War News

بۆردومانی چڕی کاشان

سوپای ئیسرائیل: “لە بەرەی جەنگی لوبنان پێویستمان بە سەربازی زیاترە.”

میدیای ئێران دەڵێت ئەمە دواین وێنەی خامنەییە لە رۆژی 1ی ئازار.

بڕیارنامەیەکی نوێ لە کۆبوونەوەی گشتی نەتەوە یەکگرتووەکان سەبارەت بە ئیدانەکردنی کۆیلەکردنی مێژوویی ئەفریقییەکان بە پشتیوانیەکی بەرفراوان پەسەندکرا، کە 123 دەنگی بەڵێی بەدەستهێنا. تەنها سێ وڵات دەنگی نەخێریان دا: ئەمریکا، ئیسرائیل، ئەرجەنتین.

وەزارەتی خەزێنەی ئەمریکا: بەبۆنەی یادی 250 ساڵەی دامەزراندنی ویلایەتە یەکگرتووەکانی ئەمریکا، واژۆی دۆناڵد ترەمپ لەسەر دراوە کاغەزییەکانی داهاتووی ئەمریکا لەگەڵ واژۆی وەزیری خەزێنەدا دەردەکەوێت، ئەمەش بۆ یەکەمجارە لە مێژوودا بۆ سەرۆکێکی کارا ڕووبدات.

پڕۆژەی پاراستنی سیستەمی Tor لە دژی درۆن... کارگەی ئەلیکترۆمیکانیکی ئیژێڤسک سیستمێکی نوێی یەکخراوی پێشکەش کردووە کە تایبەتە بە پاراستنی سیستەمە مووشەکییەکانی Tor لە مەترسییەکانی درۆن، ئەم سیستمە لە سێ بەشی سەرەکی پێکدێت: دۆزەرەوەی سیگناڵ، سیستەمی جەنگە ئەلیکترۆنییەکان EW و یەکەکانی تێکدانی شەپۆل. ئەم تەکنەلۆژیایە بە دوو شێوازی جیاواز کار دەکات بۆ ڕووبەڕووبوونەوەی جۆرە جیاوازەکانی هەڕەشە: - بەرگری بازنەیی: ئەمەیان وەک چەتر وایە بەدەوری سیستەمە بەرگرییەکە، شەپۆلی تێکدەر بە هەموو لایەکدا 360 پلە بڵاو دەکاتەوە، گرنگ نییە درۆنەکە لە پێشەوە دێت، لە دواوە یان لە لایەکان، هەر کە نزیک بووەوە لەو بازنەیە، سیگناڵەکەی تێک دەچێت، بۆ ئەو درۆنە بچووکانەی FPV کە زۆر خێران و لەناکاو دێن زۆر گونجاوە، مەودای کاریگەری تا 500 مەترە چونکە هێزی شەپۆلەکە بە هەموو لایەکدا دابەش دەبێت. - بەرگری ئاڕاستەکراو: لێرەدا سیستەمەکە هەموو هێزی خۆی دەخاتە سەر یەک ئاڕاستە بۆ نموونە تەنها ڕووەو ئەو لایەی کە درۆنەکەی لێیە، بۆ ئەو درۆنانەی کە لە دوورەوە تا 5 کیلۆمەتر  وەستاون و چاودێری دەکەن گونجاوە، چونکە هێزی شەپۆلەکە بۆ یەک لایە، دەتوانێت بگاتە مەودایەکی زۆر دوورتر، ئەمەیان ئۆتۆماتیکیە واتە هەر کە ڕادار درۆنەکەی دۆزییەوە، ئەم تیشکە ئەلیکترۆنییە ڕوو دەکاتە ئەو لایە و تێکی دەشکێنێت.

مەسعوود پزیشکیان: پەیامەکانی سەرۆک پوتن و پاڵپشتی گەلی ڕووسیا ئیلهامبەخشە بۆ ئێمە لەم شەڕەدا، خۆڕاگری و بوێری گەلی ئێران بەڵێنی پەیوەندی نوێ دەدات کە ئاسایشی ڕۆژهەڵاتی ئاسیا لە لایەن وڵاتانی ناوچەکە مسۆگەر دەکات، بە ناوی خەڵکی ئێرانەوە سوپاسی حکومەت و گەلی ڕووسیا دەکەم.

وەزیری دەرەوەی ڕووسیا: زانیاری هەواڵگری نادەین بە ئێران، تەنها چەکی پێدەدەین.

