DG Study - CCE, GPSC, PSI & Constable

શાંતિ, સલામતી અને સુરક્ષા સાથે વિકસિત ભારત માટે વિકસિત ગુજરાત બનાવવાનો નિર્ધાર... મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે રાજ્યના પોલીસ વિભાગમાં બિન હથિયારી પોલીસ સબ ઇન્સ્પેક્ટર તરીકે પસંદગી પામેલા 449 પ્રતિભાશાળી ઉમેદવારોને નાયબ મુખ્યમંત્રી શ્રી હર્ષભાઈ સંઘવી, રાજ્યના પોલીસ મહાનિદેશકશ્રી તેમજ અન્ય મહાનુભાવોની ઉપસ્થિતિમાં ગાંધીનગર ખાતે આયોજિત સમારોહમાં નિમણૂક પત્ર એનાયત કરવામાં આવ્યા... આ અવસરે ગુજરાત પોલીસ અકાદમી દ્વારા તૈયાર કરવામાં આવેલા તેમજ બિન હથિયારી પોલીસ સબ ઇન્સ્પેક્ટર સંવર્ગની બેઝિક તાલીમના સિલેબસમાં સમાવવામાં આવેલા નવી ન્યાય સંહિતાના પુસ્તકોનું પણ વિમોચન કરવામાં આવ્યું...

🌧️ સાવચેતી એ જ સલામતી! ભારે વરસાદ દરમિયાન કોઈપણ અણધારી આફત કે મુશ્કેલીથી બચવા માટે આ જરૂરી બાબતોનું ખાસ ધ્યાન રાખો. સુરક્ષિત રહો, સતર્ક રહો અને અન્યને પણ જાગૃત કરો. #HeavyRain #MonsoonSafety #StaySafe

આજનો શબ્દ #wordoftheday

આપત્તિના સમયે નાગરિકોની સુરક્ષા અને સુવિધા એ જ રાજ્ય સરકારની સર્વોચ્ચ પ્રાથમિકતા.... ભારે વરસાદની સ્થિતિને ધ્યાને રાખીને નાયબ મુખ્યમંત્રી શ્રી હર્ષભાઈ સંઘવીની અધ્યક્ષતામાં ઉચ્ચસ્તરીય રિવ્યૂ બેઠક યોજાઈ; વીડિયો કોન્ફરન્સના માધ્યમથી યોજાયેલી આ બેઠકમાં સુરત, નવસારી, વલસાડ, અમરેલી, જુનાગઢ સહિત ભારે વરસાદથી અસરગ્રસ્ત જિલ્લાઓના કલેક્ટર, એસપી, ડીડીઓ અને મ્યુનિસિપલ કમિશનરો સાથે વરસાદની વર્તમાન પરિસ્થિતિ અને આપત્તિ વ્યવસ્થાપનની તૈયારીઓ અંગે ઝીણવટભરી સમીક્ષા કરવામાં આવી... 🔶 તમામ જિલ્લાના કંટ્રોલ રૂમ 24x7 કાર્યરત રાખવા આદેશ... 🔶 જરૂરિયાત મુજબ NDRF અને SDRFની ટીમો તૈનાત કરવા અને ત્વરિત સ્થળાંતર કરાવવા કડક સૂચના... 🔶 રોડ-રસ્તા, વીજળી અને સંદેશાવ્યવહારની સ્થિતિ પર સતત મોનિટરિંગ કરવા આદેશ...

સૌરાષ્ટ્ર પંથકમાં વરસેલા અનરાધાર વરસાદ અને પ્રવર્તમાન પરિસ્થિતિને ધ્યાને રાખીને રાજ્ય સરકાર એલર્ટ... મંત્રી શ્રી જીતુભાઈ વાઘાણીએ અમરેલી, રાજકોટ અને ભાવનગર જિલ્લાના વહીવટી તંત્ર સાથે ઉચ્ચ સ્તરીય વર્ચ્યુઅલ સમીક્ષા બેઠક યોજી; જેમાં મંત્રીશ્રીએ ત્રણેય જિલ્લામાં પ્રવર્તમાન પરિસ્થિતિ, વહીવટી તંત્રની તૈયારીઓ, નીચાણવાળા વિસ્તારોની સ્થિતિ, આપત્તિ વ્યવસ્થાપન પ્લાન અને નાગરિકોની સુરક્ષા માટે લેવાયેલા પગલાંની વિગતવાર સમીક્ષા કરી તંત્રને જરૂરી માર્ગદર્શન પૂરું પાડ્યું... આ બેઠકમાં મંત્રી શ્રી કુંવરજીભાઈ બાવળિયા, મંત્રી શ્રી કૌશિકભાઈ વેકરિયા, સ્થાનિક સાંસદશ્રીઓ, ધારાસભ્યશ્રીઓ સહિતના પદાધિકારીઓ જોડાયા... ભારે વરસાદને કારણે વીજ પુરવઠો કે પાણી પુરવઠો ખોરવાવો કે રસ્તાઓ બ્લોક થવા જેવી તાત્કાલિક સમસ્યાઓના ત્વરિત નિકાલ માટે PGVCL, પાણી પુરવઠા અને સિંચાઈ વિભાગ તથા માર્ગ-મકાન વિભાગને સ્ટેન્ડબાય રહેવા મંત્રીશ્રીએ આદેશ આપ્યા... #Gujaratrain #heavyrain #rainfall