ّ

‏«قد ينالُ المرء بدعاء إخوانه ما لم يَنله بدعائه لنفسه» لا تنسوني أنا ووالديّ من الدعاء، ‏وادعوا لمرضانا ومرضى المسلمين وموتانا وموتى المسلمين ❤️

"على كثر المسـاري .. والمسـاري بعضها تحتال ‏تجنّبت الطـريـق اللـي يدنّس عمري الباقي ‏مشيت الدرب بلحالي لو إن بعض الدروب طوال ‏وهجرت الخـوف والرهبة .. ولا عيّت علي سـاقي ‏يا كم مـرة وقفـت أرسم خيـال ودمعتي تنهـال ‏وامــش الـدمـع بكـمـومٍ تلظى منهـا .. أحداقي تأملت .. وتألمت .. وتجـرعت الجهـامـة أشكـال ‏ولا زلّــت بـي الخطــوة .. ولا ضاقت بـي آفاقي ‏أنا الصابر .. وأنا القادر قصر هذا الزمان أو طـال ‏وأنــا كــلّ اليقيـن اللي لمـع فـي هقـوة الهـاقي ‏تحملت الهبــوب اللـي بهـا النسمـة تهدّ جبال ‏ضميـت ولا وردت إلا على حلـمٍ .. سقى أوراقـي تحدّيت الليال المظلمة والسور والأقفال ووصلت لكل ما يطري علي بـ فجّة إشراقي" – سهاد

"نفاك الليل، والثلث الأخير موثق الأصفاد بعد جاوزت ياقلبي جحيم الثانيه عشرا تصومع في متاهات وغياهب سجنك المعتاد بقى ثلثٍ عيونه مظلمات ووجنته سمرا تسمّر بين تعذيب الضمير وجفوة المعتاد بـ ليلٍ زعّل سهيل اليماني .. كوكب الزهرا أيا قلبي نفيت ولا بقى لك في الوجود بلاد أخذ قيصر شمالك .. والشمال إحتلها كسرا حوانيتك خراب، وشارعك موحش، وصمتك زاد وزفرات الهبايب في ممرات الوله غبرا تهز الريح كرسي الدروب وينعس النشاد أيا ويحي ليا منه صحى كيف ألتمس عذرا أنا من لي بـ عذر مثل عذر الأم للأولاد يتامى في صباح العيد وأقدار الزمن قشرا لك الله شحت أفكاري وجافتني حروف الضاد ولا باقي بعد عسر الزمن في جعبته يسرا حبيبك غاب، وعيون العواذل في الغياب حداد وأنا قد قلت لك "لن يستطيع مع القسى صبرا" رحل ماكنه اللي كان لجروح الزمان ضماد أبد ماكنه اللي .. لا لمس جرح الغلا يبرا خلْت من الاماكن وإنحصر ذكرى وصار أبعاد تلاحقها عيوني في علامات الجفا .. الكبرا أشوف الصولجان المنكسر والقصر والامجاد ثلاثٍ بيض ولّت .. والبقى في الليله الغدرا وأشوف الجافلات من الجوازي صادها الصياد وأشوف الباسقات من الخريف أوراقها صفرا أنا في كل يوم أخسر طبيب، وألتقي جلاد خساراتي جسام .. وكل طاقاتي غدت هدرا ياقلبي حِل، عن عيون الضلوع وبشّر الأجواد خطايانا جعلها الله لهم يسر ولنا عسرا"