هیندستان 60 ملیۆن بەرمیل نەوتی تری پێشەکی لە ڕوسیا کڕیوە بۆ مانگی داهاتوو. هندی زۆر ڕەزیلن، بەڵام 5 بۆ 15 دۆلار بەرزتر لە نرخی بازاڕ کریویەتی.

خەمڵاندنەکان لەسەر بنەمای شیکردنەوەکانی ناوەندە ستراتیژییەکانی پەیمانگای Payne و RUSIن، بارودۆخەکە ناجێگیرە و بەندە بە بەردەوامی چڕی هێرشەکانی ئێرانەوە. نزیکبوونەوەی تەواوبوونی کۆگاکانی سیستەمی Arrow 2/3 کە چاوەڕوان دەکرێت دەوروبەری 27ی ئادار بێت خاڵێکی یەکلاکەرەوەیە لەم جەنگەدا، ئێران ستراتیژییەکی ڕوون پەیڕەو دەکات، هێرشی مووشەکی بالیستی چڕ و یەک لە دوای یەک ئەنجام دەدات، کە زۆربەیان کڵاوەی جەنگی هێشووییان پێوەیە، ئەم کڵاوەیە کاتێک دەکرێتەوە چەندین بۆمب بڵاودەکاتەوە کە ئەمەش ڕێگریلێکردنیان زۆر قورستر دەکات و مەترسی پێکانی ڕاستەوخۆ لەسەر زەوی زیاد دەکات. لە چەند ڕۆژی ڕابردوودا هێرشە دووبارەبووەکان ناوچەکانی نزیک تەل ئەبیب، دیمۆنا، وێستگەکانی وزە و ژێرخانە هەستیارەکانی تریان پێکاوە، کاتێک سیستەمی Arrow پەکیکەوت، سیستەمەکانی دەیڤد سڵینگ و ثاد دەبێت بارگرانییەکی زۆر قورستری مووشەکە بالیستیەکان هەڵبگرن کە پێشتر مامەڵەیان لەگەڵ نەکردووە. بەپێی راپۆرتەکانی زانیاری کۆگاکانی ئەمریکا و ئیسرائیل لەلایەن ئەو دوو پەیمانگایە خەمڵاندنەکان بەو شێوەیەن کە لە دەوربەری 3ی نیسان بۆ 5ی نیسان کۆگایی مووشەکی ثاد تەواو ببێت. ئەوەی ئێران لە مەیدانەکەدا دەیسەپێنێت لە ڕێگەی بەکارهێنانی چڕی مووشەکی هێشووی، بەرگرییە ماوەکانی تر ناچار دەکات زیاتر و بەردەوامتر بەرپەرچ بدەنەوە، ئەمەش پرۆسەی بەتاڵبوونی کۆگاکان خێراتر دەکات، ماندووکردنی سیستەمی بەرگری ئیسرائیل چین بە چین، ئێران لە ئێستادا ئیسرائیل بەرەو جەنگێکی ماندوکەری تێچوو بەرز لە بواری تەقەمەنیدا دەبات.

بەپێی ناوەندی لێکۆڵینەوەی RUSI، لە 16 رۆژی یەکەم ئەمریکا و ئیسرائیل بەبەهایی 28 ملیار دۆلار تەقەمەنی و باروتیان بەسەر ئێران باراندووە.

سووپای ئیسرائیل: دوێنێ حزبوڵا 600 رۆکێت و درۆنی ئاراستەی ئیسرائیل کردووە.

کۆشکی سپی ئەم وێنەی تڕەمپی داناوە ، وای بۆ ئەچم بڕیاری داگیرکردنی دورگە و ناردنی هێزی سەربازی داوە

کۆشکی سپی ئەم وێنەی تڕەمپی داناوە ، وای بۆ ئەچم بڕیاری داگیرکردنی دورگە و ناردنی هێزی سەربازی داوە

