قناة أحياء ٣ث رؤية الحسام 2024 م

حبايبي الغاليين 💕 اعلم مدي الحزن لبعض منكم الذين لم يوفقوا في نتيجة الثانوية 👉 رغم تعبهم و اجتهادهم و سهرهم ، وصلتني كتير من الرسائل من طلبة منكم زعلانة علي النتيجة و علي التعب طول السنة احب ابشركم أن الله سبحانه وتعالى لن يضيع تعبكم و جهودكم ، تأكدوا أن الله سيعوضكم خيرا 🌷🌺 الثانوية ليست نهاية المطاف قد تنجح في مجال بعيدا عن طموحاتك و تفكيرك ، متقلقش ،،كلها ارزاق الفيديو ✅فيه أمثلة كتير ل بنين وبنات ⏭️⏭️ مدخلوش الكليات اللي كانوا بيحلموا بها ، و ربنا وفقهم في كليات أخري كانت خيرا لهم https://youtu.be/hZMrhqXHwU0?si=H2AACeEUcZCokjpa

بِـنفسٍ راضِيةٍ تمامًا، تقبَّلْتُ فكرةً أنَّ هناكَ أشياءَ في الدُّنيا لا نصيبَ لي فيها ولا حظًّا، رغمَ سعيي المستميتِ لِنيلِها. وأنَّ السَّعيَ مجرَّدُ إرضاءٍ لِنفسِي. والسَّعيُ مطلوبٌ، لكنَّه يشترطُ الوصولَ إلى غايتي؛ أصبحَ الوصولُ غايةً لا يحترقُ قلبي عليها لو لم تَحدُث. الشيءُ المهمُّ هو الرِّضا: الرِّضا عن نفسي، وعن مجهودي وموقفي، أيًّا كانتِ الظُّروفُ، ومهما كانتِ النَّتائج.

الف مبروك ليكم كلكم يا شباب ♥️♥️ ارضوا بنتائجكم يا ولاد و احمدوا ربنا عليها مهما كانت ايه الناس اللى محالفهاش التوفيق و زعلانة على نتيجتها وانها ممكن تفوتها كلية معينة حبيت أفكركم إن كل خسارة دون الجنة فهى دون و أنا عن نفسى مش بشوف إن عشان فاتتك كلية معينة تبقى دى خسارة لأن ربنا بيختارلك الأنسـب و كاتبلك الخير فى حاجة تانية أحسن بكتيـــر انت مش مدركها دلوقتى اه هتزعلوا شوية بس صدقونى لو علمتم الغيب لاخترتم الواقع،، سيدنا عمر بن الخطاب رضي الله عنه كان بيقول "لو عُرِضَت الأقدار على الإنسان لَاختار القدر الذي اختاره الله له " فاحمد ربنا و اعرف إن الخيرة فيما اختاره الله و إن سعادتك مش مقترنة بكلية معينة.. كنت قرأت قبل كدا بردو مقولة بحبها بتقول " إذا أدار الله اتجاه سفينتك لليمين فتأذيت و تألمت فاعلم أن اليسار كان هلاكك المحتـــم" فربنا بيختارلك الخير و الأنسب ليك،، كان ممكن تمشى كل حاجة زى ما انت عاوز بس صدقنى مش هيبقى دا الخير ليك و لا هتبقى مبسوط فى حياتك فهوّن على نفسك كدا،، و اعرف إن ما فاتك ليس لك و ما لك لن يفوتك.. و أرجوكم بلاش فكرة إن تعبك راح على الفاضى و الكلام اللى شبه كدا لأن مفيش حاجة اسمها تعبت على الفاضى انت مأجور على سعْيَك و مذاكرتك و اجتهادك و دا الأهم ،، احنا بنذاكر و بنعمل اللى علينا إرضاءً لربنا فى المقام الأول فالأهم الأجر مش النتيجة و أخيراً خليكم فاكرين إن الثانوية عمرها ما كانت النهاية،، النهاية إما جنة فى رحمة الله أو نار والعياذ بالله و هدفنا الأسمى هو الجنة و إنها الغاية فعلاً .. مش هيبقالك شهادة و لا كلية ولا هناك بنتنادىٰ بالدكتور فلان و المهندس فلان و مهما كان مكانك أو مجموعك فمفيش راحة و لا سعادة حقيقية إلا فى الجنة. ربنا يوفقكم فى اللى جاي بإذن الله و يكتبلكم المكان و الكلية الأنسب لكل واحد فيكم 🥹♥️

