ڤِينْكَا

أنا آسفة إني نزلت دي كدا بس هو أنت نفس اللي فاتت ولا جديدة ولا إيه علشان في مسدج في النص وأنا مش توهت ..!

طالما مش بتحبيه يبقى تعرفيه وتقفلي الصفحة دي تماما ومترجعيش ليها أنت لسا الحياة والوقت قدامك وهتقابلي ناس كتير حتى لو هما الاتنين ارتبطوا دا ميهزش منك حاجة وتكملي حياتك طبيعي جدا في هدوء وسلام .

يعني يبنتي ضاقت بيكي رجالة مصر كلها ملقتيش غير الأصغر منك هو اكيد بعد علشان الفكرة في مجتمعنا مش مقبولة وطبيعي دا يحصل كلنا بنغلط وكلنا بيجي علينا وقت مشاعرنا بتبقى متغيرة ومتوترة فا بنعمل أي حاجة . أكيد هو قعد معاكي وقت ولما استوعب الفكرة تراجع عن موقفه علشان لا هو هيسلم من أهله ولا انتي هتسلمي من كلام الناس . أنتي بتكوني حياتك مع شخص مش هو بس دا هو وأهله واللي حواليكي لأن دي حياة تانية بتتكون . انتي في غنا عن دا كله واصبري رزقك هيجيلك وانتي قاعده مكانك 🤍

بصي العتاب بيجر كلام والكلام بيجر حنية ومش هنخلص كدا ولا انتي هتتقدمي خطوة ولا أي حاجة هتتغير بعدين . صدقيني والله لو بعدتي حياتك هتبقى أفضل بلاش تضيعي نفسك وتهدمي حياتك . متقولوش حاجة غير إنك لو عايزني بجد لما تخلص دنيتك وتبقى جاهز انت عارف طريقي وامنعي أي تواصل ممكن يجيلك منه صدقيني اللي بيحب حد أوي بيهد الدنيا علشانه .

لو فضلتي مكملة معاه تحت باند الحب هتفضلي طول عمرك ندمانة وهتبقى في نظر نفسك أزبل إنسانة على وجه الأرض . الحب اللي بجد مبيبقاش فيه أي حاجة تغضب ربما علشان كل حاجة بتبقى صادقة من جوا ونضيفة . أنا آسفة للكلمة بس أنت كدا بالنسبالة مجرد حد بيرضي رغباته مش أكتر . لو هو بيحبك هيبعد عنك خوفا عليكي من نفسه الإنسان ضعيف في النهاية ودا أضعف جزء ممكن يخلي الإنسان في دنيا غير الدنيا متكمليش اوعي تكملي هيا مش بالسنين . تفتكري لو علاقتكم مكملتش وجالك حد عايز يتقدملك هتعملي إيه هتشوفي نفسك إزاي قدام نفسك ؟ لو فضلتي مكملة مع الشخص دا انتي هتخسري نفسك هتعيشي طول حياتك في عقدة ملهاش نهاية خلي ضميرك يشتغل أنتي في إيدك تصلحي كل حاجة في إيدك تدعي ربنا إنه يخلصك من الهم اللي أنتي فيه دا نصيحة مني كا أخت أو اعتبري ياستي كا أم وشوفي خوف الأم على ولادها بيبقى إزاي . اكسبي نفسك واكسبي حب ورضا ربنا عليكي واكسبي ثقة أهلك اللي حاطين فيكي أمل كبير. وهو لو شخص كويس وبيحبك من قلبه أول ما يخلص حياته هيجي ويتقدملك على طول ويحاول معاكي علشان ميخسركيش! أتمنى إنك تقبلي النصيحة علشان مش هتلاقي حد يقولهالك وهتفضلي مكملة في قرف انتي ف غنا عنه .