چین زیاتر لەوەی دەردەکەوێت تێوەگلاوە لە شەڕی ئێراندا: - چین ماددەکانی وەک کاربۆن فایبەر، دیۆکتیل سێباسەیت و ئامرازەکان بۆ هێزی ئاسمانی سوپای پاسداران دەنێرێت بۆ دروستکردنی بزوێنەری سووتەمەنی ڕەق، ئەمە ڕێگە بە ئێران دەدات بەرهەمهێنانی مووشەکی بالیستی نۆژەن بکاتەوە و فراوانی بکات تا ساڵی 2027 بگاتە هەزاران مووشەکی دیکە، جگە لە نزیکبوونەوە لە ڕێککەوتنی کڕینی مووشەکی سوپەر سۆنیکی دژە کەشتی جۆری CM-302 بۆ کۆنترۆڵکردنی هێرشە دەریاییەکان. - تۆڕە سەتەلایتیەکەی چین Jilin-1 و MizarVisoon کە نزیکەی 120 سەتەلایتە، ڤیدیۆی ڕاستەوخۆ بۆ چاودێریکردنی جوڵەی هێزەکانی ئەمریکا، کەشتییە فڕۆکەهەڵگرەکان، لۆجستی و بەرگرییەکان لە ئوردن و کەنداو دابین دەکات، کۆمپانیای MizarVision وێنەکان بڵاودەکاتەوە بۆ ئاشکراکردنی ئۆپەراسیۆنەکانی ڕۆژئاوا، ئەمەش قۆرخی هەواڵگری دەشکێنێت و دیوێکی کراوە دەداتە دەست ئێران دەربارەی هەڕەشەکان، لە هەمان کاتدا داتاکانی گۆڕەپانی جەنگ بۆ پەکین دەگێڕێتەوە بۆ ئامادەکاری بۆ جەنگەکانی داهاتوو. - چین چاودێری هێرشی بۆمبەرەکانی B-2 و B-21ی ئەمریکی کردووە بۆ سەر ئامانجە قایمکراوەکانی ئێران و گەیشتووەتە ئەو بڕوایەی کە مووشەک و درۆن ناتوانن هاوتای فشاری بەردەوامی فڕۆکە فرە بەکارھێنانەکان بن، ئەمە بووەتە هۆی پەلەکردن لە پەرەپێدانی فڕۆکەی H-20ی دوورهاوێژ و JH-XXی مامناوەند، کە زۆر گرنگن بۆ شوێنە پڕ کێشەکانی وەک گەرووی تایوان، کە تێیدا هێرشە ئاسمانییە بەردەوامەکان دەتوانن بنکەکانی ئەمریکا لە ژاپۆن و گوام پەکبخەن. - کۆگای چەک و تەقەمەنی ئەمریکا پشتبەستووە بەو ماددە دەگمەنە قورسانەی کە چین کۆنترۆڵی کردوون، بۆ دروستکردنی موگناتیس، ڕادار، سیستەمی ئاڕاستەکردن و پاڵنان، یەدەگی پنتاگۆن کەمە، هێرشە سەرەتاییەکان ملیاران دۆلاریان تێچووە و نۆژەنکردنەوەی ڕادارە زیانپێکەوتووەکان پێویستی بە بڕێکی زۆر لەو ماددانەیە کە چین دەستی بەسەردا گرتوون. - ئەمریکا نزیکەی 400 مووشەکی تۆماهۆکی لە 72 کاتژمێری یەکەمدا لە ئێران بەکارهێناوە کە دەکاتە زیاتر لە 10%ی کۆگاکەی، بەڵام ئاستی بەرهەمهێنان تەنها 90 دانەیە لە ساڵێکدا؛ پڕکردنەوەی ئەم کۆگایە بە ڕێژەی ئێستا 4 ساڵ زیاتری دەوێت، هەر مووشەکێک 2 بۆ 4 ملیۆن دۆلاری تێدەچێت، ئەمەش بۆشاییەکی مەترسیدار دروست دەکات کە چین دەتوانێت لە تایوان سوودی لێ وەربگرێت. - سیستەمی ڕێدۆزیی سەتەلایتی Beidouکە لەلایەن چینـەوە پەرەی پێدراوە و وەڵامی چینە بۆ سیستەمی GPSی ئەمریکی لەگەڵ کەشتی چاودێری Liaowang-1 چاودێری جوڵە و هاویشتنی مووشەکەکانی ئەمریکا لە کەنداو و دەریای عەرەب دەکەن بۆ ئاگادارکردنەوەی پێشوەختە، ئێران بە تەواوی گۆڕدراوە بۆ سیستەمی Beidouی چینی و وازی لە GPS هێناوە، ئەمەش بۆ ئەنجامدانی ئۆپەراسیۆنی باوەڕپێکراو و پارێزراو لە دەستوەردان. بە کۆکردنەوەی ئەمانە، ئەم پەیوەندییانە نیشانی دەدەن کە پەکین شێوەی کارکردنی ئەم شەڕە دادەڕێژێت نەک ئەوەی تەنها لە دوورەوە تەماشا بکات.