المراقبة الجوية - الاختبارات

تجارب المختبرين نوفمبر 2026 السلام عليكم ورحمة الله وبركاته اختبرت اليوم وبفضل الله عز وجل وكرمه اجتزت من اول مرة اترشح فيها وراح اقولكم كل اللي جاني وايش الاشياء اللي سويتها. 1. الرياضيات: ثلاث بنات وولد، والارث ١٥٠ كم نصيب كل واحد = ٣٠، ٦٠ جذر 40000+ 700 = 900 ( تختار الاقرب كان 800 وحاجة) طيارة تمشي ٩٣٠ كم في الساعة كم تحتاج عشان توصل الثلثين (الجواب ٤٠ قطع ٩ كيلو في ٨ دقائق يساوي= ٦٧.٥ المسافة ١١٢ و السرعة ١٦ كم الزمن؟ ٧ بالتقريب ٥ مجموع زوايا المثلث ( ٢.٥،٣.٣.٥) ٥٠،٦٠،٧٠ اذا اخذ الاول ضعف الثاني والثالث ربع الاول كم اخذ الثاني والاول اذا الثالث اخذ ١١ الجواب (٤٤,٢٢) من الأكبر ٦٠٪ من ٤٣٠ او ٣٠٪ من ٩٠٠ الجواب ٣٠٪ من ٩٠٠ اذا جت الساعة ٨ وهذي الساعة خربانة وتتاخر ٢٠ دقيقة دائما وين موقع عقارب الساعة اذا صارت ٨ مساء: ٧:٤٠ شخص حرك 1:48 ومدة رحلته 56 دقيقة لكن وصل ابدر بخمس دقايق فمتى وصل (٢:٣٩) بالنسبة للباقي كانت كلها من افكار الكتاب وهي: ضرب كسور 1/2* 1/3* 3/5 حساب السرعة والمسافة والزمن ( لازم تعرفون القاعدة) ايجاد النسبة المئوية ضرب عدد في نسبة مئوية مثل 40% * 300 = عمليات ضرب وقسمة وجمع وطرح بشكل منفصل او مع بعض الجذور والاسس ( الكتاب الله يجزي خير كل من ساهم فيه والقائم عليه لان فادني كثير ووضح لي طبيعة الاسئلة وافكارها. كنت كل سؤال احله في الكتاب اطلب من اي اداة ذكاء اصطناعي تسوي لي نموذج اسئلة بنفس الفكرة واقعد اتدرب عليها الى ان اتقن القاعدة ومن بعدها اروح للقاعدة الثانية وهكذا) 1. المكعبات نفس تدريب سومي الله يسعد ويوفق اللي طوره لان حرفيا نفس الاختبار، كنت احله مع مؤقت وورقة تضليل والحمدلله قدرت احل في الاختبار. بالنسبة للشرح شفت مقطع اخ علي شرح تطابق الزوايا وعلى طول صرت اطبقها. 2. الاوامر سويت نفس طريقة اخ فايز جزاه الله خير الجزاء ( قسمت الورقة الى مربعات بحيث ارسم الشكل في كل مربع) 3. المتشابهات امرها بسيط ( تدربت على اللي في الكتاب مع مؤقت وورقة تضليل وكانت كافية الحمدلله) انصحكم تتدربون على كل افكار الرياضيات وتعرفوا تحلوا كل فكرة صح + تدربوا على المكعبات الحمراء اللي سووها المختبرين جزاهم الله خير مع مؤقت وورقة تضليل واموركم فيها هي والرياضيات بإذن الله طيبة. بالنسبة للمتشابهات والاوامر فمع التدريب اموركم طيبة بإذن الله.