زي ما انتوا متعودين معايا . المسدجات دي بتقعد يوم بس يكون كل واحد شاف المسدج بتاعته وبتتمسح . الهدف منه فضفضة واستفادة وأنا شخصيا بستفاد . لكن الغرض الرئيسي هو القناة والمحتوى علشان محدش يضايق وشكرا لمتابعتكم كلكم 🤍

الناس صحيت تاني تقريبا من نبرنا عليهم!😂

بصي دا بيعتمد على حبه عليكي . لو انتي واثقة منه وفي حبه مفيش راجل في الدنيا يقبل إن حبيبته أو خطيبته أو مراته يبقى ليها علاقة بحد دا الطبيعي . وأنت بتقولي عايز يتقدملك يعني شاريكي وزمايلك أصلا أصلا من نفسهم لازم يقطعوا معاكي لما تتخطبي احتراما للراجل اللي في حياتك ودي مفيهاش زعل . الإنسان لما بيحب بيكتفي باللي بيحبه وبس فهمتيني؟! إنما متبقيش مش واثقة منه ولا من اي حاجه وهو يبقى مجرد عايز يتحكم ويفرد سيطرته وخلاص وتخسري الناس علشانه أنا ضد دا جدا .

بالنسبة ليا ك بسنت طبعا 👌🏻 بس لو هو كويس أنت احتوي الموقف بالطريقة . زي ما قلتلك اشتغلي على نفسك أنت في أي حاجة إن شاءالله لو تتعلمي أكله جديدة وتثبتيله إنك مش إنسانة فارغة بالعكس أنت أدتيله أكبر من حجمه وزيادة وفي اللحظة دي هتعرفي هو شخص شاريكي ولا عايز واحدة لرغباته وخلاص .. وصدقيني محدش بيموت علشان حد كلها مجرد أيام زعل والحياة بتنسي . ربنا يصلحلك حالك يارب ويوفقك في حياتك اللهم آمين 🤲🏻🤍

ما بين كل المسدجات دي أكتر مسدج هزتني . - عارفة . أنا أعرف واحدة كانت مع شخص تقريبا خلته محور حياتها ومكنتش عايزة منه غير أنه يهتم بيها برضو وكان بيقولها كدا كتير أنتي علشان فاضية مش حاسة بحاجة . البنت دي فاقت لنفسها وأدركت إن حياتها مينفعش تقتصر على حد وإن لازم يبقى ليها كارير وبالفعل اشتغلت على نفسها في مدة لا تذكر لو قلتلك أقل من شهر هتقولي إني ببالغ . البنت دي مبقاش عندها وقت حتى أنها تفكر فيه وهو كلمها وقالها إن حياتها الجديدة هتشغلها عنه الشخص دا محبش أنها تبني لنفسها حياة خاصة بيها وتبقى مشغولة في حاجة أهم منه . - عايزة أقولك إن الراجل بطبعه عايز الست تبقى فاضية على مزاجه ولما يقصر يلوم عليها بحجة أن عندها فراغ في حياتها مهما كان بينهم حب قوي بس دا الي بيحصل . - جربي تعملي مشروع لنفسك شوفي موهبتك اشتغلي على نفسك ظبطي جسمك اهتمي بوشك بلبسك بطريقة حياتك لو عندك عيوب حاولي تغيريها شوفي اي اللي فيكي عايز يتعدل واشتغلي عليه وطول ما أنت فوق لو بيحبك بجد هيقف جمبك وهيساعدك تعلي حتى لو عليه . لو للحظة واحدة حستي أنه عايز ينزلك اهربي بسرعة وانجدي نفسك بنفسك ويغور الحب اللي في قلة قيمة للنفس كدا ..

ربنا يريح بالك دايما 🤲🏻 كلنا أسباب في حياة بعض كلها تدابير من ربنا علشان نعرف نكمل حياتنا . أنا مش عارفة أحدد أنت مين في المسدجات دي بس أنا سعيدة إني قدرت أفيدك 🤍

دا تتفي على خلقته وتديله بالجزمة عذرا يعني بعض الرجال محتاجة تربية علشان بييجوا عالبنات كتير . هقولك اي يبنتي اعتبريه هوا . لو قرأتي أي مسدج من اللي فوق هتلاقيني بقول ابعدوا عن أي حاجة فيها وجع دماغ ليكم. ودا قريبك والمشاكل مش هتخلص ولا انتي هتقدري تتعافي من أذاه ليكي طول العمر مهما حاولتي تنسيه .

