برمـجَـة ✨ .

لعلمكم درجاتي لمن حبيت التخصص كلها أ+ مشروع تخرجي رئيس قسمنا مدحه والدكتور المشررف كذلك اعجبه كل شي انفتح بوجهي بفضل الله ثم اني حبيت التخصص وجاهدت وتعبتي على نفسي

الي حابه انصحه لكم او اقوله لاتستلمون حتى لو م عجبك تخصص اعطيه فرصه جرب وتعلم الحاسب هو الوحيد الي لو ماحبيت تخصصك المجالات تساعدك انك تحبه مثلا النظم فيه المجالات الي قلتها لكم لو م حبيت النظم اقدر اتوظف بمجال معين انت لو م حبيت تخصصك العام تقدر تتوظف بالمجالات ف لاتضيع عمرك بالكلام وتحطم نفسك اعرفوا مجالاتكم جربوا كل شي اعطوا كل مجال اقل شي شهرين لكل مجال لين تعرفون انتو وش تحبون لاعرفتوا المجال الي تحبونه بيسهل لكم باقي امور التخصص ١- تاخذون شهادات احترافية بنفس المجال الي اخترتوه ٢- تاخذون دورات وهاكثونات بنفس المجال ٣- تسجلون في لينكدان وتبحثون عن وظايف بنفس المجال ٤- تتوظفون بوظائف بنفس المجال ف اول خطوه تسويها كطالب سنه اولى الى التحضيري انك تختار مجالك او تخصصك الدقيق

طلاب السنوات الاولى الى ثالث سنة او التحضيري هذا الكلام موجة لكم 🫵🏻✨ كثير جتني استفسارات وش نسوي وانصحينا بتكلم لكم عن واقعي انا دخلت تخصص ماحبه ولاني طايقته وكنت بحول ولكن قلت بشوف وش هو التخصص وصلت ثالث سنه بديت اتقبله لكن مش طموحي قلت خلص اجرب اعطيه فرصه لعل وعسى احبه طبعا درجاتي في السنين الاولى لااحكي لكم كيف سيئه م جبت الممتاز ابداً ليش لاني فيه مقوله تقول كل ماحبيت الشي رح تبدع فيه انا ماحبه ولااتقبله فقط كنت ابي اتخرج وطبعا كانت غلطه كبيره وفادحه مفروض من اول سنه ماحبيته حولت او جلست وحبيته مالكم بالطويله قلت خل اختار مجال جربت كل المجالات تصميم وتطوير تطبيقات الايفون عجبني ولكن محتكر لاجهزة ابل ووقتها م كان عندي جهاز ابل اجلته لفتره اخترت تصميم وتطوير تطبيقات الاندرويد حلو لكن حسيته ممل طفشت ووقفت بديت بتطوير تطبيقات الويب عجبني خذيت مادة تطوير الويب وكملت ولكن ماحس تعلمت كل شي ف برجع له ربما بعدين كل هذي المجالات مالها علاقه بتخصصي طبعا ولكني اجرب كلشي مجالات النظم هي قواعد البيانات - تحليل البيانات - تحليل الانظمة - تحليل الاعمال - امن المعلومات - الحوسبة السحابية - لغات البرمجة جربت تحليل الانظمة ووقعت بغرامه جدا جداً حبيت كيف احلل نظام كامل متكامل باستخدام الدايقرامات وللان عشقي ولكن المجال خلصته كامل مافي شي اتعلمه جديد ف قلت ببدا بتحليل البيانات بما انه نوع من انواع التحليل وبتخصصي حبيته برضو وللان جالسه اشتغل على نفسي فيه ولكن كل يوم ماكمل بس سويت جدول خطة عمل كاملة ابدا فيها حاليا خذيت دوره من جامعتي في تصميم الواجهات وJavaFX ووقعت بغرامها جدا جداً وخلصتها عرفت نفسي وش تحب حبيت ٣ مجالات وابدع فيها ودايم اقرا عنها نصحني دكتوري في الجامعه اشوف مجال اداره المشاريع ولكن قلت بعد ماخلص مجال تحليل البيانات كذلك لمن درست ماده امن المعلومات حبيت التشفير والخوارزميات بجرب باذن الله بعد ماخلص التخصص الان واقعه بغرامه وسويت اول مبادره مع المنظمة السعودية الاولى لنظم المعلومات وانا اصغر وحده بينهم كلهم دكاتره حاصلين على شهادات الماستر والبكالوريس والدكتورات خذيت شهادات احترافيه كثيره ولغات برمجة كثير وصلتني عروض وظايف وانا طالبة تدربت في مجال تخصص في الامانة بقسم تقنية المعلومات وجربت كل انواع الدايقرام صدقوني اختيارات الله دائما افضل من اختياراتنا تابع ..

(هدف) أعادوا فتح برنامج دعم الشهادات الاحترافية 👏🏻👏🏻 ‏لو حصلت على أي شهادة من الشهادات المرفقة 106 شهادة مهنية احترافية في تخصصات ومجالات مختلفة فإن (هدف) يقوم بتعويضك عن رسوم الشهادة التي دفعتها مهما كان ثمنها. ‏هنا رابط التسجيل وطلب الدعم ‏⁦ hrdf.org.sa/Home⁩

حياكم الله زوروني في حسابي على لينكدأن وحطوا حساباتكم بشوفها 🥰👆🏻

اتعبوا على نفسكم لين تسمعون الكلام هذا من دكاتره قسمكم ❤️✨ حتى هو اكد على كلامي ان مجالات سوق العمل و المستقبل الان علم البيانات وتحليل البيانات