تجارب المختبرين نوفمبر 2026 السلام عليكم ورحمة الله وبركاته تجربتي الثانية للاختبار المره الاولى كان عندي الملف وبس شفت طريقة الاسئلة ورحت الاختبار بدون تدريب بس هالمره من اول ما شفت رسالة الترشيح اخذت آخر نسخة من الملف وتدربت على كل نوع اسئلة وتدربت على اللعبه كل يوم والحمدلله اجتزت الاختبار، اللي سويته بالضبط: قسمت كل يوم قسم وخلال مذاكرتي اخذ ٢٠-٣٠ دقيقه تدريب يومياً على اللعبة من اول يوم لآخر يوم الرياضيات: شفت الاسئلة المتكررة وذاكرت طريقة حلها ذهنياً من اليوتيوب ( الروابط اللي في الملف او في اليوتيوب اكتبوا العملية الحسابية وجمبها مينتال ماث كذا مثلاً : multiplication - mental math. المتشابهات: شوفوا آخر 3-4 ارقام أو حروف دوروها وبعدها بس تأكدوا ان المتبقي مطابق للسؤال بهذه الطريقة زادت سرعتي وقل تشتتي لان لو مشيت بالعكس الأرقام تدوّخ والحروف نفس الشيء مثلا لو السؤال: 92130 دوروا بس 130 وبعدها شيكوا سريع على اول رقمين ونفس الفكرة الحروف المكعبات: شفت الشروحات في الملف وتدربت من الاختبار الموجود في القروب وتابعت مقاطع يوتيوب بس اكتبوا cube net folding اهم شيء تدربوووا كثير وشوفوا كل أنواع المكعبات الرموز والأوامر: ماتدربت عليها كثير وهو اكثر قسم وترني صراحة وطولت في اغلب الاسئلة تدربت عليها شويا وتوقعتها بتمشي بسهولة بس في الاختبار تكّه تحتاج تركيز كنت اقلب الصفحات واشوف الأوامر البسيطه وأحلها بس واعدي اللي يلخبطني لكن لخبطت شويا بالتضليل ووقتي ضاع وانا امسح التضليل واضلل عند السؤال الصح الايام الاخيره كانت تدريب لكل الأقسام الاسئلة اللي حليتها: ٢٨ ارقام ٢٧ حروف ٢٠ مكعبات ٢٠ رياضيات ١٩ رموز وأوامر (متاكدة من اول اثنين بس الباقي لأني سكّبت كثير عديتها بسرعه والأرقام تقريبية) أهم نقطة لو شكّيتوا في اجابة روحوا للسؤال اللي بعده علطول لا تحاولون فيه

