ماذا بعد! 🖤

حبايبي اللي ف الثانويه، متزعلوش نفسكم والله، بجد حساباتك انت حاجه وحسابات ربنا حاجه تانيه احلى واحن وفيها عوض الله ♥.

والرّوح للروح تدري من يناغمها ‏ كالطير للطير في الإنشاد ميّال💗.

أنا سامعة صوت عياط! كنت قاعدة لوحدي في البيت وكان جوزي في الشغل وبنتي الكبيرة في الجامعة واخوها في الدروس، قومت اتوضيت وأنا بصلي الضهر لاقيت صوت عياط، تتبعت الصوت شوية لاقيته صوت رضيع واحدة جارتنا في العمارة. روحت خبطت عليها لاقيتها شايلة ابنها على إيديها والولد حرارته مرتفعة جدًا فبقولها مكشفتيش عليه ليه؟ ردت وقالتلي: دفعت الفلوس لإيجار الشقة الراجل كان هيطردنا. بدون تفكير جريت على الدولاب أفتكرت إن ال ٦٠٠ اللي معايا هجيب بيهم لحمة وأجيب تسويقة للعشا، قولت مش مهم ده طفل وجريت قولتلها خدي روحي اكشفي وطمنيني، شوفت في نظراتها إمتنان مشوفتهوش قبل كدا، وبرغم إني عارفة جوزي شديد بس قولت هستحمل ردة فعله وأطبخ أي حاجة من البيت. قومت قريت سورة الإنسان عشان بحبها ووقفت عند آية: « وَإِذَا رَأَيۡتَ ثَمَّ رَأَيۡتَ نَعِيمٗا وَمُلۡكٗا كَبِيرًا » قولت في بالي: يارب نعيم الجنة. ساعتين ولاقيت بنتي داخلة عليا ومبسوطة وبتقولي افرحي يالوزة الجامعة كافئتني عشان كنت الأولى السنة اللي فاتت وبتفتح الظرف لاقيناهم ألفين جنيه!!! قعدت أبوس فيها ومصدقتش كرم ربنا عليا، ابني دخل من الدروس ببعته يشتري لينا الحاجات عشان أقعد أجهز المطبخ لحد ما ابني يجي، أوَّل ما فتح الباب لاقيت جارتنا بتقوله: « رايح فين ياعبده؟ » قالها إنه رايح يتسوق ويجيبلنا عشا قالتله: طب أدخل تاني. ولاقيتها داخلة عليا بفرخة وطماطم وخضار فاستغربت وقولتلها: إيه ده وابنك عامل إيه طمنيني؟ ضحكت وقالتلي: أخويا الله يباركله كان بيسحب قبضه وشافني صدفة وأنا بجري بالولد سلِّم عليا وقالي: حظك حلو نازلي مكافئة شكلها من نصيبك، وجه معايا كشفنا وجابلي حاجات مالية التلاجة بعد ما كنت مش عارفة هكمل الشهر إزاي وحطلي فلوس في إيدي ومشى فقولت مينفعش أنساكي من رزق ربنا عليا.. بقيت بحط كف على كف وبقول: إزاي ياناس؟ سبحان الله العظيم. لاقيتها شكرتني ومشت وحلفت عليا أخد الحاجات. بحكي لبنتي اللي حصل قالتلي: الصدقة تفتح الأبواب المُغلقة، وتشفي المريض وترفع البلاء. الصدقة ثوب المؤمن وستره ♥. أثر_الصدقة _نُقل بقلم عزة_العمروسي

مش عارفه لي ضحكت انا أصلاً 😂😂😂😂، مش عارفه والله ف حاجه ولا لأ بس نيتها الضحك وكدا مش السجود.

م الانستا، اتفرجي واعدلي مزاجكك😂❤️.

"‏يا الله : ‏كلّ من جوَّعهم ‏أو شارك في تجويعهم، ‏أو كان قادراً على أن يرفع الجوع عنهم ولم يفعل، ‏فلا تُمته حتى يشتهي اللقمة ولا يجدها ! قيام الليل والدعاء لأخواتك ف غزة وسوريا والسودان وكل المسلمين المستضعفين ف كل مكان، وبردو الدعاء لاخواتنا اللي ف الثانويه🤎. ‏‌

والدك راجل محترم وربنا يحفظه 💗. اي حاجه حلوه عنهم تنشريها فاهمه والدعاء لهم دايما 💗.