‏الخيال بساط ريح التايه ان ضامته ديره ‏يتغرب به و يعبر به تهاتيه .. الصحاري ‏السعاده و الحياه و لذة العمر .. القصيره ‏اتعايشها معه و انسى همومي و انكساري ‏ودي اعيشه وْ فارق واقعي شره . و خيره ‏و اعطي ايامي و لوعتها سماحي و اعتذاري ‏ياقصر عمر البنادم / ياصغر شبه الجزيره ‏في عيون الي ماحصّل للحزن مخرج طواري ‏من فقد وجهٍ بشوش و طله و ضحكه وغيره ‏ماتعنيه الدروب وْ لا تخوّفه .. المساري ‏لا تلوموني .. ليا من غبت الايام الاخيره ‏عايش الغربه ووحشتها و انا داخل دياري ‏اكبر من الكفر في قلب الوليد ابن المغيره ‏و اوضح من الحقّ عند لسان ابو ذر الغفاري ‏الطيوف الي من الغيّاب صارت لي خشيره ‏من امامي من خلافي من يميني من يساري ‏أتغنى ( ياحبيبي شرهة العاشق .. كبيره ‏و كل ما زاد الغلا زاد المعاتب ) وانتظاري ‏مابعدك الا شتات و غصه و وحده و حيره ‏وضيق واحزان وجروح ودمع وألام وطواري ‏جف بير ومات غصن وهاجر من الغصن طيره ‏و المساكن خاليه و الصوت ما عمّ الحواري ‏ذكرياتي و الهوى و الليل و الشوق و نذيره ‏هي مسيره لـ ارتيابي و اضطرابي و انهياري ‏صرت لا مر الصباح و جات شمسه مستنيره ‏رحت ادوّر فيه لـ السلوى ولـ البسمات طاري ‏مايرد الياس عزم ولا محى النسيان .. سيره ‏هذا انا واقف وادوّر لـ الامل ضوح و مواري

لا تُهنِينِي بِعامٍ ليس عَامِي ‏لستُ قِسيساً ولا جَدي ابْنُ حامِ ‏أنا يَا هذا حَنيفٌ مُسلمٌ ‏رأس عَامِي غرةُ الشَّهر الحَرامِ ‏-الأمام الشافعي

‏عجز فيني الزمان الصّلف وأختارك بعد ما أختار ‏لقى له درب وياك وعرف يلوي بك ذراعي ‏خذاك بعيد عن عيني وأنا عنك بعيد الدّار ‏آغني لك مغيّب فكر لكن خافقي واعي ‏الأحساس أن خلا منه الشعر وش خانة الافكار ‏لو أن القاف محبوك القصيده مالها داعي ‏يا مبريّ القوام أبسط حقوقك تلفت الأنظار ‏وتستقبل رسايلك البريديّه من الساعي ‏لكني طالبك تقصر سواليفك عن الأصرار ‏انا أنسام الهوا هبّت عشان تطيح شراعي ‏زرعت الطيب في صحراء الجفاف ولا جنيّت اثمار ‏رغم ذالك لا زلت الطيّب اللي ما قصر باعي ‏ أراعي خاطرك عن كل زله مثل الابن البار ‏مع أنك عاق في قلبي وتخطي دون لا تراعي ‏يزور أسمك مكانٍ فيه يجمع حضرة السمّار ‏وأبين ابتسامانّي لهم واخفّي أوجاعي ‏علي ما لاقت البسمه هذيك اللي وانا منهار ‏مثل بشتٍ تصدّق به أمير ولبسّه راعي

«ما نقص مالٌ من صدقة» تصدقوا وساهموا بالنشر يا أحبّة 🤍 https://ehsan.sa/campaign/F5001A4155

« كل المدى غامض، ومنذور للتيه ‏عيّت تلاحظ عيني الفرق مرّه ‏طلّي ورا الباب المسايف وخلّيه ‏لك عاشقٍ لا ضاق صدره يمرّه ‏كم قلت لك روحي لها عدّة وْجيه ‏ترتيبها متروك لـ إهمال غرّه ‏لو مالها شيءٍ يطول الرجاء فيه ‏أنتي طراة العمر، والعمر مرّه »