ربنا يكتبلكوا الفرحة إن شاء الله 🌹✌️

قبل نتائج الثانوية العامة اِفْهم ان الدنيا (مستمرة) سواء دخلت الكليّة دي او أي كلية. اِفْهم ان القمة والقاع مصطلحات (مجتمعية) فاشلة. اِفْهم ان نصيبك مربوط بعوامل كتير تشمل مجهودك وتعبك والتوفيق (ورحمة ربنا). اِفْهم ان ما اصابك لم يكن ليخطئك. اِفْهم ان السعادة مش كلية ولا الاكتئاب كلية. اِفهم انك لازم تكون انسان مسؤول بأي حال (وفي كل مكان). اِفْهم ان رحمة ربنا (بتسبق) كل خطواتك. ادعي ربنا بالخير أينما كان (والرضا) لازم يكون أهم دعاء.

أحسنوا استقبال قدر الله فَـ الدنيا مليئة بسعداء ليسوا أطباء ولا مهندسين ❤️" هعدل المسدج بلينكات النتيجة اللي هتبدأ تبان من بعد الساعة واحدة هنحتاج رقمك القومي .. اللهم افتح بيننا وبين قومنا بالحق وأنت خير الفاتحين .. https://natiga.azhar.eg/?source=newsplash موقع نتيجة الثانوية الأزهرية https://www.nataeeg.com/2024/07/2024_85.html موقع اليوم السابع https://www.youm7.com/ موقع بوابة الازهر الالكترونية https://natiga.azhar.eg/?source=newsplash موقع فيتو https://www.vetogate.com/ موقع بوابة خدمات الازهر https://www.nataeeg.com/2024/07/2024_85.html

انتم داخلين علي اهم اختبار دلوقتي في السنة و اهم حاجة خليك فاكر ان انت متعلمش الغيب و اهم حاجة و قت النتيحة لو ربنا قدرلك انك وفقت باذن الله للي انت عاوزه اوعي تنسي ان الفضل كله لله و اوعي تنسي تشكر ربنا علي ده و لو من وجهة نظرك انك محققتش اللي نفسك فيه و اوعي تقنط من رحمة الله و ارضي بما قسمه الله لك و اعرف ان ده فيه الخير ليك عاجلا ام اجلا بس انت لسه مش شايفه اوعي تنسوا تحمدوا ربنا يا شباب و افتكروا ان الفضل كله بايده ربنا يوفقكم للخير يا رب

"ثانويه ازهريه'" بمناسبة أن النتيجة بكرا. انتوا تعبتوا وعملتوا اللي عليكم وربنا مبيضيعش تعب حد أي كان المجموع إللي جبته لازم ترضى بيه وتحمد ربنا والثانويه مش نهايه الطريق بالعكس دي بدايه جديده لحلم جديد .. وأنت إللي بتبني نفسك في الكليه إللي هتدخلها أي كانت الكليه ايه…. وحقيقي بجد الشاطر إللي بيبقي ناجح في مجاله وفي الآخر ربنا هيحطك في الكليه إللي هو كتبهالك من زمان الكليه إللي فيها السعاده كلها واللي هتشوف فيها اجمل اياااام حياتك إللي أنت متعرفهاش هي كليه أي بس هو عارفها. (الثانويه مش نهاية الطريق ) ربنا يجبر بخاطركم بكرا ويفرحكم وتكونو مبسوطين وكل واحد يجيب المجموع الي نفسو فيه يارب❤️🤲