المقبلين على التخرج 👨🏻‍🎓👩🏻‍🎓. انا تكلمت بكل مواضيع التخرج لاني مثلكم عانيت عشان احصل احد يشرح لي وش اسوي بعد ماتخرج ف بكتبها عشان توضح لكم والروابط تحصلونها بالمثبتة في نفس الاسم اول شي تسويه قبل تتخرج ب ٦ شهور او في السنة الاخيره من الجامعه انك تضبط وضعك وتجهز نفسك للتخرج كيف انا اقولك ١- خذ شهادات احترافية بنفس تخصصك الجامعي اذا كان تخصصك تقني حاسب وهندسة ف لازم ترتيبك يكون بهذا الشكل تخصصك الجامعي - مجالك الدقيق - ومهتم بايش والافضل اهتمامك يكون بنفس مجالك وتخصصك عشان ترفع من مهاراتك وتطور نفسك اكثر *ليش الحاسب والهندسة يفرق عن باقي التخصصات لان متفرع مثلا فيه مليون تخصص للحاسب مثل العلوم والشبكات والامن السبراني والبرمجيات والنظم ايضا داخل النظم في مجالات المجالات ي اما تكون قواعد بيانات او امن سبراني او تحليل بيانات او امن معلومات او لغات برمجية او ادارة مشاريع بمعنى شي داخل شي كذلك اداره الاعمال التخصص العام اداره اعمال لكن داخل الاعمال ايش فيه تسويق فيه محاسبة فيه موارد بشرية فيه كثير تخصصات وداخل التخصصات فيه مجالات فاللي تخصصه نفس كذا عليك ان تمشي بنفس الترتيب الي قلته ١- اذا كان تخصصك غير تقني او غير متفرع فقط عليك انك تاخذ شهادات احترافية بنفس تخصصك ٢- خذ شهادات تطوعية بالجامعه وتطوعوا خارج الجامعة الساعات التطوعيه تفيدك بعد التخرج وكذلك تقدر تحطها في لينكدأن ٣- ضبط سيرتك الذاتيه بنظام ATC ٤- افتح حساب لينكدأن وضبطه بالكامل ٥- اذا كنتي بنت ولاحابه تحطين صورتك في لينكدان او بمواقع التواصل الاجتماعي صممي لوقو يكون احترافي وحطيه بجميع حساباتك ٦-خوذوا شهادات في المايكروسفت اوفيس زي الورد والاكسل والبور مهمة جدا ايضا طوروا من لغتكم الانجليزية بالتحدث والتخاطب ٧- اعرفوا كيف تسون ايميل احترافي وكيف تستعدون للمقابلات ٨- ادخل على موقع المنصة الوطنيك الموحدة لمعرفة الوظائف الحكومية والخاصة المناسبة لك والتعرف على الشركات ٩- ادخل على موقع وزارة الموارد البشرية للتعرف على المسميات المناسبه لك بالتوظيف ١٠- اذا حابين تاخذون خبره ادخلوا في تمهير خبره لمده ٦ شهور بنفس اسم تخصصك ومجالك او تدريب بمنتهى التوظيف وركزوا تدريبكم الجامعي يكون بنفس تخصصكم وانكم تتدربون صح لصالحكم هذي كل النصايح الي كنت اتمنى احد يعطيني ياها وبما اني بحثت وعلمت نفسي بنفسي سهلتها لكم ولاتنسوني من دعواتكم واكرر اسماء المواضيع والثريدتت تحصلونها بالمثبتة موضحة كل شي 🫂💞

شهادات اوراكل لقواعد البيانات Oracle Databases ‏شهادات أوراكل لقواعد البيانات هي مجموعة من الشهادات المهنية التي تقدمها الشركة لتعزيز مهارات قواعد بيانات أوراكل لدى الأفراد وتستهدف الشهادات مجموعة واسعة من المهارات والمستويات المهنية، من المبتدئين إلى المحترفين ذوي الخبرة.

بتكلم عن شهادات اوراكل الشهادات معتمدة وجداً مفيده وتعتبر احترافية وقبل فترة صارت كثير دورات مجانية لمدة محدودة قواعد البيانات جدا مهمة ولايخلو اي تخصص حاسب منها لان كل شركه خاصة او حكومية او وزارة او بنوك او مدارس او تعليم جامعي وتقني لازم يكون فيه قاعدة بيانات سوا لحفظ اسماء الموظفين او الطلاب او لبياناتهم والان حنا في عصر المعلومات والبيانات فالي حاب يطور من نفسه بمجال قواعد البيانات عندكم مجال : ١- علم البيانات ٢- تحليل البيانات ٣- قواعد البيانات باستخدام SQL او python او لغة R او اكسل ومن تخصصات رؤية ٢٠٣٠ تركيز المملكه الان اصبح على علم البيانات وتحليل البيانات لاهميتها العالية شدوا حيلكم وطورا من نفسكم واعرفوا مهارات التحليل والاهم تدخلونه بحب ورغبه للتعلم لاتدخلون شي عشانه ترند بس لا انت الي رح تتعلم وانت الي بتدرس اذا ماحبيت الشي من قناعه م راح تبدع فيه وفالكم التوفيق واذا عندكم اي استفسارات حياكم الله✨

صوتوا للبرنامج السعودي هدف (دروب) للفوز بجائرة افضل مبادرة سعودية للتعليم الالكتروني دورنا الان ندعم شركات وطننا الغالي 🇸🇦✨

https://ehsan.sa/referral/62C2A7BEE4 تبرعوا بما تجود به نفسكم فهي عند الله عظيمة وشفيعه لكم يوم القيامة بأذن الله 🙏🏻

وصلنا اليوم رقم جديد شكراً لكم والله يجعلنا يارب نفيد الكل وينفع بعلمنا وعملنا ولاتنسوني من دعواتكم 💞