تجارب المختبرين 3 نوفمبر 2026 (اول تجربة) بسم الله الرحمن الرحيم الاختبارات 1- المتشابهات أ- الارقام: 38 سؤال في 5 دقائق ب- الحروف: 38 سؤال في 5 دقائق نصائح لقسم المتشابهات: • الوقت ثم الوقت ثم الوقت هو اهم شيء • حط اصبعك على السؤال اثناء نقل الاجابة في ورقة التضليل عشان ما تضيع اذا رجعت وكملت 2- المكعبات 40 سؤال في 20 دقيقة، وكل مكعب يطلع من 5 اسئلة مختلفه الاشكال ماهي بذيك الصعوبة، اغلب الاشكال على حرف T، وتمشي عملية الترقيم في اشكال كثيره نصائح لقسم المكعبات: • لا تعتمد على طريقة الترقيم بس، فهمك للأشكال مهم • اتبع اتجاهات الاشكال، مثلا المثلث دائما يكون خلفه مربع احمر، معناته مهما صار مستحيل تكون الاجابة فيها مثلث وخلفه شكل مختلف عن المربع الاحمر • يمديك تسكب لبعض الاشكال الصعبه ولكن حط ببالك ان اذا تقدمت بتشوف اصعب، ما يعني انها تصعب تدريجيا ولكن يكثر عدد الصعب فيها لذلك حاول اول ١٥ سؤال ما تعديهم الا انك معطيهم حقهم بالتفكير 3- الرياضيات 48 سؤال في 15 دقيقة نفس انواع الاسئلة الي بالقروب، ويفضل انك تفهم طريقتها فقط بدون حفظ نصائح لقسم الرياضيات: • عامل الوقت جدا مهم • سرعتك في الضرب والقسمة والجمع والطرح مهم جدا • كثرة تسكيب الاسئلة الصعبه يوترك اكثر، حاول تفهم السؤال ولا تروح منه الا في حالتين: انك مو فاهمه، او تشوف انه بياخذ وقت طويل • اشكال الزوايا لا تسوي لها سكب علطول اختر جواب بدون تاخذ وقت كثير • حساب زوايا المثلث ياخذ وقت تجاهله أأمن الا اذا انت سريع في الجمع والقسمه • أسئلة النسب المؤية كثيرة، تمرنو على جميع انواع الاسئلة الي لها علاقة بالنسب المؤية • المسافة، السرعه، والزمن كلها مهم انك تعرف قوانينها وفكرة حلها وفيه امثله موجوده في القروب • الجواب الصحيحه غالبا مو موجود، الموجود هو اقرب للصواب، تمرن على ذالشيء ولا تخليه يربكك 4- الأوامر 40 سؤال في 20 دقيقة نفس الاوامر الي بالقروب نصائح لقسم الأوامر: • فهمك للأمر مهم، تأكد من الامر مرتين قبل تتطبقه • ترتيب الاوامر هو اصعب شيء، تمرن كثير على أوامر: اعكس الشكل، واستبدل الشكل لانها كثير تجي • حفظك للأوامر يغنيك عن الوقت الي تقضيه وانت تتطالع في ورقة الاوامر، فاذا انت حافظ كل امر سهل عليك انت تحل بسرعه رما تضيع وقت تشوف الامر هذا وش معناته في كل مره نصائح عامة: • متأكد لو اعطوك ساعتين لجميع الاقسام حليتها كلها وما واجهتك اي صعوبه، لذلك الاسئلة سهله ولكن تحتاح وقت فقط (اذا عندك السرعه انت المرشح الافضل) • لايهمك عدد الأسئلة ابدا، بس ركز وحل • التضليل ياخذ وقت ومربك، وتنقلك بين كتيب الاسئلة وورقة التضليل يضيعك احيان، حط دائما اصبعك على السؤال الي وقفت عنده • تأكد من تضليلك زين، وتأكد انك مضلل السؤال الي تبيه لأنك اذا تجاهلت بعض الاسئلة بيصعب عليك تمشي بالترتيب في التضليل • تجاوز الاسئلة يمكن يربكك وتضيع وتتخبط، عط كل سؤال حقه بالوقت ولا تسحب عليه الا اذا ما فهمته او أخذ/بيأخذ منك وقت كثير • طبيعي ان التوتر الف والوقت ضيق، لذلك اذا قدرت تهدي نفسك وتركز بتكون معك افضلية عالية في الحل • اذا قدرت تطبع ورقة التضليل وحاولت تختبر نفسك نفس نظام الاختبار بيفيدك كثير وبتعرف نقاط ضعفك • وصولك للمرحلة هذي يدل على انك كفو اساسا، لذلك عدم تجاوزك للمرحلة ما يعني انك ما تصلح لها ولكن لكل واحد أسباب مختلفة اتمنى أفدتكم واسأل الله لي ولكم التوفيق.

