💚 نَــفَـــحَــاتٌـــ ✧ رَوحَـــانِـــيَــهْ 💚

وانت طالِع السلم كبّر وإنت نازل السلم سبَّح سُنة مهجورة فكر بيها غيرك ❤️

يعني إيه "ويمنعون الماعون"؟ -يعني زوج عايز يكرم زوجته وأولاده فأهله يقولو له لأ كفاية عليها كدا مش لازم تصرف ده كله هي مصاريفها غير مصاريفنا، فالزوج يبخل على أولاده ويقلل مصاريفهم. -يعني حد ناوي يُخرج صدقة لوجه الله فتقوله بدون بينة: أنا مش مستريح للناس دي، فيشك فيهم ويغير رأيه. -يعني واحد جايله زيادة في مرتبه، فنقف له فيها وكله بقدر الله طبعًا. -يعني زوجة نفسها تجيب هدية لزوجها، ولما تستشير صديقتها ترد تقولها: مالك مرمية عليه قوي كدا ليه، فتخليها ما تجيبلوش حاجة وتتغير معاه! -يعني أب عايز يشتري لبنته عربية علشان يصونها من أذى الطريق، فزوجته تقوله الولد أولى. -يعني اثنين اخوات في الله بيسعوا في الخير والبر، فنحذر أحدهم من ان الآخر بيغير منه وبيحسده. -يعني ناس بيعاملوا خادمتهم كويس، ويجي ضيف يشككهم فيها ويقلّبهم عليها بدون دليل، فيعاملوها معاملة سيئة وينهروها بعدما كانوا طيبين معاها. -يعني واحد ناوي يتقدم لواحده فاللي حواليهم ينزغوا بينهم بالنميمة حسدًا. -يعني عمل خير هيبدأ، فنعمل نفسنا ناصحين وخبرة وبنوعي الناس علشان مصلحتهم، فيتوقف عمل الخير أو يمشي أعرج، أو يمشي بفريق عمل كارهين بعضهم. يعني إيه "ويمنعون الماعون"؟ -يعني أرحام مقطعة -وخير مبتور -وفساد ذات البين -وبناء لا يكتمل يعني إيه "ويمنعون الماعون"؟ يعني ربنا يهيئ لنا أسباب الخير واحنا اللي نسعى في منعه من أجل الهوى. فَوَيْلٌ لِّلْمُصَلِّينَ - الَّذِينَ هُمْ عَن صَلَاتِهِمْ سَاهُونَ - الَّذِينَ هُمْ يُرَاءُونَ ... "ويمنعون الماعون".. حذار، فقد توعّد الله من يفعل ذلك بالويل (جهنم) مع إنه بيصلي الصلوات الخمس فيما يبدو للناس. #إمسك_لسانك لا حول ولا قوة الا بالله