بسم الله.. أهلا ياشباب يارب تكونوا بخير .. من يوم ما الثانوية العامه خلصت الحمدلله وانا شايف بوستات كتيرة جدًا عن المقارنات مابين الكليات ومين احسن من مين وبيوصل درجة التعصب للكليات أن الناس تشتم بعضها !! .. احنا زي ماقال الدكتور محمود السنوسي قبل كدا متشغلوش بالكم بالكلام دا عشان له وقته وكل حاجه في معادها... ولكن انا عاوز اقول كلمتين لازم تاخد بالك منهم.. وللعلم دي وجهة نظري بس مش اكتر يحق ليك تختلف او تتفق معايا فيها مبدئيًّا كدا..احنا شعب مبيخلاش من وجع الدماغ ..يموت لو عاش مستريح او خالي البال..لازم يخلق دوشه بدون سبب .. وكمان بنعشق المقارنات، معرفش ليه بصراحه! انا فاكر ايام ما كنت في ثانوي كنت بشوف ناس تقول يارب ادخل طب ..إنشالله لو في أسوان بس ادخل طب..او يبقى مستني اي كلية تانيه مثلا مجموعها مش عالي بس نفسه يجيبها..حلو كدا؟ طيب جاب مجموع طب ..وجاب احسن مما كان مستني بفضل الله تعالى.. يسكت ويحمد ربنا؟ لأ ازاي..احنا نبدأ نقارن مابين الكليات وبعضها ..نبدأ نحفل على أسنان وبيطري ..نبدأ نحفل على صيدلة .. فيرد علينا تمريض ويقول هو اللي شايل المستشفيات ولولاه هنتسوح..فبتاع علوم يقولهم انا مش متقدر هنا ..لكن برا مصر انا حفيد زويل..فيجي هندسة يقولهم انتوا بتهروا في اي حد منكم درس هندسة وصفية عشان يقول صعب وسهل؟! مش بس كدا ..نطلع ميمز تحفيل على الكليات داخل نفس المجال كمان... يعني نقول ان طب الزقازيق سهل وامتحاناته عبيطه .. نقول ان اسكندرية احسن من المنصورة.. فتطلع فئة تقول لا العكس .. فتطلع فئة تالته تقولهم بطلوا عبط القصر العيني رقم واحد.. فتطلع فئة رابعة تقول لأ طنطا توب التوب ( انا عادة ببقى الفئة الرابعة دي 😂) المهم يعني محدش هيتفق انه في النهاية كله طب واللي بتدرسه هنا بتدرسه هناك .. اكيد في اختلافات في المقرر بس مش اللي تخليك دكتور فاشل...وقيس على كدا باقي الكليات..مش لازم بشري بس .. وأيًّا تكن كليتك صدقني اجتهادك فيها هو اللي هيميزك ويخليك ناجح او فاشل مش اسم الكليه اللي انت فيها او مكانتها.. اكبد الكلية بتساعدك بشكل كبير لكن صدقني لو اعتمدت اعتماد كلي على فكرة انك في المكان الفلاني يبقى انت كدا اشطر حد لأن المكان بتاعك متصنف رقم واحد يبقى بتضحك على نفسك.. ___ حاجه اخيره حابب ألفت انتباهك ليها..في الكليه انت صحيح لازم تدرس منهجك عشان دا اللي هتمتحن عليه وعليه الدرجات...لكن عندك داتا متاحة لكل الكليات على اليوتيوب وبوتات التليجرام...يعني ممكن تبقى في طنطا وبتسمع لدكاترة المنصورة او القصر العيني مثلا او حتى جامعات أمريكية .. يعني مش مقيد في مدى معين من المعلومات...عندك كل حاجه متاحه بس انت ابقى لاحق بس 😂 فمصطلح ان جامعة كذا بتدرس طب او غيره احسن واحده مبقاش يفرق كتير دلوقتي حتى وان كان تصنيفها الاعلى بسبب توافر الداتا بتاعتها لكلل..بل وعندك مصادر اجنبية احسن من اي جامعة مصرية كدا كدا.. فالطريق مفتوح بجد .. بس زي ماقولتلك لاحق انت بس 😂 وفي النهاية فككوا من كل دا .. كل درة مشوي واشرب شاي بنعناع وروق وملكش دعوه بالكلام دا..❤️ مش هتاخد غير نصيبك وصدقني نصيبك هو الخير ليك حتى لو مش حاسس بكدا.. سيب كل حاجه لربنا وهو هيدبرهالك متقلقش ❤️

