Bac_with_ysf

المفاجأة💣😍🔥 حصة مجانية🫀 لشعبة اداب وفلسفةولغات اجنبية👋 لحل تمرين دوال شامل✅ تمرين متتاليات ✅ هنا علي قناتي في تلغرام ✅ ♦الحصة يوم الجمعة مساءا 🔥 ⏪ برطاجي في كل قنوات تلغرام ✅ جيب صحابكم كامل نسحق فيديو يلحق لكل الأدبيين😍 الجميع يستفاد 🫡 استاذكم يوسف معكم لاخوف عليكم 🧐 رابط تلغرام 👇👇 https://t.me/Youcef_mhamdi

ملخص قواعد في الأدب العربي كل الشعب✅

🛑الكثير يسأل هل يكفي الوقت لاكمال المراجعة؟ أولا: اقول لك يا تلميذي أننا فعلا في الوقت الحاسم و الأهم في العام, لي قرا يزيد فالريتم و لي مابداش يبدى وش راه يستنى... ثانيا: مهما كنت محطم و طايحلك المورال ماتخليش قرايتك وابدا ما تقارن روحك بغيرك قارن نفسك بنفسك كيف كنت و كيف اصبحت ... اتذكر يوم اجتزت البكالوريا في مثل هذا الوقت والله ماكنت فاهم والو في البداية ولكن عندما بدأت بديت على الصح تأكد بأن تعبك هذا لن يضيع وربي مافيه غير الخير سيؤتيكم الله من فضله و سيغيثكم في اللحظة المناسبة. نوصيكم على علاقتكم بربي و بالوالدين ..صلاتكم صدقاتكم ...محيطكم "تخلصوا حرفيا من كل ماهو سلبي" خلاص واحد ماراح ينفعك من غير قرايتك علاه تتحمل فيهم لحد الآن !! لي ما فيه فايدة ارمي عليك وخاصة ما تسمعش للهدرة الفارغة خاصة لو تسمع ان فلان كمل وهذا حفظ ... ما يهمكش .. اصنع طريقتك بنفسك تقصى عن تجارب الآخرين استفد من اخطاء غيرك✅🫡

♦ مراجعة نهائية شاملة في رياضيات للشعب ادبية (لغات أجنبية +اداب وفلسفة) محتوي دورة: ملخص شامل تطبيقي: دوال ✅موافقات ✅متتاليات ✅ 10 مواضيع مقترحة بلحل✅ متابعة✅ (فيديوهات مسجلة) متراطيش فرصة ذهبية للي مقراش رياضيات عام كامل + ولي حاب ينجح🤌 للتسجيل والإستقسار راسلو استاذ يوسف👇👇 قناته: https://t.me/Youcef_mhamdi حسابه: @youcef_mh_bba ♦فرصة ذهبية للشعب ادبية متضيعش 20نقطة تطلعلك معدل ✅🤌

🛑_وش لازم تدير أخر شهرين باش تنجح فالباك: ❤️ ✓ تنظيم الوقت : الوقت هاد الفترة خاصة راح يكون ضيق يعني لازم تعرفوا كيفاش تقسموه ... ✓ النهوض صباحا وقت الفجر أفضل للمراجعة و للحفظ و حتى لي حب مادة علمية... ✓ لستم مطالبين بالسهر إلى الساعة الثانية صباحا ابدا ، حاولوا ترقدوا قبل الثناش باش تقدرو تنوضوا ، بون لي يحب قرى فليل نقولو حاول تعود تقرى فالنهار افضل لأنه ساعات النوم بعد صلاة العشاء أفضل الاوقات و أحسنها ، إذا قدرتو ترقدوا بعد صلاة العشاء تماما لمدة ساعة و تنوضوا تكملوا جربوها رائعة خاصة فصل الشتاء العشا يادن بكري يعني إياكم و السهرات ، ترقد 5 سوايع مليح مور العشا افضل من 10 ساعات نهارا ، الليالي البيضاء les nuits blanches ماراحش تقدرو تديروها لأنه قصيرة و لا أنصحكم بها ( انا كنت نديرها أحيانا لكن كنا قاعدين يعني فالدار كورونا ) ✓ ... الوقت لي تخصصوه لكل مادة يختلف ، المادة اللي بها معامل أكبر راح تمدولها وقت أكبر مثلا شعبة علوم تحريبية ، مادة العلوم تتقرى يوميا ثم بعدها بقية المواد ، المادة التي تتطلب جهدا أكبر كيما العلوم ايضا تتم مراجعتها أولا لأنه الانسان و عقله يكون نشيط و يخدم افضل ✓ المواد الأدبية إياكم و إهمالها ، يسموكم تقراوها كل يوم الله يسهل عليكم معلاباليش بيكم 🤣 ، شوفو خواتي ديرو نهار اونغلي ، نهار فرونسي نهار عربية .. المهم تكونوا آجوغ فهمتو يعني خصصولها وقت بعد المواد العلمية اقراو مثلا علوم ثم فيزيك ثم فلسفة و فالصباح مادة حفظ ✓ المنبه من الاحسن يكون توجوغ معاكم لازم تراعيو حاجة معظم التلاميذ يروحوا يقراو غير مادة وحدة يبقاو معاها يوميا مثلا تلقاه غير مع الماط ولا يجيبهالك سمانة غي هي ... لااا فالنهار انا كنت نقرى كل المواد يالوكان 10 دقائق ، يعني نوعووو و حطو المنبه مثلا 3 ساعات علوم و ساعتين فيزيك باس متنساوش رواحكم و تحلالكم 😅 ✓ لي عندو مشكل فالوقت ميكفيهش مدابيه يسيي يوالف يضبط المنبه تاعو و مع لوقت يولي سريع فالحل و كونوا على يقين فالباك يكفيكم لوقت حتى تكرهوا... #وفي الأخير ماتنساوش تبارطاجيوا المنشور من الصباح وانا نكتب.🥺❤️