المقاومه اللي هما حماس، دول هما اللي بيحاربوا قدام الصهاينه، قصدي تدعليهم وتنشري عنهم انهم هما ع حق وانهم هما الرجال الصح، لان ناس بتقول عليهم ارهاب فاهمه.

ولا يهمك😂.

انا افكرك كاتبه الدول العربيه يتكلموا😂. يا رب يشيخه وانا زهقت، متكملوهم بقى.

مهو لو حاجه بتوصل مكنش يبقى شمال غزه ف مجاعه دلوقت، حسبي الله ونعم الوكيل فيهم كلهم وكل من خذلهم وكل من عاونهم وكل واحد كان ف ايده حاجه ومقدمهاش.

مش عارفه بجد اي الدنيا دلوقت، بس الوضع صعب مفيش حاجه وصلالهم، انتي دلوقتي دورك الدعاء ودا سهم الله الذي لا يخيب هتقولي طيب لي ربنا منصرهمش لحد دلوقتي، هقولك حكمة ربنا، وربنا هينتقم أشد الانتقام وخلينا دايما واثقين ف نصر الله وحق الله بس الصبر وربنا يقويهم، انتي عليكي الدعاء والمقاطعه والنشر عنهم والتبرع اذا سمحلك وتشجعي المقاومه💗.

ربنا يرحمنا برحمته والله.

أستعينوا بالصبر والصلاة، وقولي الحمدلله وادعي ف الصلاه وادعي بيقين ومتقليش ربنا مش متبقلني وشيلي كل الافكار الشيطانيه، المؤمن متصاب يحبيبي 💗💫.

اتبرعي ليها وشيلي حاجه بسيطه لاهل غزه لحد م نوصل لحاجه اكيد تكوني جمعتي مبلغ كويس، حتى لو قليل مش مشكله الجنيه بيفرق ف اي تبرع والله.

يحبيبتي هي المساعدات كتير بس دول العرب ها العرب مش قادرين يدخلوا المساعدات حتى، اما لو عاوزه توصلهم فلوس، هما كل حاجه متفجره عندهم يعني مش لاقيين حتى يشتروا حاجه بالفلوس، مش قصدي منتبرعش بس بجد مش لاقيه وسيله موثق فيها توصلهم الحاجه، عندي فكره، بما انك مصره تتبرعي وكدا، طلعي صدقه واتبرعي للمستشفى بس بنية فك الكرب والنصر لغزة ويعتبر نفس الأجؤ والله، ربنا هيتقبل منك، ومعلومه كمان، طالما ف نيتك بجد تساعديهم ربنا ادالك الاجر💗.

انتي حد جميل جداً ما شاء الله وربنا يفرح قلبك والله، بس الفكره انه فعلاً م الصعب نوصلهم فلوس تبرعات، خاصتا انهم هناك تقريباً مفيش اكل يتباع وكدا هما عاوزين مساعدات واكل ودا أصلاً بردو م الصعب يوصلهم، بس بجد لو لقيت حاجه اكيد توصل لاخواتنا هنزل.

ثانويه يبقى ترمي كل شعور ورا ضهرك ومتخليش الخوف والشيطان يتمكن منك، انتي ف وقت مهم جداً، انسي دلوقتي صحاب ولامه مش قصدي طبعاً تخليكي مثلا ف الحزن وكدا، لأ تفتكري حلمك وتعملي اللي عليكي، حاليا بصراحه ترمي أي شعور غير بس ثقتك بالله وكرمه اللذ وسع كل شي، وان ربنا قادر ع كل حاجه، واستحملي الفتره دي طبيعي تحسي بكل دا، بس نحاول منركزش ف التفاصيل ولا نركز مع اي حاجه ممكن تعطلك عشان الندم، ومتخفيش كل م الخوف يجي يسيطر تقولي لا انا عندي ربنا كبير وكريم وكله يهون لاجل فرح اهلي، وربنا يقويكي ويعوضك يحبيب قلبي💗.

لازم تخرجي نفسك م كل، مينفعش تحبسي نفسك، كدا هتهلكي نفسك م كتر التفكير، هتفقدي الحياه، اعملي حاجات بيتحبيها اسمعي بوديكستات، ذاكري واخرجي بردو، رجعي لنفسك الحياه اقراي قرآن اسمعي ديزيني، اي حاجه تخرجك م المود عشان متقتليش نفسك، اقرأي قرآن، ادعي الله دايما، وربنا يهون عليكي ويصلح حالك ويراضي قلبك💗.