تاكد ان الله سبحانه وتعالى لن يضيع تعبك و جهدك تفائل خيرا 🌷🌷🌺🌺

السلام عليكم 😊 وحشتكوا رسالاتي انا عارفه 😂❤️ إن شاء الله تكون اجازه سعيده نقطه بس شاغله ناس منكم مش الكتير الصراحه لكن اتكرر السؤال كذا مره بصوا بالنسبه للفتره دي اعمل اي!ً؟ متعملش حاجه بجد 😂دي فتره هدنه يعني ولا تبحث عن كليات ولا تبحث عن كورسات خد اجازه عقليه من التفكير روح صيف اخرج مع صحابك العب كوره اطبخي طبخه جديده🥰 اي حاجه لحد ما النتيجه تطلع هعمل اي اولا لازم نخفض سقف توقعتنا شويه واسفه جدا اني بقول كده مش بحبطكم بس عشان متاخدش قلم يبقي قوي عليكي ويسيب أثر خليك متوقع أي نتيجه وفي نفس الوقت تفائل خير أن أي كليه هتجيلك ربنا شيلك فيها خير كبير مش هتشوفه غير لما ترضي وتبدأ صفحه جديده الغي سياسه البكاء علي اللبن المسكوب لانها مش بتاكل عيش من الاخر متعش دور الضحيه خليك قوي وعندك حلم بيكبر ممكن يتغير بس ميختفيش الحياه من غير طموح زي الاكل من غير ملح 😕 لما النتيجه تطلع شوف درجاتك في رينج اي من الكليات وابدا ابحث عن كل كليه متاحه ليك وشوف اي نظام الدراسه والأهم نظام الشغل لان في ناس نظري بيبقوا أوائل عملي لا حول لهم ولا قوه وبخااااصه الميديكال فيلد شوف ميولك رايحه لاي واستعين بالله وحط حلم جديد وابدا متسمعش كلام جارتك ال بتقول انها ملهاش مستقبل لانو بايد ربنا متسمعش كلام حد قبلك سوري يعني فشل وجاي يحبطك اسمع دائما الناس الملهمه ادي فرصه لنفسك تفكر بلاش جلد الذات يرتني عملت ويرتني ما عملت وانت السبب يا بابا واخويا الصغير كان عامل دوشه وصاحبتي اتخلت عني في وقت صعب ووووووو احنا لسه لاغين البكاء علي اللبن المسكوب☺️ دمتم موفقين طلاب سنه اولي جامعه😉❤️❤️😂

ده موقع وزراة التربية والتعليم https://www.facebook.com/egypt.moe?mibextid=ZbWKwL و تكتب التعليق ده في اي منشور و ذلك لمراجعة امتحان مادة الأحياء لعدم وضوح صياغة بعض الأسئلة نناشد السيد الوزير رأفة بأولياء الأمور والطلاب المجتهدين النظر للامتحان الاحياء النظر لمادة الاحياء #تشكيل_لجنة_لمراجعة_امتحان_الاحياء #عدم_وضوح_الصياغة_وتشابه_الاجابات #علمي_علوم #الاحياء_صعب_وطويل_وفيها_اخطاء_وفي_اسئلة_لها_اكتر_من_اجابه

الفيديو ده روعة ♥️ و رسالة طمأنينة 💓 لكل طلاب الثانوية العامة و الأزهرية قبل ظهور النتيجة و ما تتمناه من الكليات