تجارب المختبرين نوفمبر 2026 السلام عليكم ورحمة الله وبركاته، بأسترسل في تجربتي وبأذكر حتى التفاصيل صغيره طمعًا في الأجر وحرصًا أن يكون الشخص مُلّم باللي يواجه فلا تنسونا من الدعاء إذا افدتكم بدايةً الدخول من البوابة تقدر تخش بسيارتك للي متردد يجي لحاله أو يوصله أحد وتقدر توقف قدام المبنى بالضبط متوفره مواقف وقريبة جدًا، المبنى بيكون على يمينك اول ماتخش وعند المدخل لوحة “المراقبة الجوية”، جيتهم الساعة ٣:٤٣ قالي جاي بدري وطلع فعلًا جاي بدري وليتني ما جيت الا على ٤ ونص لأنهم ما دخلونا قاعة الاختبار الا الساعة ٥ والدقيقة كأنها سنة وانت تنتظر، بالنسبة للبنات فلهم جهة فاليمين مفصوله عن العيال من قاعة الاستقبال والمطابقة حتى قاعة الاختبار واللي طابقت لهم بياناتهم بنت، بعد ماتخشون قاعة الاستقبال يعطونكم بطايق عليها اسمكم بعدها تروح تطابق، أنا بكالوريوس طلبني هويتي الأصل ووثيقة التخرج الأصل واختبار الانقليزي “اختباري ستيب” جايب ٨٢ وتاريخ الاختبار منتهي له ٣ شهور وما رجعوني ولا اهتموا، بعدها نقلونا لقاعة الاختبار ولا دخلتوا على كل طاولة ملف داخله اوراق فاضيه تخربط عليها وقلم رصاص وقلم ازرق، وبتقابلون واحد يشرح لكم التفاصيل على شاشة، طبعًا كل اختبار له “ورقة أجوبة تظليل- كتيّب فيه الأسئلة” يسلمونكم ورقة الأجوبة ويطلبون تعبون بياناتكم “اسمك وهويتك وتظلل أرقام هويتك” وبعدها يشرحون الاختبار ويعطونكم امثلة ويحلونها معكم بعدها يقولون بدأ التايمر انتقلوا للأسئلة، الكتيّب تفتحه على جهة اليسار وأول صفحة شرح بعدها أمثلة بعدها الأسئلة انتبه تفتح الأسئلة ومابدأ التايمر، أول اختبار كان قسمين وعبارة عن “متشابهات ارقام-متشابهات حروف” إذا خلصت الأرقام أو انتهى الوقت تنتقل لـ صفحة عليها “توقف✋🏻” هنا تنتظر التايمر الجديد للحروف يبدأ وشغلك لا يوقف وهذي الصدق أسهل اختبارين بديهيات يعني يعطيك 3443 وتروح تدور فالأجوبة نفس الرقم، والحروف GEQU وتدور مثلها فالاجابات، الوقت كان لكل جزء قسم ٥ دقايق، وترا ورقة الأجوبة فالاختبار هذا فقط مقسومة لقسمين انتبه تلخبط بينها “قسم تظليل للحروف وقسم تظليل للأرقام” بعدها يسحبون منكم ورقة الأجوبة والكتيّب، بعدها وزعوا علينا كتيّب أسئلة جديد وورقة أجوبة جديدة ونفس الشيء ارجع عب البيانات وانتظر التايمر، اختبارنا الثاني كان المكعبات ٢٠ دقيقة و٤٠ سؤال وللأمانة أخوكم فالله ماله فيها لا هي ولا الرياضيات والله انها هاجّه وأجوبتي حقره بقره لكن المجتهد له نصيبه واللي بيذاكر قبل الاختبار بتكون ايزي عليه وطبعًا هم يشرحون لكم قبل كل اختبار ويحلون معكم أمثله، خلصنا منها وسحبوا ورق الإجابة والكتيّب وعطونا بريك صلاة تقريبًا ١٥ دقيقة بس، بعدها رجعنا وأعطونا الإختبار الرابع الرياضيات وللأسف من كثر ماتدمجت ما اذكر كم سؤال وكم الوقت بس أعتقد ٢٠ دقيقة، الأسئلة منوّعة فعلًا رياضيات ذهنية، مابين جذور على نسب على أضلاع على قسمة، عمومًا الفاهم فالرياضيات او المجتهد اللي ذاكر بتكون سهلة عليه، فيه أسئلة بديهيه مثلًا 10 + 10 وفيه أسئلة مافيها إجابة صحيحة يبغونكم تختارون الأقرب، بعدها اخر اختبار كان “الرموز والأوامر” أعطونا كتيّب الأسئلة وورقة الأجوبة + ورقة خارجية فيها الرموز ومعانيها وتقعد معك طول الاختبار لا تخافون، الصدق هذا أكثر اختبار استمتعت فيه كذا تحسها الغاز وممتع والله جدولت عليها بس الوقت ضيق، حاول تحفظ الرموز من قبل نفس اللي فالقروب وبتكون تافهه، انتهينا وسحبوا الأوراق وقالوا بعد ساعتين بتوصلكم الرسايل بالقبول أو الرفض واللي يجيه قبول بتكون المرحلة الثانية بكره علطول والمتضمّنة “ لعبة المولتي تاسك + السيناريو + المقابلة “ يعني إذا بتسافر لا تحجز عودة فنفس الليلة أو جاي بر ضبط ميزانيتك على يومين، ختامًا وزبدة الموضوع المذاكر والمجتهد ب يبدع، اللي رايح وماله فالرياضيات والمكعبات مثلي بس يطرد ورا رزقه ويسعى الله يعوضني ويعوضك باللي أفضل منها، الله يوفقكم جميعًا ولا تشيلون هم وتتوترون والله انهم عسل يا حلو أهل جده والوضع ممتع رجع لي ذكريات القدرات فالثانوي، روح وأنت راضي بما كتبه الله لك ان جت فهي خيرة وان ماجت فهو شر وصرفه ربي عنك ولكن عليك السعي، أعتذر عالإطالة🫡