لا لا الناس 😂😂😂😂😂 أنا استغربت برضو😂😂😂

والله أنا ممتنة للكلام الجميل دا بجد شكرا يعني . وإن شاءالله تفضل القناة عاجباكم على طول وتساعدوني أوصل لحلمي 🥺🤍

خلاص وضحيلها الصح لو هيا تستاهل علشان ميبقاش في خلاف بينكم . وطبيعي يبقى دا موقفها علشان هيا فاهمة غلط وبلاش شغل التلقيحات بقى إحنا ناس كبيرة وواعية مش كدا .

أنا قعدت كتير بحاول استوعب أنت ليه عملتي كدا! بس أكيد الظروف أقوى من أي إنسان . متعرفيش الخير فين أكيد ربنا شايلك أيامك الحلوة علشان تعيشيها مع بنتك أكيد هو مأجلك الفرح والهنا علشان تعيشي كل اللحظات الحلوة معاها وتبقى هيا سندك وعوض من ربنا ليكي ولقلبك . اوعي تستلمي لأي حزن حاولي تحبي وترضي بحياتك قولي الحمدلله طول ما أنت قاعدة قوليله يارب أنا بحمدك راضيني واجبر بخاطري ربنا مبيرضاش بالظلم ودايما شايل لكل حد فينا الخير بس هيدهوله في وقته 🤍 ربنا يهون عليكي ويراضيكي ويقومك بالسلامة يارب أنت وخليفتك ويجعلها ذرية صالحة ليكي يارب 🤲🏻🤍

دا بقى الشيطان عايز يهيألك إن مهما حاولت تصلح ربنا مش هيتقبل منك حاجة علشان يوهمك إن طالما كدا كدا مش مقبولك صلاة ولا دعاء فكمل بقى فالغلط اللي بتعمله وذنب بذنب . ودا أكبر غلط وأكبر جريمة في حق نفسك . طول ما النية جواك بجد ربنا هيساعدك يمكن استحياءك من ربنا إنك ارتكبت الخطأ دا مخليك مش قادر تواجهه بس لازم تعمل كدا . المهم إنك تعافر علشان تبطل دا مش تستسلم . متندمش وترجع لنفس الغلط متخليش نفسك هيا اللي متغلبة عليك اتغلب أنت عليها وعلى شيطانك وعافر علشان تقف قدام ربنا وأنت بنفس راضية ومرتاحة أنا واقف قدامك وأنا حاربت علشان مغضبكش ونجحت . أدعي لنفسك كتير في كل وقت صلي كل الفروض في أي وقت صلي ركعتين لله بنية إن ربنا يساعدك وينجيك من اللي أنت فيه ويرشدك للطريق الصحيح . حتى لو أنت مش قادر تعمل كدا قوم مرة مع مرة هتلاقي الدنيا بتتيسر معاك وهتلاقي ألف باب من عند ربنا اتفتحلك علشان تبدأ حياتك بإنسان جديد ونضيف بيخاف ربنه وبيسيطر على شه*وا*ته مهما كان نوعها أي .

إزاي ملكيش فيه وأنت عارفة إنها بتلقح عليكي وواثقة كدا . أما أنتو يا بنات عليكم شوية حركات 😂🤔 التصرف الوحيد إنك تعملي مش شايفة أو لو هيا شخص يصعب التعامل معاه فالبعد عن الناس غنيمة لو أنت إنسانة هادية بطبيعة حياتك يبقى اطرديها برا حياتك مش مهم الناس المهم أنت قدام ربنا ونفسك إنك مبتعمليش حاجة تئذي غيرك 🤍

مفيش أحسن من قولة يارب . هو اللي شايف وسامع وحاسس وعالم بكل حاجة . اللي في إيدك أنك بتعد/ي عن أي حد كان مصدر أذى ليك/ي والله مهما عدت الأيام والسنين هيتوجع وربنا مبيسيبش . التصرف الصح إن الشخصا يبقى برا حياتك ومعموله بلوك من أي جهة ممكن يخش منها .

بعد العيد هشوفه أكيد 😂 يارب اللهم آمين 🤲🏻🌸