فكرت قبل كدا تضاعف دخلك بإستخدام الذكاء الاصطناعي‼️ كل اللي بيدور يطور نفسه في اكبر ايڤنت The Mind Generation اللي هيحصل يوم 8/17 في البحيره في مدينة ايتاي البارود.. هتطلع من الإڤينت دا .... -بتعرف تحدد أهدافك بطريقه Smart -هتعرف افضل الاساليب العلميه لتحقيق أهدافك -هتعرف ازاي تعمل عصف ذهني -هتعرف ازاي تتخلص من العادات السلبيه و تكتسب عادات ايجابيه -هتعرف تستخدم الذكاء الاصطناعي في حياتك الشخصيه -لو انت في كليه او لسه داخل كليه هتعرف ازاي تعمل مشروع التخرج و Power point من خلال أدوات الذكاء الاصطناعي -هتعرف ازاي ممكن تعمل لنفسك دخل مادي من خلال ادوات الذكاء الاصطناعي في البرمجه و التصوير و التلخيص و الترجمه و صناعة الفيديوهات و ادوات تانيه كتير هنعرفها في الإڤينت صحيح هو ممكن الذكاء الاصطناعي ياخد مكاني❓ هنرد علي إجابة السؤال دا يوم 8/17 في الإيڤنت في ايتاي البارود قاعة فور سيزون بعد مستشفي CIC مع اقوي محاضرين ، خبره سنين كتيره جدا سعر التيكت رمزي جدا 100 جنيه + هتاخد شهاده بعد نهاية التدريب ✅ سجل في الفورم دي و في حد من المسؤولين عن الاڤينت هيتواصل معاك و تحجز التيكت بتاعك https://docs.google.com/forms/d/e/1FAIpQLSd1LogyTS4OBbhj3am1eVQec8uM8K4F0zDEzZHuuHFIXrTtFA/viewform?usp=pp_url لو لقيت اي مشكله في التسجيل في الفورم تقدر تبعت علي الرقم دا واتساب او تلجرام و هنرد عليك ان شاء الله 01028277104 منتظرينكم 😍

🎯 حاولوا تقسموا يومكو فى الأجازة يا شباب عشان متزهقوش منها و🫠تستمتعوا بيها 🫣 1️⃣ حاول تبدأ يومك بنص من القرآن صفحه أو نص صفحة تحفظها يوميا وتقرأ تفسيرها المبسط

ممكن تحمل تطبيق اسمه (آية) فيه تفسير مبسط .

2️⃣ ممكن بعدها تفك عن نفسك شوية وتسمع اى حاجه مفيده ومسلية من على النت فى ناس كتير زى طحالب وزغاليل وسبيل أو الشباب اللى بيحب التيك عمر دايزر ويحيى رضوان وغيرهم والكورة والبنات اللى بتحب الطبخ واللبس والكلام ده

بس أهم حاجه يكون اللى بتتفرجوا عليه محترم مش قلة ادب

. 3️⃣ فى الفترة اللى بعد الضهر بق ممكن تخليها خاصة بحاجه تزود ثقافتك الدينية شويه عشان تبق حد فاهم فى دينك شوية ممكن تسمع السيرة النبوية للرسول صلى الله عليه وسلم من الشيخ طارق السويدان مثلا أو علاء حامد أو غيره أو تسمع تفاسير الشيخ الشعراوي أو غيره هتلاقيها كلها حاجات جميله والله

ملحوظة أنا بستغل الوقت اللى الكهرباء بتكون قاطعة فيه وبكون محمل قبلها خطبة أو حاجه بسمعها فى الساعتين بتوع قطع الكهرباء دول ممكن تعمل زيي

4️⃣ فى فترة العصر بق ممكن تنزل تتمشي شويه مع صحابك أو لو بنت تساعد مامتها فى المطبخ وتتعلملها طبخه ولا حاجه تنفعها بعدين 😅 أو الناس اللى بتحب تقرأ كتب وكده 5️⃣ بالليل اقعد مع أهلك واحكوا مع بعض والباقى اعمل اللى انت عايزه. 🙅 أخيراً بق لازم لازم لازم تتطور من نفسك في الأجازة طب ازاى ....؟ 🤔 هذا ما سنكمله فى رسالة قادمة إن شاء الله 😅

الوزارة ها تنزل نموذج ، و ها تراجع الاسئلة اللي عليها جدل

تقرير الاستاذ حسن محرم .. مستشار مادة الأحياء عن امتحان الاحياء