يارب ياربّ الأماني …العتيقة ياربّ صوتي كلّ ماجف وابتلّ يارب حلمي المنطفي من بريقه يارب غصني اللي نسى جدبه الطلّ أبحرت عمْر و بتّ عمرٍ غريقة بذْنوبي ومديت لك كفّي و هلّ: ملحٍ غشى عيني و حلقي و ريقه وصوتٍ كسيرٍ لك خاضع من الذلّ جيت بملامح تايهٍ في طريقه لا هو وقف في مبتداه ولَـ هُو دلّ رحابتك ياربّ عن كلّ ضيقه وهْدايتك شمْع لْعتم كلّ من ضلّ ياربّ خذ روحي حمامة طليقة عن الهجير بْرحمتك: كن لها ظل

لا تنسونها وموتانا وموتى المسلمين من الدعاء ❤️

‎https://ehsan.sa/campaign/B816FE9D22 ساهموا ولو بنشرها فالدال على الخير كفاعله

مافيه موت أشد من موت الحماس ‏تعيش فوق الأرض كنك تحتها ‏- جمال بندر

عن مواقيت السهر و أحلامي المشروعه ‏أتوارى في السؤال اللي يراود حليّ ‏في محاكم من وهم قضيتي مرفوعه ‏ليه يغتال الظلام اللي بقى من ظلي ؟ ‏ما شربت من البحر مهما أختلف ينبوعه ‏دام تمطرني السحاب الوابله و أبتليّ ‏بين رغباتي العظيمة و قصتي الممنوعة ‏قمت أكبّر في منابر الأمنية . . وأصلي ‏الحزن في القلب أصله والحنايا فروعه ‏تكثر أوجاعي و أنا في هالزمن يا قليّ ‏الطموح اللي تمادى ولا قدرت طلوعه ‏عذري ان دربي طويل وإلا البلا في رجلي ‏الحقوق أحبها دايم تجي منزوعه ‏لو تجي بالعقل وإلا جبتها في جهلي ‏داخلي غصه قديمه و ذاكره موجوعه ‏غادرت الأفراح عني يوم غادر خلي ‏واللّٰه إن وجهك أحبه ولا أحب دموعه ‏جعل يفداك الزمان اللي سريعٍ يوليّ ‏افتحي قلبك و ضميّ كلمتي المسموعه ‏يا وطن عمري و ناسي و أمنياتي و أهلي ‏و إن حجزتي للرحيل بتذكره مدفوعه ‏أرحلي فيني معك — وإلا خذيني كلي

‏«أذكرك وانت لا يمكن تمر وتفوت ‏يرتسم فقدك فـ وجهي وانا كابته ‏لا يفيد الكلام ولا يفيد السكوت ‏الليالي تمر — و وحشتك ثـابته»

قد لي وأنا أراقب أيامي وأتابعها وأضحك على فعلها وأنا على فالي مسباح الأصحاب تلعب به بأصابعها ومن اين ما لوّحت به طيّحت غالي حتى أنت ياللي دروب الوصل جابعها محزنّي إني وصلت لوضعي الحال شبه الجزيرة على كثرة مرابعها ما يفتقدني بها إلا ربعها الغالي - عبدالله آل لزيوح

‏في زحام المغريات وليلها المتمادي ‏من ترك لله شيءٍ عاضه أبرك منه ‏يالله أعصم من محابيل الحرام فؤادي ‏عصمةٍ تاخذني بيمناي لين الجنة ‏ياعظيم الملك وأنت المستعان الهادي ‏باب جودك جعل مانيب محجوبٍ عنه ‏كل ظنٍ في سواك من الخلايق غادي ‏وأنت عبدك عند ظنه لا أحسن بك ظنه

اللهم ارحمه واغفر له واعفو عنه ، واجبر قلب اهله وذويه (لا تنسونه من الدعاء والاجر

‏تدري اني تناسيت السنين الجميله ‏لين ما عاد مرت تيك الايام بالي ‏ذكرياتك وطن قلبً تمادا رحيله ‏كيف يدله من دياره ومرباه جالي ؟ ‏ مركب الذكريات اللي حموله ثقيله ‏قام يرمي سوالف لجنبي والموالي ‏كل ما طاح من رزنامة العمر ليله ‏طاح معها من الذكرى تفاصيل غالي