تجارب المختبرين نوفمبر 2026 تجربتي كغير مجتاز السلام عليكم ورحمة الله وبركاته وصلت للمركز على ١٢:٤٠ المكان سهل وواضح وحراس الامن متعاونين. طابقوا الاوراق وطلبوا الهويه والشهادة الجامعيه وكشف الدرجات وستيب. بعدين رحنا لقاعة الاختبار اول شيء يشرحون لكم، ويحلون امثله معكم وبعدها يبدا الاختبار. الرياضيات حليت ١٧-١٨ متأكد منها. الاوامر ٩-١٠ متاكد منها المتشابهات الارقام ٣٣ متأكد منها، الحروف ٣٢ متأكد منها. المكعبات نفس الحمر قد ارسلوها في القروب، الوجه الامامي يكون ثابت وعليها ٥ اسأله في كل سؤال يتغير الترتيب. حليت ١٢-١٣، ماني متأكد من ١٠-١١.. فالكم التوفيق والخيرة فيما اختاره الله.

تجارب المختبرين نوفمبر 2026 بالنسبة للاختبار اللي حليته من كل قسم (تقريبا مو متاكدة) المتشابهات اسهل جزء بس تدربوا عليه بالتظليل الحروف ٢٤ الارقام ٢٦ الرياضيات ١٩/ السرعة اهم عامل مافيه وقت للتحقق وسويت سكيب لأي عملية معقدة المكعبات ٢٤/ اصعب من اللي فالكتيب وجا فيها كل انواع المكعبات مو بس الاربعة اوجه المتصلة الاوامر ٢٠/ يحطوها قدامكم بعضها معقد والباقي سهل سكبت اللي ياخذ وقت ما يحطو الوقت قدامكم فمارح تحسو فيه لكن حلّوا بسرعة لا تاخذو راحتكم اسئلة الرياضيات نفس اسلوب الملزمة تماما اجتزت الحمدلله المقابلة بالنسبة لسانس قالولي عرفي بنفسك وليه اخترتي هذا المجال واعطينا موقف كنتي فيه تحت ضغط وكيف تعاملتي معاه (هذه الاسئلة كلها بالانقلش) سألني ايش اشتغل وكانت الاسئلة التالية كلها مبنية على هذا السؤال وعن خبرتي ومهامي الوظيفية وايش المهارات اللي اكتسبتها خلال فترة عملي واشوفها في هذه الوظيفة سألني ايش اعرف عن المراقبة جاوبته جواب بسيط وقال لي معلوماتك جدا بسيطة والمراقبة اوسع من كذا بكثير وشرح لي بشكل عام سألني ايش رايك بالعمل فالازمات زي الازمة الحالية سألني اذا زميل لي قعد يزعجني ويعطيني مهام كثيرة ويبغاني اغير حركة الطائرات كيف اتصرف؟ قال لي ان التعيين للبنات حسب الاحتياج مو مقتصر على جدة والرياض زي ما تم ذكره. حسيتهم مهتمين بالانقلش كثير ويدخلوا مصطلحات كثيرة فحاولوا تبينوا فاهمين واعطوهم ما في جعبتكم السيناريو نفس اللي بالقروب حاول يسالني ويشككني في اجوبتي كثير لكن اصريت عليها للنهاية قال لي ابغاك ترتجلي انتي ماشية عالورقة بالحرف ايش بتسوي اذا كنتي في هذا الموقف قلت له انا امشي عالبروتوكول وما عندي صلاحية تخولني بأني اعطي اوامر من عندي (ماعرف اذا الاجابة جيدة او لا😅) مقابلة الاكاديمية كانت سريعة وسهلة اسئلة عامة كلها سوالف كانوا هينين الله يسعدهم الmultitask بالنسبة لي اصعب من الموجود بالقروب بكثير المشرف قال لنا انه يقيس قدراتكم بس والاعتماد الاكبر على المقابلة عقبال القبول بالتوفيق للجميع