هذا البوست لي راهم روطار راح نعطيكم تجربتي وكفاش كنت نقرى❤️: _ديرو كل يوم زوج مواد تقراوهم في المنزل مادة تع حفظ مع مادة تع فهم مثلا الاحد اقراو لغة انجليزية واحفظو تاريخ، الاثنين اقراو رياضيات مع جغرافيا... _افضل وقت للحفظ هو مع الفجر بحيث عقلكم يكون خاوي وتكونو ناشطين وماتخممو في والو +الكالم مكانش لي يديرونجيك _احسن وقت للمواد تع الفهم هو مع العشية او فالليل حاولو ديرو ملخصات في ورق باه تفهمو وش راكم تقراو اذا مفهمتوش كش عنصر راه كاين اليوتيوب فيه كل خير _لي حابين يديرو لي كور فالمواد لي ضعاف فيهم ديروهم عند واحد تعرفوه يقري مليح مش ترمو دراهمكم بلافايدة سينون اقراو من يوتيوب انا قريت منو وفادني _اقراو كامل المواد ماتستحقرو حتى مادة هادي نقطة مهمة _حاولو متضغطوش على انفسكم نظمو اوقاتكم واقراو ونتوما مرتاحين ارقدو بكري ونوضو بكري مطيحوش صحتكم فباطل _الستراس حاجة طبيعية تخافو وتتخلعو وتبكو مكانش لي مصراتلهش متخلوش الخوف يأثر عليكم برك حاولو تتحكمو في انفسكم وربي ينجحكم كامل اذا نسيت كش حاجة نحطهالكم وماتحسدونيش بالبارطاج وطاڨو زملائكم في تعليق ❤️

عيدكم مبارك شبيبة ❤ كل عام وانتم بألف خير ينعاد علينا وعليكم بالخير والعافية والسرور يارب❤

♦ تخلص من هاجس منهجية العلوم مع الاستاذ محمد قوة شرح وتبسيط حقيقة. مش معروف بزاف لكن كفائة تفرج ودون معلومات لي يقلك وخاطيك شغل✅ https://youtu.be/OI0ujV4sTZc?si=qr10LK8tqh7qM8RL

🛑لطلاب_البكالوريا 2024: ◾كيف أجيب بطريقة صحيحة:(إجتماعيات) ▪️الاسباب / العوامل / الدوافع : يعني الاشياء التي حركت الحادثة التاريخية ( لماذا حدث ذلك الشيء). ▪️مثال: اسباب/ عوامل/ دوافع الحرب الباردة. ▪️الظروف: الاجواء الزمانية والمكانية المحيطة بالحادثة التاريخية. ▪️مثال: ظروف الانفراج الدولي. ▪️النتائج/ الانعكاسات/ المخلفات : هي ما ترتب عن تلك الحادثة التاريخية. ▪️مثال: نتائج الحرب الباردة. ▪️المظاهر / الدلائل / الملامح : الاشياء التي تبين فعلا ان تلك الحادثة قد وقعت. ▪️مثال: مظاهر الحرب الباردة.

♦ ملخصات رياضيات لجميع الشعب ✅ فيديوهات لأهم افكار طيح فلباك 👇 https://t.me/Youcef_mhamdi

صحا فطوركم تلاميذي ♥ حافظوا على معنوياتكم 💪🏼 ليس كل من يدلي لكم بنصيحة يجب أخذها بحذافرها ،، أي شكرا له بحجم جبل أُحد لكن عليكم أن تأخذوا منها ما يفيدكم حسب ظروفكم و فقط ،، البكالوريا 📋ليست أوكسجين ... بل هي مرحلة عابرة و امتحان يحتاج تركيز فكري🧠 لا تهريجي أو برازا للعضلات ،، لهذا وجب أن ننبه بعدم الوقوع في فخ الخوف😖 و التكهنات و الانصياع لكل ما هو موجود على الشبكة العنكبوتية الوهمية 🌐 حتى هنا وجودكم نريده لأخذ المفيد و الأنجع ثم الانصراف إلى طاولة المذاكرة دون ضغط و بابتسامة هادئة 🤝 لا مجال لنزول دموع التماسيح الباردة خوفا أو تضخيما لأمر امتحان البكالوريا .👋