاله ‏ولا اشقى مع الشاقي ولا اخاوي المطفوق ‏ولا اجر حبلٍ مابعد قست محّالـه .

مرحبًا 🤎.

وأرد الوِفا مطبوق والصاع بالصاعين ‏ومن لا نشد عني ماني عنه نشادي ‏معي ذاكره واحس و الوصل قطعه شين ‏ولا خير باللِّي للمعاريف جحادي ‏انا اقول يا قلبي تصَبر إلى بعدين ‏برجوى الكريم اللي له العبد عبادي ‏متى الوضع يتحسن متى يدخل التحسين ‏متى نجتمع لو صدفةٍ دون ميعادي ّ.

عليك الغلا مردود يالغايب الموجود ‏سوالفك غابت مير طرياك ماغابت ‏غيابك حضورٍ له بصدر البيوت شهود ‏وش اللّي يغيّب ضحكتك والغلا ثابت؟ ‏أحنّك مثل ما أحن وجهي من المنقود ‏وأعدّك ليا عديت الأيام وش جابت .

‏أنا كيف احارب يا زماني بسيف وفاس ‏بعد ماكسرت السيف والفاس بيديني ‏تبسمت لك مثل ابتسامي لبعض الناس ‏لا قام يتجمّل عقب ماطاح من عيني ّ.