تجربة: الاخت نوف التاريخ: نوفمبر 2026 ——————————————— السلام عليكم، بشارك تجربتي بعد اجتياز الاختبار، للجزء الثاني منه الي هو المقابلات المقابلات يختبرون فيها شخصيتك والعمل الجماعي عندك من خلال مواقف صارت لك سواء بالشغل ان بالحياة، وغالبًا بيسألونك عن مشكلة واجهتك وكيف حليتيها او غلط غلطتيه وكيف صححتيه ويقيسون على بناءه جزء من شخصيتك اما السيناريو فهو سهل على الورق والمعلومات الي يعطونكم اياه واااضحه تماما، لكن الخدعه وقت المقابله يشككونك في معلوماتك، ويغلطونك حتى وانت صح عشان يقيسون ثقتك بقراراتك

اللي يحب يكتب تجربته مع الاختبار او عنده اي نصائح، يرسلها هنا CIasg@ راح ننشرها في هذي القناة

بناءً على طلبكم.. خصم 35% لفترة محدودة سابقًا: 150 ريال حاليًا: 97.5 ريال https://salla.sa/Community/PDvQEgK اسأل الله لكم التوفيق والنجاح 🤍

تمارين على قسم المكعبات (تفتحونه عن طريق ادارة الملفات او برنامج Claude) سوته الاخت عهد… الله يجزاها خير ويوفقها

تمارين على قسم المكعبات سوته الاخت عهد… الله يجزاها خير ويوفقها

تمارين على قسم المكعبات سوته الاخت عهد… الله يجزاها خير ويوفقها

الدليل الشامل للمتقدمين على المراقبة الجوية ✈️ https://salla.sa/Community/PDvQEgK

٢- أبلغ الطائرات أن المدرج مشغول وأوجهها بالترتيب للهبوط في المطار الاحتياطي. ٣- تنتظر الطائرة السليمة التي تريد الإقلاع إلى حين اخلاء المدرج من الطائرة المحطمة ومن ثم الإذن لها. الله يوفقكم وييسر أمركم ويعطيكم حتى يرضيكم سواء في خدمات الملاحة ✈️أو في غيرها أهم شئ أحسنوا الظن بالله ولو خالف الواقع هواكم.

