ڤِينْكَا

صباح الخير كل اللي جاي خير🤍

مبختفيش عنكم إلا للشديد القوي🌚 امتحانات وتخرج ودكاترة حاطة علينا وأهي ماشية😂🥲💔 ربنا ينجح كل الطلاب يارب وكل الخريجين يخلصوا على خير ادعولنا🤍

أنا لا بحب زي اللي بيحبوا ولا بشرب شاي زي اللي بيشربوا ولا بذاكر زي اللي بيذاكروا مبنامش لي بقا ؟! 🥲🤦🏻‍♀

كل الناس عندها أفكار في رأسها إلا أنا؛ - عندي رأس في أفكاري ..! بسنت سيد .

نفسي اتقطع من كتر المحاولة مش قادر أقاوم سقوطي . بسنت سيد .

فشلت في المواجهة . أنا دلوقتي بقيت أهرب من كل حاجة . بسنت سيد .

الفراغات الوحيدة اللي في حياتي متمناش أنها تتملي أبدا حوض المواعين باسكت الغسيل باسكت الزبالة ملجأ كل الهدوم كرسي الأوضة . بسنت سيد .

صدق محمود درويش حينما قال: •• وحدي كنت وحدي عندما قاومت وحدي وحدت الروح الأخيرة . - يعز علىٰ المرء تركهِ وحيدًا بين تلك الندوبات . - فحرمان الشيء أفضل من وجوده معدومًا ..! بسنت سيد .

بصراحة بقا كدا أنا مش عايزة أبقى ست ليها كارير . أنا عايزة أبقى ست بيت . بسنت سيد .

لا تفقد الأمل . - فالشمس تشرق لتنير عتمة المساء . بسنت سيد .

انتظرت كثيرًا؛ لقد أخبرني بأنه سوف يعود . - والآن بينتهي عمري وهو ما عاد ..! بسنت سيد .

الفلوس كل حاجة ي جماعة كداب اللي يقول مش كل حاجة! أنت لو معاك فلوس هتقدر تتجوز البنت اللي بتحبها في شهر مش هتشقى ويطلع عينك سنين وفي الآخر مش ضامن أبوها يديهالك ولا لأ عشان يدوب مرتبك مكفيك بالعافية هو مش هيديلك بنته تشقيها معاك . لو معاك فلوس هتقدر تعمل عمرة تغير من نفسيتك، تسافر أي بلد أنت عايزها وتقعد قدام الطبيعة بعيد عن أي دوشة العالم . كداب اللي يقولك الحب والسعادة مبيجوش بالفلوس لا! - إحنا بنعيش واقع حياتنا مش حياة اللي قبلنا اللي كانوا قادرين يعيشوها بمشاعرهم بس . - اسعى يبقى معاك فلوس تسندك تشتري بيها راحتك وسعادتك وحياتك، مش علشان تشتري العالم والناس عشان نفسك ..! بسنت سيد .

فرصة البني آدم مبتجيش مرة واحدة بس . رصيد فرصك في الحياة مبيخلصش . مش كل رغبة عوزناها جتلنا وراحت لأي سبب نقول عليها كانت الفرصة الوحيدة وراحت ..! - لأ دي مش فرصة؛ دي تجربة ليك تعلمك إزاي تتعامل مع الفرصة الحقيقية علشان لما تيجي متضيعهاش بقلة خبرتك . - عُمر الرفض ما كان نهاية العالم، الرفض دايما إشارة للاتجاه في الطريق الصحيح اللي كان لازم نمشي فيه من البداية ..! بسنت سيد .

يارب أتجوز شاعر علشان كل ما أزعل منه يجيبني بكلمتين . بسنت سيد .

«رسالة 504» - مش مهم بدأنا إمتى . المهم إننا خدنا الخطوة . - مش مهم إننا نغلط كتير . المهم إننا نتعلم . - مش مهم نترفض من العالم . المهم إننا نتقبل نفسنا بثقة . - مش مهم نعجب حد . المهم إننا متصنعش ونحب نفسنا زي ما إحنا . بسنت سيد .

وكإنِك حدوتة نهايتها في بيت الأمير .! بسنت سيد .

ليتَ النجوم تُرسِل لك أحَاديثي اللّيليَة معُها عنك . بسنت سيد .

لقد اعتدتُ علىٰ الكتمان؛ لا أعلم هذا يُرضي أفكاري أم يؤذيها ..! لكنني أعلم أن في النهاية هذا الحزن العميق سيتحول إلى رمادٍ يومًا ما . - ربما بعد عامٍ أو شهرٍ أو يومٍ - أو ربما غدًا . بسنت سيد .

مش مهم حياتنا فيها إيه، المهم حياتنا فيها مين ينسينا حياتنا فيها إيه! بسنت سيد .