ڤِينْكَا

مفيش أحسن من إن الواحد يعيش لنفسه ولأهدافه ولنجاحه ولكاريره اللي بيسعى علشان يبنيه صح . مفيش أفضل من إن الإنسان مينتظرش حاجة من حد قريب كان أم غريب إذ كان حب، إهتمام، صداقة، حنية، ... إلخ . طول ما أنت بطولك هتقدر تعمل كل حاجة لا تستنى مقابل ولا تستنى أي حاجة تحصل . عيش لنفسك، لسعادتك، لأحلامك، لراحتك، عيش ليك أنت زي ما أنت عايز المهم تبقى سعيد🤍 بسنت سيد .

مساء الخير يا حلوين🌚🤍 حابة أقول لفانزات إسكندرية إن أنا موجودة ومعرفش همشي امتا . بتمنى من كل اللي أتشرفت بمعرفتهم من اسكندرية نتقابل وناخد صورة للذكرىٰ🤍 بحب أستغل كل فرصة بتجيلي مع إن عارفة إن الحياة كلها فرص لكن ولو 😂 هستناكم تبعتولي🤍 @passantsayed

كل واحد ليه ظروف مختلفة . الطبيعي إن الأهل بيخافوا على عيالهم وأوقات كتير بيبقوا زي الدبة اللي قتلت صاحبها من كتر خوفهم الزايد ولكن كله بدافع الحب في الحالة دي ٩٨٪ من الأبناء بيترجموا المشاعر دي بطريقة غلط جدا جدا . لكن الاستثنائيات بتاعة الأهل المتسلطين والأنانيين دول أنا مقدرش أقول فيها ولا أقيد فكرة إن البنت تنفصل عن أهلها برضو لأن في الأول وفي الآخر إحنا عايشين في مجتمع نافر المطلقين فيه أكنهم عار عالمجتمع ما بالك لو بنت طفشط محدش هيستوعب الحياة الكريهة اللي أنت فيها . دي الفكرة كلها ساعات كتير مننا بنضطر نتعايش مع وضع إحنا مش حابينه لمجرد إن مفيش مفر تاني غير حل أو معجزة من عند ربنا يخلصنا من اللي إحنا فيه 🙆🏻‍♀

لا وجهة نظر حضرتك ليها قيمة جدا طبعا . الحقيقة إن في أفكار كتير كويسة ومحتاجة إمكانيات ومجهود برا عن الفلوس تماما هي خارج النطاق . الفكرة إن مفيش عندي وقت أعمل حاجة لأني حاليا مشغولة بحاجات تانية تبع الدراسة وتبع حياتي عمتا ويدوبك بشوف أهلي بالصدفة كدا😂 في كذا حد قالي على كذا فكرة والأفكار الجديدة والمختلفة بتشجعني إني مكسلش في حاجة وأسعى إني اظبط دنيتي تدريجيا ولحين دا ما يحصل أنا مازلت مستمرة في أكتر حاجة بحبها في حياتي وهي الكتابة بس🤍

أنا جاية أثير الجدل وأقول إن الشكولاتة طعمها وحش ومتتاكلش حقيقي . بسنت سيد .

http://passant213.sarhne.com فككو من القناة ومن صاحبة القناة يلا نفضفض ونلعب ونتسلى يمكن شغف الواحد يرجع لما يروح البحر😂🥲 Waiting for you🤍

أيجمعُنا لقاءً آخر؟! أَلِي فرصة استنشقُ من نسيمِ هواءِكَ القادِم إلىٰ قلبي؟! بسنت سيد .

!!

لا يوجد شيء في تلك الحياة يدفعني للأمام ولكني أقاتل أملًا بأن أنال ما أتمنىٰ يومًا ما . بسنت سيد .

مينفعش نعمل مقارنة بين إحساس العجز وفقدان الشغف تجاه كل حاجة . - أنت لما بتفقد الشغف دا شعور نابع من جواك سواء بسبب أو من غير سبب فمش بتعمل اللي أنت عايزه لحين يرجع شغفك وتبقى أقوى . - لكن العجز إن يبقى قدامك كل الفرص اللي تدفعك تتقدم في كفة بمقابلها كفة تانية جبراك تقف مكانك فتضطر على التأقلم مع الوضع بكل أسف وذل . بسنت سيد .

لم تعُد الأمور مهمة؛ فأنا سأظل مشبثةً بِأهدافي .

لقد تيقنت بأن ما أريده لا يريدني لذا سألتزم الصمت خوفًا من أن يشعر بي أحد عن ما يمر بداخلي من خراب . بسنت سيد .

الطبخ دا مهارة . لو الكل بيعرف يعمله فمش كله نفسه حلو فيه! أصحوا للكلام اللي جاي محشي وحمام . بسنت سيد .

لا بأس إن عجز الفم عن بوح ما أحمله لك من حبٍ؛ فهناك عينٌ لا تستطيع العجز عن التعبير . بسنت سيد .

إزيكم يا بطابيط🤍 اليومين اللي فاتوا دول أنا بحاول أبقى أكتيڤ أكتر تعويضًا للأيام اللي عدت . الحقيقة إن أنا حاسة بإحساس غريب أوي أول مرة أحسه بتمكن . أنا هادية جدا وبقيت مسالمة جدا فجأة، وبقيت بحن لكل الناس اللي بحبهم ومش معايا وكمان عايزة أدخل أكلمهم وكأني هودعهم! بقيت أنزل ألف في كل الشوارع اللي بحبها وأسرح في سماء ربنا مع الهوا، عايزة أشوف كل صحابي وأسمع ضحكتهم وأخد صورة معاهم، طلعت النوتات بتاعتي برا بعد ما كنت مخبياهم علشان فيهم أسراري! حاسة إن الموت قرب أو هو حواليا مش عارفة! حاسة بسكينة في قلبي جامدة مع إن الوضع خراب! حاسة إني عايزة يبقى ليا ذكرى بيني وبينكم علشان تفتكروني دايما! تفتكروا دا من إيه؟ حد عنده إجابة؟

خايفة أحاول وأخرب الدنيا أكتر ما هي خربانة . وخايفة محاولش أضيع من إيدي فرصة إني أعيش مرتاحة . أنا مش عارفة حاجة! بسنت سيد .

مساء الخير يا جماعة . بنك التطوع المصري تبع وزارة التضامن الاجتماعى محتاج متطوعين . المهم اللي هيتطوع يكون لسا بيدرس مش متخرج أو في مدرسة . @passantsayed اللي حابب يعرف تفاصيل عن التطوع يكلمني 🤍

حضن أمي اللي بعيط فيه أكبر بكتير من وسع العالم دا كله . بسنت سيد .

الوجع اللي بجد إنك تعيش عمرك كله في حزن من نفس الشخص مفيش تغيير . تخيل شخص واحد بس قادر يخليك مبسوط وحزين! بسنت سيد .

شكرا أوي بجد🤍 بس أنا سمعت ناس كتير ممكن أعرف أنت مين فيهم؟🤍