السلام عليكم ورحمة الله وبركاته فيه شي من اول ابي ارسله بس ما فضيت ونسيت فالمعذرة لكم جميعاً. بعد الاختبار رسمت المطار اللي جاني بالسيناريو اعتقد انه مماثل باستثناء التاكسي ويي اللي بالمنتصف وما كان له أثر في الأسئلة، كل الأحداث فالتاكسي ويي العلوي والسفلي والمدرج(runway) اللي بالمنتصف بمدخلين شرقي وغربي. واذكر زميلي اختبر بعدي بيوم وقال أنه مماثل والزملاء اللي اختبروا اليوم يقدرون يأكدون اذا نفس المطار ولا اختلف. أرقام المدرج ماني متأكد منها وما هي مهمة بالنهاية بتجاوبه حسب اللي قدامك وحسب حالة الطائرة اللي يقولها لك. بسم الله نبدأ مقابلة السيناريو كانت على ثلاث أقسام القسم الأول : بعد ما تقرأ الورقة يسألك عنها ويتأكد انك فاهمها. القسم الثاني: السيناريو الاول عبارة عن أربع طيارات الاولى - طائرة بها نقص فالوقود الثانية - طائرة بمحرك واحد أصابه عطل الثالثة - طائرة ذات محركين بعطل في أحدها الرابعة - طائرة تحمل شخصية هامة رح أشرحه على خمسة أجزاء اول سؤال كيف رح تتصرف أو الاولوية لمين؟ نجاوبه بناء على الورقة بالآتي الجزء الأول : نبلغ الاطفاء للحضور بناء على القاعدة الأولى من من قواعد حالات الطوارئ (أول شئ نبدأه في جميع حالات الطوارئ). الجزء الثاني :نوجه الطائرة ذات المحرك الواحد المتعطل للهبوط في المدرج عكس اتجاه الريح وفقاً للورقة . طبعا المقابل الشخصي رح يلف القمع بالزاوية ناحية اليسار او اليمين اذا كان على اليسار فتُصرح لها بالهبوط عكس اتجاه الريح على المدرج ٣٢ وإذا كان القمع على اليمين تأذن لها بالنزول عكس اتجاه الريح على المدرج ٢١. ملاحظة الجزء الثاني : هنا أوقفني وقال طيب يا فايز تحركت الطائرة زي ما وجهتها للهبوط فالمدرج ٣٢ عكس اتجاه الريح ولكن بلغك الطيار إنه يعاني من إشكال فالجناح الايمن وصعب عليه يلتف حتى يهبط فالمدرج وش تسوي؟ اتذكر تورطت فالبداية وجلست افكر بصمت حتى جاتني الإجابة الحمدلله وهي ( اسأل الطيار هل تستطيع الهبوط مع اتجاه الريح؟ ثم اوجهه بالهبوط بالمدرج رقم ٢١) استناداً إلى القاعدة السادسة من القواعد المستخدمة في البرج. الجزء الثالث : الآن يوقفك ويقولك طيب نزلنا الطيارة فالمدرج وتحطمت وولعت🔥وش رح تسوي ؟ بكل بساطة انت مبلغ الاطفاء من البداية فما يحتاج تكرر ، تقوله اتواصل مع الطائرة اللي فيها نقص بالوقود واسالها هل يكفيك الوقود ل٢٠ دقيقة ؟ اذا كانت الاجابة (نعم) فأوجهها للمطار البديل بناءً على خامساً من مكونات حرم المطار فالورقة. وإذا كانت الإجابة (لا) أوجهها للهبوط على التاكسي وي الغير مشغول بطائرة وفقاً لرابعاً من القواعد المستخدمة في البرج، وحسب صورة المطار أعلاه فالهبوط بالتاكسي وي السفلي. ملاحظة الجزء الثالث : رح يسألك أي تاكسي وي ؟ الجواب تأشر على التاكسي وي الشاغر . حسب الصورة أعلاه ، العلوي فيه الطائرة السليمة بالزاوية وهذا يعني انه مشغول بالكامل، أنا خطأي اني قسمته بعقلي لثلاثة ، تاكسي وي للزاوية اليمنى وتاكسي وي للزاوية اليسرى وتاكسي وي بالمنتصف وطبعا خطأ. الجزء الرابع : تصرح للطائرة ذات المحركين المتعطل احد محركاتها بالهبوط في التاكسي ويي ذاته بناءً على حالات الطوارئ حسب الأولوية القصوى ، وذلك أنَّ ترتيبها بعد الطائرة ذات نقصٍ في الوقود. ملاحظة الجزء الرابع: فيه عدم وضوح بالورقة فلا تجد قاعدة واضحة تبين ان نقص الوقود بمدى يقل عن ٢٠ دقيقة يعتبر حالة طارئة أو يلزمك بتوجيه الطائرة للهبوط اضطرارياً بالتاكسي وي اذا كان شاغراً وكان المدرج مشغول، ولكن بما أنَّ المطار البديل يبعد ٢٠ دقيقة وأن القاعدة الثانية من حالات الطوارئ حسب الأولوية القصوى تنص على أن أحد الحالات هو نقص في الوقود يكفي لخمسة دقائق من دائرة المطار. وعَليهِ فإنَّ نقص الوقود بمقدار ١٩ دقيقة لا يجعل الطائرة قادرة على الوصول للمطار البديل! وبناءً عليه تعدُ حالة طارئة ضمن "حالة نقص الوقود يكفي لخمسة دقائق" وتستوجب الهبوط بالتاكسي ويي اذا كان شاغراً وكان المدرج مشغول. الجزء الخامس : أخيراً توجه الطائرة السليمة للإنتظار الى حين إخلاء المدرج ثم التصريح لها بالاقلاع. ملاحظة الجزء الخامس: ١- الإقلاع دائما يكون من المدرج ولا يكون من التاكسي وي حتى في حالات الطوارئ وفقا لرابعاً من القواعد المستخدمة في البرج. ٢- الهبوط في التاكسي ويي عند تحقق شرطين مجتمعين اولا :توفر احد حالات الطوارئ ثانيا : حين يكون المدرج مشغول . القسم الثالث : السيناريو الثاني كان جدا بسيط بس ما اتذكره بالضبط. طائرة ذات محركين بعطل في أحدها وثلاث سليمة اثنتين للهبوط ووحدة للاقلاع. ١- اُبلغ الإطفاء للحضور ثم اوجه الطائرة ذات المحركين بعطل في أحدها للهبوط بالمدرج عكس اتجاه الريح واذكر رقمه (زي ما شرحنا قبل نشوف اتجاه القمع ونعرف بناء عليه اتجاه الريح ويكون الهبوط عكسها) اعتقد انه كرر حدوث انفجار في المدرج💥 وش رح تسوي؟

سيناريو حفظت الورقة وفهمتها + قلت ل Notebook يسوي لي سيناريو و مره أفادني جاب لنا خريطة بلستيكية و اوراق مقوى طائرات و لعبة عربة إطفاء وقمع الرياح 1- راجع معاي المعلومات بشكل عملي يأشر وتقريباً ينتظرني اقول سأل عن دائرة المطار كم تقريباً قلت 60 ميل قال الورقة كلها مافيها 60 الصح 10 (تذكرت اني قرأتها في الكتاب مو في الورقة انتبهوا) (اذا شافك فاهم ما يحاول يضيق عليك السيناريو) 2- 4 طيارات 1 فيها شخص مهم يبغا يقلع و 3 في الجو 2 منهم عندهم حالة طارئة و 1 سليمة الحالة الطارئة A: ذات محرك فيها عطل الحالة الطارئة B: ذات محركين فيها عطل راح يشدد على اي مدرج تنزل يبغا يختبرك هل راح تنطبق**** معلومة عكس اتجاه الرياح أو لا عشان كذا ابحث عن شكل القمع وافهم اتجاه الطيارة لانه راح يختبر أنا اخطأت في اني ما كلمت ال fire station أدركت بعد ما نزلت الطائرات قلتها في الاخير قام قال لي too late بعدين قال تعرفي كم نسبة الخطأ في المراقبة الجوية؟ قلت 0% قال تعرفي كم غلط اخطأتي؟ قلت 2 قال اكثر اخذت مقابلة سانس تعرف عن نفسك بالانجليزية ****مهم توضح لهم انك قادر على نقل shift مهاراتك السابقة ايا ما كانت للمراقبة الجوية سألني، ـ لو في طائرة عندها حالة طوارئ وثانية شخصية مهمة السوبرفايزر قال الأولوية للشخصية المهمة ايش راح تسوي؟ (طبعا حتى لو قال الأولوية تظل لحالة الطوارئ لا لذوق السوبرفايزر) طيب هو السوبرفايزر ما تسمعي كلامه؟؟؟! (ايوة هذه أرواح ناس safty comes first) وفرح لما سمع هذه الجملة - زميلتك تبغا تروح شوية عادي تمسكي شغلها؟ (لاء لاني راح اقصر في عملي لانه هدك -صداع- كيف استحمل هدك ثاني؟ ما يبغا يسمع إجابة محايدة يبغا اي أو لا وطبعا هنا لا) - زميلتك سوت غلط يستحق الفصل وما احد شافها غيرك (اعلم المشرف) طيب لو فصولها (تقدر تدور شغل ثاني أما الناس اذا راحوا ما راح يرجعون) ملاحظة: اذا عندكم كلمات E قولوها يحسون انكم محترفين مثلاً أنا قلت Concentration بدال focus كلها معناها تركيز اخر شي مقابلة الأكاديمية الله يجزاه خير واحد ملتحي جدا متعاون سألني في دقيقتين و خلصت لما عرفوا أن وراي خط لكن في ورقة عليها اسمك تبدأ معاك من المرحلة 2 يحطون فيها درجاتك الحمدلله قالي كلها مجتازة (حتى السيناريو) الدرجة من 5 يقيم أكثر من مهارة اخذت معاي مرسام اصلي (**مع مساحة في نفس المرسام) اختصر عليا الوقت و براية